მზღვეველის ფინანსური ანგარიშგების ფორმებისა და მათი საქართველოს ეროვნული ბანკისათვის წარდგენის წესის დამტკიცების თაობაზე

მზღვეველის ფინანსური ანგარიშგების ფორმებისა და მათი საქართველოს ეროვნული ბანკისათვის წარდგენის წესის დამტკიცების თაობაზე p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; } h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; } p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; } p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; } p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; } p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; } span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; } p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; } a:link, span.MsoHyperlink { color:blue; text-decoration:underline;} a:visited, span.MsoHyperlinkFollowed {color:purple; text-decoration:underline;} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:14.2pt; font-size:11.0pt; } p.chveulebrivi, li.chveulebrivi, div.chveulebrivi { margin:0in; margin-bottom:.0001pt; text-align:justify; text-indent:14.2pt; font-size:10.0pt; layout-grid-mode:line;} p.data, li.data, div.data { margin:0in; margin-bottom:.0001pt; text-align:justify; font-size:10.0pt; layout-grid-mode:line; font-style:italic;} p.petiti, li.petiti, div.petiti { margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; layout-grid-mode:line; font-style:italic;} p.prezident, li.prezident, div.prezident { margin:0in; margin-bottom:.0001pt; text-align:justify; font-size:10.0pt; layout-grid-mode:line;} p.kanoni, li.kanoni, div.kanoni { margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; letter-spacing:3.0pt; font-weight:bold;} p.kitxva, li.kitxva, div.kitxva { margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-weight:bold;} p.pasuxi, li.pasuxi, div.pasuxi { margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; } p.Style1, li.Style1, div.Style1 { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.chveulebrivi-wigni, li.chveulebrivi-wigni, div.chveulebrivi-wigni { margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; } p.satauri, li.satauri, div.satauri { margin:0in; margin-bottom:.0001pt; text-align:center; font-size:13.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; text-align:center; font-size:11.0pt; font-weight:bold;} p.tarigi, li.tarigi, div.tarigi { margin:0in; margin-bottom:.0001pt; font-size:12.0pt; } p.muxliparl, li.muxliparl, div.muxliparl { margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin:0in; margin-bottom:.0001pt; font-size:12.0pt; } p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.karixml, li.karixml, div.karixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; } p.karisataurixml, li.karisataurixml, div.karisataurixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.petitixml, li.petitixml, div.petitixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.cignixml, li.cignixml, div.cignixml { margin:0in; margin-bottom:.0001pt; font-size:12.0pt; } p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.zogadinacilixml, li.zogadinacilixml, div.zogadinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-weight:bold;} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen { margin:0in; margin-bottom:.0001pt; font-size:10.0pt; } span.StylecxrilixmlSylfaenChar { } p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; font-size:9.0pt; } p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.kodixml, li.kodixml, div.kodixml { margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.sulcvlilebaxml, li.sulcvlilebaxml, div.sulcvlilebaxml { margin-top:12.