განაჩენი

საქმე N340100119002865068

№1/24-19

გ ა ნ ა ჩ ე ნ ი

საქართველოს სახელით

18 მარტი, 2019 წელი ქ. გურჯაანი

გურჯაანის რაიონული სასამართლო

მოსამართლე დავით ნარიმანიშვილმა

ანნა მათიაშვილის სხდომის მდივნობით

სახელმწიფო ბრალმდებლის, გურჯაანის რაიონული პროკურატურის პროკურორის თინათინ ზუბაშვილის

ბრალდებულ - შა-–-- ძე----–---–ის

ადვოკატ - ნო–------ ქე-–----–---–ის

 

მონაწილეობით ღია სასამართლო სხდომაზე განიხილა სისხლის სამართლის საქმე (გამოძიების №0-----------)

 

ბრალდებული: შა-–-- ძე----–---–ი

მამის სახელი: ალ----

დაბადებული: 1----–-–-------------

პირადი ნომერი: 1----------

მოქალაქეობა: საქართველო

განათლება: საშუალო

ნასამართლეობა: ნასამართლობის არ მქონე

რეგისტრირებული: გურჯაანის მუნიციპალიტეტი, სოფელი ყი-----ი

ფაქტობრივად მცხოვრები: გურჯაანის მუნიციპალიტეტი, სოფელი ყი-----ი

პასუხისგებაში მიცემის მუხლი: საქართველოს სისხლის სამართლის კოდექსის 1261-ე მუხლის პირველი ნაწილით.

კვალიფიკაცია: შა-–-- ძე----–---–ს ბრალი ედება მასში, რომ ჩაიდინა ოჯახის ერთი წევრის მიერ ოჯახის სხვა წევრის მიმართ ძალადობა, სისტემატიური შეურაცხყოფა, შანტაჟი ან დამცირება, რამაც გამოიწვია ფიზიკური ტკივილი და ტანჯვა და რასაც არ მოჰყოლია საქართველოს სსკ-ის 117-ე, 118-ე და 120-ე მუხლით გათვალისწინებული შედეგი.

მის მიერ ჩადენილი ქმედება გამოიხატა შემდეგში: 2018 წლის ივნისიდან, შა-–-- ძე----–---–ი, გურჯაანის რაიონის სოფელ ყი-----ში, თავის საცხოვრებელ ბინაში, თანაცხოვრების პერიოდში, გენდერული შეუწყნარებლობის მოტივით სისტემატიურ სიტყვიერ შეურაცხყოფას აყენებდა მეუღლეს სა--- ფო-–----–---–ს. კერძოდ, ეუბნებოდა, რომ იყო ნივთი, უნდა ეკეთებინა მხოლოდ საოჯახო საქმეები და უსიტყვოდ დამორჩილებოდა და შეესრულებინა მისი ნებისმიერი მოთხოვნა. აღნიშნული მოტივით, შა-–-- ძე----–---–ი სისტემატიურად აგინებდა და უშვერი სიტყვებით მოიხსენიებდა სა--- ფო-–----–---–ს, რომელიც განიცდიდა ტანჯვას.

 

შა-–-- ძე----–---–ი 2019 წლის 28 იანვარს 18:05 საათზე დააკავეს და 2019 წლის 29 იანვარს წარედგინა ბრალი საქართველოს სისხლის სამართლის კოდექსის 1261 მუხლის პირველი ნაწილით.

 

აღწერილობით-სამოტივაციო ნაწილი

 

სასამართლომ დაადგინა:

 

2018 წლის ივნისიდან, შა-–-- ძე----–---–ი, გურჯაანის რაიონის სოფელ ყი-----ში, თავის საცხოვრებელ ბინაში, თანაცხოვრების პერიოდში, სისტემატიურ სიტყვიერ შეურაცხყოფას აყენებდა მეუღლეს სა--- ფო-–----–---–ს. შა-–-- ძე----–---–ი სისტემატიურად აგინებდა და უშვერი სიტყვებით მოიხსენიებდა სა--- ფო-–----–---–ს, რომელიც განიცდიდა ტანჯვას.

