„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატების შეტანის თაობაზე“

საქართველოს პრეზიდენტის

ბრძანებულება №395

2008 წლის 1 აგვისტო

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში (სსმ III, 2001 წ., №78, მუხ. 555) შეტანილ იქნეს დამატება და ბრძანებულების პირველი პუნქტით დამტკიცებულ საჯარო სამსახურის თანამდებობათა რეესტრს დაემატოს შემდეგი შინაარსის XXX2 თავი:

„თავი XXX2. საქართველოს პარლამენტთან არსებული ჰერალდიკის სახელმწიფო საბჭოს საჯარო თანამდებობები

    მუხლი 1095. მთავარი საჯარო თანამდებობა

ა) საქართველოს პარლამენტთან არსებული ჰერალდიკის სახელმწიფო საბჭოს (შემდეგში – ჰერალდიკის სახელმწიფო საბჭო) თავმჯდომარე;

ბ) ჰერალდიკის სახელმწიფო საბჭოს თავმჯდომარის მოადგილე;

გ) ჰერალდიკის სახელმწიფო საბჭოს სამსახურის უფროსი;

დ) ჰერალდიკის სახელმწიფო საბჭოს მრჩეველი.

    მუხლი 1096. წამყვანი საჯარო თანამდებობა

ა) ჰერალდიკის სახელმწიფო საბჭოს სამსახურის უფროსის მოადგილე;

ბ) ჰერალდიკის სახელმწიფო საბჭოს მთავარი სპეციალისტი.

    მუხლი 1097. უფროსი საჯარო თანამდებობა

ჰერალდიკის სახელმწიფო საბჭოს წამყვანი სპეციალისტი.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი