„საბაჟო-სავაჭრო თანამშრომლობის განხორციელების წესის შესახებ ინსტრუქციის დამტკიცების თაობაზე" საქართველოს ფინანსთა მინისტრის 2008 წლის 31 დეკემბრის №990 ბრძანებაში ცვლილების და დამატებების შეტანის შესახებ

 

საქართველოს ფინანსთა მინისტრის                                                                                                  ბრძანება №818

2010 წლის 29 ოქტომბერი

ქ. თბილისი

„საბაჟო-სავაჭრო თანამშრომლობის განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის    2008 წლის                                31 დეკემბრის №990 ბრძანებაში ცვლილების და დამატებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„საბაჟო-სავაჭრო თანამშრომლობის განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 31 დეკემბრის №990 ბრძანებით (სსმ III, 31.12.08, №187, მუხლი 2015) დამტკიცებულ ინსტრუქციაში (დანართი №1) შეტანილ იქნეს შემდეგი ცვლილება და დამატებები:

 1. მე-3 მუხლის მე-3 პუნქტს დაემატოს შემდეგი შინაარსის „დ“ ქვეპუნქტი:

„დ) პირი, საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევის მიზნით, გაფორმების ეკონომიკურ ზონაში საბაჟო ორგანოს მიერ შევსებული დეკლარაციით საბაჟო დამუშავების ოპერაციის განხორციელებისას.“.

2. მე-16 მუხლი ჩამოყალიბდეს შემდეგი რედაქციით:

     „მუხლი 16.

ამ თავით (გარდა მე-19 მუხლისა) დადგენილი გამარტივებული საბაჟო პროცედურებით სარგებლობის უფლება აქვს:

ა) ფიზიკურ პირს:

ა.ა) საქართველოს საბაჟო ტერიტორიაზე საჰაერო ტრანსპორტით შემოტანილი, საქართველოს საგადასახადო კოდექსის 270⁵ მუხლის „ლ.ა“ ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი და 3000 ლარამდე ღირებულების კვების პროდუქტების (მათ შორის, საფოსტო გზავნილის შემთხვევაში) ან/და ამავე მუხლის „ლ.ზ“ ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი და 10 000 ლარამდე ღირებულების საქონლის (საქონელთა ჯგუფის) თავისუფალ მიმოქცევაში გაშვების (იმპორტის) საბაჟო რეჟიმში გაცხადებისას;

ა.ბ) საფოსტო გზავნილის შემთხვევაში საქართველოს საგადასახადო კოდექსის 270⁵ მუხლის „ლ.ვ“ ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი და 10 000 ლარამდე ღირებულების საქონლის (საქონელთა ჯგუფის) თავისუფალ მიმოქცევაში გაშვების (იმპორტის) საბაჟო რეჟიმში გაცხადებისას;

ბ) პირს (გარდა ფიზიკური პირისა) საფოსტო გზავნილით შემოტანილი, საქართველოს საგადასახადო კოდექსის 270⁵ მუხლის „ფ” ქვეპუნქტით გათვალისწინებულ დაუბეგრავ რაოდენობასა და ღირებულებაზე მეტი და 3000 ლარამდე ღირებულების საქონლის (საქონელთა ჯგუფის) თავისუფალ მიმოქცევაში გაშვების (იმპორტის) საბაჟო რეჟიმში გაცხადებისას.“.

3. დაემატოს შემდეგი შინაარსის მე-19 მუხლი:

     „მუხლი 19.

საქონლის თავისუფალ მიმოქცევაში გაშვების (იმპორტის) საბაჟო რეჟიმში მოქცევის მიზნით, გაფორმების ეკონომიკურ ზონაში საბაჟო ორგანოს მიერ შევსებული დეკლარაციით საბაჟო დამუშავების ოპერაციის განხორციელებისას, საბაჟო გადასახდელები გადახდილ უნდა იქნეს დეკლარაციისათვის„ASYCUDA“-ს მეშვეობით A  ნომრის მინიჭების თარიღიდან არა უგვიანეს 5 კალენდარული დღისა.“.

    მუხლი 2

ეს ბრძანება ამოქმედდეს 2010 წლის1 ნოემბრიდან.

მინისტრის მოვალეობის შემსრულებელი                პ. პეტრიაშვილი