ეროვნული სასწავლო ოლიმპიადის ჩატარების წესის დამტკიცების შესახებ

ეროვნული სასწავლო ოლიმპიადის ჩატარების წესის დამტკიცების შესახებ p.MsoNormal, li.MsoNormal, div.MsoNormal {margin:0in; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoCommentText, li.MsoCommentText, div.MsoCommentText { margin:0in; margin-bottom:.0001pt; text-autospace:ideograph-numeric ideograph-other; font-size:10.0pt; } p.MsoHeader, li.MsoHeader, div.MsoHeader { margin:0in; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoFooter, li.MsoFooter, div.MsoFooter { margin:0in; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoList, li.MsoList, div.MsoList {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoListCxSpFirst, li.MsoListCxSpFirst, div.MsoListCxSpFirst {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoListCxSpMiddle, li.MsoListCxSpMiddle, div.MsoListCxSpMiddle {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoListCxSpLast, li.MsoListCxSpLast, div.MsoListCxSpLast {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoList2, li.MsoList2, div.MsoList2 {margin-top:0in; margin-right:0in; margin-bottom:0in; margin-left:28.3pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoList2CxSpFirst, li.MsoList2CxSpFirst, div.MsoList2CxSpFirst {margin-top:0in; margin-right:0in; margin-bottom:0in; margin-left:28.3pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoList2CxSpMiddle, li.MsoList2CxSpMiddle, div.MsoList2CxSpMiddle {margin-top:0in; margin-right:0in; margin-bottom:0in; margin-left:28.3pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoList2CxSpLast, li.MsoList2CxSpLast, div.MsoList2CxSpLast {margin-top:0in; margin-right:0in; margin-bottom:0in; margin-left:28.3pt; margin-bottom:.0001pt; text-indent:-14.15pt; text-autospace:ideograph-numeric ideograph-other; font-size:12.0pt; } p.MsoBodyText, li.MsoBodyText, div.MsoBodyText { margin-top:0in; margin-right:0in; margin-bottom:6.0pt; margin-left:0in; text-autospace:ideograph-numeric ideograph-other; font-size:12.0pt; } p.MsoListContinue, li.MsoListContinue, div.MsoListContinue {margin-top:0in; margin-right:0in; margin-bottom:6.0pt; margin-left:14.15pt; text-autospace:ideograph-numeric ideograph-other; font-size:12.0pt; } p.MsoListContinueCxSpFirst, li.MsoListContinueCxSpFirst, div.MsoListContinueCxSpFirst {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoListContinueCxSpMiddle, li.MsoListContinueCxSpMiddle, div.MsoListContinueCxSpMiddle {margin-top:0in; margin-right:0in; margin-bottom:0in; margin-left:14.15pt; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoListContinueCxSpLast, li.MsoListContinueCxSpLast, div.MsoListContinueCxSpLast {margin-top:0in; margin-right:0in; margin-bottom:6.0pt; margin-left:14.15pt; text-autospace:ideograph-numeric ideograph-other; font-size:12.0pt; } p.MsoSalutation, li.MsoSalutation, div.MsoSalutation { margin:0in; margin-bottom:.0001pt; text-autospace:ideograph-numeric ideograph-other; font-size:12.0pt; } p.MsoBodyTextFirstIndent, li.MsoBodyTextFirstIndent, div.MsoBodyTextFirstIndent { margin-top:0in; margin-right:0in; margin-bottom:6.0pt; margin-left:0in; text-indent:10.5pt; text-autospace:ideograph-numeric ideograph-other; font-size:12.0pt; } p.MsoPlainText, li.MsoPlainText, div.MsoPlainText { margin:0in; margin-bottom:.0001pt; text-autospace:none; font-size:10.0pt; } p {margin-top:5.0pt; margin-right:0in; margin-bottom:5.0pt; margin-left:0in; text-autospace:none; font-size:12.0pt; } p.MsoCommentSubject, li.MsoCommentSubject, div.MsoCommentSubject {margin:0in; margin-bottom:.0001pt; text-autospace:ideograph-numeric ideograph-other; font-size:10.0pt; font-weight:bold;} p.MsoAcetate, li.MsoAcetate, div.MsoAcetate {margin:0in; margin-bottom:.0001pt; text-autospace:ideograph-numeric ideograph-other; font-size:8.0pt; } span.CommentTextChar { } p.Normal, li.Normal, div.Normal { margin:0in; margin-bottom:.0001pt; text-autospace:ideograph-numeric ideograph-other; font-size:12.0pt; } span.PlainTextChar { } span.SalutationChar { } span.BodyTextChar { } span.BodyTextFirstIndentChar { } span.HeaderChar { } span.FooterChar { } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; text-autospace:none; font-size:11.0pt; } p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; text-autospace:ideograph-numeric ideograph-other; font-size:11.0pt; font-weight:bold;} p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; text-autospace:ideograph-numeric ideograph-other; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; text-autospace:ideograph-numeric ideograph-other; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; text-autospace:ideograph-numeric ideograph-other; font-size:11.0pt; font-weight:bold;} p.sulcvlilebaxml, li.sulcvlilebaxml, div.sulcvlilebaxml { margin:0in; margin-bottom:.0001pt; text-indent:14.15pt; text-autospace:ideograph-numeric ideograph-other; font-size:11.0pt; font-weight:bold;} p.zogadinacilixml, li.zogadinacilixml, div.zogadinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; text-autospace:ideograph-numeric ideograph-other; font-size:11.0pt; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; text-autospace:ideograph-numeric ideograph-other; font-size:11.0pt; font-weight:bold;} p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; text-autospace:ideograph-numeric ideograph-other; font-size:12.