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} span.msoIns { text-decoration:underline; color:teal;} span.msoDel { text-decoration:line-through; color:red;} @page Section1 {size:8.5in 11.0in; margin:1.0in 76.5pt 1.0in 1.25in;} div.Section1 {page:Section1;} ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 290.160.000.18.011.014.324 საქართველოს ეროვნული ბანკის პრეზიდენტის ბრძანება №36/01 2010 წლის 9 მარტი ქ. თბილისი მზღვეველის ფინანსური ანგარიშგების ფორმებისა და მათი საქართველოს ეროვნული ბანკისათვის წარდგენის წესის დამტკიცების თაობაზე „საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტისა და „დაზღვევის შესახებ“ საქართველოს კანონის მე-20 და 21-ე მუხლების შესაბამისად, ვბრძანებ: 1. დამტკიცდეს მზღვეველის ფინანსური ანგარიშგების ფორმები და მათი საქართველოს ეროვნული ბანკისათვის წარდგენის წესი თანდართულ დანართებთან ერთად. 2. ძალადაკარგულად გამოცხადდეს საქართველოს საფინანსო ზედამხდეველობის სააგენტოს უფროსის 2008 წლის 19 სექტემბრის №7 ბრძანება „მზღვეველის ფინანსური ანგარიშგების ფორმებისა და მათი საქართველოს საფინანსო ზედამხედველობის სააგენტოში წარდგენის ვადის განსაზღვრის შესახებ“. 3. ეს ბრძანება ამოქმედდეს გამოქვეყნებისთანავე. გ. ქადაგიძე მზღვეველის ფინანსური ანგარიშგების ფორმები და მათი საქართველოს ეროვნული ბანკისათვის წარდგენის წესი     მუხლი 1🔗. ზოგადი დებულებები 1. ეს წესი განსაზღვრავს მზღვეველის მიერ ეროვნული ბანკისათვის წარსადგენი ყოველკვარტალური და წლიური ფინანსური ანგარიშგების მომზადებისა და წარდგენის წესს. 2. ეს წესი განკუთვნილია საქართველოს ტერიტორიაზე მოქმედი ლიცენზირებული მზღვეველებისათვის და მისი მოქმედება არ ვრცელდება „დაზღვევის შესახებ“ საქართველოს კანონის მე-2 მუხლის „გ.ბ“ ქვეპუნქტით გათვალისწინებულ ფილიალებზე (წარმომადგენლობებზე).     მუხლი 2🔗. ფინანსური ანგარიშგების მომზადება 1. ფინანსური ანგარიშგება უნდა მომზადდეს საანგარიშგებო წლისათვის ძალაში მყოფი ფინანსური ანგარიშგების წარდგენის საერთაშორისო სტანდარტების (ფასს), ბუღალტრული აღრიცხვის საერთაშორისო სტანდარტების (ბასს), ფინანსური ანგარიშგების საერთაშორისო სტანდარტების კომიტეტის ინტერპრეტაციებისა (ფაისკ) (შემდგომში – ფასს) და ამ წესისა და დანართების (დანართი №1, დანართი №2) (შემდგომში – წესი) მიხედვით. ანგარიშგების მომზადებისას და წარგენისას ამ წესსა და ფასს-ს შორის განსხვავების არსებობის შემთხვევაში უპირატესობა ენიჭება ამ წესს. 2. მზღვეველის ფინანსური ანგარიშგება უტყუარად და რეალურად უნდა ასახავდეს ფინანსურ მდგომარეობას, საქმიანობის შედეგსა და ფულადი სახსრების მოძრაობას. ფინანსურ ანგარიშგებაში თანხები აღრიცხულ უნდა იქნეს ერთეულ ლარებში. უცხოურ ვალუტაში აღრიცხული თანხები წარმოდგენილ უნდა იქნეს ეროვნულ ვალუტაში.     მუხლი 3🔗. ფინანსური ანგარიშგება  1. მზღვეველის ფინანსური ანგარიშგების ფორმები (დანართი №1) შედგება ძირითადი და დამატებითი კომპონენტებისაგან. 2. ფინანსური ანგარიშგების ძირითადი კომპონენტებია: ა) ფინანსური მდგომარეობის ანგარიშგება (საბალანსო უწყისი) (ფორმა №1); ბ) სრული შემოსავლის ანგარიშგება (მოგება-ზარალის უწყისი) (ფორმა №2 ); გ) საკუთარ კაპიტალში ცვლილებების ანგარიშგება (ფორმა №3); დ) ფულადი ნაკადების ანგარიშგება; ე) სადაზღვევო პრემიებისა და ზარალების ანალიზი (არასიცოცხლის დაზღვევა) (ფორმა №4); ვ) სადაზღვევო პრემიებისა და ზარალების ანალიზი (სიცოცხლის დაზღვევა) (ფორმა №5); ზ) განმარტებითი შენიშვნები ფასს-ის მიხედვით. 