თვითმმართველი ქალაქი რუსთავის ქონების აუქციონის ფორმით პრივატიზების/სარგებლობით გადაცემის წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელი მოწმობის ფორმის დამტკიცების შესახებ

„ ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე- 2 პუნქტის „ ვ“ ქვეპუნქტის, 43- ე მუხლის მე- 2 პუნქტის,„ ადგილობრივი თვითმმართველი ერთეულის ქონების შესახებ“ საქართველოს კანონის 19¹ მუხლის მე-13 პუნქტის, 19⁴ მუხლის მე-2 პუნქტის და „ სახელმწიფო ქონების“ შესახებ „ საქართველოს კანონის და „ნ ორმატიული აქტების შესახებ“ საქართველოს კანონის 25 -ე მუხლის შესაბამისად, თვითმმართველი ქალაქი რუსთავის საკრებულო ადგენს:

მუხლი 1

დამტკიცდეს თვითმმართველი ქალაქი რუსთავის ქონების აუქციონის ფორმით პრივატიზების და სარგებლობის უფლებით გადაცემის წესი ( დანართი 1) .

მუხლი 2

დამტკიცდეს თვითმმართველი ქალაქი რუსთავის ქონების აუქციონის ( პირობით და პირობების გარეშე) ფორმით პრივატიზებისას აუქციონში გამარჯვების დამადასტურებელი ოქმების ტიპური ფორმები ( დანართი 2, დანართი 3 და დანართი 4) .

მუხლი 3

დამტკიცდეს თვითმმართველი ქალაქი რუსთავის ქონების საკუთრებაში გადაცემისას საკუთრების დამადასტურებელ მოწმობის ფორმა ( დანართი 5).

მუხლი 4

ძალადაკარგულად გამოცხადდეს „ თვითმმართველი ქალაქი რუსთავის ქონების აუქციონის ფორმით პრივატიზების წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელი მოწმობის ფორმის დამტკიცების შესახებ“ თვითმმართველი ქალაქი რუსთავის საკრებულოს 2010 წლის 13 აგვისტოს №15 დადგენილება

მუხლი 5

დადგენილება ძალაშია გამოქვეყნებისთანავე.

საკრებულოს თავმჯდომარის

მოვალეობის შემსრულებელი კ . ბარათაშვილი

დანართი 1

თვითმმართველი ქალაქი რუსთავის ქონების აუქციონის ფორმით პრივატიზების და სარგებლობის უფლებით გადაცემის

წ ე ს ი

მუხლი 1. ზოგადი დებულებები

1. თვითმმართველი ერთეულის ქონების ფლობის, განკარგვის და ქონებით სარგებლობის, მათ შორის, ელექტრონული აუქციონის ჩატარების წესებს თვითმმართველი ერთეულის აღმასრულებელი ორგანოს წინადადებით, რომლის საერთო ხელმძღვანელია საკრებულოს თავმჯდომარე, საქართველოს კანონმდებლობით დადგენილი წესით ადგენს თვითმმართველი ერთეულის წარმომადგენლობითი ორგანო – საკრებულო.

2. ეს წესი შემუშავებულია „ ადგილობრივი თვითმმართველობის შესახებ“ საქართველოს ორგანული კანონის,„ ადგილობრივი თვითმმართველი ერთეულის ქონების შესახებ“ საქართველოს კანონის და „ სახელმწიფო ქონების შესახებ“ საქართველოს კანონის შესაბამისად და განსაზღვრავს თვითმმართველი ქალაქი რუსთავის ქონების აუქციონის ფორმით პრივატიზებისა და სარგებლობის წესს.

3. აუქციონის ფორმით ადგილობრივი თვითმმართველი ერთეულის ქონების ( მათ შორის, წილებისა და აქციების) პრივატიზებას ან/და სარგებლობის უფლებით გადაცემას ახორციელებს თვითმმართველი ქალაქი რუსთავის აღმასრულებელი ორგანო, რომელიც ასრულებს გამყიდველის ფუნქციას თვითმმართველი ქალაქი რუსთავის სააუქციონო მუდმივმოქმედი კომისიის მეშვეობით, რომელსაც გამყიდველის მიერ მინიჭებული აქვს სათანადო უფლებამოსილება.

4. აუქციონის ფორმით ადგილობრივი თვითმმართველი ერთეულის ქონების ( მათ შორის, წილებისა და აქციების) პრივატიზების მიზანია საკუთრების/სარგებლობის უფლება მიანიჭოს აუქციონში მონაწილე იმ პირს, რომელიც ვაჭრობის პროცესში თვითმმართველობის ქონების განმკარგავ სუბიექტს ყველაზე მაღალ ფასს შესთავაზებს, ხოლო თუ აუქციონი გამოცხადდა პირობებით – საკუთრების/სარგებლობის უფლება მიანიჭოს იმ მყიდველს, რომელიც აიღებს ვალდებულებას, დააკმაყოფილოს გამოცხადებული პირობები და ვაჭრობის პროცესში გამყიდველს ყველაზე მაღალ ფასს შესთავაზებს.

5. თვითმმართველი ქალაქი რუსთავის ქონების განკარგვა შეიძლება განხორციელდეს ელექტრონული აუქციონის ფორმით. თუ თვითმმართველობის საკუთრებაში არსებული ქონება არ გაიყიდა/არ გადავიდა სარგებლობაში, დასაშვებია მისი განკარგვა საჯარო აუქციონის ფორმით.

6. თვითმმართველი ერთეულის აუქციონის ფორმით პრივატიზებისას/სარგებლობაში გადაცემისას საკრებულოს თავმჯდომარეს შეუძლია იმოქმედოს წარმომადგენლის (შუამავლის) მეშვეობით.

7. აუქციონის ფორმით ადგილობრივი თვითმმართველი ერთეულის ქონების მყიდველი შეიძლება იყოს საქართველოს ან უცხო ქვეყნის მოქალაქე ან კერძო სამართლის იურიდიული პირი ან პირთა გაერთიანება, რომლის ქონებაშიც საქართველოს სახელმწიფოს ან ადგილობრივი თვითმმართველობის ორგანოს მონაწილეობის წილი 25%-ზე ნაკლებია.

8. აუქციონი ( აუქციონი პირობებით) ცხადდება შესაბამისი ადგილობრივი თვითმმართველი ერთეულის აღმასრულებელი ორგანოს ინიციატივით.

9. აუქციონის ჩატარებამდე ინფორმაცია აუქციონში მონაწილეთა შესახებ (მათ შორის, აუქციონში მონაწილეთა რაოდეობის შესახებ) კონფიდენციალურია.

მუხლი 2. საწყისი ფასის განსაზღვრა

1. აუქციონის ფორმით საპრივატიზებო და სარგებლობაში გადაცემის ადგილობრივი თვითმმართველი ერთეულის ქონების საწყისი ფასი გამყიდველის მიერ დგინდება საქართველოს პრეზიდენტის ბრძანებულებით დამტკიცებული „ საპრივატიზებო და სარგებლობაში გადაცემის საფასურის ქონების საწყისი ფასის განსაზღვრის წესის“ შესაბამისად.

2. თვითმმართველი ერთეულის საკუთრებაში არსებული უძრავი ქონების საპრივატიზებო საფასური განისაზღვრება:

ა) დამოუკიდებელი აუდიტორის ( ექსპერტი) შესაბამისი დასკვნის საფუძველზე;

ბ) ბალანსმფლობელის ( მოსარგებლის) მიერ მოწოდებული ქონების ნარჩენი საბალანსო ღირებულების გათვალისწინებით.