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; text-align:center; text-autospace:ideograph-numeric ideograph-other; font-size:11.0pt; font-weight:bold;} p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; text-autospace:ideograph-numeric ideograph-other; font-size:10.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; text-autospace:ideograph-numeric ideograph-other; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; text-autospace:ideograph-numeric ideograph-other; font-size:9.0pt; } p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; text-autospace:ideograph-numeric ideograph-other; font-size:11.0pt; font-weight:bold;} p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-autospace:ideograph-numeric ideograph-other; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; text-autospace:ideograph-numeric ideograph-other; font-size:11.0pt; font-weight:bold;} @page Section1 {size:595.3pt 841.9pt; margin:45.0pt 49.55pt 31.5pt .75in;} div.Section1 {page:Section1;} ol {margin-bottom:0in;} ul {margin-bottom:0in;} საქართველოს განათლებისა და მეცნიერების მინისტრის ბრძანება №111/ნ 2010 წლის 26 ოქტომბერი ქ. თბილისი ეროვნული სასწავლო ოლიმპიადის ჩატარების წესის დამტკიცების შესახებ „ზოგადი განათლების შესახებ“ საქართველოს კანონის 26-ე მუხლის პირველი პუნქტის „ტ​1“ საფუძველზე, ვბრძანებ: 1. დამტკიცდეს ეროვნული სასწავლო ოლიმპიადის ჩატარების წესი. 2. ეს ბრძანება ამოქმედდეს გამოქვეყნებისთანავე. დ. შაშკინი დანართი ეროვნული სასწავლო ოლიმპიადის ჩატარების წესი თავი I ზოგადი დებულებები     მუხლი 1🔗. ზოგადი დებულებები ეს წესი განსაზღვრავს ეროვნული სასწავლო ოლიმპიადის (შემდგომში – ოლიმპიადა) ჩატარების წესსა და პირობებს, აგრეთვე ეროვნული სასწავლო ოლიმპიადის მეთოდოლოგიური და ადმინისტრაციული უზრუნველყოფის საკითხებს.     მუხლი 2🔗. ტერმინთა განმარტება ამ წესის მიზნებისათვის გამოყენებულ ტერმინებს აქვს შემდეგი მნიშვნელობა: ა) ადმინისტრატორი – საჯარო სამართლის იურიდიული პირის – გამოცდების ეროვნული ცენტრის (შემდგომში – ცენტრი) მიერ ხელშეკრულების საფუძველზე მოწვეული, ოლიმპიადის მეორე ან/და მესამე ტურის/ტურების ტესტირების ჩატარებაზე პასუხისმგებელი პირი; ბ) ადმინისტრატორის თანაშემწე – ცენტრის მიერ ხელშეკრულების საფუძველზე მოწვეული პირი, რომელიც თვალყურს ადევნებს ოლიმპიადის მესამე ტურში ტესტირების პროცესის მიმდინარეობას; გ) გამსწორებელი – ცენტრის მიერ ხელშეკრულების საფუძველზე მოწვეული სპეციალისტი, რომელმაც გაიარა შესაბამისი სწავლება – ცენტრის მიერ ჩატარებული ტრენინგები და უფლებამოსილია შეაფასოს ოლიმპიადის მონაწილის მიერ შესრულებული ტესტი; დ) დაშიფვრის ინდივიდუალური სისტემა – ცენტრის მიერ დადგენილი კოდირების სისტემა; ე) ზოგადსაგანმანათლებლო დაწესებულების კონკრეტული ქულა – ზოგადსაგანმანათლებლო დაწესებულების რეიტინგული სიის შექმნის მიზნით, ამ წესის შესაბამისად, ზოგადსაგანმანათლებლო დაწესებულებისთვის თითოეულ საგანში მინიჭებულ ქულათა ჯამი; ვ) ზოგადსაგანმანათლებლო დაწესებულებების რეიტინგული სია - ოლიმპიადის დასრულების შემდეგ, ზოგადსაგანმანათლებლო დაწესებულების ან ცენტრის მიერ დამტკიცებული, ოლიმპიადის მეორე/მესამე ტურში/ტურებში ზოგადსაგანმანათლებლო დაწესებულების მიერ ამ წესით დადგენილი წესით მოპოვებული ქულების შესაბამისად შედგენილი რეიტინგული სია უმაღლესიდან უმდაბლესისკენ; ზ) ზოგადსაგანმანათლებლო დაწესებულების საერთო ქულა – ზოგადსაგანმანათლებლო დაწესებულების რეიტინგული სიის შექმნის მიზნით, ზოგადსაგანმანათლებლო დაწესებულების კონკრეტული ქულის ამ წესით განსაზღვრულ ზოგადსაგანმანათლებლო დაწესებულების მოსწავლეთა რაოდენობაზე გაყოფის შედეგად მიღებული ქულა; თ) მაქსიმალური ქულა – ტესტის თითოეული დავალებისთვის მინიჭებულ ქულათა ჯამი; ი) მეთვალყურე – ცენტრის მიერ ხელშეკრულების საფუძველზე დაქირავებული პირი, რომელიც მეთვალყურეობას უწევს ტესტირების ჩატარების პროცესს; კ) ოლიმპიადა – ამ წესის მიხედვით, ცენტრის დირექტორის ინდივიდუალური ადმინისტრაციულ-სამართლებრივი აქტით განსაზღვრული კონკრეტული კლასის/კლასების თითოეულ საგანში ჩატარებული ეროვნული სასწავლო ოლიმპიადა; ლ) ოლიმპიადის მონაწილე – მოსწავლე, რომელიც შესაბამისი საგნის მიხედვით დარეგისტრირდა ზოგადსაგანმანათლებლო დაწესებულებაში ოლიმპიადაში მონაწილეობის მისაღებად; მ) ოლიმპიადის მონაწილეთა რეიტინგული სია – ამ წესით დადგენილი შესაბამისი ტურის დასრულების შემდეგ, ცენტრის მიერ დამტკიცებული, ოლიმპიადის მონაწილეების მიერ მოპოვებული ქულების მიხედვით ოლიმპიადის მონაწილეთა რანჟირებული სია უმაღლესიდან უმდაბლესისკენ; ნ) პასუხისმგებელი პირი – ცენტრის მიერ ხელშეკრულების საფუძველზე დაქირავებული პირი, რომელიც კურირებს ოლიმპიადის ტურების ჩატარების პროცესს და უზრუნველყოფს ოლიმპიადის ტესტების კონფიდენციალობას; ო) რეგისტრატორი – ცენტრის მიერ ხელშეკრულების საფუძველზე მოწვეული პირი, რომელიც ახორციელებს ოლიმპიადის მონაწილეთა რეგისტრაციას და ოლიმპიადის ადმინისტრაციული საკითხების მოგვარებაში ეხმარება