 

სასამართლომ ვერ დაადგინა:

 

მხარეთა მიერ უდავოდ მიჩნეული მტკიცებულებების ერთობლიობით, არ დადასტურდა, რომ შა-–-- ძე----–---–ის მიერ განხორციელებული შეურაცხყოფის მოტივი გენდერული ნიშნით შეუწყნარებლობა იყო.

 

ქმედების სამართლებრივი აღწერა

 

ოჯახის ერთი წევრის მიერ სხვა წევრის მიმართ სისტემატიური სიტყვიერი შეურაცხყოფა, რამაც გამოიწვია ტანჯვა.

 

მხარეთა მიერ შეთანხმებული უდავო ფაქტობრივი გარემოებებით, კერძოდ, დაზარალებულ სა--- ფო-–----–---–ის, მოწმეების - ლა–- ნა---–---–ის, ივ--- ნა---–---–ის, ან-- პო--------ის, თავად ბრალდებულ შა-–-- ძე----–---–ის ჩვენებებით, შემაკავებელი ორდერით და ორდერის ოქმით და სხვა დოკუმენტებით, რომლებიც საქართველოს სისხლის სამართლის საპროცესო კოდექსის 73-ე მუხლის „დ“ ქვეპუნქტის საფუძველზე სასამართლოს მიერ მიღებული იქნა გამოკვლევის გარეშე, დასტურდება, რომ შა-–-- ძე----–---–ი სისტემატიურ სიტყვიერ შეურაცხყოფას აყენებდა მეუღლეს სა--- ფო-–----–---–ს, რომელიც აღნიშნული შეურაცხყოფის გამო განიცდიდა ტანჯვას.

 

საქართველოს სისხლის სამართლის კოდექსის 1261 მუხლის შენიშვნის თანახმად, ამ მუხლის მიზნებისათვის ოჯახის წევრად ითვლება: მეუღლე, დედა, მამა, პაპა, ბებია, შვილი (გერი), შვილობილი, მშვილებელი, მშვილებლის მეუღლე, ნაშვილები, მიმღები ოჯახი (დედობილი, მამობილი), მეურვე, შვილიშვილი, და, ძმა, მეუღლის მშობლები, სიძე, რძალი, ყოფილი მეუღლე, აგრეთვე პირები, რომლებიც მუდმივად ეწევიან ან ეწეოდნენ ერთიან საოჯახო მეურნეობას.

 

ზემოაღნიშნული მუხლით გათვალისწინებულ შურაცხყოფაში შეიძლება ჩაითვალოს ნებისმიერი სახის სიტყვიერი შეურაცხყოფა, ლანძღვა, უშვერი სიტყვებით მოხსენიება, დამამცირებელი მიმართვა. ამგვარი შეურაცხყოფა 1261-მუხლით გათვალისწინებული დანაშაულის შემადგენლობას მხოლოდ იმ შემთხვევაში შექმნის, თუკი მას აქვს სისტემატიური ხასიათი და ამავდროულად დაზარალებულის ტანჯვას იწვევს.

 

ამასთან მნიშვნელოვანია, რომ ზემოაღნიშნულმა ქმედებებმა არ გამოიწვიოს საქართველოს სისხლის სამართლის კოდექსის 118-ე, 118-ე ან 120-ე მუხლით გათვალისწინებული შედეგი.

ამდენად, სასამართლოს დადასტურებულად მიაჩნია, რომ შა-–-- ძე----–---–მა ჩაიდინა ოჯახის ერთი წევრის მიერ სხვა წევრის მიმართ სისტემატიური სიტყვიერი შეურაცხყოფა, რამაც დაზარალებულის ტანჯვა გამოიწვია.

 

სამართლებრივი შეფასება

 

სასამართლოზე ბრალდების მხარის მიერ წარმოდგენილი მტკიცებულებათა შეფასებისა და ანალიზის საფუძველზე, რომელიც მხარეთა მიერ უდავოდ იქნა მიჩნეული, სასამართლოს დადასტურებულად მიაჩნია, რომ შა-–-- ძე----–---–მა ჩაიდინა ოჯახის ერთი წევრის მიერ სხვა წევრის მიმართ სისტემატიური სიტყვიერი შეურაცხყოფა, რამაც დაზარალებულის ტანჯვა გამოიწვია და რასაც არ მოჰყოლია სსკ-ის 118-ე, 118-ე ან 120-ე მუხლით გათვალისწინებული შედეგი. დანაშაული გათვალისწინებული საქართველოს სისხლის სამართლის კოდექსის 1261-ე მუხლის პირველი ნაწილით.

