,,სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებული ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებაში ცვლილებისა და დამატების შეტანის შესახებ“

საქართველოს პრეზიდენტის

ბრძანებულება №166

2008 წლის 28 მარტი

ქ. თბილისი

„სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებული ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებაში ცვლილებისა და დამატების შეტანის შესახებ

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებული ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებით (საქართველოს პრეზიდენტის ბრძანებულებებისა და განკარგულებების კრებული №2, გვ. 41) დამტკიცებულ სახელმწიფო საიდუმლოებას მიკუთვნებულ ცნობათა ნუსხაში შეტანილ იქნეს შემდეგი ცვლილება და დამატება:

ა) 5.6. პუნქტი ჩამოყალიბდეს შემდეგი რედაქციით:

„5.6. ინფორმაცია სასჯელაღსრულების დაწესებულებებისათვის ჩასატარებელი და ჩატარებული საპროექტო-სამშენებლო და სარემონტო სამუშაოების შესახებ. ცნობები მშენებლობის დროს გამოყენებული სამშენებლო-სარემონტო მასალის, ტექნიკური საშუალებებისა და ძალების შესახებ;“;

ბ) 5.6. პუნქტს დაემატოს შემდეგი რედაქციის 5.6.1. პუნქტი:

„5.6.1. ინფორმაცია სასჯელაღსრულების დეპარტამენტის უსაფრთხოების, გარე დაცვისა და სპეციალური დაცვის, სწრაფი რეაგირების სპეციალური დანიშნულების და საბადრაგო სამსახურების და სასჯელაღსრულების დაწესებულებების მოსამსახურეთა საშტატო რიცხოვნობისა და სამსახურებრივი განრიგების შესახებ;“.

2. ბრძანებულება ამოქმედდეს გამოქვეყნებიდან მე-15 დღეს.

მ. სააკაშვილი