3. თვითმმართველი ერთეულის საკუთრებაში არსებული მოძრავი ქონების საპრივატიზებო საფასური განისაზღვრება:

ა) დამოუკიდებელი აუდიტორის ( ექსპერტი) შესაბამისი დასკვნის საფუძველზე;

ბ) ნარჩენი საბალანსო ღირებულების გათვალისწინებით.

4. თვითმმართველი ერთეულის საკუთრებაში არსებული ქონების სარგებლობაში გადაცემის წლიური საფასური განისაზღვრება: ამ წესის მე-2 მუხლის მე-2 პუნქტის „ ა” და „ ბ” და მე-3 პუნქტის „ ა“ და „ ბ“ ქვეპუნქტების შესაბამისად განსაზღვრული საპრივატიზებო საფასურის არანაკლებ 5 პროცენტის ოდენობით

5. წილების და აქციების პრივატიზებისას წილების და აქციების საპრივატებო საფასური, როგორც წესი, არ უნდა იყოს რეგისტრირებულ კაპიტალზე ნაკლები, გარდა ამ წესის მე-2 მუხლის მე-6 პუნქტით გათვალისწინებული შემთხვევისა.

6. თვითმმართველობის საკუთრებაში არსებული არასასოფლო-სამეურნეო დანიშნულების მიწის ნაკვეთის ნორმატიულ ფასს საბაზრო ღირებულების გათვალისწინებით ადგენს შესაბამისი თვითმმართველი ერთეულის წარმომადგენლობითი ორგანო – საკრებულო.

მუხლი 3. აუქციონის ორგანიზება

1. აუქციონის ორგანიზებას ახორციელებს გამყიდველი. რომელსაც ასევე უფლება აქვს ორგანიზატორის ფუნქციები გადასცეს წარმომადგენელს (შუამავალს).

2. გამყიდველი აუქციონის ორგანიზების და თვითმმართველი ქალაქი რუსთავის ქონების პრივატიზების/სარგებლობით გადაცემის მიზნით ქმნის მუდმივმოქმედ სააუქციონო კომისიას, რომელშიც შედიან კომისიის თავმჯდომარე, აუქციონატორი, რეგისტრატორი, კომისიის მდივანი და სააუქციონო კომისიის წევრები.

3. გამყიდველი/მესაკუთრე უზრუნველყოფს ინფორმაციის გამოქვეყნებას თვითმმართველი ქალაქ რუსთავის ინტერნეტგვერდზე და გაზეთ „2 4 საათშ ი“ .

4. აუქციონის შესახებ ინფორმაცია ქვეყნდება აუქციონის ფორმით თვითმმართველობის ქონების პრივატიზების/რეალიზაციის დათქმულ თარიღამდე 15 კალენდარული დღით ადრე, ხოლო მოძრავი ნივთის შემთხვევაში – არანაკლებ 5 კალენდარული დღით ადრე.

5. განმეორებით გამოცხადებული და ვადაგაგრძელებული საჯარო აუქციონის ფორმით უძრავი ნივთის პრივატიზების/რეალიზაციის შემთხვევაში ამ მუხლის მე-4 პუნქტით გათვალისწინებული ინფორმაცია ქვეყნდება უძრავი ნივთის პრივატიზების/რეალიზაციის დათქმულ თარიღამდე 10 კალენდარული დღით ადრე.

6. უძრავი ნივთის შემთხვევაში ვადა ელექტრონული აუქციონის გამოცხადებიდან მის დასრულებამდე უნდა შეადგენდეს არანაკლებ 15 კალენდარულ დღეს, ხოლო მოძრავი ნივთის შემთხვევაში – არანაკლებ 5 კალენდარულ დღეს. ელექტრონული აუქციონი ცხადდება და მიმდინარეობს ელექტრონული აუქციონებისათვის განკუთვნილ სპეციალურ ინტერნეტ-გვერდზე, ხოლო ელექტრონული აუქციონის შესახებ ინფორმაცია ქვეყნდება თვითმმართველი ქალაქი რუსთავის ინტერნეტგვერდზე.

7. უძრავი ნივთის შემთხვევაში ვადა განმეორებით გამოცხადებული და ვადაგაგრძელებული ელექტრონული აუქციონის გამოცხადებიდან მის დასრულებამდე უნდა შეადგენდეს არანაკლებ 10 კალენდარულ დღეს.

8. გამოსაქვეყნებელი ინფორმაცია უნდა შეიცავდეს შემდეგ მონაცემებს:

ა) გამყიდველის/მესაკუთრის დასახელებას;

ბ) პირობებს და გამარჯვებულის გამოვლენის კრიტერიუმებს (აუქციონის პირობებით გამოცხადების შემთხვევაში);

გ) საპრივატიზებო ქონების დასახელებას;

დ) განაცხადის მიღების დაწყების, დამთავრების და აუქციონის ჩატარების თარიღს;

ე) ბიჯის სიდიდეს და აუქციონში მონაწილის ბილეთის ფასს, რომლის ოდენობას განსაზღვრავს გამყიდველი;

ვ) განაცხადის მიღების ადგილს (მისამართი) და საკონტაქტო ტელეფონს;

ზ) ყველა სხვა ინფორმაციას, რომელსაც გამყიდველი/მესაკუთრე ჩათვლის მიზანშეწონილად.

9. აქციების ან აქციათა პაკეტის (წილი) გაყიდვის შემთხვევაში ინფორმაცია დამატებით უნდა შეიცავდეს:

ა) სააქციო საზოგადოების (შეზღუდული პასუხისმგებლობის საზოგადოების) დასახელებას და იურიდიულ მისამართს;

ბ) გამოშვებული აქციების საერთო რაოდენობას;

გ) ერთი აქციის ნომინალურ ღირებულებას;

დ) აქციების ან აქციათა პაკეტის (წილის) საწყის ფასს და წილს საზოგადოების საწესდებო კაპიტალში.

10. მყიდველს/მოსარგებლეს უფლება აქვს მიიღოს გასაყიდი/სარგებლობით გადასაცემი ქონების შესახებ გამყიდველის/მესაკუთრის ხელთ არსებული, კანონმდებლობით დაშვებული, ნებისმიერი ინფორმაცია.

11. ინფორმაციის გამოქვეყნების შემდეგ ყველა დაინტერესებულ ფიზიკურ და იურიდიულ პირს უფლება აქვს წინასწარ გაეცნოს საპრივატიზებო ადგილობრივი თვითმმართველი ერთეულის ქონებას.

მუხლი 4. აუქციონში მონაწილეობის პირობები

1. აუქციონში მონაწილეობაზე განაცხადების მიღება მთავრდება დადგენილ დღეს და საათს. დადგენილი ვადის გასვლის შემდეგ შემოსული განაცხადი არ მიიღება.

2. აუქციონი ტარდება გამოცხადების დღიდან მეთხუთმეტე კალენდარულ დღეს. აუქციონში მონაწილეობაზე განაცხადების მიღება მიმდინარეობს აუქციონის ჩატარების დღის ჩათვლით და გამყიდვლის მიერ დადგენილ საათამდე. იმ შემთხვევაში, როდესაც მეთხუთმეტე კალენდარული დღე ემთხვევა დასვენების დღეს, მაშინ განაცხადების მიღება გრძელდება და შეწყდება მომდევნო პირველსავე სამუშაო დღეს, იმავე საათზე.