ცენტრს; პ) საოლიმპიადო დავალებათა ბანკი – ცენტრის მიერ საგნის შესაბამისად შექმნილი ტესტის შემადგენელი საოლიმპიადო დავალებების მონაცემთა ბაზა, რომლის საფუძველზეც შესაძლებელია ოლიმპიადის თითოეული ტურისთვის შეიქმნას ტესტი ; ჟ) საპრეტენზიო კომისია – ოლიმპიადის შესაბამის ტურში მიღებულ შედეგთან და პროცედურულ დარღვევებთან დაკავშირებით ოლიმპიადის მონაწილეთა განცხადებების განხილვის მიზნით, თითოეული საგნის და პროცედურული დარღვევის მიხედვით, ცენტრის დირექტორის ან საქართველოს განათლებისა და მეცნიერების სამინისტროს ტერიტორიული ორგანოს – საგანმანათლებლო რესურსცენტრის, შესაბამისი ავტონომიური რესპუბლიკის ტერიტორიული ორგანოს საგანმანათლებლო რესურცენტრის (შემდგომში – რესურსცენტრი) უფროსის მიერ ინდივიდუალური ადმინისტრაციულ-სამართლებრივი აქტით შექმნილი დროებითი ორგანო ; რ) ტესტი – ცენტრის მიერ კონკრეტული კლასის/კლასების თითოეულ საგანში შედგენილი საოლიმპიადო დავალებათა ერთობლიობა.     მუხლი 3🔗. ოლიმპიადის მიზნები 1. ოლიმპიადის მიზანია: ა) სასწავლო პროცესის სტიმულირება – სრულყოფა, სწავლისადმი ინტერესების გაღვივება; ბ) სამართლიანი, ობიექტური და გამჭვირვალე შეფასების სისტემის გამოყენებით ნიჭიერი მოსწავლეების გამოვლენა და წახალისება; გ) საერთაშორისო სასწავლო ოლიმპიადებისთვის საქართველოს ნაკრების კანდიდატთა გამოვლენა; დ) ზოგადსაგანმანათლებლო დაწესებულებებში მიმდინარე რეფორმის ხელშეწყობა. 2. ამ მუხლის პირველი პუნქტით განსაზღვრული მიზნების მისაღწევად ცენტრი უზრუნველყოფს: ა) ტესტის შეფასების ობიექტური და უნიფიცირებული მეთოდების შემუშავებას; ბ) მონაწილეთა შერჩევის ადმინისტრირების გეგმის შემუშავებას; გ) ტესტირების ადმინისტრირებას; დ) შედეგების მეთოდოლოგიურ და პროგრამულ ანალიზს. თავი II ოლიმპიადა     მუხლი 4🔗. ოლიმპიადის ჩატარების დრო საქართველოს ტერიტორიაზე ოლიმპიადა ტარდება ყოველი სასწავლო წლის პირველი ოქტომბრიდან 15 მაისამდე.     მუხლი 5🔗. ოლიმპიადის ტურები და მათი სამართლებრივი შედეგები 1. ოლიმპიადა მოიცავს სამ ტურს: ა) პირველი ტური, რომელიც ტარდება ზოგადსაგანმანათლებლო დაწესებულებაში; ბ) მეორე ტური, რომელიც ტარდება პირველი ტურის შედეგების გათვალისწინებით, ცენტრის მიერ შერჩეულ ქალაქებში; გ) მესამე ტური, რომელიც ტარდება ცენტრის მიერ შერჩეულ ქალაქში ან/და ქალაქებში. 2. ოლიმპიადის პირველი ტურის შედეგების საფუძველზე გამოვლინდებიან ოლიმპიადის ის მონაწილეები, რომლებიც მონაწილეობას მიიღებენ ოლიმპიადის მეორე ტურში. 3. მეორე ტურის შედეგების საფუძველზე გამოვლინდებიან ოლიმპიადის ის მონაწილები, რომლებიც მონაწილეობას მიიღებენ ოლიმპიადის მესამე ტურში. 4. მესამე ტურის შედეგების საფუძველზე გამოვლინდებიან ოლიმპიადის გამარჯვებულები. 5. ოლიმპიადის თითოეული ტური ეფუძნება ეროვნულ სასწავლო გეგმას. 6. იმ შემთხვევაში, თუ საქართველო, ოლიმპიადის ჩატარების წელს, მონაწილეობას იღებს კონკრეტული საგნის საერთაშორისო სასწავლო ოლიმპიადაში, ოლიმპიადის მესამე ტურში, შესაბამისი ასაკის და კლასის/კლასების გამარჯვებული პირველი ათეული ხდება საქართველოს ნაკრების წევრობის კანდიდატი.     მუხლი 6🔗. საგნები, რომლებშიც ტარდება ოლიმპიადა 1. ოლიმპიადა, კონკრეტული კლასის/კლასების შესაბამისად, ტარდება შემდეგ საგნებში: ა) მათემატიკა; ბ) ინფორმატიკა; გ) ქართული ენა და ლიტერატურა ; დ) ქართული ენა არაქართულენოვანი ზოგადსაგანმანათლებლო დაწესებულების მოსწავლეებისთვის; ე) ისტორია; ვ) გეოგრაფია; ზ) ფიზიკა; თ) ქიმია; ი) ბიოლოგია; კ) უცხოური ენები (ინგლისური, გერმანული, ფრანგული, რუსული). 2. უცხოურ ენებში ეროვნული ოლიმპიადა შესაძლებელია ჩატარდეს სხვა ორგანიზაციებთან თანამშრომლობით. 3. ამ მუხლის პირველი პუნქტის „ა“, „ბ“, „ე“, „ვ“, „ზ“, „თ“ და „ი“ ქვეპუნქტებით განსაზღვრულ საგნებში ოლიმპიადა ასევე ტარდება სომხურ, აზერბაიჯანულ ან რუსულ ენაზე. 4. რუსულენოვანი ზოგადსაგანმანათლებლო დაწესებულების მოსწავლეებს უფლება არა აქვთ უცხოურ ენად ჩააბარონ რუსული ენა. 5. არაქართულენოვანი ზოგადსაგანმანათლებლო დაწესებულების მოსწავლეებს შესაბამის წელს უფლება აქვთ მონაწილეობა მიიღონ არაქართულენოვანი ზოგადსაგანმანათლებლო დაწესებულების მოსწავლეებისთვის გათვალისწინებულ ქართული ენის ოლიმპიადაში ან ქართული ენისა და ლიტერატურის ოლიმპიადაში. 6. ოლიმპიადის უსინათლო მონაწილეებისთვის ამ მუხლის პირველი პუნქტით გათვალისწინებულ საგანებში გამოიყენება ბრაილის სისტემა.     მუხლი 7🔗. ოლიმპიადის ტურების ჩატარების ფორმა 1. ოლიმპიადა, გარდა ამ მუხლის მე-2 პუნქტით დადგენილი გამონაკლისისა, ტარდება ტესტის მეშვეობით, რომელთა კონფიდენციალობა დაცულია ოლიმპიადის დაწყებამდე. 2. ოლიმპიადის მესამე ტური უცხო ენაში ტარდება წერილობითი ან/და ზეპირი ფორმით. გამოცდა ზეპირი ფორმით შესაძლებელია ჩატარდეს სხვა ორგანიზაციებთან თანამშრომლობით ან ცენტრის მიერ. 3. ოლიმპიადის მეორე და მესამე ტურზე ოლიმპიადის მონაწილის ტესტური ნაშრომი ტესტის გამსწორებელს წარედგინება დაშიფრული ინდივიდუალური სისტემით, რომელიც უზრუნველყოფს ოლიმპიადის მონაწილის კონფიდენციალობას. 4. ტესტირება, შესაბამისი საგნის მიხედვით, ოლიმპიადის ტურების შესაბამისად, ზოგადსაგანმანათლებლო დაწესებულებებში და ცენტრის მიერ მეორე და მესამე ტურისთვის შერჩეულ ქალაქებში ტარდება ერთდროულად. 5. ოლიმპიადის: ა) პირველი ტურის ტესტები სწორდება ზოგადსაგანმანათლებლო დაწესებულების მიერ 5 კალენდარული დღის განმავლობაში; ბ) მეორე ტურის ტესტები სწორდება ცენტრის გამსწორებლების მიერ 30 დღის ვადაში; გ) მესამე ტურის ტესტები სწორდება ცენტრის გამსწორებლების მიერ 20 დღის ვადაში.     