"თვითმმართველი ქალაქის – ქუთაისის ტერიტორიაზე გარე რეკლამის განთავსების ნებართვის შემოღების შესახებ" თვითმმართველი ქალაქის – ქუთაისის საკრებულოს 2010 წლის 18 ოქტომბრის №52 დადგენილებაში ცვლილებების შეტანის თაობაზე

თვითმმართველი  ქალაქის – ქუთაისის  საკრებულოს  

დადგენილება №59     

2010 წლის 15დეკემბერი

ქ. ქუთაისი                         

„თვითმმართველი ქალაქის – ქუთაისის ტერიტორიაზე გარე რეკლამის განთავსების ნებართვის შემოღების შესახებ“ თვითმმართველი ქალაქის – ქუთაისის საკრებულოს 2010 წლის18 ოქტომბრის № 52 დადგენილებაში ცვლილებების შეტანის თაობაზე

სახელმწიფო რწმუნებული ს – გუბერნატორის 2010 წლის09.11№01–40/994წერილში მითითებული სამართლებრივი სახის შენიშვნების გათვალისწინებით, საქართველოს განათლებისა და მეცნიერების სამინისტროს 2010 წლის 02.12 №19-08-3/21367 მომართვის, „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ნ“ ქვეპუნქტის, 44-ე მუხლის პირველი   პუნქტის, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ქალაქ ქუთაისის საკრებულო ადგენს:

მუხლი 1.შეტანილ იქნეს „თვითმმართველი ქალაქის – ქუთაისის ტერიტორიაზე გარე რეკლამის განთავსების ნებართვის შემოღების  შესახებ“ თვითმმართველი ქალაქის – ქუთაისის საკრებულოს  2010 წლის 18 ოქტომბრის №52 დადგენილებაში შემდეგი ცვლილებები:

1. დადგენილების№1 დანართის პირველი მუხლის მე-2 პუნქტი შეიცვალოს და ჩამოყალიბდეს შემდეგი რედაქციით: „2. თვითმმართველი ქალაქის – ქუთაისის აღმასრულებელმა ორგანომ თვითმმართველი ქალაქის – ქუთაისის ტერიტორიაზე გარე რეკლამის განთავსების ნებართვის გაცემა განახორციელოს მხოლოდ აუქციონის ფორმით.აუქციონის ჩატარების შესახებ გადაწყვეტილებას იღებს თვითმმართველი ქალაქის – ქუთაისის აღმასრულებელი ორგანო“;

2. დადგენილების№1 დანართის პირველი მუხლის მე-8 პუნქტში ტერმინი: ,,ყოველ სანებართვო წელზე“, შეიცვალოს ტერმინით: „ერთ კალენდარულ წელზე“;

3. დადგენილების№1 დანართის პირველი მუხლის მე-9 პუნქტში ტერმინი: „ნებართვის საბოლოო ფასი“, შეიცვალოს ტერმინით: „ნებართვის  ფასი”.

4. დადგენილების№1 დანართის მე-5 მუხლს დაემატოს შემდეგი შინაარსის მე-13 პუნქტი:

„13. თვითმმართველი ქალაქის – ქუთაისის ტერიტორიაზე გარე რეკლამის განთავსების ნებართვა წარმოადგენს მკაცრი აღრიცხვის ფორმას და აქვს შემდეგი დამცავი ნიშნები:

ა. ნომერი, რომელიც ულტრაიისფერი შუქის ქვეშ ანათებს;

ბ. დამცავი ბადე;

გ. უხილავი საღებავი, რომელიც ულტრაიისფერი შუქის ქვეშ ანათებს.“

5. დადგენილების№2დანართი შეიცვალოს და ჩამოყალიბდეს თანდართული რედაქციით.

/დანართი  №2 დადგენილებას თან ახლავს/

მუხლი 2.დადგენილება ძალაში შევიდეს კანონით დადგენილი წესით, გამოქვეყნებისთანავე.

საკრებულოს თავმჯდომარე                                                          ა.ხვადაგიანი

 

დანართი №2

 

 

საქართველო

 

თვითმმართველი ქალაქის – ქუთაისის

ტერიტორიაზე გარე რეკლამის განთავსების

 

ნ ე ბ ა რ თ ვ ა  №000000

 

ეძლევა___________________________________________________________________________

                                                       ნებართვის მიმღები და მისი მისამართი

________________________________________________________________________________________

________________________________________________________________________________________

________________________________________________________________________________________

საფუძველი ________________________________________________________________________

 

ნებართვის მოქმედების ვადა:

_____________________________________-დან                                                               

____________________________________  -მდე                     

 

ნებართვა შედგენილია სამ ეგზემპლარად. ერთი ეგზემპლარი გადაეცემა ნებართვის მიმღებს, ხოლო თითო ეგზემპლარი ინახება თვითმმართველი ქალაქის – ქუთაისის საკრებულოსა და მერიაში.

 

სანებართვო პირობები

___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

 

       ნებართვა გაცემულია 20––– წლის ________________________

 

 

--------------------------                                                          --------------------------------

 ნებართვის მიმღები                                                                ნებართვის გამცემი 

 

                                                                                                     ბეჭდის ადგილი

 

საკრებულოს თავმჯდომარე                                          ა.ხვადაგიანი