 

პასუხისმგებლობის შემამსუბუქებელი და დამამძიმებელი გარემოებები

 

შა-–-- ძე----–---–ის პასუხისმგებლობის შემამსუბუქებელი გარემოებაა მის მიერ ჩადენილი ქმედების აღიარება. ხოლო პასუხიმგებლობის დამამძიმებელი გარემოება საქმის მასალების მიხედვით არ გამოვლენილა. სასამართლოში არსებითი განხილვის სხდომაზე არ დადასტურდა ბრალდებულის მიერ ქმედების გენდერული ნიშნით შეუწყნარებლობის მოტივით ჩადენა.

 

სასჯელის ან სხვა ღონისძიების დასაბუთება

 

სასამართლო სასჯელის დანიშვნისას ითვალისწინებს დანაშაულის ჩადენის მოტივსა და მიზანს, ქმედებაში გამოვლენილ მართლსაწინააღმდეგობას მოვალეობათა დარღვევის ხასიათსა და ზომას, ქმედების განხორციელების სახეს, ხერხს და მართლსაწინააღმდეგო შედეგს, ასევე ბრალდებულების პიროვნებას.

 

შა-–-- ძე----–---–ის მიერ ჩადენილი დანაშაული ისჯება საზოგადოებისათვის სასარგებლო შრომით ვადით ოთხმოციდან ას ორმოცდაათ საათამდე ან თავისუფლების აღკვეთით ვადით ორ წლამდე, იარაღთან დაკავშირებული უფლებების შეზღუდვით ან უამისოდ.

 

სასამართლო სასჯელის დანიშვნისას ყურადღებას მიაქცევს სასჯელის მიზნების რეალურად შესრულებას, რაც უკავშირდება სამართლიანობის აღდგენას, ახალი დანაშაულის თავიდან აცილებას და დანაშაულის ჩამდენი პირის რესოციალიზაციას. მოცემულ შემთხვევაში რადგან ქმედებას აქვს სისტემატიური ხასიათი, აშკარაა, რომ სასჯელის მიზნების შესრულებისათვის საჭიროა სასჯელის ეფექტური ღონისძიების გამოყენება.

 

სასჯელის დანიშვნისას სასამართლო ასევე ითვალისწინებს ბრალდებულის ასაკს - შა-–-- ძე----–---–ი არის 61 წლის, ბრალდებულის მიერ ჩადენილი დანაშაულის გულწრფელ აღიარებას და მონანიებას, ასევე იმ გარემოებას, რომ ბრალდებული წარსულში ნასამართლევი არ არის არცერთი კატეგორიის დანაშაულის ჩადენისთვის. ყოველივე ზემოაღნიშნულის გათვალისწინებით, ასევე იმ გარემოებაზე დაყრდნობით, რომ ბრალდებულმა ითანამშრომლა გამოძიებასთან, სასამართლოს მიაჩნია, რომ შა-–-- ძე----–---–ის მიმართ შესაძლებელია საქართველოს სისხლის სამართლის კოდექსის 63-64-ე მუხლებით გათვალისწინებული შეღავათების გამოყენება.

 

ნივთმტკიცება, ყადაღა ან სხვა საკითხები

 

შა-–-- ძე----–---–ს გურჯაანის რაიონული სასამართლოს 2019 წლის 31 იანვრის განჩინებით აღკვეთის ღონისძიების სახით შეერჩა გირაო 1000 (სამი ათასი) ლარი, გირაოს სრულ გადახდამდე დარჩა პატიმრობაში.