მუხლი 8🔗. ოლიმპიადის მონაწილენი 1. ოლიმპიადაში მონაწილეობის უფლება აქვს ზოგადსაგანმანათლებლო დაწესებულების მოსწავლეს ცენტრის დირექტორის მიერ დადგენილი კლასის/კლასების შესაბამისად. 2. ცენტრის მიერ დადგენილი კლასის/კლასების შესაბამისად, მოსწავლეს უფლება აქვს მონაწილეობა მიიღოს რამდენიმე საგნის ოლიმპიადაში ერთდროულად. 3. მოსწავლეს უფლება აქვს მონაწილეობა მიიღოს შესაბამისი ან უფრო მაღალი კლასისთვის/კლასებისთვის განსაზღვრული საგნის ოლიმპიადაში.     მუხლი 9🔗. ოლიმპიადის ჩატარებაზე პასუხისმგებელი ორგანოები 1. ოლიმპიადის ჩატარებას კოორდინაციას უწევს საქართველოს განათლებისა და მეცნიერების სამინისტრო (შემდგომში – სამინისტრო). 2. საჯარო სამართლის იურიდიული პირი – ზოგადსაგანმანათლებლო დაწესებულება: ა) უზრუნველყოფს მოსწავლეების ინფორმირებასა და ოლიმპიადის მონაწილეების რეგისტრაციას; ბ) ატარებს ოლიმპიადის პირველ ტურს ცენტრის მიერ დადგენილი პროცედურების შესაბამისად; გ) ამ წესის შესაბამისად, რესურსცენტრს წარუდგენს ოლიმპიადის მონაწილეთა პირველად რეიტინგულ სიას კონკრეტული კლასის/კლასებისა და საგნის შესაბამისად; დ) ოლიმპიადის მონაწილეთა ნაშრომებს ინახავს 6 თვის განმავლობაში; ე) ცენტრის მოთხოვნის შემთხვევაში ცენტრს წარუდგენს ოლიმპიადის მონაწილეთა ნაშრომებს; ვ) უზრუნველყოფს სხვა ისეთი პირობების შექმნას, რომელიც ხელს შეუწყობს ოლიმპიადის ჩატარებას. 3. საჯარო სამართლის იურიდიული პირი – ზოგადსაგანმანათლებლო დაწესებულება ვალდებულია მონაწილეობა მიიღოს ოლიმპიადაში. საჯარო სამართლის იურიდიული პირი – ზოგადსაგანმანათლებლო დაწესებულება მონაწილეობას არ იღებს შესაბამისი წლის ოლიმპიადაში იმ შემთხვევაში, თუ შესაბამის წელს მისი მოსწავლე არ დარეგისტრირდება ოლიმპიადის მონაწილედ. 4. იმ შემთხვევაში, თუ კერძო სამართლის იურიდიული პირი – ზოგადსაგანმანათლებლო დაწესებულება შესაბამის წელს გამოთქვამს ოლიმპიადაში მონაწილეობის სურვილს, მასზე ვრცელდება ამ წესით დადგენილი ის მოთხოვნები, რომელიც გათვალისწინებულია საჯარო სამართლის იურიდიული პირისთვის – ზოგადსაგანმანათლებლო დაწესებულებისთვის. 5. რესურსცენტრი: ა) უზრუნველყოფს ოლიმპიადაზე დარეგისტრირებული პირების თაობაზე ცენტრისთვის ინფორმაციის მიწოდებას; ბ) უზრუნველყოფს იმ კერძო სამართლის იურიდიული პირის – ზოგადსაგანმანათლებლო დაწესებულების მოსწავლის ოლიმპიადაზე დარეგისტრირებასა და ოლიმპიადის პირველ ტურზე საჯარო სამართლის იურიდიული პირის – ზოგადსაგანმანათლებლო დაწესებულებაში განაწილებას, რომლის ზოგადსაგანმანათლებლო დაწესებულება მონაწილეობას არ იღებს შესაბამისი წლის ოლიმპიადაში; გ) უზრუნველყოფს ცენტრის მიერ ოლიმპიადის პირველი ტურისთვის გაცემული ტესტების და შეფასებების სქემების ზოგადსაგანმანათლებლო დაწესებულებამდე მიტანას მათი სრული კონფიდენციალობის დაცვით; დ) განიხილავს ოლიმპიადის პირველი ტურის საპრეტენზიო განაცხადებს ამ წესის შესაბამისად; ე) უზრუნველყოფს ზოგადსაგანმანათლებლო დაწესებულების მიერ დადგენილი ოლიმპიადის მონაწილეთა პირველადი რეიტინგული სიისა და საპრეტენზიო კომისიის გადაწყვეტილებების ცენტრისთვის გადაგზავნას; ვ) ხელს უწყობს მის ტერიტორიაზე მოქმედ ზოგადსაგანმანათლებლო დაწესებულებას და ცენტრს ოლიმპიადის ჩატარებაში; ზ) ასრულებს საქართველოს კანონმდებლობითა და ამ წესით გათვალისწინებულ სხვა ფუნქციებს. 6. ცენტრი: ა) უზრუნველყოფს ოლიმპიადის პირველი ტურის ტესტებისა და შეფასების სქემების მომზადებას და შესაბამისი რესურსცენტრისთვის მიწოდებას; ბ) უზრუნველყოფს ოლიმპიადის მონაწილეთა ბაზების ფორმირებას; გ) ატარებს ოლიმპიადის მეორე და მესამე ტურს ამ წესის შესაბამისად; დ) განიხილავს ოლიმპიადის მეორე და მესამე ტურის საპრეტენზიო განაცხადებს ამ წესის შესაბამისად; ე) უფლებამოსილია განახორციელოს ზოგადსაგანმანათლებლო დაწესებულების მიერ ჩატარებულ ოლიმპიადებზე მონიტორინგი; ვ) ახორციელებს საქართველოს კანონმდებლობითა და ამ წესით გათვალისწინებულ სხვა ფუნქციებსა და საქათველოს კანონმდებლობით მინიჭებულ სხვა უფლებამოსილებებს. 7. საჯარო სამართლის იურიდიული პირი – საგანმანათლებლო დაწესებულება, რესურსცენტრის ან/და ცენტრის მიმართვის შემთხვევაში, ოლიმპიადის ჩატარებისთვის უზრუნველყოფს მათ დაქვემდებარებაში მყოფი შენობებიდან საჭირო ფართის გამოყოფას. თავი III ოლიმპიადების ჩატარების ორგანიზება     მუხლი 10🔗. ტესტების მომზადება 1. ოლიმპიადის თითოეული ტურისთვის ტესტებს და შესაბამის შეფასების სქემებს შეიმუშავებს ცენტრი. ცენტრი ოლიმპიადებისთვის ტესტებს ადგენს „ეროვნული სასწავლო გეგმის დამტკიცების შესახებ“ საქართველოს განათლებისა და მეცნიერების მინისტრის 2006 წლის 28 სექტემბრის №841 ბრძანებით დამტკიცებული ეროვნული სასწავლო გეგმის შესაბამისად. 2. ოლიმპიადის თითოეული ტურისთვის შეირჩევა განსხვავებული სირთულის ტესტი კონკრეტული კლასის/კლასების და საგნის შესაბამისად. 3. ოლიმპიადებისთვის ცენტრი უფლებამოსილია საგნის შესაბამისად შექმნას საოლიმპიადო დავალებათა ბანკი. 4. დავალებების ბანკის შექმნის მიზნით ცენტრი უფლებამოსილია ყოველწლიურად ჩაატაროს კონკურსი, რომელშიც მონაწილეობის მიღების უფლება აქვს ფიზიკურ პირს. 5. ცენტრი, შემოსული დავალებების შეფასების შემდეგ, შერჩეულ საუკეთესო დავალებებს ათავსებს საოლიმპიადო დავალებათა ბანკში, რის შემდეგაც ამ ბანკიდან ხდება ოლიმპიადისთვის ტესტების შედგენა. 6. ცენტრის დირექტორის ინდივიდუალური ადმინისტრაციულ-სამართლებრივი აქტით განისაზღვრება ამ მუხლის მე-5 პუნქტით შერჩეული დავალებების ავტორების ანაზღაურების საკითხი.     