„კომერციული ბანკების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ“ დებულების დამტკიცების თაობაზე“ საქართველოს ფინანსური მონიტორინგის სამსახურის უფროსის 2004 წლის 28 ივლისის №95 ბრძანებაში ცვლილებებისა და დამატებების შეტანის თაობაზე

✨ ჰკითხე AI-ს ამ კანონის შესახებ
საქართველოს ფინანსური მონიტორინგის სამსახურის უფროსის ბრძანება ძალადაკარგული საბანკო და საფინანსო
მიღების თარიღი
11.02.2010
გამომცემი ორგანო
საქართველოს ფინანსური მონიტორინგის სამსახური
ნომერი
№1
სარეგისტრაციო კოდი
220090000.19.012.014202
გამოქვეყნების წყარო
matsne.gov.ge , სსმ, 17, 12/02/2010
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

ფინანსური მონიტორინგის სამსახურის უფროსის ბრძანება (1)

დოკუმენტის ტექსტი

სახელმწიფო სარეგისტრაციო კოდი 220.090.000.19.012.014.202

საქართველოს ფინანსური მონიტორინგის სამსახურის უფროსის

ბრძანება №1

2010 წლის 11 თებერვალი

ქ. თბილისი

„კომერციული ბანკების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ“ დებულების დამტკიცების თაობაზე“ საქართველოს ფინანსური მონიტორინგის სამსახურის უფროსის 2004 წლის 28 ივლისის №95 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

საქართველოს ფინანსური მონიტორინგის სამსახურის უფროსის 2004 წლის 28 ივლისის №95 ბრძანებით  (სსმ III, 02.08.2004 წ., №79, მუხლი 701) დამტკიცებულ „კომერციული ბანკების მიერ ინფორმაციის მიღების, სისტემატიზაციის, დამუშავებისა და საქართველოს ფინანსური მონიტორინგის სამსახურისათვის გადაცემის წესის შესახებ“ დებულებაში შეტანილ იქნეს შემდეგი ცვლილებები და დამატებები:

ა) მე-3 მუხლის 32პუნქტი ჩამოყალიბდეს შემდეგი რედაქციით:

„32. ბანკები, „უკანონო შემოსავლის ლეგალიზაციის აღკვეთის ხელშეწყობის შესახებ” საქართველოს კანონის მიზნებიდან გამომდინარე, ამ დებულებისა და საქართველოს ფინანსური მონიტორინგის სამსახურის მითითებების გათვალისწინებით, თავად განსაზღვრავენ მათთან საქმიანი ურთიერთობით დაკავშირებული პირის გარიგების უჩვეულო გარიგებისთვის მიკუთვნების პრინციპებს.“.

ბ) მე-6 მუხლს დაემატოს შემდეგი შინაარსის 24-ე პუნქტი:

„24. ბანკებმა განსაკუთრებული ყურადღება უნდა მიაქციონ რისკებს დაკავშირებულს ისეთი ახალი ტექნოლოგიების დანერგვასთან, რომლებიც ხელს უწყობენ ანონიმურობას მომსახურებისას და მიიღონ ყველა ზომა უკანონო შემოსავლის ლეგალიზაციის მიზნებისთვის მათი გამოყენების აღსაკვეთად. ბანკებს უნდა ჰქონდეთ სათანადო პოლიტიკა და პროცედურები, რომელიც უზრუნველყოფს კანონმდებლობით გათვალისწინებული წესით პირის დისტანციურ მომსახურებასთან დაკავშირებული რისკების შემცირებას.“.

    მუხლი 2

ბრძანება ამოქმედდეს გამოქვეყნებისთანავე.

მ. როინიშვილი