3. აუქციონში მონაწილეობის მიღების მსურველი (შემდგომში _ მონაწილე) აუქციონის რეგისტრატორს წარუდგენს:

ა) განაცხადს, რომელიც შეიცავს ინფორმაციას მონაწილეზე, ადგილობრივი თვითმმართველი ერთეულის ქონების დასახელებას, იმ ადგილობრივი თვითმმართველი ერთეულის ქონების საწყის ფასს, რომლის შეძენაც/სარგებლობით გადაცემა სურს მონაწილეს. პირობებით გამოცხადებული აუქციონის შემთხვევაში განაცხადში უნდა აისახოს მონაწილის თანხმობა პირობების შესრულებაზე;

ბ) უპირობო და გამოუხმობ საბანკო გარანტიას/ბეს თვითმმართველობის მიერ გამოცხადებული ქონების საწყისი საფასურის 30%-ის ოდენობით და მონაწილის ბილეთის საფასურის გადახდის დამადასტურებელ დოკუმენტს (ბილეთის და ბე საფასურის გადახდა უნდა მოხდეს გამყიდველის/მესაკუთრის მიერ მითითებულ ანგარიშზე);

გ) პირადობის დამადასტურებელი მოწმობის (პასპორტის) ასლს (ფიზიკური პირის შემთხვევაში);

დ) ნოტარიალურად დამოწმებულ მინდობილობას, თუ მონაწილე მოქმედებს სხვა პირის სახელით;

ე) სადამფუძნებლო დოკუმენტაციის ასლებს და განაცხადის შეტანის მომენტისთვის მოქმედ ამონაწერს სამეწარმეო რეესტრიდან (იურიდიული პირის შემთხვევაში).

4. მონაწილემ, რომელსაც სურს მონაწილეობა მიიღოს სხვადასხვა ადგილობრივი თვითმმართველი ერთეულის ქონების პრივატიზებისათვის/სარგებლობით გადაცემისთვის მოწყობილ აუქციონში, საბანკო გარანტია/ბე და მონაწილის ბილეთის საფასური უნდა გადაიხადოს თითოეული ადგილობრივი თვითმმართველი ერთეულის ქონებისათვის ცალ-ცალკე.

5. აუქციონის ფორმით თვითმმართველობის ქონების მყიდველს/მოსარგებლეს საბანკო გარანტია/ბე ეთვლება ანგარიშწორებისას.

6. თუ ყველა წარმოდგენილი დოკუმენტი აკმაყოფილებს მოთხოვნებს, რეგისტრატორი მონაწილეზე აკეთებს შესაბამის ჩანაწერს „აუქციონის მონაწილეთა რეგისტრაციის ჟურნალში“, იტოვებს წარმოდგენილ დოკუმენტაციას და მონაწილეს გადასცემს აუქციონში მონაწილის ბილეთს. მონაწილის ბილეთით მონაწილე ღებულობს აუქციონში მონაწილის სტატუსს.

7. მონაწილეს უფლება აქვს საბანკო გარანტიის/ბეს დაუკავებლად უარი აუქციონში მონაწილეობაზე განაცხადოს მხოლოდ განაცხადების მიღების პერიოდში.

8. მონაწილეს შეიძლება უარი ეთქვას აუქციონში მონაწილეობაზე, თუ:

ა) განაცხადის წარმომდგენი პირი, მოქმედი კანონმდებლობის შესაბამისად, არ შეიძლება ცნობილ იქნეს საპრივატიზებო ქონების მყიდველად;

ბ) დარღვეულია ამ მუხლის პირველი, მე- 2, მე- 3 და მე- 4 პუნქტის მოთხოვნები.

9. თუ არ მოხდება აუქციონის ფორმით გამოტანილი თვითმმართველობის ქონების განკარგვა, ამ ქონების შეცვლილი საწყისი საფასურით ან/და პირობებით აუქციონის ფორმით თვითმმართველობის ქონების განკარგვის შესახებ გადაწყვეტილება განიხილება როგორც განმეორებითი აუქციონი. განმეორებით აუქციონზე თვითმმართველობის ქონების საწყისი საფასური შეიძლება 50%-მდე შემცირდეს, ხოლო თუ ქონება ამ საფასურად გამოტანის შემდეგაც არ გაიყიდა, საფასური შეიძლება კიდევ შემცირდეს.

10. თუ არ მოხდება აუქციონის ფორმით გამოტანილი თვითმმართველობის ქონების განკარგვა, თვითმმართველობის აღმასრულებელი ორგანო უფლებამოსილია მიიღოს გადაწყვეტილება ქონების იმავე პირობებით, ვადაგაგრძელებული აუქციონის ფორმით განკარგვის შესახებ.

მუხლი 5. აუქციონის ჩატარების წესი

1. აუქციონში მონაწილე აუქციონის დაწყებამდე შედის დარბაზში, სადაც ტარდება აუქციონი, აუქციონის რეგისტრატორს წარუდგენს აუქციონში მონაწილის ბილეთს და იღებს სპეციალურ დაფას, რომლის ნომერიც შეესაბამება მის ბილეთზე აღნიშნულ ნომერს.

2. აუქციონატორი ადარებს გაცემული ნომრიანი დაფების რაოდენობას შემოსული განაცხადების რაოდენობასთან, რითაც აზუსტებს აუქციონში მონაწილეთა რაოდენობას.

3. აუქციონს ატარებს აუქციონატორი.

4. თითოეულ ობიექტზე ვაჭრობის დაწყებისას აუქციონატორი აცხადებს ადგილობრივი თვითმმართველი ერთეულის ქონების დასახელებას, მის საწყის ფასს, ბიჯს (ბიჯის სიდიდეს ყოველი კონკრეტული ქონებისათვის განსაზღვრავს გამყიდველი).

5. აუქციონზე ვაჭრობის დასაწყისად ითვლება საწყისი ფასის გამოცხადების მომენტი. ვაჭრობის მიმდინარეობის დროს დაუშვებელია მონაწილეთა დარბაზში გადაადგილება.

6. აუქციონში მონაწილე, რომელსაც სურს საწყისი ფასიდან დაიწყოს ვაჭრობა, სწევს თავის დაფას (რაც ნიშნავს საწყის ფასზე ბიჯის დამატებას). აუქციონატორი აფიქსირებს მას და სთხოვს აუქციონში მონაწილეებს, გააგრძელონ ვაჭრობა, სანამ რომელიმე არ დაასახელებს ყველაზე მაღალ ფასს. ფასის სამჯერ გამოცხადებისა და აუქციონატორის მიერ ჩაქუჩის დარტყმის შემდეგ ადგილობრივი თვითმმართველი ერთეულის ქონება ითვლება გაყიდულად/სარგებლობით გადაცემულად იმ აუქციონის მონაწილეზე, ვინც აუქციონატორს ყველაზე მაღალი ფასი შესთავაზა.

7. აუქციონის დამთავრების შემდეგ დგება ოქმი, რომელიც წარმოადგენს წერილობით ხელშეკრულებას. ოქმს ხელს აწერს მყიდველი/მოსარგებლე და სააუქციონო კომისიის თავმჯდომარე, როგორც გამყიდველი.

8. თუ აუქციონში გამარჯვებული პირი უარს განაცხადებს აუქციონის შედეგების ოქმის ხელმოწერაზე, მას ჩამოერთმევა აუქციონში გამარჯვებულის სტატუსი და შეტანილი ბე არ დაუბრუნდება.

9. თუ აუქციონი არ შედგება იმ მიზეზით, რომ აუქციონის მონაწილეები, რომლებიც ესწრებიან აუქციონს, არ მიიღებენ მონაწილეობას სააუქციონო ვაჭრობაში, შედგება ოქმი არშემდგარი აუქციონის შესახებ და აუქციონის მონაწილეებს შეტანილი ბე არ დაუბრუნდებათ.

10. სააუქციონო კომისია აუქციონის ჩატარებიდან 7 კალენდარული დღის ვადაში ამზადებს მოხსენებით ბარათს, რომლის საფუძველზეც, აუქციონში მონაწილე პირებს, რომლებმაც ვერ გაიმარჯვეს, უბრუნდებათ მათ მიერ გადახდილი ბეს ოდენობა. მოხსენებით ბარათს ხელს აწერს სააუქციონო კომისიის თავმჯდომარე და კომისიის მდივანი.