მუხლი 11🔗. რეგისტრაცია 1. ოლიმპიადაში მონაწილეობის მისაღებად მოსწავლე რეგისტრაციას გადის ზოგადსაგანმანათლებლო დაწესებულებაში. 2. ამ მუხლის პირველი პუნქტით გათვალისწინებული რეგისტრაცია ზოგადსაგანმანათლებლო დაწესებულებაში მიმდინარეობს ცეტრის დირექტორის მიერ ინდივიდუალური ადმიანისტრაციულ-სამართლებრივი აქტით განსაზღვრულ ვადაში. 3. ზოგადსაგანმანათლებლო დაწესებულება ვალდებულია ოლიმპიადის მონაწილეთა რეგისტრაციის დამთავრებიდან მეორე დღეს, შესაბამის რესურსცენტრს მიაწოდოს ინფორმაცია ოლიმპიადის მონაწილეთა რაოდენობის თაობაზე კონკრეტული საგნისათვის დადგენილი კლასების მიხედვით, ოლიმპიადის საგნის ენის გათვალისწინებით. 4. იმ შემთხვევში, თუ ოლიმპიადის მონაწილე არის წინა წლის შესაბამისი საგნის/საგნების ოლიმპიადის გამარჯვებული და შესაბამის წელს საპატიო მიზეზით ვერ გაივლის რეგისტრაციას, უფლება აქვს გავიდეს პირდაპირ შესაბამისი საგნის და კლასის ოლიმპიადის მე-3 ტურში.     მუხლი 12🔗. მონაცემთა ბაზა 1. ოლიმპიადის მეორე და მესამე ტურის ჩატარების მიზნით, ცენტრი, რესურსცენტრებიდან წარდგენილი ამ წესის მე-14 მუხლის მე-5 პუნქტით გათვალისწინებული დოკუმენტაციის საფუძველზე, ქმნის ოლიმპიადაში მონაწილეების მონაცემთა ელექტრონულ ბაზას. 2. ცენტრისათვის გადაგზავნილი ინფორმაციის სისწორეზე და სისრულეზე პასუხისმგებელია შესაბამისი ზოგადსაგანმანათლებლო დაწესებულება და რესურსცენტრი. თავი IV ოლიმპიადის ტურები და ჩატარების ფორმა     მუხლი 13🔗. ოლიმპიადის ტურის ჩატარების დრო 1. ოლიმპიადის ტურები ტარდება ცენტრის დირექტორის ინდივიდუალური ადმინისტრაციულ-სამართლებრივი აქტით დამტკიცებული განრიგის შესაბამისად. 2. ოლიმპიადის განრიგი ისე უნდა იყოს შედგენილი, რომ ოლიმპიადის მონაწილეს შეეძლოს მონაწილეობა მიიღოს სხვადასხვა საგნის ოლიმპიადაში ამ წესით დადგენილი მოთხოვნების შესაბამისად.     მუხლი 14🔗. ოლიმპიადის პირველი ტური 1. ოლიმპიადის პირველი ტურის ტესტების გასწორების შემდგომ ზოგადსაგანმანათლებლო დაწესებულების დირექტორის აქტით დგება ოლიმპიადის მონაწილეთა პირველადი რეიტინგული სია კონკრეტული კლასის/კლასებისა და საგნის შესაბამისად. 2. ამ მუხლის პირველი პუნქტით გათვალისწინებული სია ზოგადსაგანმანათლებლო დაწესებულების მიერ რესურსცენტრს გადაეგზავნება ოლიმპიადის ჩატარდებიდან 5 კალენდარული დღის ვადაში. 3. რესურსცენტრი ვალდებულია განიხილოს მის სამოქმედო ტერიტორიაზე არსებული ზოგადსაგანმანათლებლო დაწესებულების მიერ ჩატარებულ ოლიმპიადებთან დაკავშირებული საპრეტენზიო განაცხადები ამ წესის შესაბამისად. 4. ოლიმპიადის პირველი ტურის საფუძველზე გამოვლინდებიან ოლიმპიადის ის მონაწილეები, რომლებიც მოიპოვებენ უფლებას მონაწილეობა მიიღონ ოლიმპიადის მეორე ტურში. ოლიმპიადის მეორე ტურში მონაწილეობის უფლება აქვს ოლიმპიადის იმ მონაწილეს, რომელმაც ოლიმპიადის პირველ ტურში დააგროვა შესაბამისი საგნის ტესტის მაქსიმალური ქულის 50%-ზე მეტი. 5. ამ მუხლის პირველი პუნქტით განსაზღვრული სიები, საპრეტენზიო კომისიის შესაბამის გადაწყვეტილებებთან ერთად, რესურცენტრის მიერ ცენტრს გადაეგზავნება ოლიმპიადის პირველი ტურის ტესტირების დასრულებიდან 14 კალენდარული დღის ვადაში. 6. ამ მუხლის მე-5 პუნქტით განსაზღვრულ დოკუმენტებთან ერთად ოლიმპიადის პირველი ტურის შედეგებთან დაკავშირებული ინფორმაცია ეგზავნება ცენტრს მის მიერ დადგენილი მოთხოვნების შესაბამისად. 7. ოლიმპიადის მეორე ტურში გასული ოლიმპიადის მონაწილეების სია ცენტრის მიერ გამოქვეყნდება ცენტრის ოფიციალურ ვებგვერდზე.     მუხლი 15🔗. ოლიმპიადის მეორე ტური 1. ოლიმპიადის მეორე ტურში მონაწილეობის მიღების უფლება აქვს ოლიმპიადის პირველ ტურში გასულ ოლიმპიადის მონაწილეს. 2. ცენტრის მიერ ოლიმპიადების მეორე ტურთან დაკავშირებული საპრეტენზიო განაცხადების განხილვის შემდეგ ცენტრის დირექტორის ინდივიდუალური ადმინისტრაციულ-სამართლებრივი აქტით დგება ოლიმპიადის მეორე ტურის მონაწილეთა რეიტინგული სია კონკრეტული კლასის/კლასებისა და საგნის შესაბამისად. 3. ოლიმპიადის მეორე ტურის გამარჯვებულია ოლიმპიადის ის მონაწილე, რომელმაც ოლიმპიადის მეორე ტურში დააგროვა შესაბამისი საგნის ტესტის მაქსიმალური ქულის 50%-ზე მეტი და მოხვდა შესაბამისი კლასის/კლასების და საგნის რეიტინგული სიის პირველ ას ოლიმპიადის მონაწილეს შორის. 4. ოლიმპიადის მეორე ტურის გამარჯვებულია ოლიმპიადის ის მონაწილე/მონაწილეები, რომლის/რომლების ქულა ემთხვევა ამ მუხლის მეორე პუნქტით გათვალისწინებულ რეიტინგულ სიაში მეასე ადგილზე მყოფი მოსწავლის ქულას. 5. ოლიმპიადის მეორე ტურის გამარჯვებულთა სია ცენტრის მიერ გამოქვეყნდება ცენტრის ოფიციალურ ვებგვერდზე და ამ მუხლის მე-2 პუნქტით განსაზღვრული სიები გაიგზავნება შესაბამის რესურსცენტრებში. 6. გასწორების პროცესის დასრულებიდან არა უგვიანეს 2 დღისა, ცენტრი უზრუნველყოფს მეორე ტურის ტესტებისა და ტესტის პასუხების ცენტრის ოფიციალურ ვებგვერდზე განთავსებას.     მუხლი 16🔗. ოლიმპიადის მესამე ტური 1. ოლიმპიადის მესამე ტურში მონაწილეობის მიღების უფლება აქვს ოლიმპიადის მეორე ტურში გამარჯვებულ მონაწილეს. 2. ოლიმპიადის მონაწილეთა საპრეტენზიო განცხადებების განხილვის შემდგომ ცენტრის დირექტორის ინდივიდუალური ადმინისტრაციულ-სამართლებრივი აქტით დგება ოლიმპიადის მონაწილეთა რეიტინგული სია კონკრეტული კლასის/კლასებისა და საგნის შესაბამისად. 3. თუ ამ მუხლის მე-2 პუნქტით გათვალისწინებულ ოლიმპიადის მონაწილეთა რეიტინგული სიის პირველ ათ ოლიმპიადის მონაწილეს თანაბარი ქულები აქვთ, მაშინ, რეიტინგული სიის შექმნის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების მეორე ტურში მიღებული ქულები. 