„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილებების შეტანის შესახებ

სახელმწიფო სარეგისტრაციო კოდი 200.250.000.22.033.015.103

საქართველოს ფინანსთა მინისტრის

ბრძანება№673

2010 წლის 25 აგვისტო

ქ. თბილისი

„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1.

„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში (სსმ III, 28.12.07, №186 მუხლი 2103) შეტანილ იქნეს შემდეგი ცვლილებები:

1. ბრძანების პირველი მუხლი ჩამოყალიბდეს შემდეგი რედაქციით:

    მუხლი 1

დამტკიცდეს „სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ” ინსტრუქცია თანდართულ დანართებთან ერთად (დანართი №1, №2, №3, №4, №5, №6).“.

2. ბრძანებით დამტკიცებული ინსტრუქციის 3² მუხლი ჩამოყალიბდეს შემდეგი რედაქციით:

     „მუხლი 3². განსახორციელებელ გადახდებზე ხაზინაში წარსადგენი ინფორმაცია

1. ორგანიზაცია, საქონლის/მომსახურების/სამუშაოს შესყიდვის მიზნით განსახორციელებელ გადახდებზე და მივლინების ხარჯებზე განსახორციელებელ გადახდებზე ვალდებულების დოკუმენტთან (გარდა გრიფით „საიდუმლო”) ერთად, სახელმწიფო ხაზინაში ინფორმაციას (დანართი №6) წარადგენს საბიუჯეტო კლასიფიკაციის შემდეგ მუხლებზე:

ა) საქონელი და მომსახურება;

ბ) სუბსიდიები;

გ) სხვა ხარჯები;

დ) ძირითადი აქტივები;

ე) მატერიალური მარაგები;

ვ) ფასეულობები;

ზ) არაწარმოებული აქტივები;

თ) სესხები;

ი) სხვა კრედიტორული დავალიანებები.

2. დანართი №6-ის მეორე და მესამე ნაწილებში ინფორმაცია მიეთითება „საქართველოს საბიუჯეტო კლასიფიკაციის დამტკიცების თაობაზე” საქართველოს ფინანსთა მინისტრის ბრძანებით დამტკიცებული „საქართველოს საბიუჯეტო კლასიფიკაციის” დანართის ცხრილი №1, ცხრილი №2 და ცხრილი №3-ის მიხედვით.

3. საქონლის/მომსახურების/სამუშაოს შესყიდვის მიზნით განსახორციელებელ გადახდებზე და მივლინების ხარჯებთან დაკავშირებით განსახორციელებელ გადახდებზე ინფორმაციის დადგენილი ფორმით წარმოუდგენლობის შემთხვევაში, სახელმწიფო ხაზინა არ დაარეგისტრირებს შესაბამის ვალდებულების დოკუმენტს.“.   

3. ბრძანებით დამტკიცებული ინსტრუქციიდან ამოღებულ იქნეს დანართი №7.

    მუხლი 2.

ეს ბრძანება ამოქმედდეს 2010 წლის 6 სექტემბრიდან.

კ. ბაინდურაშვილი