3. ფინანსური ანგარიშგების დამატებითი კომპონენტებია: ა) ფულადი სახსრები და მათი ეკვივალენტები (ფორმა №1–1); ბ) მოთხოვნები საკრედიტო დაწესებულებების მიმართ (ფორმა №1–2); გ) ფინანსური აქტივები (ფორმა №1–3); დ) სადაზღვევო და გადაზღვევის მოთხოვნები (ფორმა №1–4); ე) გაცემული სესხები (ფორმა №1–5); ვ) ინვესტიციები მეკავშირე და შვილობილ კომპნიებში (ფორმა №1–6); ზ) სადაზღვევო რეზერვები და გადამზღვევლის წილი სადაზღვევო რეზერვებში (ფორმა №1–7); თ) გადავადებული საკომისიო შემოსავალი/ხარჯი (ფორმა №1–8); ი) ძირითადი საშუალებების წმინდა საბალანსო ღირებულების განსაზღვრა (ფორმა №1–9); კ) საინვესტიციო ქონება და სხვა აქტივები (ფორმა №1–10); ლ) არამატერიალური აქტივების წმინდა საბალანსო ღირებულების განსაზღვრა (ფორმა №1–11); მ) სხვა ვალდებულებები (ფორმა №1–12); ნ) ფინანსური ვალდებულებები (ფორმა №1–13); ო) საპენსიო ვალდებულებები (ფორმა №1–14); პ) ვალდებულებები მეკავშირე და შვილობილ კომპანიებთან (ფორმა №1–15); ჟ) საკომისიო შემოსავალი (ხარჯი) (ფორმა №2–1) ; რ) შემოსავალი საკრედიტო დაწესებულებებში განთავსებული ფულადი სახსრებიდან (ფორმა №2–2); ს) შემოსავალი ფინანსური აქტივებიდან (ფორმა №2–3); ტ) შემოსავლები ინვესტიციებიდან (ფორმა №2–4); უ) შემოსავლები საინვესტიციო ქონებიდან და სესხებიდან (ფორმა №2–5); ფ) სხვა ხარჯები (ფორმა №2–6); ქ) გადასახადები, ფინანსური ხარჯი და სხვა საოპერაციო შემოსავალი (ხარჯი) (ფორმა №2–7). 4. ამ მუხლის მე-3 პუნქტში მითითებული დამატებითი კომპონენტები წარმოადგენენ ფინანსური მდგომარეობის ანგარიშგებისა და საანგარიშო პერიოდის სრული შემოსავლის ანგარიშგების ცალკეული მუხლების დეტალურ გაშიფვრას.     მუხლი 4🔗. ფინანსური ანგარიშგების წარდგენის ვადები 1. ყოველ კალენდარულ წელს მზღვეველი ფინანსურ ანგარიშგებას ამზადებს და ეროვნულ ბანკს წარუდგენს შემდეგი თარიღებისათვის: ა) 3 თვის ანგარიშგებას – არა უგვიანეს მიმდინარე წლის 1 მაისისა; ბ) 6 თვის ანგარიშგებას – არა უგვვიანეს მიმდინარე წლის 1 აგვისტოსი; გ) 9 თვის ანგარიშგებას – არა უგვიანეს მიმდინარე წლის 1 ნოემბრისა; დ) 12 თვის ანგარიშგებას – არა უგვიანეს მომდევნო წლის 1 მარტისა. 2. მზღვეველი პერიოდის ფულადი ნაკადების ანგარიშგებასა და განმარტებით შენიშვნებს წარადგენს მხოლოდ 12 თვის ანგარიშგების წარდგენისას. 3. მზღვეველი ვალდებულია 2010 წლის 3 თვის, 6 თვის, 9 თვის და 12 თვის ანგარიშგებების მომზადებისას გამოიყენოს ამ წესის შესაბამისად დაანგარიშებული საწყისი ნაშთები. ამასთან, 2010 წლის განმავლობაში შევსებას არ ექვემდებარება ყველა ზემოაღნიშნული ფორმის სვეტი – „გასული წლის შესაბამისი პერიოდი“.     მუხლი 5🔗. ფინანსური ანგარიშგების ფორმები 1. მზღვეველი ეროვნულ ბანკს ამ წესის მე-4 მუხლის პირველ პუნქტში მითითებულ ვადებში მატერიალიზებული და ელექტრონული ფორმით წარუდგენს ფინანსურ ანგარიშგებას. ამასთან, ორივე ფორმით წარდგენილი ინფორმაცია უნდა იყოს იდენტური. ფორმებს შორის განსხვავების აღმოჩენის შემთხვევაში უპირატესობა მიენიჭება მატერიალიზებულ ფორმას. 2. ელექტრონული ფორმით წარსადგენი ფინანსური ანგარიშგების მომზადება ხორციელდება MSExcel-ის ფორმატში, ეროვნული ბანკის მიერ მოწოდებული ელექტრონული ფორმისა და ფორმულების დაცვით, დანართი №2–ის შესაბამისად. ხოლო მისი წარდგენა – ეროვნული ბანკის დაზღვევ, ის ზედამხედველობის დეპარტამენტის ელექტრონულ მისამართზე Insurance@nbg.gov.ge ამ წესის მე-4 მუხლის პირ -ველ პუნქტში მითითებული ვადების დაცვით. 3. მატერიალიზებული ფინანსური ანგარიშგებები დამოწმებული უნდა იქნეს: ა) გენერალური დირექტორის (დირექტორის) მიერ; ბ) მთავარი ბუღალტრის მიერ; გ) ანგარიშგებაზე პასუხისმგებელი პირის მიერ. დანართი №2 ანგარიშგების ფორმების (დანართი № 1) შევსების ინსტრუქცია     მუხლი 1🔗. ზოგადი დებულებები წინამდებარე ინსტრუქცია წარმოადგენს წესის განუყოფელ ნაწილს და  მოიცავს ამ წესის დანართი №1-ით გათვალისწინებული ფინანსური ანგარიშგების ცხრილების ზოგიერთი სტრიქონის განმარტებასა და მათი შევსების პრინციპს.     მუხლი 2🔗. ფორმა №1 – ფინანსური მდგომარეობის ანგარიშგების (საბალანსო უწყისი) შევსების პრინციპები 1. ბრუტო – სადაზღვევო პრემიის, აღებული ვალდებულებების, ზარალის ან რეზერვის ოდენობა გადამზღვევლის მონაწილეობის ჩათვლით. 2. ნეტო – სადაზღვევო პრემიის,  აღებული ვალდებულებების, ზარალის ან რეზერვის ოდენობა გადამზღვევლის მონაწილეობის გამოკლებით. 