4. იმ შემთხვევაში, თუ მეორე ტურის შედეგების შეჯამების შემდეგ ამ მუხლის მე-3 პუნქტით გათვალისწინებულ ოლიმპიადის მონაწილეებს თანაბარი ქულები აქვთ, რეიტინგული სიის შექმნის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების პირველ ტურში მიღებული ქულები. 5. ოლიმპიადის პირველი ადგილის მფლობელია (გამარჯვებულია) ოლიმპიადის ის მონაწილე, რომელმაც მესამე ტურში დააგროვა შესაბამისი საგნის ტესტის მაქსიმალური ქულის 60%-ზე მეტი და მოხვდა შესაბამისი კლასის/კლასების და საგნის რეიტინგული სიის პირველ ადგილზე. 6. ოლიმპიადის პირველი ადგილის მფლობელია აგრეთვე ოლიმპიადის ის მონაწილე, რომლის ქულა, ამ წესის შესაბამისად, ემთხვევა ამ მუხლის მე-5 პუნქტით გათვალისწინებულ სიაში პირველ ადგილზე მყოფი მოსწავლის ქულას. 7. ოლიმპიადის მე-2-მე-10 ადგილის მფლობელია (გამარჯვებულია) ოლიმპიადის ის მონაწილე, რომელმაც მესამე ტურში დააგროვა შესაბამისი საგნის ტესტის მაქსიმალური ქულის 60%-ზე მეტი და მოხვდა შესაბამისი კლასის/კლასების და საგნის რეიტინგული სიის მე-2-მე-10 ადგილზე. 8. ოლიმპიადის გამარჯვებულია ოლიმპიადის ის მონაწილე/მონაწილეები, რომლის/რომლების ქულა ემთხვევა ამ მუხლის მეორე პუნქტით გათვალისწინებულ რეიტინგულ სიაში მეათე ადგილზე მყოფი მოსწავლის ქულას. 9. ოლიმპიადის გამარჯვებულთა სია ცენტრის მიერ გამოქვეყნდება ცენტრის ოფიციალურ ვებგვერდზე და ამ მუხლის მე-2 პუნქტით განსაზღვრული სიები გაიგზავნება შესაბამის რესურსცენტრებში. 10. გასწორების პროცესის დასრულებიდან არაუგვიანეს 2 დღისა, ცენტრი უზრუნველყოფს მესამე ტურის ტესტებისა და ტესტის პასუხების ცენტრის ოფიციალურ ვებგვერდზე განთავსებას. თავი V ტესტირება     მუხლი 17🔗. ტესტირების მიმდინარეობა 1. ოლიმპიადის: ა) პირველი ტური ჩატარდება ზოგადსაგანმანათლებლო დაწესებულებაში; ბ) მეორე და მესამე ტურებისთვის – ცენტრის დირექტორის ინდივიდუალური ადმინისტრაციულ-სამართლებრივი აქტით განისაზღვრება ის შენობები, სადაც ჩატარდება ტესტირება ცენტრის მიერ შერჩეული ქალაქის/ქალაქების მასშტაბით. 2. ცენტრი ოლიმპიადის მეორე და მესამე ტურისთვის შენობათა შერჩევას ახორციელებს რესურსცენტრის წარდგინებით. 3. რესურსცენტრი ვალდებულია შეარჩიოს შენობა და ოლიმპიადის შესაბამისი ტურის დაწყებამდე ორი კვირით ადრე წარუდგინოს ცენტრს შერჩეული შენობის თაობაზე ინფორმაცია. 4. ოლიმპიადის მონაწილემ უნდა გაიაროს რეგისტრაცია. ოლიმპიადის მეორე და მესამე ტურზე რეგისტრაცია იწყება ტესტირებამდე ერთი საათით ადრე. 5. რეგისტრაციისას ოლიმპიადის მონაწილე ვალდებულია წარადგინოს ზოგადსაგანმანათლებლო დაწესებულების ან ცენტრის დირექტორის აქტით დადგენილი დოკუმენტები. 6. ოლიმპიადები წერილობითი და ზეპირი ფორმით მიმდინარეობს ცენტრის მიერ დადგენილი პროცედურით. 7. ოლიმპიადის ტესტირებისთვის გამოყოფილ დროს, ოლიმპიადის კონკრეტული კლასის/კლასებისა და საგნის შესაბამისად, აგრეთვე სხვა გარემოებების გათვალისწინებით, ადგენს ცენტრი.     მუხლი 18🔗. ოლიმპიადის მონაწილის მოვალეობები 1. ოლიმპიადის მონაწილე ვალდებულია: ა) დროულად გამოცხადდეს ტესტირებაზე. რეგისტრაციის დამთავრების შემდეგ ოლიმპიადის მონაწილე ტესტირებაზე არ დაიშვება; ბ) შეასრულოს ამ წესით გათვალისწინებული სხვა ვალდებულებანი და ოლიმპიადის პროცესის მონაწილის ცალკეული მითითებანი. 2. ტესტირების მსვლელობისას ოლიმპიადის მონაწილეს ეკრძალება: ა) მობილური ტელეფონის, პეიჯერის ან სხვა ელექტრონული აპარატურის ქონა; ბ) ტესტირებაზე დამხმარე მასალის – სახელმძღვანელოების, ჩანაწერების, ფურცლების და სხვათა გამოყენება; გ) გადალაპარაკება, დახმარების გაწევა ან მიღება რაიმე ფორმით, სხვა ოლიმპიადის მონაწილისათვის რაიმე ფორმით ხელის შეშლა, თუ ამან არსებითად ხელი შეუშლა ტესტირების მიმდინარეობას; დ) სამუშაო ადგილის უნებართვოდ დატოვება. სამუშაო ადგილის დატოვება შესაძლებელია მხოლოდ თანმხლებ პირთან ერთად. 3. ამ მუხლის მე-2 პუნქტით გათვალისწინებული მოთხოვნების დარღვევის შემთხვევაში ოლიმპიადის მონაწილეს მიეცემა გაფრთხილება, რაც ფორმდება წერილობით. გაფრთხილების გარეშე ოლიმპიადის მონაწილის ტესტირებიდან მოხსნა შესაძლებელია წესრიგის უხეში დარღვევის, ტესტირების პროცესის მონაწილე პირის შეურაცხყოფის ან სხვა მსგავს შემთხვევაში, რაც ფორმდება შესაბამისი ოქმით.     მუხლი 19🔗. ტესტირების პროცესის კონტროლი და მეთვალყურეობა 1. ტესტირების მიმდინარეობისას დაშვებულია მხოლოდ შემდეგი პირების ყოფნა: ა) პირველ ტურზე – ზოგადსაგანმანათლებლო დაწესებულების, რესურსცენტრის და ცენტრის თანამშრომლები, აგრეთვე პირები, რომელთაც აქვთ ზოგადსაგანმანათლებლო დაწესებულების მიერ გაცემული დოკუმენტი, გარდა ამ მუხლის მე-2 პუნქტით დადგენილი გამონაკლისებისა; ბ) მეორე და მესამე ტურზე: ბ.ა)პირები, რომელთაც აქვთ ცენტრის მიერ გაცემული სპეციალური დოკუმენტი; ბ.ბ) მეთვალყურე; ბ.გ) ადმინისტრატორი; ბ.დ) ადმინისტრატორის თანაშემწე; ბ.ე) რეგისტრატორი; ბ.ვ) პასუხისმგებელი პირი; ბ.ზ) ექიმი; ბ.თ) საჭიროების შემთხვევაში ტექნიკური პერსონალი. 2. ოლიმპიადის პირველ ტურზე შესაბამისი საგნის ტესტირების მიმდინარეობისას დაუშვებელია ზოგადსაგანმანათლებლო დაწესებულების საგნის სპეციალისტის (მასწავლებელი, დირექტორი, დირექტორის მოადგილე და სხვა) ყოფნა. 