„ხე-ტყის კანონიერად დამზადების დამადასტურებელი დოკუმენტისა და მისი გაცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 10 დეკემბრის №806 ბრძანებაში ცვლილებებისა და დამატების შეტანის თაობაზე

სახელმწიფო სარეგისტრაციო კოდი 390.110.000.22.023.015.048

საქართველოს გარემოს დაცვისა და ბუნებრივი რესურსების მინისტრის

ბრძანება№38

2010 წლის 27 აგვისტო

ქ. თბილისი

„ხე-ტყის კანონიერად დამზადების დამადასტურებელი დოკუმენტისა და მისი გაცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 10 დეკემბრის №806 ბრძანებაში ცვლილებებისა და დამატების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

    მუხლი 1.

„ხე-ტყის კანონიერად დამზადების დამადასტურებელი დოკუმენტისა და მისი გამოცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 10 დეკემბრის №806 ბრძანებაში (სსმ III, 2008წ., №177, მუხ. 1804. შეტანილ იქნეს შემდეგი ცვლილებები და დამატება:

1. ბრძანების პრეამბულა ჩამოყალიბდეს შემდეგი რედაქციით:

„საქართველოს ტყის კოდექსის 93-ე მუხლის მე-4 ნაწილის, „ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილების მე-2 მუხლის 32 პუნქტის შესაბამისად.“.

2. ბრძანების მე-2 პუნქტი ჩამოყალიბდეს შემდეგი რედაქციით:

„2. 2011 წლის პირველი იანვრიდან ძალადაკარგულად გამოცხადდეს შემდეგი კანონქვემდებარე ნორმატიული აქტები:

ა) „საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის 2005 წლის 20 დეკემბრის №566 ბრძანება;

ბ) „ხე-ტყის კანონიერებისა და წარმოშობის დამადასტურებელი დოკუმენტების გაცემის წესის დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2005 წლის 22 სექტემბრის №380 ბრძანება.

გ) „დებულების „ხე-ტყის კანონიერად დამზადების დამადასტურებელი დოკუმენტისა და მისი გაცემის წესის შესახებ“ დამტკიცების თაობაზე“ საქართველოს სატყეო მეურნეობის სახელმწიფო დეპარტამენტის უფროსის 2000 წლის 1 ივნისის №10/37 ბრძანება.“.

3. ბრძანების მე-7 პუნქტი ჩამოყალიბდეს შემდეგი რედაქციით:

„7. ეს ბრძანება გარდა ამ ბრძანების პირველი პუნქტის „ა“ ქვეპუნქტით დამტკიცებული დებულების მე-2 მუხლის მე-9 პუნქტისა ამოქმედდეს 2011 წლის 1 იანვრიდან.“.

4. ბრძანებას დაემატოს შემდეგი შინაარსის მე-8 პუნქტი:

„8. ამ ბრძანების პირველი პუნქტის „ა“ ქვეპუნქტით დამტკიცებული დებულების მე-2 მუხლის მე-9 პუნქტი ამოქმედდეს 2010 წლის პირველი სექტემბრიდან.“.

    მუხლი 2.

ეს ბრძანება ამოქმედდეს 2010 წლის 31 აგვისტოდან.

გ. ხაჩიძე