„სამხრეთ-კავკასიური მილსადენის სისტემის (ბაქო-თბილისი-ერზერუმის გაზსადენი)“ პროექტის განვითარების შესახებ“ საქართველოს პრეზიდენტის 2002 წლის 11 მარტის №103 ბრძანებულებაში ცვლილების შეტანის თაობაზე“
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს პრეზიდენტის ბრძანებულება (1)
დოკუმენტის ტექსტი
საქართველოს პრეზიდენტის
ბრძანებულება №295
2007 წლის 7 მაისი
ქ. თბილისი
„სამხრეთ-კავკასიური მილსადენის სისტემის (ბაქო-თბილისი-ერზერუმის გაზსადენი)“ პროექტის განვითარების შესახებ“ საქართველოს პრეზიდენტის 2002 წლის 11 მარტის №103 ბრძანებულებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „სამხრეთ-კავკასიური მილსადენის სისტემის (ბაქო-თბილისი-ერზერუმის გაზსადენი)“ პროექტის განვითარების შესახებ“ საქართველოს პრეზიდენტის 2002 წლის 11 მარტის №103 ბრძანებულების (სსმ III, 2002 წ., №25, მუხ. 201) მე-6 პუნქტი ჩამოყალიბდეს შემდეგი რედაქციით:
„6. 2003 წლის 30 ოქტომბერს აზერბაიჯანის გაზის მიმწოდებელ კომპანიას, საქართველოს ნავთობის საერთაშორისო კორპორაციას და საქართველოს მთავრობას შორის გაფორმებული დამატებითი გაზის ყიდვა-გაყიდვის ხელშეკრულების 20.1 მუხლის საფუძველზე და სამხრეთ-კავკასიური მილსადენის სისტემის ოფციური გაზის კომპანიას, საქართველოს ნავთობის საერთაშორისო კორპორაციას და საქართველოს მთავრობას შორის გაფორმებული ოფციური გაზის ყიდვა-გაყიდვის ხელშეკრულების 19.1 მუხლის საფუძველზე საქართველოს მთავრობის მიერ დანიშნული მყიდველი (სს „საქართველოს ნავთობის საერთაშორისო კორპორაცია“) შეიცვალოს შპს „საქართველოს ნავთობისა და გაზის კორპორაციით“.
საქართველოს მთავრობამ დადგენილი წესით განსაზღვროს სამხრეთ-კავკასიური მილსადენის სისტემის პროექტით გათვალისწინებული გაზის ყიდვა-გაყიდვის ხელშეკრულებებიდან გამომდინარე ცვლილებებისა და/ან დამატებების შეტანის შესახებ შესაბამის ხელშეკრულებებზე საქართველოს მთავრობის სახელით ხელმომწერი უფლებამოსილი პირი.“.
2. ბრძანებულება ამოქმედდეს გამოქვეყნებისთანავე.
მ. სააკაშვილი