 

ამავე დღეს შა-–-- ძე----–---–ის მიმართ შეფარდებული აღკვეთის ღონისძიების გირაოს უზრუნველყოფის მიზნით ყადაღა დაედო ია---- ძე----–---–ის (პირადი N1----------) სახელზე რიცხული უძრავი ქონების - სასოფლო-სამეურნეო დანიშნულების მიწის ნაკვეთის, რომელიც მდებარეობს გურჯაანის მუნიციპალიტეტის სოფელ გურჯაანში, 2-------------, საკადასტრო კოდი 5-----------; ნაკვეთის საკუთრების ტიპი: საკუთრება, დაზუსტებული ფართობი 5--.00 კვ. მეტრი. შენობა-ნაგებობების ჩამონათვალი: N1, რომლის საბაზრო ღირებულება შეადგენს 5500 (ხუთი ათას ხუთასი) ლარს, გირაოს ფულადი თანხის - 1000 (ათასი) ლარის ეკვივალენტურ წილს.

 

სარეზოლუციო ნაწილი:

 

სასამართლომ იხელმძღვანელა რა საქართველოს სისხლის სამართლის საპროცესო კოდექსის 73-ე, 258-ე, 260-ე, 269-ე, 271- 274-ე, 277-ე, 292-293-ე მუხლებით

 

დ ა ა დ გ ი ნ ა:

 

შა-–-- ძე----–---–ი ცნობილი იქნეს დამნაშავედ საქართველოს სისხლის სამართლის კოდექსის 1261 მუხლის პირველი ნაწილით და ძირითადი სასჯელის სახედ და ზომად დაენიშნოს თავისუფლების აღკვეთა 6 (ექვსი) თვე, რაც საქართველოს სისხლის სამართლის კოდექსის 63-64-ე მუხლების საფუძველზე შეეცვალოს პირობით მსჯავრად და გამოსაცდელ ვადად დაენიშნოს 1 (ერთი) წელი.

 

აღკვეთის ღონისძიება გირაო გაუქმდეს და შა-–-- ძე----–---–ის (პირადი N1----------) მიმართ შერჩეული აღკვეთის ღონისძიების გირაოს უზრუნველყოფის მიზნით ია---- ძე----–---–ის (პირადი N1----------) სახელზე რიცხული უძრავი ქონების - სასოფლო-სამეურნეო დანიშნულების მიწის ნაკვეთის, რომელიც მდებარეობს გურჯაანის მუნიციპალიტეტის სოფელ გურჯაანში, 2-------------, საკადასტრო კოდი 5-----------; ნაკვეთის საკუთრების ტიპი: საკუთრება, დაზუსტებული ფართობი 5--.00 კვ. მეტრი. შენობა-ნაგებობების ჩამონათვალი: N1, რომლის საბაზრო ღირებულება შეადგენს 5500 (ხუთი ათას ხუთასი) ლარს, გირაოს ფულადი თანხის - 1000 (ათასი) ლარის ეკვივალენტურ წილს განაჩენის კანონიერ ძალაში შესვლიდან ერთი თვის ვადაში მოეხსნას გურჯაანის რაიონული სასამართლოს 2019 წლის 31 იანვრის განჩინებით დადებული ყადაღა და დაუბრუნდეს მესაკუთრეს.

 

შა-–-- ძე----–---–ს სასჯელის მოხდის ვადაში ჩაეთვალოს პატიმრობაში ყოფნის დრო - 2019 წლის 28 იანვრის 18:05 საათიდან 2019 წლის 31 იანვრის ჩათვლით.

 

მსჯავრდებულის ყოფაქცევაზე კონტროლი დაევალოს კახეთის პრობაციის ბიუროს. რომელსაც საცხოვრებელი ადგილის შეცვლის შემთხვევაში დაუყოვნებლივ აცნობოს პირობით მსჯავრდებულმა.

 

განაჩენი შევიდეს კანონიერ ძალაში და აღსრულდეს.

 

მხარეებს განაჩენის გამოცხადებიდან ერთი თვის ვადაში უფლება აქვთ გურჯაანის რაიონული სასამართლოს მეშვეობით თბილისის სააპელაციო სასამართლოში წარადგინოს საჩივარი ამ განაჩენის გაუქმების თაობაზე.

 

მოსამართლე დავით ნარიმანიშვილი