3. ფულადი სახსრები და მათი ეკვივალენტები – ფასს-ის მიხედვით აღსარიცხი ფულადი სახსრები და მათი ეკვივალენტები. 4. მოთხოვნები საკრედიტო დაწესებულებების მიმართ – საკრედიტო დაწესებულებებში (კომერციულ ბანკებში) განთავსებული დეპოზიტები, რომლებიც არ მიეკუთვნება ფულად სახსრებსა და მათ ეკვივალენტებს. 5. გასაყიდად არსებული ფინანსური აქტივები, დაფარვის ვადამდე მფლობელობაში არსებული ფინანსური აქტივები,  რეალური ღირებულებით აღრიცხული ფინანსური აქტივები მოგებაში ან ზარალში ასახვით – ფასს-ის შესაბამისად განმარტებული ფინანსური აქტივები, გარდა მეკავშირე და შვილობილ  კომპანიებში განხორციელებული ინვესტიციებისა. 6. სადაზღვევო მოთხოვნები, წმინდა – კომპანიის ძირითადი საქმიანობის შედეგად სადაზღვევო და მიღებული გადაზღვევის ოპერაციებიდან წარმოშობილი მოთხოვნები. 7. გადაზღვევის მოთხოვნები, წმინდა – მზღვეველის სადაზღვევო/მიღებული გადაზღვევის საქმიანობის შედეგად მიღებული რისკების გადაზღვევით წარმოშობილი მოთხოვნები, მათ შორის, მზღვეველის მიერ ანაზღაურებულ ზარალებთან დაკავშირებული და გადამზღვევლის მიმართ წარმოშობილი მოთხოვნები. 8. მოთხოვნები რეგრესიდან და გადარჩენილი ქონებიდან – რეგრესის უფლების გამოყენების შედეგად წარმოშობილი და სადაზღვევო ზარალის დადგომის შედეგად გადარჩენილი ქონებიდან წარმოქმნილი დარიცხული მოთხოვნები როგორც დაზღვევის, ისე მიღებული გადაზღვევის ოპერაციებიდან. 9. გაცემული სესხები – მზღვეველის მიერ გაცემული ყველა ტიპის სესხი, გარდა მეკავშირე და შვილობილ კომპანიებზე გაცემულისა. 10. ინვესტიციები მეკავშირე და შვილობილ კომპანიებში – მზღვეველის მიერ მეკავშირე და შვილობილ კომპანიაში განხორციელებული ყველა ტიპის ინვესტიცია. მეკავშირე კომპანიად ითვლება ყველა ის კომპანია, სადაც მზღვეველი ფლობს   20%-დან 50%-მდე წილს, ხოლო შვილობილ კომპანიად ითვლება ყველა ის კომპანია, სადაც მზღვეველი ფლობს 50%, ან 50%-ზე მეტ წილს. მზღვეველი მეკავშირე და შვილობილი კომპანიების კაპიტალში მონაწილეობას აღრიცხავს კაპიტალმეთოდით. 11. გადამზღვევლის წილი სადაზღვევო  რეზერვებში – გადამზღვევლის წილი მოქმედი კანონმდებლობით გათვალისწინებულ  სადაზღვევო  რეზერვებში. გადამზღვევლის წილი გამოუმუშავებელი პრემიის რეზერვში აისახება გადამზღვევლისგან მისაღები საკომისიოს ჩათვლით. 12.გადავადებული საკომისიო ხარჯი – საკომისიო ხარჯის ფასს-ის მიხედვით გადავადებას დაქვემდებარებული ოდენობა. 13. ძირითადი საშუალებები, წმინდა – საწარმოს განკარგულებაში არსებული ძირითადი საშუალებები, რომლებიც წარმოდგენილი იქნება წმინდა ღირებულებით. ძირითადი საშუალების წმინდა ღირებულების განსაზღვრა ხორციელდება ფასს-ის მიხედვით. 14. საინვესტიციო ქონება – ქონება, რომელიც შეძენილია დამატებითი (არასაოპერაციო) შემოსავლების მისაღებად და აღირიცხება ფასს-ის მიხედვით.  15. არამატერიალური აქტივები, წმინდა – საწარმოს განკარგულებაში არსებული არამატერიალური აქტივები, რომლებიც წარმოდგენილი იქნება წმინდა ღირებულებით. არამატერიალური აქტივების წმინდა ღირებულების განსაზღვრა ხორციელდება ფასს-ის მიხედვით. 16. გადავადებული საგადასახადო აქტივი – კომპანიის მიერ წანასწარ გადახდილი მოგების გადასახადი, რომლის გაქვითვა ხორციელდება მომდევნო საანგარიშო პერიოდში. ზემოაღნიშნული მიდგომა განპირობებულია დროებითი განსხვავებებით საგადასახადო კოდექსსა და ფასს-ს შორის.   17. მიწოდებიდან და მომსახურებიდან წარმოქმნილი მოთხოვნები – დებიტორული დავალიანებები, რომლებიც წარმოშობილია არასადაზღვევო საქმიანობით. 18. გადახდილი ავანსები – ავანსად გადახდილი თანხები, რომლებიც მიეკუთვნება წინასწარ გადახდილი ხარჯების კატეგორიას. 19. მოთხოვნები საწარმო პერსონალის მიმართ – საწარმოს პერსონალისათვის ავანსად გადახდილი თანხები (ხელფასი, მივლინება, მომსახურება და სხვა). 20.მოთხოვნები დამფუძნებლების მიმართ – დამფუძნებლების მიერ შესავსები საწესდებო კაპიტალი და სხვა სახის მოთხოვნები. 