3. ამ მუხლის პირველი პუნქტით გათვალისწინებულ პირებს ეკრძალებათ ნებისმიერი ფორმით ოლიმპიადის მონაწილის დახმარება ან მათი მუშაობისთვის ხელის შეშლა. თავი VI ოლიმპიადებთან დაკავშირებული პრეტენზიების განხილვა და განხილვის შედეგები     მუხლი 20🔗. პროცედურული დარღვევების გასაჩივრება 1. ოლიმპიადის: ა) პირველი ტურის პროცედურულ დარღვევებზე წარმოშობილი პრეტენზიები განიხილება რესურსცენტრის უფროსის ინდივიდუალური ადმინისტრაციულ-სამართლებრივი აქტით შექმნილი საპრეტენზიო კომისიის მიერ; ბ) მეორე და მესამე ტურის პროცედურულ დარღვევებზე წარმოშობილი პრეტენზიები განიხილება ცენტრის დირექტორის ინდივიდუალური ადმინისტრაციულ-სამართლებრივი აქტით შექმნილი საპრეტენზიო კომისიის მიერ. 2. პროცედურის დადგენილი წესის დარღვევის ფაქტის თაობაზე ოლიმპიადის მონაწილე უფლებამოსილია შესაბამისი ოლიმპიადის დასრულების მეორე დღის 17 საათამდე პრეტენზია შეიტანოს შესაბამისი საპრეტენზიო კომისიის სახელზე. 3. პროცედურის დადგენილი წესის დარღვევის ფაქტის თაობაზე წარდგენილი პრეტენზია შეიძლება ეხებოდეს: ა) პრეტენზიის წარმდგენი მოსწავლის უფლებების დარღვევას პროცესის მონაწილე სხვა პირების მიერ; ბ) ოლიმპიადის სხვა მონაწილის მიმართ პროცედურის დადგენილი წესის დარღვევას პროცესის მონაწილე სხვა პირების მიერ (ოლიმპიადის მონაწილისათვის დახმარების აღმოჩენა, აკრძალული ნივთების მიწოდება და ა.შ). 4. საპრეტენზიო კომისია 5 კალენდარული დღის განმავლობაში განიხილავს საპრეტენზიო განაცხადს. საპრეტენზიო კომისია გადაწყვეტილების შინაარსს დაუყოვნებლივ აცნობებს ოლიმპიადის მონაწილეს და ცენტრის დირექტორს. 5. თუ ამ მუხლის მე-3 პუნქტის „ა” ქვეპუნქტით გათვალისწინებული პრეტენზიის განხილვის შედეგად დადასტურდა პრეტენზიის წარმდგენი ოლიმპიადის მონაწილის უფლებების დარღვევა ოლიმპიადის სხვა მონაწილის მიერ, საპრეტენზიო კომისიას გამოაქვს გადაწყვეტილება ამ უკანასკნელის ნაშრომის ნული ქულით შეფასების თაობაზე, ხოლო თუ იგივე ქმედება ჩადენილია პროცესის სხვა მონაწილის მიერ, საპრეტენზიო კომისიას გამოაქვს გადაწყვეტილება აღნიშნული პირის (პირების) უფლებამოსილების შეწყვეტის შესახებ, რის თაობაზეც დაუყოვნებლივ ეცნობება ზოგადსაგანმანათლებლო დაწესებულებას ან ცენტრს. 6. თუ ამ მუხლის მე-3 პუნქტის „ბ” ქვეპუნქტით გათვალისწინებული პრეტენზიის განხილვის შედეგად დადასტურდა ოლიმპიადის სხვა მონაწილის მიმართ პროცედურის დადგენილი წესის დარღვევა ოლიმპიადის პროცესში მონაწილე ოლიმპიადის მონაწილეებისა და სხვა პირების მხრიდან (ოლიმპიადის მონაწილისათვის დახმარების აღმოჩენა, აკრძალული ნივთების მიწოდება და ა.შ), საპრეტენზიო კომისიას გამოაქვს გადაწყვეტილება ოლიმპიადის იმ მონაწილის ნაშრომების ნული ქულით შეფასების შესახებ, რომელთაც დაარღვიეს ტესტირების პროცედურა, ხოლო თუ იგივე ქმედება ჩადენილია ტესტირების პროცესის სხვა მონაწილის მიერ, საპრეტენზიო კომისიას გამოაქვს გადაწყვეტილება აგრეთვე აღნიშნული პირის (პირების) უფლებამოსილების შეწყვეტის შესახებ, რის თაობაზეც დაუყოვნებლივ ეცნობება ზოგადსაგანმანათლებლო დაწესებულებას ან ცენტრს. მუხლი 21🔗. ტესტირების შედეგების გასაჩივრება 1. ოლიმპიადის: ა) პირველი ტურის შედეგების თაობაზე თითოეული საგნის მიხედვით წარმოშობილი დავები განიხილება რესურსცენტრის უფროსის ინდივიდუალური ადმინისტრაციულ-სამართლებრივი აქტით შექმნილი საპრეტენზიო კომისიის მიერ; ბ) მეორე და მესამე ტურის შედეგების თაობაზე თითოეული საგნის მიხედვით წარმოშობილი დავები განიხილება ცენტრის დირექტორის ინდივიდუალური ადმინისტრაციულ-სამართლებრივი აქტით შექმნილი საპრეტენზიო კომისიის მიერ. 2. ოლიმპიადის მონაწილეს უფლება აქვს ტესტის შეფასების თაობაზე წარადგინოს საპრეტენზიო განაცხადი ოლიმპიადის ტესტისა და პასუხების ოფიციალურ ვებგვერდზე გამოქვეყნებიდან 2 დღის განმავლობაში. ოლიმპიადის მონაწილის საპრეტენზიო განაცხადში მითითებული უნდა იყოს ტესტის იმ დავალების ნომერი, რომლის თაობაზეც წარდგენილია პრეტენზია. საპრეტენზიო განაცხადში დავალების ნომრის მითითების არარსებობის შემთხვევაში განიხილება ტესტში შემავალი ყველა დავალების შეფასების სისწორე. 3. საპრეტენზიო კომისია განიხილავს მხოლოდ ტესტის იმ დავალების შეფასების სისწორეს, რომელიც მითითებული იყო საპრეტენზიო განაცხადში. საპრეტენზიო კომისია საპრეტენზიო განაცხადს განიხილავს განაცხადის შეტანიდან 5 დღის ვადაში.     მუხლი 22🔗. ოლიმპიადის საპრეტენზიო განაცხადების განხილვის შედეგები 1. ოლიმპიადის: ა) პირველი ტურის ტესტირების შედეგებზე პრეტენზიების განხილვის შემდეგ, არა უგვიანეს 2 დღისა, რესურსცენტრი ცენტრს წარუდგენს ამ წესის მე-14 მუხლის პირველი პუნქტით გათვალისწინებულ სიებს, საპრეტენზიო კომისიის შესაბამის გადაწყვეტილებებს და ოლიმპიადის პირველი ტურის შედეგებთან დაკავშირებულ ინფორმაციას ცენტრის მიერ დადგენილი მოთხოვნების შესაბამისად; ბ) მეორე ტურის ტესტირების შედეგებზე პრეტენზიების განხილვის შემდეგ, არა უგვიანეს 2 დღისა, ცენტრის დირექტორის ინდივიდუალური ადმინისტრაციულ-სამართლებრივი აქტით დგება ოლიმპიადის მონაწილეთა მეორე ტურის რეიტინგული სია კონკრეტული კლასის/კლასებისა და საგნის შესაბამისად; გ) მესამე ტურის ტესტირების შედეგებზე პრეტენზიების განხილვის შემდეგ, არა უგვიანეს 2 დღისა, ცენტრის დირექტორის ინდივიდუალური ადმინისტრაციულ-სამართლებრივი აქტით დგება ოლიმპიადის მონაწილეთა მესამე ტურის (საბოლოო) რეიტინგული სია კონკრეტული კლასის/კლასებისა და საგნის შესაბამისად. 2. ამ მუხლის პირველი პუნქტის „ბ“ და „გ“ ქვეპუნქტით გათვალისწინებული რეიტინგული სიები საპრეტენზიო კომისიის მიერ საპრეტენზიო განაცხადების განხილვის დასრულებიდან არა უგვიანეს 5 დღისა ცენტრის მიერ გადაიგზავნება შესაბამის რესურსცენტრში. აგრეთვე გამოქვეყნდება ცენტრის ოფიციალურ ვებგვერდზე. თავი VII ოლიმპიადის მონაწილეების და ზოგადსაგანმანათლებლო დაწესებულებების დაჯილდოება     მუხლი 23🔗. ოლიმპიადის მონაწილეების და ზოგადსაგანმანათლებლო დაწესებულებების დაჯილდოების ორგანიზაციული უზრუნველყოფა 1. სამინისტრო ცენტრის წარდგინებით ამტკიცებს ოლიმპიადის ტურებში გამარჯვებული ოლიმპიადის მონაწილეებისთვის და ზოგადსაგანმანათლებლო დაწესებულებებისათვის გადასაცემი სიგელების და ოლიმპიადის გამარჯვებულთა დიპლომების ფორმას. 