მუხლი 6. გარიგებათა გაფორმების წესი

1. თვითმმართველი ერთეულის საკუთრებაში არსებული უძრავი ქონების აუქციონის ფორმით პრივატიზებისას თვითმმართველი ერთეულის ქონების განმკარგავი სუბიექტის და აუქციონში გამარჯვებულის მიერ ხელმოწერილი, აუქციონში გამარჯვების დამადასტურებელი ოქმი არის წერილობითი ხელშეკრულება.

2. აუქციონში გამარჯვების დამადასტურებელი ოქმი შეიცავს თვითმმართველი ერთეულის ქონების პრივატიზების/სარგებლობით გადაცემის ძირითად პირობებს და მხარეთა უფლება-მოვალეობებს. აუქციონში გამარჯვების დამადასტურებელ ოქმებს და საკუთრების მოწმობის ტიპურ ფორმებს ამტკიცებს შესაბამისი თვითმმართველი ერთეულის წარმომადგენლობითი ორგანო _ საკრებულო.

3. პირობებით გამოცხადებული აუქციონის ფორმით თვითმმართველობის საკუთრებაში არსებული უძრავი ქონების პრივატიზებისას/სარგებლობით გადაცემისას, აღმასრულებელი ორგანოს ინიციატივითა და წარმომადგენლობითი ორგანოს – საკრებულოს თანხმობით, შესაძლებელია დაიდოს დამატებითი წერილობითი ხელშეკრულება. ხელშეკრულება იდება აუქციონის ჩატარებიდან არა უგვიანეს 3 თვისა.

ხელშეკრულებაში შეტანილ უნდა იქნეს შემდეგი მონაცემები:

ა) ცნობები გამყიდველისა/მესაკუთრისა და მყიდველის/მოსარგებლის შესახებ;

ბ) შეძენილი/სარგებლობით გადაცემული ქონების დასახელება და მისამართი;

გ) ადგილობრივი თვითმმართველი ერთეულის ქონების ნასყიდობის/სარგებლობის ფასი;

დ) პირობებიდან გამომდინარე, მხარეთა ურთიერთვალდებულებები ქონების შემდგომი გამოყენების შესახებ;

ე) სხვა მონაცემები გამოცხადებული აუქციონის და ხელშეკრულების სპეციფიკის გათვალისწინებით.

4. აუქციონში გამარჯვებული ვალდებულია, აუქციონის ჩატარებიდან 30 კალენდარული დღის ვადაში, პირობებით გამოცხადებული აუქციონის შემთხვევაში კი – ქალაქ რუსთავის თვითმმართველობის მიერ დადგენილ ვადაში, რომელიც არ უნდა აღემატებოდეს 2 წელს, გადაიხადოს თვითმმართველობის საკუთრებაში არსებული უძრავი ქონების საპრივატიზებო/სარგებლობის საფასური.

5. თვითმმართველობის საკუთრებაში არსებული უძრავი ქონების ს ა პრივატიზებო საფასურის გადახდის შემდეგ აუქციონში გამარჯვებულზე გაიცემა საკუთრების უფლების დამადასტურებელი მოწმობა, რომელსაც ხელს აწერს საკრებულოს თავმჯდომარე.

6. თვითმმართველობის საკუთრებაში არსებული უძრავი ქონების პრივატიზებისას/სარგებლობაში გადაცემისას მყიდველს/მოსარგებლეს საკუთრების უფლება/სარგებლობის უფლება გადაეცემა თვითმმართველობის საკუთრებაში არსებული უძრავი ქონების საპრივატიზებო საფასურის სრულად გადახდის, საკუთრების უფლების დამადასტურებელი მოწმობის გაცემის და საჯარო რეესტრში ან შესაბამის მარეგისტრირებელ ორგანოში რეგისტრაციის შემდეგ.

7. თუ მყიდველმა/მოსარგებლემ უნდა შეასრულოს ნაკისრი ვალდებულებები, მას საკუთრების უფლების დამადასტურებელი დოკუმენტი გადაეცემა ნაკისრი ვალდებულებების შესრულების პირობით, საფასურის სრულად გადახდის დადასტურებიდან 30 კალენდარული დღის ვადაში.

8. აუქციონის შედეგები უქმდება, თუ:

ა) აუქციონში გამარჯვებულმა, ამ კანონით განსაზღვრულ ვადაში, არ წარმოადგინა საფასურის გადახდის დამადასტურებელი დოკუმენტი;

ბ) აუქციონში გამარჯვებულმა აუქციონში გამარჯვების დამადასტურებელ ოქმზე ხელის მოწერაზე უარი განაცხადა.

9. ამ მუხლის მე-8 პუნქტით გათვალისწინებულ შემთხვევებში აუქციონში გამარჯვებულის მიერ წარმოდგენილი უპირობო და გამოუხმობი საბანკო გარანტიის/ბეს თანხა სრულად ირიცხება თვითმმართველი ქალაქი რუსთავის ბიუჯეტში.

10. ამ მუხლის მე-9 პუნქტით გათვალისწინებული შემთხვევის გარდა, უპირობო და გამოუხმობი საბანკო გარანტიის/ბეს თანხა აგრეთვე სრულად ირიცხება შესაბამის ბიუჯეტში, თუ აუქციონის მონაწილემ დაარღვია ამ დადგენილებით განსაზღვრული აუქციონში მონაწილეობის წესი ან/და პირობები.

11. თუ თვითმმართველობამ გადაავადა აუქციონის ჩატარება ან მის ჩატარებამდე გააუქმა აუქციონის ფორმით თვითმმართველობის ქონების განკარგვის თაობაზე მიღებული გადაწყვეტილება, აუქციონს მონაწილეს გადახდილი ბე უკან უბრუნდება.

მუხლი 7. თვითმმართველი ერთეულის საკუთრებაში არსებული უძრავი ქონების პრივატიზების განსაკუთრებული პირობები

1. მყიდველი ვალდებულია თვითმმართველი ერთეულის საკუთრებაში არსებული უძრავი ქონების საპრივატიზებო პირობად საინვესტიციო ვალდებულების არსებობის შემთხვევაში აუქციონში გამარჯვების დამადასტურებელი ოქმის გაფორმებიდან 1 თვის ვადაში წარადგინოს საინვესტიციო ვალდებულების არანაკლებ 10%-ის ოდენობის უპირობო და გამოუხმობი საბანკო გარანტია/ბე, რომლის ვადაც არანაკლებ 2 თვით უნდა აღემატებოდეს საინვესტიციო ვალდებულების შესრულების ვადას. უპირობო და გამოუხმობი საბანკო გარანტიის/ბეს ამ პუნქტში მითითებული თანხის ოდენობის შემცირება დასაშვებია მხოლოდ საკრებულოს გადაწყვეტილებით.

2. უპირობო და გამოუხმობი საბანკო გარანტია/ბე მისი მოქმედების განმავლობაში უზრუნველყოფს მყიდველის მიერ შესასრულებელი ვალდებულებების შეუსრულებლობის შედეგად დაკისრებული პირგასამტეხლოს მოთხოვნის დაკმაყოფილებას.

3. მყიდველი ვალდებულია უპირობო და გამოუხმობი საბანკო გარანტიის/ბეს თანხის ოდენობის შემცირების შემთხვევაში 1 თვის ვადაში შეავსოს იგი მის სრულ ოდენობამდე.

4. მყიდველის მიერ ნაკისრი ვალდებულებების შეუსრულებლობის შედეგად თვითმმართველი ერთეულის ქონების განმკარგავი სუბიექტის მხრიდან ოქმის/ხელშეკრულების მოშლის შემთხვევაში უპირობო და გამოუხმობი საბანკო გარანტიის/ბეს თანხა სრულად ირიცხება შესაბამის ბიუჯეტში.

5. ამ მუხლით გათვალისწინებული უპირობო და გამოუხმობი საბანკო გარანტიის/ბეს წარდგენის ვალდებულება არ ვრცელდება იმ მყიდველებზე, რომლებსაც ელექტროსადგურების მშენებლობასთან დაკავშირებით, საქართველოს მთავრობასთან გაფორმებული მემორანდუმის თანახმად, პრივატიზების გზით უნდა გადაეცეთ სახელმწიფო საკუთრებაში არსებული უძრავი ქონება.

მუხლი 8. მყიდველის/მოსარგებლის პასუხისმგებლობა პირობების გარეშე გამოცხადებული აუქციონის შემთხვევაში

თუ მყიდველი პირობების გარეშე გამოცხადებულ აუქციონში, დადგენილ ვადებში არ გადაიხდის ქონების ნასყიდობის თანხას, მას არ გადაეცემა საკუთრების უფლება ქონებაზე და შეტანილი საბანკო გარანტია/ბე არ დაუბრუნდება.

მუხლი 9. მყიდველის/მოსარგებლის პასუხისმგებლობა პირობებით გამოცხადებული აუქციონის შემთხვევაში

1. თუ გამოცხადებული იყო აუქციონი პირობებით, ოქმი (ხელშეკრულება) უნდა შეიცავდეს გამყიდველის/მესაკუთრის მიერ დადგენილ საპრივატიზებო პირობებს, თანხის გადახდის ვადებს და ამ დებულებით გათვალისწინებულ პასუხისმგებლობას, მათ შორის, პირგასამტეხლოს.

2. პირობებით გამოცხადებული აუქციონის შემთხვევაში მყიდველი/მოსარგებლე ვალდებულია, შეძენილი თვითმმართველი ერთეულის ქონების შემდგომი გამოყენებისას, დაიცვას ოქმით (ხელშეკრულებით) ნაკისრი ვალდებულებები (აუქციონის პირობები), მოქმედი კანონმდებლობით გათვალისწინებული მოთხოვნები და მათ შესრულებაზე გამყიდველის/მესაკუთრის მოთხოვნისთანავე წარუდგინოს ინფორმაცია გამყიდველს/მესაკუთრეს.

3. მყიდველს/მოსარგებლეს შეძენილ ქონებაზე საკუთრების/სარგებლობის უფლების დადასტურებამდე, გამყიდველთან/მესაკუთრესთან შეთანხმების გარეშე არა აქვს უფლება გაცემული ქონება განკარგოს, გასცეს სარგებლობის უფლებით ან სხვაგვარად დატვირთოს იგი. ამასთან, იგი პასუხისმგებელია მიღებული ქონების მოვლა-პატრონობა სა და დაცვაზე.

4. გამყიდველის/მესაკუთრის მიერ მყიდველზე/მოსარგებლეზე საკუთრების უფლების დადასტურების შემდეგ, ოქმის (ხელშეკრულების) მოქმედების პერიოდში, მყიდველის/მოსარგებლის მიერ პრივატიზებული ქონების გასხვისების შემთხვევაში, მყიდველი/მოსარგებლე ვალდებულია ქონება ახალ მესაკუთრეზე/მოსარგებლეზე გაასხვისოს/სარგებლობით გასცეს იმავე პირობებით, რაც გათვალისწინებული იყო ოქმით (ხელშეკრულებით). ქონების გასხვისების/სარგებლობით გადაცემის შესახებ წერილობით უნდა ეცნობოს გამყიდველს.

5. ოქმით (ხელშეკრულებით) ნაკისრი ვალდებულებები შესრულებულად ითვლება გამყიდველის/მესაკუთრის მიერ მათი დადასტურების მომენტიდან.

6. მყიდველი ვალდებულია ოქმით (ხელშეკრულებით) ნაკისრი ვალდებულებები, საკუთრების დამადასტურებელი მოწმობის გაცემის შემდეგ, აგრეთვე დაარეგისტრიროს საჯარო რეესტრში ან შესაბამის მარეგისტრირებელ ორგანოში.

7. ოქმით (ხელშეკრულებით) ნაკისრი ვალდებულების შეუსრულებლობის შემთხვევაში მყიდველი/მოსარგებლე იღებს წერილობით გაფრთხილებას, რომელშიც მიეთითება დარღვევის გამოსწორების ვადა და პირგასამტეხლოს ოდენობა.

8. პირგასამტეხლო განისაზღვრება ოქმით (ხელშეკრულებით), სააუქციონო პირობებიდან გამომდინარე, კერძოდ:

ა) თანხის გადაუხდელობის შემთხვევაში, გადაუხდელი თანხის 0,1% დარღვევის დღიდან ყოველ ვადაგადაცილებულ დღეზე;

ბ) საინვესტიციო ვალდებულებების შეუსრულებლობის შემთხვევაში, დარჩენილი განსახორციელებელი ინვესტიციის 0.1% დარღვევის დღიდან ყოველ ვადაგადაცილებულ დღეზე;

გ) მყიდველის/მოსარგებლის მიერ სხვა სააუქციონო და ოქმის (ხელშეკრულების) პირობების შეუსრულებლობი ს ან არაჯეროვანი შესრულების შემთხვევაში პირგასამტეხლოს ოდენობა წარმოადგენს ყოველ დარღვევაზე ქონების ღირებულების 0,05%-ს.

9. ოქმით (ხელშეკრულებით) გათვალისწინებული პირობების განმეორებით შეუსრულებლობის შემთხვევა ან/და დაწესებულ ვადაში პირგასამტეხლოს გადაუხდელობა გამყიდველის/მესაკუთრის მიერ განიხილება აუქციონის შედეგების (ოქმის) გაუქმების საფუძვლად. ასეთ შემთხვევაში პრივატიზებული ქონება უბრუნდება გამყიდველს/მესაკუთრეს. მყიდველს/მოსარგებლეს არ უნაზღაურდება გადახდილი თანხები და გაწეული დანახარჯები.

მუხლი 10. გარიგებათა ბათილად ცნობა

1. თვითმმართველი ერთეულის საკუთრებაში არსებული უძრავი ქონების პრივატიზების შესახებ გარიგების ბათილად ცნობის უფლებრივი და ქონებრივი შედეგები განისაზღვრება საქართველოს კანონმდებლობით.

2. პრივატიზებულ ი თვითმმართველი ერთეულის საკუთრებაში არსებულ უძრავ ქონებასთან დაკავშირებული სადავო საკითხების სასარჩელო ხანდაზმულობის ვადაა 3 წელი.

3. აუქციონის შედეგებთან დაკავშირებულ სადა ვ ო და ბათილად ცნობის საკითხებს განიხილავს სასამართლო.

დანართი 2

თვითმმართველი ქალაქი რუსთავის ქონების სააუქციონო

მუდმივმოქმედი კომისია

პირობებით გამოცხადებულ აუქციონში გამარჯვების დამადასტურებელი ოქმი

„––––––“ ––––––––––––––––– ქალაქი რუსთავი

1. ეს ოქმი (ხელშეკრულება) გაიცა ------------------------------------------------------------------------

-------------------------------------------------------------------------------------------------- ----

აუქცონში გამარჯვებულის (მყიდველის) ფიზიკური პირის სახელი, გვარი/ იურიდიული პირის სამართლებრივი ფორმა, სახელწოდება და წარმომ ა დგენლის სახელი გვარი და მისი უფლებამოსილების დამადასტურებელი დოკუმენტი, მისამართი და საიდენტიფიკაციო დოკუმენტების მონაცემები.

