„უწყებრივი სალიცენზიო რეესტრის ფორმისა და რეესტრის წარმოების წესის დამტკიცების თაობაზე“ საქართველოს განათლებისა და მეცნიერების მინისტრის 2008 წლის 6 ოქტომბრის №840 ბრძანებაში დამატების შეტანის შესახებ
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახელმწიფო სარეგისტრაციო კოდი 430.210.000.22.022.014.538
საქართველოს განათლებისა და მეცნიერების
მინისტრის ბრძანება №26/ნ
2010 წლის 20 აპრილი
ქ. თბილისი
„უწყებრივი სალიცენზიო რეესტრის ფორმისა და რეესტრის წარმოების წესის დამტკიცების თაობაზე“ საქართველოს განათლებისა და მეცნიერების მინისტრის 2008 წლის 6 ოქტომბრის №840 ბრძანებაში დამატების შეტანის შესახებ
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
1. „უწყებრივი სალიცენზიო რეესტრის ფორმისა და რეესტრის წარმოების წესის დამტკიცების თაობაზე“ საქართველოს განათლებისა და მეცნიერების მინისტრის 2008 წლის 6 ოქტომბრის №840 ბრძანებით (სსმ III, 10.10.2008 წ., №149 მუხ.1485) დამტკიცებულ უწყებრივი სალიცენზიო რეესტრის წარმოების წესს დაემატოს შემდეგი შინაარსის 31 მუხლი:
„მუხლი 31. ლიცენზიის ნომრის შედგენა
ლიცენზიის ნომრის:
ა) პირველი ორი ციფრი აღნიშნავს ლიცენზიის გაცემის კალენდარული წლის ბოლო ორ რიცხვს;
ბ) მესამე ციფრით განისაზღვრება ლიცენზიის სახე:
ბ.ა) საქმიანობის ლიცენზია – 1;
ბ.ბ) საქმიანობის სპეციალური ლიცენზია – 2;
ბ.გ) საქმიანობის გენერალური ლიცენზია – 3.
გ) მეოთხე ციფრი აღნიშნავს საგანმანათლებლო საქმიანობის სახეს:
გ.ა) ზოგადსაგანმანათლებლო საქმიანობა – 1;
გ.ბ) უმაღლესი საგანმანათლებლო საქმიანობა – 2;
გ.გ) სახელობო საგანმანათლებლო საქმიანობა – 3;
დ) ბოლო, არანაკლებ სამი ციფრი, წარმოადგენს უწყებრივი სალიცენზიო რეესტრის სარეგისტრაციო ნომერს.“.
2. ბრძანება ამოქმედდეს გამოქვეყნებისთანავე.
დ. შაშკინი