ოზურგეთის მუნიციპალიტეტის საკრებულოს 2010 წლის 4 აგვისტოს „ოზურგეთის მუნიციპალიტეტის გამგეობის არქიტექტურისა და ურბანული დაგეგმარების სამსახურის დებულების დამტკიცების შესახებ" №13 დადგენილებაში ცვლილებების შეტანის შესახებ

ოზურგეთის მუნიციპალიტეტის საკრებულო

დადგენილება №33

2010 წლის 6 ოქტომბერი

ქ. ოზურგეთი

ოზურგეთის მუნიციპალიტეტის საკრებულოს 2010 წლის 4 აგვისტოს „ოზურგეთის მუნიციპალიტეტის გამგეობის არქიტექტურისა და ურბანული დაგეგმარების სამსახურის დებულების დამტკიცების შესახებ“№ 13 დადგენილებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის 20-ე მუხლის შესაბამისად, საკრებულომ: დაადგინა

1. შევიდეს ცვლილებები ოზურგეთის მუნიციპალიტეტის საკრებულოს 2010 წლის 4 აგვისტოს „ოზურგეთის მუნიციპალიტეტის გამგეობის არქიტექტურისა და ურბანული დაგეგმარების სამსახურის დებულების დამტკიცების შესახებ“ №13 დადგენილებაში, კერძოდ დადგენილებით დამტკიცებულ დებულების:

ა) მე-2 მუხლის მე-2 პუნქტის ,,ლ’’, ,,მ’’ და ,,ც’’ ქვეპუნქტები ჩამოყალიბდეს შემდეგი რედაქციით:

,,ლ) ანხორციელებს კანონით დადგენილი წესით სამშენებლო საქმიანობასთან დაკავშირებული პროექტების შეთანხმებას.

 მ) ანხორციელებს სამართლებრივი აქტის საფუძველზე მშენებლობის ნებართვისა და შესაბამისად სანებართვო მოწმობის გაცემას.

ც) უზრუნველყოფს გამგებლისა და გამგებლის მოადგილეების ცალკეული დავალებების შესრულებას’’;

ბ) მე-5 მუხლის მე-2 პუნქტის ,,ლ’’ და ,,რ’’ ქვეპუნქტები ჩამოყალიბდეს შემდეგი რედაქციით:

,,ლ) თავის კომპეტენციაში შემავალ საკითხებზე კონსულტაციებს უწევს გამგებელს, გამგებლის მოადგილეებს და სტრუქტურული ერთეულების ხელმძღვანელებს.

რ) თავისი კომპეტენციის ფარგლებში ასრულებს გამგებლისა და გამგებლის მოადგილეების ცალკეულ დავალებებს’’;

2. ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                                     ა. მამეშვილი