2. მასზე, რომ „ თვითმმართველი ქალაქი რუსთავის ქონების აუქციონის ფორმით პრივატიზების წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელ მოწმობის ფორმის დამტკიცების შესახებ“ თვითმმართველი ქალაქი რუსთავის საკრებულოს დადგენილების მოთხოვნების შესაბამისად, თვითმმართველი ერთეულის ქონების

-----------------------------------------------------------------------------------------------------------------------------

--------------------------------------------------------------------------------- ---------------------

ქონების დასახელება, მისამ ა რთი (მონაცემები შესაბამისი რეესტრიდან)

ქონების საწყისი ფასი ------------------- (------------------------------------------)

სიტყვიერად ციფრებით

3. შემდგომში პრივატიზების მიზნით, თვითმმართველი ქალაქი რუსთავის სააუქციონო კომისიის მიერ 201-- წლის „ -------“„ ------------------------“ მოწყობილ აუქციონზე მის მიერ

შემოთავაზებული ფასის --------------------- (------------------------) ლარი

სიტყვიერად ციფრებით

საფუძველზე, ის გამოვლინდა გამარჯვებულად (შემდგომში _ მყიდველი) და მას „ თვითმმართველი ქალაქი რუსთავის ქონების აუქციონის ფორმით პრივატიზების წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელ მოწმობის ფორმის დამტკიცების შესახე ბ“ თვითმმართველი ქალაქი რუსთავის საკრებულოს დადგენილების მოთხოვნების შესაბამისად, ოქმით (ხელშეკრულებით) ნაკისრი ვალდებულებების შესრულების პირობით, საკუთრებაში გადაეცა თვითმმართველი ქალაქ რუსთავის საკუთრებაში არსებული

---------------------------------------------------------------------------------------------------------------------

------------------------------------------------------------------------------------------------ -------

(ქონების დასახელება, მისამართი, მონაცემები შესაბამისი რეესტრიდან/მარეგისტრირებელი ორგანოდან, მათ შორის, ინფორმაცია ქონების დატვირთვის თა ო ბაზე)-----------------------------------------

-------------------------------------------------------------------------------------------------------------------------

---------------------------------------------------------------- -------- შემდგომში ქონება

4. მყიდველი ვალდებულია აუქციონზე შეძენილი ქონების ფასი (საბოლოო თანხა) გადაიხადოს აუქციონის პირობებით გათვალისწინებულ ვადაში შემდეგ საბანკო ანგარიშზე:

შემოსულობა ადგილობრივი თვითმმართველი ერთეულის საკუთრებაში არსებული სხვა ნაგებობის გაყიდვიდან

სახელმწიფო ხაზინა: 220101222

ერთიანი ანგარიში: 200122900

სხვა შემოსულობები (რუსთავი) სახაზინო კოდი:

5. მყიდველს გადახდილი საბანკო გარანტია/ბე ეთვლება ანგარიშ ს წორებისას.

6. მყიდველი ვალდებულია დაიცვას, დათქმულ ვადაში და ჯეროვნად შეასრულოს შემდეგი პირობები:

ა) -------------------------------------------------------------------

ბ) -------------------------------------------------------------------

გ) -------------------------------------------------------------------

დ) და. ა.შ.

7. მყიდველს, გადაცემულ ქონებაზე საკუთრების უფლების დადასტურებამდე, გამყიდველთან შეთანხმების გარეშე, არა აქვს უფლება განკარგოს, გასცეს სარგებლობის უფლებით ან სხვაგვარად დატვირთოს იგი. ამასთან, იგი პასუხისმგებელია მიღებული ქონების მოვლა-პატრონობა სა და დაცვაზე.

8. გამყიდველის მიერ მყიდველზე საკუთრების უფლების დადასტურების შემდეგ, ოქმის (ხელშეკრულების) მოქმედების პერიოდში, მყიდველის მიერ გადაცემული ქონების გასხვისების შემთხვევაში, მყიდველი ვალდებულია ქონება ახალ მესაკუთრეზე გაასხვისოს იმავე პირობებით, რაც გათვალისწინებული იყო ოქმით (ხელშეკრულებით). ქონების გასხვისების შესახებ წერილობით უნდა ეცნობოს გამყიდველს.

9. ოქმით (ხელშეკრულებით) ნაკისრი ვალდებულებები შესრულებულად ითვლება გამყიდველის მიერ მათი დადასტურების მომენტიდან.

10. ოქმით (ხელშეკრულებით) ნაკისრი ვალდებულების შეუსრულებლობის შემთხვევაში მყიდველი იღებს წერილობით გაფრთხილებას, რომელშიც მიეთითება დარღვევის გამოსწორების ვადა და პირგასამტეხლოს ოდენობა:

გ) მყიდველის მიერ ოქმის (ხელშეკრულების) სხვა პირობების შეუსრულებლობის ან არაჯეროვანი შესრულების შემთხვევაში პირგასამტეხლოს ოდენობა შეადგენს ყოველ დარღვევაზე ქონების ღირებულების 0,05%-ს.

11. აუქციონში გამარჯვებული პირის მიერ საბოლოო თანხის ამავე ხელშეკრულებით გათვალისწინებულ ვადაში გადაუხდელობის შემთხვევაში, გამყიდველის მიერ აუქციონის შედეგი განიხილება გაუქმების საფუძვლად და გამარჯვებულ პირს შეტანილი ბე არ უბრუნდება.

12. ოქმით (ხელშეკრულებით) გათვალისწინებული პირობების განმეორებით შეუსრულებლობის შემთხვევა და დაწესებულ ვადაში პირგასამტეხლოს გადაუხდელობა გამყიდვლის მიერ განიხილება აუქციონის შედეგების გაუქმების საფუძვლად.

13. თვითმმართველი ერთეულის ქონების პრივატიზებისას მყიდველზე საკუთრების უფლება გადადის თანხის მთლიანად გადახდის, საკუთრების დამადასტურებელი მოწმობის გაცემის და საჯარო რეესტრში ან შესაბამის მარეგისტრირებელ ორგანოში რეგისტრაციის შემდეგ, ხოლო იმ შემთხვევაში, თუ მყიდველმა უნდა შეასრულოს ნაკისრი ვალდებულებები, მყიდველს საკუთრების უფლება ეძლევა ნაკისრი ვალდებულების შერულების პირობით.

14. მყიდველი ვალდებულია ოქმით (ხელშეკრულებით) ნაკისრი ვალდებულებები, საკუთრების დამადასტურებელი მოწმობის გაცემის შემდეგ, აგრეთვე დაარეგისტრიროს საჯარო რეესტრში ან შესაბამის მარეგისტრირებელ ორგანოში.

15. ოქმიდან (ხელშეკრულებიდან) წარმოშობილი სადავო საკითხები განიხილება საქართველოს კანონმდებლობის შესაბამისად.

16. ოქმი (ხელშეკრულება) შედგენილია ქართულ ენაზე 4 (ოთხი) თანაბარი ძალის მქონე ეგზემპლარად. ორი რჩება გამყიდველს, ხოლო ორი გადაეცემა მყიდველს.

17. მყიდველი ადასტურებს, რომ გაეცნო და ეთანხმება ოქმის შინაარსს, და სრული ნებაყოფლობის საფუძველზე, ხელს აწერს ამ ოქმს.