21. წინასწარ გადახდილი მოგების გადასახადი – მოგების მიმდინარე (საავანსო) გადასახადის მიხედვით ბიუჯეტთან ანგარიშსწორება. გარდა ამისა, ყოველი საანგარიშო წლის 3 თვის, 6 თვისა და 9 თვის დარიცხული ზარალის ის ნაწილი, რომელიც გაანგარიშებულია ფინანსური მოგების საგადასახადო განაკვეთის მიხედვით. 22. მარაგები – მზღვეველის საქმიანობისათვის განკუთვნილი ყველა ტიპის მარაგები. 23. სხვა ინვესტიციები – ყველა ის ინვესტიცია, რომლის დეტალური შევსება არ არის გათვალისწინებული ფორმა №1-ით. 24. სხვა – ყველა ის აქტივი, რომლის დეტალური შევსება არ არის გათვალისწინებული ფორმა №1-ით. 25. სადაზღვევო რეზერვები, ბრუტო –კანონმდებლობით განსაზღვრული ყველა სახის სადაზღვევო  რეზერვის მთლიანი ოდენობა, გარდა არასახელმწიფო საპენსიო დაზღვევის რეზერვისა (საპენსიო ვალდებულების). 26. სხვა სადაზღვევო ვალდებულებები – მზღვეველის სადაზღვევო/გადაზღვევის საქმიანობასთან დაკავშირებული ძირითადი ვალდებულებები, მათ შორის, გადამზღვევლისაგან მიღებული ავანსები, რომლებიც დაკავშირებულია მზღვეველის მიერ ნაწილობრივ ანაზღაურებულ და/ან მთლიანად ასანაზღაურებელ სადაზღვევო ზარალებთან. 27. გადასახდელი გადაზღვევის პრემია – გადაზღვევის კონტრაქტით წარმოშობილი ვალდებულება გადამზღვევლის წინაშე, შუამავლის მეშვეობით წარმოშობილი ვალდებულებების ჩათვლით. იმ შემთხვევაში, თუ გადაზღვევის კონტრაქტი ვერ იძლევა შუამავლის მიმართ წარმოშობილი ვალდებულების განსაზღვრის/გამოყოფის საშუალებას და მისი ასახვის შესაძლებლობას ფორმა № 1–12-ის 00040 სტრიქონში „გადასახდელი ბროკერის საკომისიო“, გადასახდელი გადაზღვევის პრემია აისახება მთლიანი ოდენობით. 28. გადამზღვევლისგან მიღებული ავანსი – გადამზღვევლისაგან მიღებული, ზარალთან დაკავშირებული ანაზღაურება, რომელიც განხორციელდა მზღვეველის მიერ ზარალის ან მისი ნაწილის ანაზღაურებამდე. 29. გადაზღვევით მიღებულ შემოსავალთან დაკავშირებული საკომისიო – მიღებულ გადაზღვევასთან დაკავშირებული, ცედენტების მიმართ წარმოშობილი საკომისიო ვალდებულებები, შუამავლების მეშვეობით წარმოშობილი ვალდებულებების ჩათვლით იმ შემთხვევაში, თუ ცედენტთან დადებული გადაზღვევის კონტრაქტი არ იძლევა შუამავლის მიმართ წარმოშობილი ვალდებულების განსაზღვრის/გამოყოფის საშუალებას და მისი ასახვის შესაძლებლობას ფორმა №1–12-ის 00040 სტრიქონში „გადასახდელი ბროკერის საკომისიო“ და/ან ფორმა №1–12-ის 00050 სტრიქონში „გადასახდელი აგენტის საკომისიო“, ცედენტთან წარმოშობილი ვალდებულება აისახება მთლიანი ოდენობით. 30. გადასახდელი ბროკერის საკომისიო, გადასახდელი აგენტის საკომისიო – მზღვეველის მთლიანი საქმიანობიდან (პირდაპირი დაზღვევა, მიღებული გადაზღვევა, გადაზღვევა) წარმოშობილი ვალდებულებები შუამავლების მიმართ იმ შემთხვევაში, როდესაც ვალდებულების ოდენობის განსაზღვრა შესაძლებელია შუამავალთან დადებული ხელშეკრულების მეშვეობით. 31. ვალდებულებები რეგრესიდან და გადარჩენილი ქონებიდან –ვალდებულება გადამზღვევლისადმი, რომელიც წარმოიშობა მზღვეველის მიერ რეგრესის უფლების გამოყენებით და/ან ზარალის შედეგად გადარჩენილი ქონებიდან და რომელიც აღირიცხება გადაზღვევის ხელშეკრულების პირობების შესაბამისად. 32. ფინანსური ვალდებულებები – კომპანიის მიერ კომერციული ბანკებიდან და სხვა სუბიექტებიდან მიღებული სესხები და მათზე დარიცხული პროცენტების ვალდებულებები საანგარიშო პერიოდის ბოლოს, გარდა დაკავშირებულ და შვილობილ კომპანიებთან არსებული ვალდებულებებისა, აგრეთვე კომპანიის მიერ აღებული სუბორდინირებული სესხები. ოვერდრაფტი წარმოადგენს ბანკის მიმართ არსებულ მოკლევადიან ვალდებულებას. 