"გადასახადების მიხედვით ვადაგადაცილებული საგადასახადო დავალიანების ჩამოწერის შესახებ" ინსტრუქციის დამტკიცების თაობაზე" საქართველოს ფინანსთა მინისტრის 2005 წლის 17 მარტის №148 ბრძანებაში ცვლილებების შეტანის შესახებ".
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
საქართველოს ფინანსთა მინისტრის
ბრძანება №929
2010 წლის 15 დეკემბერი
ქ. თბილისი
,,გადასახადების მიხედვით ვადაგადაცილებული საგადასახადო დავალიანების ჩამოწერის შესახებ” ინსტრუქციის დამტკიცების თაობაზე” საქართველოს ფინანსთა მინისტრის2005 წლის 17 მარტის №148 ბრძანებაში ცვლილებების შეტანის შესახებ”
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1
,,გადასახადების მიხედვით ვადაგადაცილებული საგადასახადო დავალიანების ჩამოწერის შესახებ”ინსტრუქციის დამტკიცების თაობაზე” საქართველოს ფინანსთა მინისტრის2005 წლის 17 მარტის №148 ბრძანებით (სსმ III, 22.03.2005წ., №32, მუხ.306) დამტკიცებული „გადასახადების მიხედვით ვადაგადაცილებული საგადასახადო დავალიანების ჩამოწერის შესახებ“ ინსტრუქციის მე-3 მუხლში შეტანილ იქნეს შემდეგი ცვლილებები:
ა) მე-4 პუნქტი ჩამოყალიბდეს შემდეგი რედაქციით:
„4. საგადასახადო ორგანოდან წარმოდგენილ მასალებს, შემოსავლების სამსახური ს ადმინისტრირების დეპარტამენტი ერთი თვის ვადაში განსახილველად წარუდგენს შემოსავლების სამსახურის სათათბირო საბჭოს, გარდა ამ ინსტრუქციის პირველი მუხლის მე-2 პუნქტის „დ.ბ“ და „დ.გ“ ქვეპუნქტებით გათვალისწინებული შემთხვევებისა. შემოსავლების სამსახურის სათათბირო საბჭო წარმოდგენილი მასალების ამ მუხლის მოთხოვნებთან შესაბამისობის შემთხვევაში, 10დღის ვადაში იღებს გადაწყვეტილებას დავალიანების ჩამოწერის ან ჩამოწერაზე უარის შესახებ.“;
ბ) მე-6 პუნქტი ჩამოყალიბდეს შემდეგი რედაქციით:
,,6. ამ ინსტრუქციის პირველი მუხლის მე-2 პუნქტის „დ.ბ“და „დ.გ“ქვეპუნქტებით გათვალისწინებულ შემთხვევაში, აგრეთვე ვადაგადაცილებული საგადასახადო დავალიანების ჩამოწერის შესახებ შემოსავლების სამსახურის სათათბირო საბჭოს მიერ მიღებული დადებითი გადაწყვეტილების საფუძველზე შემოსავლების სამსახურის უფროსი გამოსცემს ინდივიდუალურ ადმინისტრაციულ-სამართლებრივ აქტს (ბრძანებას) ვადაგადაცილებული საგადასახადო დავალიანების ჩამოწერის თაობაზე.“.
მუხლი 2
ეს ბრძანება ამოქმედდეს გამოქვეყნებისთანავე.
კ. ბაინდურაშვილი