„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილებების შეტანის თაობაზე“

საქართველოს პრეზიდენტის

ბრძანებულება №147

2008 წლის 14 მარტი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საჯარო სამ-სახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში (სსმ III, 2001 წ., №78, მუხ. 555) შეტანილ იქნეს ცვლილებები და ბრძანებულებით დამტკიცებული საჯარო სამსახურის თანამდებობათა რეესტრის XI თავი ჩამოყალიბდეს შემდეგი რედაქციით:

„თავი XI. საქართველოს საგარეო დაზვერვის სპეციალური სამსახურის სახელმწიფო თანამდებობები

    მუხლი 39. მთავარი საჯარო თანამდებობა

ა) საქართველოს საგარეო დაზვერვის სპეციალური სამსახურის (შემდეგში – სამსახური) უფროსი;

ბ) სამსახურის უფროსის პირველი მოადგილე;

გ) სამსახურის უფროსის მოადგილე.

    მუხლი 40. წამყვანი საჯარო თანამდებობა

ა) სამსახურის დირექტორატის უფროსი;

ბ) სამსახურის უფროსის კონსულტანტი;

გ) სამსახურის დირექტორატის უფროსის მოადგილე;

დ) სამსახურის სამმართველოს უფროსი;

ე) სამსახურის სამმართველოს უფროსის მოადგილე;

ვ) სამსახურის განსაკუთრებულ დავალებათა ოფიცერი;

ზ) სამსახურის სპეციალური მრჩეველი;

თ) სამსახურის ექსპერტ-ანალიტიკოსი;

ი) სამსახურის განყოფილების უფროსი;

კ) სამსახურის სპეციალურ დავალებათა ოფიცერი.

    მუხლი 41. უფროსი საჯარო თანამდებობა

ა) სამსახურის განყოფილების უფროსის მოადგილე;

ბ) სამსახურის მთავარი ანალიტიკოსი;

გ) სამსახურის ანალიტიკოსი;

დ) სამსახურის უფროსი ოპერატიული თანამშრომელი;

ე) სამსახურის ოპერატიული თანამშრომელი;

ვ) სამსახურის მთავარი სპეციალისტი;

ზ) სამსახურის მთავარი ბუღალტერი.

    მუხლი 42. უმცროსი საჯარო თანამდებობა

ა) სამსახურის უმცროსი ოპერატიული თანამშრომელი;

ბ) სამსახურის ოპერატიული მორიგე;

გ) სამსახურის უფროსი სპეციალისტი;

დ) სამსახურის ბუღალტერი;

ე) სამსახურის სპეციალისტი;

ვ) სამსახურის მძღოლი;

ზ) სამსახურის დამხმარე მოსამსახურე.“.

2. ეს ბრძანებულება ამოქმედდეს 2008 წლის 1 აპრილიდან.

მ. სააკაშვილი