18. ოქმს, რომელიც გამყიდველთან რჩება, თან ერთვის:

ა) ამონაწერი შესაბამისი რეესტრიდან;

ბ) იმ შემთხვევაში, თუ მყიდველი იურიდიული პირია, ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, წესდება და წესდებით გათვალისწინებულ შემთხვევაში უფლებამოსილი ორგანოს გადაწყვეტილება;

გ) იმ შემთხვევაში, თუ მყიდველი მოქმედებს წარმომადგენილის მეშვეობით, წარმომადგენლის უფლებამოსილების დამადასტურებელი დოკუმენტი.

კომისიის თავმჯდომარე / -------------------------- /------------------------- /

სახელი, გვარი ხელმოწერა

აუქციონში გამარჯვებული პირი (მყიდველი) /------------------------- / ---------------------------

ხელმოწერა სახელი, გვარი

------------------------------------ ბეჭდის ადგილი

დანართი 3

თვითმმართველი ქალაქი რუსთავის ქონების სააუქციონო მუდმივმოქმედი კომისია

აუქციონში გამარჯვების დამადასტურებელი ოქმი

„––––––––––“ ––––––––––––––––––– ქალაქი რუსთავი

1. ეს ოქმი (ხელშეკრულება) გაიცა --------------------------------------------------------------------------------

-------------------------------------------------------------------------------------------------------------------------

------------------------------ ------- აუქც ი ონში გამარჯვებულის (მყიდველის) ფიზიკური პირის სახელი, გვარი/ იურიდიული პირის სამართლებრივი ფორმა, სახელწოდება და წარმომადგენლის სახელი, გვარი და მისი უფლებამოსილების დამადასტურებელი დოკუმენტი, მისამართი და საიდენტიფიკაციო დოკუმენტების მონაცემები:

-----------------------------------------------------------------------------------------------------------------------------

------------------------------- ქონების დასახელება, მისამართი (მონაცემები შესაბამისი რეესტრიდან )

ქონების საწყისი ფასი ------------ -------------- -- (----------------------------------)

სიტყვიერად ციფრებით

3. შემდგომში პრივატიზების მიზნით, თვითმმართველი ქალაქი რუსთავის ქონების სააუქციონო კომისიის მიერ 201--- წლის „ -------” „ ---------------------------მოწყობილ აუქციონზე მის მიერ შემოთავაზებული ფასის ------------------- ------- (-------------------- ------) ლარი

სიტყვიერად ციფრებით

საფუძველზე, ის გამოვლინდა გამარჯვებულად (შემდგომში _ მყიდველი) და მას „ თვითმმართველი ქალაქი რუსთავის ქონების აუქციონის ფორმით პრივატიზების წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელ მოწმობის ფორმის დამტკიცების შესახებ“ თვითმმართველი ქალაქი რუსთავის საკრებულოს დადგენილების მოთხოვნების შესაბამისად, ოქმით (ხელშეკრულებით) ნაკისრი ვალდებულებების შესრულების პირობით, საკუთრებაში გადაეცა სახელმწიფო საკუთრებაში არსებული

-------------------------------------------------------------------------------------------------------------------------

-----------------------------------------------------(ქონების დასახელება, მისამართი, მონაცემები შესაბამის, რეესტრიდან/მარეგისტრირებელი ორგანოდან, მათ შორის, ინფორმაცია ქონების დატვირთვის თოაბაზე) ------- შემდგომში ქონება.

4. მყიდველი ვალდებულია:

აუქციონზე შეძენილი ქონების ფასი (საბოლოო თანხა) გადაიხადოს აუქციონის ჩატარებიდან 30 კალენდარული დღის ვადაში შემდეგ საბანკო ანგარიშზე:

220101222

სახელმწიფო ხაზინა

200122900

ერთიანი ანგარიში

სხვა შემოსულობები (რუსთავი)

სახაზინო კოდი

5. მყიდველს გადახდილი საბანკო გარანტია/ ბე ეთვლება ანგარიშ ს წორებისას.

6. მყიდველს უფლება არა აქვს საკუთრების დადასტურებამდე განკარგოს, დააგირაოს, იპოთეკით ან/და სხვაგავრად დატვირთოს გადაცემული ქონება.

7. თუ მყიდველი დადგენილ ვადებში არ გადაიხდის ქონების საბოლოო თანხას, აუქციონის შედეგები უქმდება, მყიდველს არ გადაეცემა საკუთრების უფლება ქონებაზე და შეტანილი ბე არ დაუბრუნდება.

8. მყიდველის მიერ საბოლოო თანხის დადგენილ ვადაში სრულად გადახდის შემდეგ მასზე გაიცემა საკუთრების დამადასტურებელი მოწმობა.

9. თ ვითმმართველი ერთეულის ქონების პრივატიზებისას მყიდველზე საკუთრების უფლება გადადის თანხის მთლიანად გადახდის, საკუთრების დამადასტურებელი მოწმობის გაცემის და შესაბამის მარეგისტრირებელ ორგანოში რეგისტრაციის შემდეგ.

10. ოქმიდან (ხელშეკრულებიდან) წარმოშობილი სადავო საკითხები განიხილება საქართველოს კანონმდებლობის შესაბამისად.

11. ოქმი (ხელშეკრულება) შედგენილია ქართულ ენაზე 4 (ოთხი) თანაბარი ძალის მქონე ეგზემპლარად. ორი რჩება გამყიდველს, ხოლო ორი გადაეცემა მყიდველს.

12. მყიდველი ადასტურებს, რომ გაეცნო და ეთანხმება ოქმის (ხელშეკრულების) შინაარსს და სრული ნებაყოფლობის საფუძველზე ხელს აწერს ამ ოქმს (ხელშეკრულებას).

13. ოქმს (ხელშეკრულებას), რომელიც გამყიდველთან რჩება, თან ერთვის:

ა) ამონაწერი შესაბამისი რეესტრიდან;

ბ) იმ შემთხვევაში, თუ მყიდველი იურიდიული პირია, მყიდველის ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან, წესდება და წესდებით გათვალისწინებულ შემთხვევაში უფლებამოსილი ორგანოს გადაწყვეტილება;

კომისიის თავმჯდომარე / --------------------------/ /-------------- ----------- --/

ხელმოწერა სახელი, გვარი

აუქციონში გამარჯვებული პირი (მყიდველი) /-------------- --------- / ------------- --- --------/

ხელმოწერა სახელი, გვარი

---------------------------------- ბეჭდის ადგილი

დანართი 4

თვითმმართველი ქალაქი რუსთავის ქონების სააუქციონო მუდმივმოქმედი კომისია

პირობებით გამოცხადებულ აუქციონში სარგებლობის უფლებით (იჯარა, აღნაგობა, უზუფრუქტი და სხვა) გადაცემის შესახებ გამარჯვების დამადასტურებელი ოქმი №

„–––––––––“ ––––––––––––––––––– ქალაქი რუსთავი

1. წინამდებარე ოქმი (ხელშეკრულება) გაიცა -------------------------------------------------------------------

-------------------------------------------------------------------------------------------------------------------------

აუქციონში გამარჯვებულის (მოსარგებლის) ფიზიკური პირის სახელი,გვარი/ იურიდიული პირის სამართლებრივ-ორგანიზაციული ფორმა, სახელწოდება და წარმომადგენლის სახელი, გვარი, უფლებამოსილების დამადასტურებელი დოკუმენტი, მისამართი და საიდენტიფიკაციო დოკუმენტების მონაცემები.