33. საპენსიო ვალდებულებები – კანონმდებლობითა და საპენსიო დაზღვევის ხელშეკრულებებით განსაზღვრული, საანგარიშო პერიოდის ბოლოს  საპენსიო სქემის მონაწილეების მიმართ დაგროვილი ვალდებულებები: ა) ფორმა №1-14- ის 00010 დან 00130 ჩათვლით სტრიქონები დეტალურად ივსება არასახელმწიფო საპენსიო სქემებისათვის, სადაც განსაზღვრულია საპენსიო შენატანები, ხოლო სქემებისათვის, სადაც განსაზღვრულია პენსიის ოდენობა, საპენსიო სქემის დამფუძნებელი ვალდებულია შეავსოს ფორმა  №1–14-ის 00140 და 00150 სტრიქონები და დამატებით წარმოადგინოს ფორმა, რომელშიც აისახება პერიოდის ბოლოსათვის დაგროვილი ვალდებულების დეტალური აღწერა; ბ) საპენსიო სქემებისათვის, სადაც განსაზღვრულია საპენსიო შენატანი, 3 თვის, 6 თვის, 9 თვის ანგარიშგებაში დამფუძნებელი ვალდებულია შეავსოს ფორმა №1–14-ის შემდეგი სტრიქონები: 00010-დან 00060-ის  ჩათვლით, 00070, 00120 და 00130, ხოლო 12 თვის ანგარიშგების წარდგენისას 00010 დან 00130-ის  ჩათვლით სტრიქონები; გ) საპენსიო სქემის საინვესტიციო ზარალი ყოველკვარტალურად აისახება საპენსიო სქემის დამფუძნებლის პერიოდის სრული შემოსავლის ანგარიშგების (მოგება-ზარალის უწყისის) 00350-ე სტრიქონში. 34. ვალდებულებები მეკავშირე და შვილობილ კომპანიებთან – მეკავშირე და შვილობილი კომპანიების მიმართ არსებული ვალდებულებები (მეკავშირე და შვილობილი  კომპანიების ცნება ახსნილია ამ დანართის მე-2 მუხლის მე-10 პუნქტში). 35. გადავადებული საკომისიო შემოსავალი – საკომისიო შემოსავლის ფასს-ის მიხედვით გადავადებას დაქვემდებარებული ოდენობა. 36. გადავადებული საგადასახადო ვალდებულება – ვალდებულება, რომელიც წარმოიშობა მაშინ, როდესაც კომპანია აღრიცხავს მომდევნო სააღრიცხვო პერიოდში გადასახდელ მოგების გადასახადს. ზემოაღნიშნული მიდგომა განპირობებულია დროებითი განსხვავებებით საგადასახადო კოდექსსა და ფასს-ს შორის. 37. შესრულებულ სამუშაოზე და მოწოდებულ მომსახურებაზე დარიცხული ვალდებულებები – მოკლევადიანი ვალდებულებები, რომლებიც წარმოიშობა ხელშეკრულებაში არსებული პირობების შედეგად – იმ შემთხვევებში, როდესაც ანგარიშსწორება ხორციელდება ფასეულობის/მომსახურების მიღების შემდეგ. 38. გადასახდელი ხელფასები – თანამშრომლებზე დარიცხული, მაგრამ გადაუხდელი ხელფასები და ხელფასის სახით არსებული სხვა განაცემები. 39. მიღებული ავანსები – სადაზღვევო კომპანიის მიერ წინასწარ მიღებული თანხები. 40. გადასახდელი მოგების გადასახადი – ანგარიშსწორება ბიუჯეტთან საანგარიშო წელს ფაქტობრივი მონაცემების საფუძველზე მიღებული მოგების გადასახადით. გარდა ამისა, ყოველი საანგარიშო წლის 3 თვის, 6 თვისა და 9 თვის დარიცხული მოგების ის ნაწილი, რომელიც გაანგარიშებულია ფინანსური მოგების საგადასახადო განაკვეთის მიხედვით. 41. გადასახდელი სხვა გადასახადები – საანგარიშო წელს ფაქტობრივი მონაცემების საფუძველზე წარმოქმნილი სხვადასხვა გადასახადები. 42. გადასახდელი დივიდენდები – დარიცხული (აღიარებული) და ჯერ არ გადახდილი დივიდენდები. 43. სხვა – ყველა ის ვალდებულება, რომლის დეტალური შევსება არ არის გათვალისწინებული ფორმა №1–ით. 44. სააქციო კაპიტალი/კაპიტალი შპს- ში – სააქციო საზოგადოების შემთხვევაში ჩვეულებრივი და პრივილეგირებული აქციების სახით წარმოდგენილი კომპანიის სააქციო კაპიტალი, ხოლო შპს-ის შემთხვევაში საზოგადოების  კაპიტალი. 45. საემისიო კაპიტალი – აქციების ნომინალურ ღირებულებაზე მაღალი ფასით გაყიდვის შედეგად მიღებული დამატებითი სახსრები. 46. გამოსყიდული აქციები – კომპანიის მიერ გამოსყიდვის შედეგად ბრუნვიდან ამოღებული აქციები. 47. აკუმულირებული მოგება/(ზარალი) – წინა წლებში დაგროვილი მოგება/ დაუფარავი ზარალი. პერიოდის წმინდა მოგება/(ზარალი) – საანგარიშო პერიოდის განმავლობაში მიმდინარე საანგარიშგებო წლის წმინდა მოგება/ზარალი. 48. სხვა რეზერვები – ფასს-ის მიხედვით კაპიტალში აღსარიცხი ყველა სახის რეზერვი.     მუხლი 3🔗. ფორმა №2 – სრული შემოსავლის ანგარიშგების (მოგება-ზარალის უწყისი) შემადგენელი ნაწილები 1. სადაზღვევო საქმიანობა (არასიცოცხლე) – მზღვეველის მიერ არასიცოცხლის დაზღვევის სახეობებში გაფორმებული პირდაპირი დაზღვევისა და მიღებული გადაზღვევის ხელშეკრულებების (კონტრაქტების) ფინანსური შედეგები. 2. სადაზღვევო საქმიანობა (სიცოცხლე) – მზღვეველის მიერ სიცოცხლის დაზღვევის სახეობებში გაფორმებული პირდაპირი დაზღვევისა და მიღებული გადაზღვევის ხელშეკრულებების (კონტრაქტების) ფინანსური შედეგები. 3. საპენსიო საქმიანობა – საპენსიო სქემის დამფუძნებლის ფინანსური შედეგები, რომლებიც დაკავშირებულია საპენისო სქემის ფუნქციონირებასთნ. 