„საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე

საქართველოს მთავრობის

დადგენილება№260

2010 წლის 25 აგვისტო

ქ. თბილისი

„საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილებაში ცვლილებებისა და დამატებების შეტანის თაობაზე

    მუხლი 1.

„ნორმატიული აქტების შესახებ“ საქართველოს კა­ნონის მე-20 მუხლის მე-4 პუნქტის შესაბამისად „საქართველოს ფინანსთა სამინისტროს დებულების დამტკიცების შესახებ“ საქარ­თველოს მთავრობის 2004 წლის 21 მაისის №39 დადგენილებით (სსმ, 2004 წელი, №54, III ნაწილი, მუხლი 462) დამტკიცებულ დე­ბუ­ლებაში შეტანილ იქნეს შემდეგი ცვლილებები და დამატებები:

1. მე-4 მუხლის მე-3 პუნქტის:

ა) „დ²“ ქვეპუნქტი ამოღებულ იქნეს;

ბ) „ვ.დ“ ქვეპუნქტი ჩამოყალიბდეს შემდეგი რედაქციით:

„ვ.დ) სახაზინო სამსახურის უფროსის პირველ მოადგილესა და მოადგილეებს და სახაზინო სამსახურის სტრუქტურული ქვე­და­­ნა­ყოფების უფროსებსა და მოადგილეებს;“.

2. მე-5 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. საქართველოს ფინანსთა მინისტრს ჰყავს პირველი მოად­გილე და ხუთი მოადგილე. მინისტრის პირველ მოადგილესა და მოადგილეებს მინისტრის წარდგინებით, საქართველოს პრეზი­დენტ­თან შეთანხმებით, თანამდებობაზე ნიშნავს და თანამდებო­ბიდან ათავისუფლებს საქართველოს პრემიერ-მინისტრი.“;

ბ) მე-3 პუნქტი ჩამოყალიბდეს შემდეგი რედაქციით:

„3. მინისტრის პირველი მოადგილე მინისტრის არყოფნისას ხელმძღვანელობს სამი­ნისტროს საქმიანობას და კოორდინაციას უწევს სამსახურების ურ­თიერთობას. მინისტრის პირველი მოადგი­ლე იმავდროულად არის საქართველოს ფინანსთა სამინისტროს სახელმწიფო საქვეუწყებო დაწესებულების – სახაზინო სამსახუ­რის უფროსი.“;

გ) მე-4 პუნქტის შემდეგ დაემატოს შემდეგი შინაარსის მე-5 და მე-6 პუნქტები:

„5. მინისტრის ერთ-ერთი მოადგილე იმავდროულად არის სა­ჯარო სამართლის იურიდიული პირის – შემოსავლების სამსახუ­რის უფროსი.

6. მინისტრის ერთ-ერთი მოადგილე იმავდროულად არის საჯარო სამართლის იურიდიული პირის – სახელმწიფო შიდა კონ­ტროლის ეროვნული ცენტრის უფროსი.“.

    მუხლი 2.

დადგენილება ამოქმედდეს 2010 წლის 25 აგვის­ტოდან.

 პრემიერ-მინისტრი  ნ. გილაური