-------------------------------------------------------------------------------------------------------------------------

ქონების დასახელება, მისამართი (მონაცემები საჯარო ან/და სამეწარმეო რეესტრიდან)

ქონების საწყისი (იჯარის, აღნაგობის, უზუფრუქტის და სხვა) ფასი

------------------------- (----------------------------------------------) ლარი

ციფრებით სიტყვიერად

3. შემდგომში სარგებლობის უფლებით გადაცემის მიზნით, თვითმმართველი ქალაქი რუსთავის ქონების სააუქციონო კომისიის მიერ 201 -- წლის „–––––“ --------------------------- მოწყობილ აუქციონზე

ის მიერ შემოთავაზებული ფასის

-------------------------- (-------------------------------------------) ლარი

ციფრებით სიტყვიერად

საფუძველზე, ის გამოვლინდა გამარჯვებულად (შემდგომში _ მოსარგებლე) და მას „ თვითმმართველი ქალაქი რუსთავის ქონების აუქციონის ფორმით პრივატიზების წესის, აუქციონში გამარჯვების დამადასტურებელი ოქმის ტიპური ფორმების და საკუთრების დამადასტურებელ მოწმობის ფორმის დამტკიცების შესახებ“ თვითმმართველი ქალაქი რუსთავის საკრებულოს დადგენილების მოთხოვნების შესაბამისად, ოქმით (ხელშეკრულებით) ნაკისრი ვალდებულებების შესრულების პირობით, სარგებლობაში გადაეცა თვითმმართველი ქალაქ ი რუსთავის საკუთრებაში არსებული ---------------------------------------------------------------------------------------------------------------

-------------------------------------------------------------------------------------------------------------------------

ქონების დასახელება, მისამართი, მონაცემები საჯარო ან/და სამეწარმეო რეესტრის ამონაწერიდან ----

-------------------------------------------------------------------------------------------------------------------------

----------------------- შემდგომში ქონება--------------------------- ვადით.

4. მოსარგებლე ვალდებულია:

სარგებლობის უფლებით გადაცემული ქონების ფასი (საბოლოო თანხა) გადაიხადოს მასთან დადებული ხელ შ ეკრულებით გათვალისწინებულ ვადაში შემდეგ საბანკო ანგარიშზე:

– შემოსულობა ადგილობრივი თვითმმართველი ერთეულის საკუთრებაში არსებული მიწის იჯარიდან და მართვაში (უზუფრუქტი, ქირავნობა და სხვა) გადაცემიდან მიღებული შემოსავლები:

სახელმწიფი ხაზინა 220101222

ერთიანი ანგარიში 200122900

სხვა შემოსულობები (რუსთავი) სახაზინო კოდი.

5. აუქციონში გამარჯვებულს (მოსარგებლეს) გადახდილი საბანკო გარანტია/ბე ეთვლება ანგარიშ ს წორებისას.

6. აუქციონში გამარჯვებული (მოსარგებლე) ვალდებულია დაიცვას, დათქმულ ვადაში და ჯეროვნად შეასრულოს ხელშეკრულებით ნაკისრი პირობები:

ა) -----------------------------------------------------------------------------------------------------------

ბ) -----------------------------------------------------------------------------------------------------------

გ) -----------------------------------------------------------------------------------------------------------

დ) და ა.შ.

7. აუქციონში გამარჯვებული (მოსარგებლე) პასუხისმგებელია მიღებული ქონების მოვლა-პატრონობა სა და დაცვაზე.

8. მესაკუთრის მიერ მოსარგებლესთან სარგებლობის უფლების ხელშეკრულების გაფორმების შემდეგ ოქმის (ხელშეკრულების) მოქმედების პერიოდში, მოსარგებლემ შესაძლებელია ქონება გადასცეს სხვა მოსარგებლეს მხოლოდ მესაკუთრის წერილობითი თანხმობით. მოსარგებლე ვალდებულია ქონება ახალ მოსარგებლეზე გაასხვისოს იმავე პირობებით, რაც გათვალისწინებული იყო ოქმით (ხელშეკრულებით).

9. ოქმით (ხელშეკრულებით) ნაკისრი ვალდებულებები შესრულებულად ითვლება მესაკუთრის მიერ მათი დადასტურების მომენტიდან.

10. ოქმით (ხელშეკრულებით) ნაკისრი ვალდებულებების (პირობების) შეუსრულებლობის შემთხვევაში მოსარგებლე იღებს წერილობით გაფრთხილებას, რომელშიც მიეთითება პირობების დარღვევის გამოსწორების ვადა და/ან პირგასამტეხლოს ოდენობა:

11. ოქმით (ხელშეკრულებით) გათვალისწინებული პირობების განმეორებით შეუსრულებლობის შემთხვევა და დაწესებულ ვადაში პირგასამტეხლოს გადაუხდელობა მესაკუთრის მიერ განიხილება აუქციონის შედეგების (სარგებლობის უფლების) გაუქმების საფუძვლად.

12. ოქმიდან (ხელშეკრულებიდან) წარმოშობილი სადავო საკითხები განიხილება საქართველოს კანონმდებლობის შესაბამისად.

13. ოქმი (ხელშეკრულება) შედგენილია ქართულ ენაზე 4 (ოთხი) თანაბარი ძალის მქონე ეგზემპლარად. ორი რჩება მესაკუთრეს, ხოლო ორი გადაეცემა აუქციონში გამარჯვებულს (მოსარგებლეს).

14. აუქციონში გამარჯვებული მოსარგებლე ადასტურებს, რომ გაეცნო და ეთანხმება ოქმის (ხელშეკრულების) შინაარსს და სრული ნებაყოფლობის საფუძველზე ხელს აწერს წინამდებარე ოქმს (ხელშეკრულებას).

15. ოქმს, რომელიც მესაკუთრესთან რჩება, თან ერთვის:

ა) ამონაწერი შესაბამისი რეესტრიდან;

ბ) იმ შემთხვევაში, თუ მოსარგებლე იურიდიული პირია, ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან;

გ) იმ შემთხვევაში, თუ მოსარგებლე მოქმედებს წარმომადგენილის მეშვეობით, წარმომადგენლის უფლებამოსილების დამადასტურებელი დოკუმენტი.

კომისიის თავმჯდომარე / -------------------------- /------------------------ -------/

ხელმოწერა სახელი, გვარი

აუქციონში გამარჯვებული პირი (მოსარგებლე) /---------------- ------- / ----------------- --------/

ხელმოწერა სახელი, გვარი

---------------------------------- ბეჭდის ადგილი

დანართი 5

საკუთრების დამადსტურებელი მოწმობა №

თვითმმართველი ქალაქი რუსთავი

ეძლევა ––––––––––––––––––––––––––––––––––––––––––––––––––––––––––––––––––––––––

(მესაკუთრე/მესაკუთრეები)

–––––––––––––––––––––––––––––––––––––––––––––––––––––––––––––––––––––––––––––––

მასზე, რომ მას საკუთრებაში გადაეცა ––––––––––––––––––––––––––––– –––– მიწის ნაკვეთი

(არასასოფლო-სამეურნეო/სასოფლო-სამეურნეო)

ფართობით: –––––––––––––––––––––––––––––––––––––––––––– –––––––––––––––––– კვ.მ/ჰა

და შენობა/ნაგებობა, ფართობით: ––––––––––––––––––––––––– ––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––კვ.მ

(შენობა/ნაგებობის ოდენობა და მათი ფართობი)

რომელიც მდებარეობს: ––––––––––––––––––––––––––––––––––––––––––––––––––––––––

(ადგილმდებარეობა/მისამართი)

საფუძველი: თვითმმართველი ქალაქი რუსთავის ქონების სააუქციონო კომისიის

–––––––––––––––––––––––––––––––– აუქციონის ოქმი (ხელშეკრულება)

მოწმობა შედგენილია 3 ეგზემპლარად, ორი ეგზემპლარი გადაეცემა მესაკუთრეს, მესამე ინახება

მოწმობის გამცემ ორგანოში.

გაცემულია 201 წლის ––––––––––– –––––––––––––––––––