2. ამ წესის მე-16 მუხლით გათვალისწინებული ოლიმპიადის გამარჯვებულების და ამ წესის 25-ე მუხლით გათვალისწინებული ზოგადსაგანმანათლებლო დაწესებულებების დაჯილდოების ორგანიზაციული უზრუნველყოფის საკითხებს განსაზღვრავს საქართველოს განათლებისა და მეცნიერების მინისტრი ინდივიდუალური ადმინისტრაციულ-სამართლებრივი აქტით.     მუხლი 24🔗. ოლიმპიადის მონაწილეების დაჯილდოება 1. ამ წესის მე-15 მუხლის მესამე და მეოთხე პუნქტებით გათვალისწინებულ ოლიმპიადის მონაწილეს გადაეცემა სიგელი, რომელიც ადასტურებს, რომ ოლიმპიადის მონაწილემ გაიმარჯვა ოლიმპიადის მეორე ტურში. 2. ამ წესის მე-16 მუხლის მე-6 და მე-7 პუნქტებით გათვალისწინებულ ოლიმპიადის მონაწილეს გადაეცემა სიგელი, რომელიც ადასტურებს, რომ ოლიმპიადის მონაწილემ გაიმარჯვა ოლიმპიადის მესამე ტურში. ოლიმპიადის მესამე ტურში გამარჯვებულ მოსწავლეებს სამინისტროს გადაწყვეტილებით შესაძლებელია გადაეცეთ პრიზი/პრიზები. 3. ამ წესის მე-16 მუხლის მე-4 და მე-5 პუნქტებით გათვალისწინებული რეიტინგული სიის ოლიმპიადის პირველ სამ ოლიმპიადის მონაწილეს გადაეცემა ეროვნული სასწავლო ოლიმპიადის პირველი, მეორე და მესამე ხარისხის დიპლომები პირველი, მეორე და მესამე ადგილის შესაბამისად. ეროვნული სასწავლო ოლიმპიადის პირველი, მეორე და მესამე ხარისხის დიპლომის მქონე მოსწავლეებს სამინისტროს გადაწყვეტილებით გადაეცემათ პრიზი/პრიზები.     მუხლი 25🔗. ზოგადსაგანმანათლებლო დაწესებულებების დაჯილდოება 1. ზოგადსაგანმანათლებლო დაწესებულების დაჯილდოების მიზნით, საგნის შესაბამისად, დგება ზოგადსაგანმანათლებლო დაწესებულებების რეიტინგული სია უმაღლესიდან უმდაბლესისკენ. 2. ამ მუხლის პირველი პუნქტით გათვალისწინებული რეიტინგული სიის შექმნის მიზნით ზოგადსაგანმანათლებლო დაწესებულებას ენიჭება ქულები, შემდეგი წესით: ა) იმ შემთხვევაში, თუ ოლიმპიადის მონაწილემ, მეორე ტურის შედეგების გათვალისწინებით, თითოეულ საგანში დააგროვა ტესტის მაქსიმალური ქულის 50%-ზე მეტი, მაგრამ ვერ მოიპოვა მონაწილეობის მიღების უფლება ოლიმპიადის მესამე ტურში – ზოგადსაგანმანათლებლო დაწესებულებას ენიჭება 3 ქულა; ბ) იმ შემთხვევაში, თუ ოლიმპიადის მონაწილემ, ამ წესის მე-16 მუხლის პირველი პუნქტის შესაბამისად, მოიპოვა უფლება მონაწილეობა მიეღო ოლიმპიადის მესამე ტურში – ზოგადსაგანმანათლებლო დაწესებულებას ენიჭება 5 ქულა; გ) იმ შემთხვევაში, თუ ოლიმპიადის მონაწილემ მესამე ტურის კონკრეტულ საგანში დააგროვა: გ.ა) ამ საგნის ტესტის მაქსიმალური ქულის 60%-ზე მეტი და დაიკავა მე-11 და ქვემოთ ადგილი – ზოგადსაგანმანათლებლო დაწესებულებას ენიჭება 6 ქულა; გ.ბ) ამ საგნის ტესტის მაქსიმალური ქულის 60%-ზე მეტი და დაიკავა მე-4-მე-10 ადგილი – ზოგადსაგანმანათლებლო დაწესებულებას ენიჭება 7 ქულა; გ.გ) ამ საგნის ტესტის მაქსიმალური ქულის 60%-ზე მეტი და დაიკავა მესამე ადგილი – ზოგადსაგანმანათლებლო დაწესებულებას ენიჭება 10 ქულა; გ.დ) ამ საგნის ტესტის მაქსიმალური ქულის 60%-ზე მეტი და დაიკავა მეორე ადგილი – ზოგადსაგანმანათლებლო დაწესებულებას ენიჭება 15 ქულა; გ.ე) ამ საგნის ტესტის მაქსიმალური ქულის 60%-ზე მეტი და დაიკავა პირველი ადგილი – ზოგადსაგანმანათლებლო დაწესებულებას ენიჭება 20 ქულა. 3. ამ მუხლის პირველი პუნქტით გათვალისწინებული რეიტინგული სიის შექმნის მიზნით, ზოგადსაგანმანათლებლო დაწესებულებას ენიჭება ოლიმპიადის მონაწილის საბოლოო შედეგის გათვალისწინებით მიღებული ამ მუხლის მე-2 პუნქტით დადგენილი ქულა . 4. ამ მუხლის პირველი პუნქტით გათვალისწინებული რეიტინგული სიის შექმნის მიზნით გათვალისწინებული იქნება ზოგადსაგანმანათლებლო დაწესებულების მოსწავლეთა რაოდენობა ცენტრის მიერ ოლიმპიადის კონკრეტული საგნისათვის დადგენილი კლასების მიხედვით. ზოგადსაგანმანათლებლო დაწესებულების მოსწავლეთა რაოდენობის თაობაზე ცენტრი ეყრდნობა სამინისტროში არსებულ მოსწავლეთა რაოდენობის შესახებ ინფორმაციას, რომელიც ზოგადსაგანმანათლებლო დაწესებულებაზე ვაუჩერის გაცემის საფუძველია. 5. ზოგადსაგანმანათლებლო დაწესებულების რეიტინგული სიის შექმნის მიზნით , ზოგადსაგანმანათლებლო დაწესებულების საერთო ქულა გამოითვლება შემდეგი წესის დაცვით: ა) ზოგადსაგანმანათლებლო დაწესებულების მიერ შესაბამის საგანში მოპოვებული ამ მუხლის მე-2 პუნქტით გათვალისწინებული ქულები ჯამდება და შესაბამის საგანში მიიღება ზოგადსაგანმანათლებლო დაწესებულების კონკრეტული ქულა; ბ) ამ პუნქტის „ა” ქვეპუნქტით გათვალისწინებული კონკრეტული ქულა იყოფა ამ მუხლის მე- 4 პუნქტით გათვალისწინებულ მოსწავლეთა რაოდენობაზე და მიიღება ზოგადსაგანმანათლებლო დაწესებულების საერთო ქულა საგნის შესაბამისად. 6. ცენტრის წარდგინებით, სამინისტრო მადლობის სიგელებს და სამინისტროს მიერ შესაბამისი გადაწყვეტილების მიღების შემთხვევაში პრიზს/პრიზებს გადასცემს ამ მუხლით დადგენილი წესით ჩამოყალიბებული საგნის შესაბამისად შექმნილი რეიტინგული სიის პირველ 3 ზოგადსაგანმანათლებლო დაწესებულებას . 7. ამ მუხლის მე-6 პუნქტით გათვალისწინებული მადლობის სიგელები და სამინისტროს მიერ შესაბამისი გადაწყვეტილების მიღების შემთხვევაში პრიზი/პრიზები ასვე გადაეცემა იმ ზოგადსაგანმანათლებლო დაწესებულებას, რომლის ქულა ემთხვევა ამ მუხლის მე-6 პუნქტით გათვალისწინებულ ზოგადსაგანმანათლებლო დაწესებულების ქულას.