4. შემოსავალი ინვესტიციებიდან – მზღვეველის საინვესტიციო საქმიანობის ფინანსური შედეგები. 5. სხვა ხარჯები და შემოსავლები – მზღვეველის საქმიანობასთან დაკავშირებული შემოსავლები და ხარჯები, რომლებიც არ არის აღრიცხული სხვა ნაწილებში.     მუხლი 4🔗. ფორმა №2 – სრული შემოსავლის ანგარიშგების (მოგება-ზარალის უწყისი) შევსების პრინციპები 1. მოზიდული პრემია, ბრუტო – სადაზღვევო პრემია, რომელიც მიეკუთვნება საანგარიშო პერიოდში ძალაში შესულ დაზღვევის/მიღებული გადაზღვევის ხელშეკრულებებს/პოლისებს (მრავალწლიანი ხელშეკრულებების/პოლისების ჩათვლით), მიუხედავად იმისა, გადახდილი არის მზღვეველისათვის პრემია თუ არა. ხელშეკრულების/პოლისის ვადაზე ადრე გაუქმების შემთხვევაში მოზიდული პრემია აღირიცხება ხელშეკრულების/პოლისის, მათ შორის მისი გაუქმების პირობების შესაბამისად. ამასთან, ხელშეკრულების გაუქმებასთან დაკავშირებული, მღვეველის მიერ დაწესებული და კანონმდებლობით დაშვებული, დამატებითი გადასახადი (რომელიც განკუთვნილია მზღვეველის მომსახურების ანაზღაურებისათვის) შეადგენს მოზიდული პრემიის ნაწილს. მოზიდული პრემიის კორექტირება დაშვებულია საანგარიშო პერიოდში მომხდარი სადაზღვევო გაუქმებების ასახვისათვის. ამასთან, წინა საანგარიშო წლებში აღრიცხული ხელშეკრულებების/პოლისების გაუქმება საანგარიშო პერიოდში იწვევს საანგარიშო პერიოდის მოზიდული პრემიის კორექტირებას გაუქმებული ხელშეკრულების/პოლისის პირობების, მათ შორის, გაუქმების პირობების შესაბამისად. 2. გადაზღვევის პრემია – გადაზღვევის პრემია, რომელიც მიეკუთვნება მზღვეველის მიერ გაფორმებულ და საანგარიშო პერიოდში ძალაში შესულ გადაზღვევის ხელშეკრულებებს  (მრავალწლიანი ხელშეკრულებების ჩათვლით), მიუხედავად იმისა, გადახდილი არის გადამზღვევლისათვის პრემია თუ არა. იმ შემთხვევაში, თუ გადაზღვევის ხელშეკრულების პირობებით შეუძლებელია გადაზღვევის პრემიის ნაწილის მიბმა თითოეულ სადაზღვევო კონტრაქტზე და/ან მისი პირობებით გათვალისწინებულია დეპოზიტური და/ან მინიმალური პრემიის გადამზღვევლისათვის გადახდა – გადაზღვევის პრემიის აღრიცხვა ხორციელდება გადაზღვევის ხელშეკრულების ყველა პირობის გათვალისწინებით, გადაზღვევის ხელშეკრულების პერიოდის პროპორციულად. გადაზღვევის ხელშეკრულების ვადაზე ადრე გაუქმების შემთხვევაში გადაზღვევის პრემია აღირიცხება გადაზღვევის ხელშეკრულებისა და მისი გაუქმების პირობების შესაბამისად. გადაზღვევის პრემიის კორექტირება დაშვებულია საანგარიშო პერიოდში მომხდარი გადაზღვევის ხელშეკრულების გაუქმების ასახვისათვის. ამასთან, წინა საანგარიშო წლებში აღრიცხული გადაზღვევის ხელშეკრულების საანგარიშო პერიოდში გაუქმება იწვევს საანგარიშო პერიოდის გადაზღვევის პრემიის კორექტირებას გაუქმებული ხელშეკრულების პირობების, მათ შორის, მისი გაუქმების პირობების შესაბამისად. 3. ცვლილება გამოუმუშავებელი პრემიის რეზერვში, ბრუტო –  გამოუმუშავებელი პრემიის რეზერვის საანგარიშო პერიოდის საბოლოო და საწყის ნაშთებს შორის სხვაობა. 4. ცვლილება გამოუმუშავებელი პრემიის რეზერვში, გადამზღვევლის წილი – გამოუმუშავებელი პრემიის რეზერვში გადამზღვევლის წილის საანგარიშო პერიოდის საბოლოო და საწყის ნაშთებს შორის სხვაობა. 5.  ანაზღაურებული ზარალები – საანგარიშო პერიოდში მზღვეველის მიერ სადაზღვევო ზარალების ასანაზღაურებლად გაცემული ფულადი და სხვა კომპენსაციები, სადაზღვევო ზარალის წარმოშობის პერიოდის მიუხედავად. 6. გადამზღვევლის წილი ანაზღაურებულ ზარალებში – გადაზღვევის ხელშეკრულების შესაბამისად დათვლილი გადამზღვევლის წილი მზღვეველის მიერ საანგარიშო პერიოდში ანაზღაურებულ ზარალებში, მიუხედავად იმისა გადახდილი არის მზღვეველისათვის გადამზღვევლის მიერ მისი წილი სადაზღვევო ზარალში თუ არა. 7. ცვლილება ზარალების რეზერვში, ბრუტო – განცხადებული, მაგრამ დაურეგულირებელი  და მომხდარი, მაგრამ  განუცხადებელი ზარალების რეზერვების საანგარიშო პერიოდის საბოლოო და საწყის ნაშთებს შორის სხვაობა. 