,,საქართველოს უმაღლესი განათლების ბაკალავრიატის სპეციალობათა ჩამონათვალის დამტკიცების შესახებ“ საქართველოს განათლებისა და მეცნიერების მინისტრის 2005 წლის 18 ნოემბრის №633 ბრძანებაში ცვლილებისა და დამატების შეტანის თაობაზე

სახელმწიფო სარეგისტრაციო კოდი 430.010.000.22.022.014.154

საქართველოს განათლებისა და მეცნიერების მინისტრის

ბრძანება №2/ნ

2010 წლის 27 იანვარი

ქ. თბილისი

,,საქართველოს უმაღლესი განათლების ბაკალავრიატის სპეციალობათა ჩამონათვალის დამტკიცების შესახებ“ საქართველოს განათლებისა და მეცნიერების მინისტრის 2005 წლის 18 ნოემბრის №633 ბრძანებაში ცვლილებისა და დამატების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

1. ,,საქართველოს უმაღლესი განათლების ბაკალავრიატის სპეციალობათა ჩამონათვალის დამტკიცების შესახებ“ საქართველოს განათლებისა და მეცნიერების მინისტრის 2005 წლის 18 ნოემბრის №633 ბრძანებაში (სსმ III, 24.11.2005, №136, მუხ. 1514) შეტანილ იქნეს შემდეგი ცვლილება და დამატება:

ა) ,,საქართველოს უმაღლესი განათლების ბაკალავრიატის სპეციალობათა ჩამონათვალის“ პირველი პუნქტი ჩამოყალიბდეს შემდეგი რედაქციით:

,,1. განათლება

პედაგოგიკა-14 (განათლების ბაკალავრი) – სკოლამდელი აღზრდა, დაწყებითი განათლება, კორექციული პედაგოგიკა.“;

ბ) ,,საქართველოს უმაღლესი განათლების ბაკალავრიატის სპეციალობათა ჩამონათვალს“ დაემატოს მე-8 პუნქტი და ჩამოყალიბდეს შემდეგი რედაქციით:

,,8. სპორტი

სპორტი (სპორტის ბაკალავრი) – მწვრთნელი, ფიზიკური აღზრდა.“.

2. ბრძანება ამოქმედდეს გამოქვეყნებისთანავე.

დ. შაშკინი