8. ცვლილება ზარალების რეზერვში, გადამზღვევლის წილი –   განცხადებული, მაგრამ  დაურეგულირებელი  ზარალების რეზერვში გადამზღვევლის წილის საბოლოო და საწყის ნაშთებს შორის სხვაობა. 9. შემოსავალი რეგრესიდან და გადარჩენილი ქონებიდან – პერიოდის განმავლობაში დარიცხული შემოსავალი, რომელიც წარმოიშვა მზღვეველის მიერ რეგრესის უფლების გამოყენებისას და ზარალის შედეგად მზღვეველის მფლობელობაში გადმოსული გადარჩენილი ქონებით.     10.დარიცხული ბონუსები – პერიოდის განმავლობაში მზღვეველის მიერ პოლისის მფლობელთათვის დარიცხული ბონუსების ოდენობა. 11. საკომისიო შემოსავალი/ხარჯი, წმინდა – საანგარიშო პერიოდის შესაბამისი წმინდა საკომისიო შემოსავალი/ხარჯი, რომელიც პირდაპირ დაკავშირებულია მზღვეველის მიერ დაზღვევის და გადაზღვევის ხელშეკრულებების გაფორმებასა და განხორციელებასთან და  აღირიცხება ფასს-ის მიხედვით. 12. ცვლილება სიცოცხლის დაზღვევის რეზერვში, ბრუტო – სიცოცხლის დაზღვევის რეზერვის საანგარიშო პერიოდის საბოლოო და საწყის ნაშთებს შორის სხვაობა. 13. ცვლილება სიცოცხლის დაზღვევის რეზერვში, გადამზღვევლის წილი – სიცოცხლის დაზღვევის რეზერვში გადამზღვევლის წილის საანგარიშო პერიოდის საბოლოო და საწყის ნაშთებს შორის სხვაობა. 14. საპენსიო შემოსავალი – საპენსიო სქემის დამფუძნებლის მიერ საპენსიო სქემის მონაწილესთან გაფორმებული ხელშეკრულების პირობების შესაბამისად დარიცხული შემოსავალი, რომლის დარიცხვის უფლება საპენსიო სქემის დამფუძნებელს გააჩნია მხოლოდ წლის ბოლოს. საპენსიო სქემის დამფუძნებელი უფლებამოსილია აღიაროს საკომისიო შემოსავალი მხოლოდ იმ შემთხვევაში, თუ საპენსიო დანაგროვების ინვესტირების შედეგი დადებითია. ამასთან, საპენსიო სქემის დამფუძნებლის საკომისიო შემოსავალი არ უნდა აღემატებოდეს საპენსიო დანაგროვის შესაბამისი აქტივების მართვის შედეგად მიღებულ წლიურ (დადებით) შემოსავალს. 15.საპენსიო ხარჯები – საპენსიო სქემის დამფუძნებლის მიერ გაწეული და საანგარიშო პერიოდის შესაბამისად დარიცხული ხარჯები. 16.საპენსიო სქემის საინვესტიციო საქმიანობიდან წარმოშობილი ზარალი – საპენსიო დანაგროვების ინვესტირების შედეგად საპენსიო სქემის დამფუძნებლის მიერ მიღებული და ყოველი საანგარიშო თარიღისათვის  პერიოდის შესაბამისად ასახული ზარალი. 17. შემოსავალი ინვესტიციებიდან – ფასს-ის მიხედვით აღრიცხული შემოსავალი ინვესტიციებიდან. 18. სხვა ხარჯები და შემოსავლები – ფასს-ის მიხედვით აღრიცხული სხვა ხარჯები და შემოსავალი. 19. მოგების გადასახადი – საანგარიშო პერიოდის მოგების გადასახადი, რომელიც 3 თვის, 6 თვისა და 9 თვის ანგარიშგებაში აისახება შესაბამისი ფინანსური მოგების საგადასახადო განაკვეთის მიხედვით. ამასთან, აღნიშნული მოგების გადასახადი შესაბამისად აღირიცხება „ფინანსური მდგომარეობის ანგარიშგებაში პერიოდის დასასრულისათვის“ (საბალანსო უწყისში) საანგარიშო წლის ბოლოს მზღვეველი ახდენს მოგების გადასახადის კორექტირებასა და ფასს-ის მიხედვით აღრიცხვას.     მუხლი 5🔗. ფორმა №3 – საკუთარი კაპიტალის ცვლილების ანგარიშგების შევსების პრინციპები ფორმა № 3 – საკუთარი კაპიტალის ცვლილებების ანგარიშგების შევსება ხორციელდება ფასს-ისა და ამ წესის პრინციპების მიხედვით.       მუხლი 6🔗. ფულადი ნაკადების ანგარიშგება მზღვეველი არაპირდაპირი მეთოდით გაანგარიშებულ ფულადი ნაკადების ანგარიშგებას წარმოადგენს 12 თვის ანგარიშგებასთან ერთად. მისი ფორმატი  მზღვეველმა უნდა შეიმუშაოს ამ წესით დადგენილი ფორმა № 1-სა და ფორმა № 2-ზე დაყრდნობით და ფასს-ის მიხედვით.     მუხლი 7🔗. ფორმა №4 – სადაზღვევო პრემიებისა და ზარალების ანალიზი (არასიცოცხლის დაზღვევა) და ფორმა №5 – სადაზღვევო პრემიებისა და ზარალების ანალიზი (სიცოცხლის დაზღვევა) ფორმა № 4-ისა და ფორმა № 5-ის შევსებისას, სვეტში „სახელმწიფო“ მზღვეველმა უნდა წარმოადგინოს ინფორმაცია სახელმწიფო პროგრამებისა და იმ ხელშეკრულებების შესახებ, სადაც დამზღვევი არის: ა) საჯარო სამართლის იურიდიული პირი; ბ) კომპანია, სადაც სახელმწიფოს წილი 50%-ს შეადგენს ან 50%-ზე მეტია; გ) სახელმწიფო დაწესებულება.