თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის შესახებ დებულების დამტკიცების თაობაზე

თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის შესახებ დებულების დამტკიცების თაობაზე p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; } a:link, span.MsoHyperlink {color:blue; text-decoration:underline;} a:visited, span.MsoHyperlinkFollowed {color:purple; text-decoration:underline;} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; } p.MsoNoSpacing, li.MsoNoSpacing, div.MsoNoSpacing {margin:0in; margin-bottom:.0001pt; font-size:12.0pt; } p.Normal, li.Normal, div.Normal { margin:0in; margin-bottom:.0001pt; font-size:12.0pt; } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.sulcvlilebaxml, li.sulcvlilebaxml, div.sulcvlilebaxml { margin-top:12.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.zogadinacilixml, li.zogadinacilixml, div.zogadinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-weight:bold;} p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; text-align:center; font-size:11.0pt; font-weight:bold;} p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; font-size:9.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} @page Section1 {size:8.5in 11.0in; margin:.75in .75in 45.0pt 63.0pt;} div.Section1 {page:Section1;} ol {margin-bottom:0in;} ul {margin-bottom:0in;} თვითმმართველი ქალაქის – ქუთაისის საკრებულოს დადგენილება № 37 2010 წლის 3 სექტემბერი ქ. ქუთაისი თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის შესახებ დებულების დამტკიცების თაობაზე „ადგილობრივი თვითმმართველი ერთეულის ქონების შესახებ“ საქართველოს კანონის მე-19​1 მუხლის 1-ლი და მე-13 პუნქტების , მე-19 ​3 და მე-19​5 მუხლების, „ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის „პ“ ქვეპუნქტის შესაბამისად, ქალაქ ქუთაისის საკრებულო ადგენს :     მუხლი 1🔗 დამტკიცდეს დებულება „თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის შესახებ“ დანართი №1–ის შესაბამისად . /დანართი №1 დადგენილებას თან ახლავს/  მუხლი 2🔗 დამტკიცდეს თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის აუქციონის შედეგების ოქმის ტიპური ფორმა დანართი №2–ის შესაბამისად. /დანართი №2 დადგენილებას თან ახლავს/     მუხლი 3🔗 თვითმმართველი ქალაქის – ქუთაისის საკუთრებაში არსებული ქონების აუქციონის ფორმით სარგებლობის უფლებით გადაცემა განხორციელდეს ელექტრონული აუქციონის ფორმით. თუ თვითმმართველი ქალაქის – ქუთაისის ქონება არ განიკარგა, დასაშვებია მისი სარგებლობის უფლებით გადაცემა საჯარო აუქციონის ფორმით.     მუხლი 4🔗 თვითმმართველი ქალაქის – ქუთაისის მერიას დაევალოს 2011 წლის 1 სექტემბრამდე შეიმუშაოს და თვითმმართველი ქალაქის – ქუთაისის საკრებულოში დასამტკიცებლად წარმოადგინოს თვითმმართველი ქალაქის – ქუთაისის ქონების ელექტრონული აუქციონის ფორმით სარგებლობის უფლებით გადაცემის შესახებ დებულება.     მუხლი 5🔗 ამ დადგენილების მე-4 მუხლით გათვალისწინებული დებულების დამტკიცებამდე, თვითმმართველი ქალაქის – ქუთაისის საკუთრებაში არსებული ქონების აუქციონის ფორმით სარგებლობის უფლებით გადაცემა განხორციელდეს საჯარო აუქციონის ფორმით.     მუხლი 6🔗 დადგენილება ძალაში შევიდეს კანონით დადგენილი წესით, გამოქვეყნებისთანავე. საკრებულოს თავმჯდომარე ა.ხვადაგიანი დანართი №1 დ ე ბ უ ლ ე ბ ა თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის შესახებ     მუხლი 1🔗. ზოგადი დებულებები 1. ეს წესი შემუშავებულია „ ადგილობრივი თვითმმართველი ერთეულის ქონების შესახებ“ საქართველოს კანონისა და საქართველოს სამოქალაქო კოდექსის შესაბამისად. წესი განსაზღვრავს თვითმმართველი ქალაქის – ქუთაისის ს აკუთრებაში არსებული ქონების (შემდგომში – ქონება) სარგებლობის უფლებით გადაცემის პირობებს. 2. ქონების სარგებლობის უფლებით გადაცემა შეიძლება: ა) ვადით და სასყიდლით (სასყიდლიანი აღნაგობა, სასყიდლიანი უზუფრუქტი, ქირავნობა, იჯარა, საქართველოს სამოქალაქო კოდექსით განსაზღვრული სარგებლობის სხვა ფორმები); ბ) უსასყიდლოდ (აღნაგობა, უზუფრუქტი, თხოვება). 3. ქონების სარგებლობის უფლებით გადაცემა ხორციელდება საქართველოს კონსტიტუციის, საქართველოს სამოქალაქო კოდექსის, „ ადგილობრივი თვითმმართველი ერთეულის ქონების შესახებ“ საქართველოს კანონისა და ამ წესის შესაბამისად. 4. ქონების სარგებლობის უფლებით გადაცემის ინიციატორები შეიძლება იყვნენ: თვითმმართველი ქალაქის – ქუთაისის აღმასრულებელი ორგანო, საქართველოს სამინისტროები და უწყებები, საქართველოს ზოგადი ადმინისტრაციული კოდექსით განსაზღვრული სხვა ადმინისტრაციული ორგანოები, საწარმოები, ორგანიზაციები, საქართველოსა და უცხო ქვეყნის/ ქვეყნების ფიზიკური და იურიდიული პირები, საერთაშორისო ორგანიზაციები. 5. ქონების სარგებლობის უფლებით გადაცემის ინიციატორი განცხადება ს წარუდგენს თვითმმართველი ქალაქის – ქუთაისის აღმასრულებელ ორგანოს, რომელიც, თავის მხრივ, აღნიშნული საკითხის განხილვის შემდგომ, იღებს გადაწყვეტილებას მისი სარგებლობის უფლებით გადაცემის შესახებ. 6. ქონების სარგებლობის უფლებით გადაცემის ვადას და პირობებს განსაზღვრავს თვითმმართველი ქალაქის – ქუთაისის აღმასრულებელი ორგანო მოქმედი კანონმდებლობის შესაბამისად. 7. თვითმმართველი ქალაქის – ქუთაისის საკუთრებაში არსებული მოძრავი ნივთის პირდაპირი განკარგვის ფორმით სარგებლობაში გადაცემის შესახებ დაინტერესებული პირის განცხადება და მის საფუძველზე თვითმმართველი ქალაქის – ქუთაისის აღმასრულებელი ორგანოს მიერ მიღებული გადაწყვეტილება თვითმმართველი ერთეულის ქონების სარგებლობის უფლებით პირდაპირი განკარგვის ფორმით გადაცემის შესახებ, უთანაბრდება ამ დებულების მე–3 მუხლის მე-3 პუნქტით გათვალისწინებულ ხელშეკრულებას, თუ ამის შესახებ მითითებულია თვითმმართველი ქალაქის – ქუთაისის საკუთრებაში არსებული მოძრავი ნივთის პირდაპირი განკარგვის ფორმით სარგებლობაში გადაცემის შესახებ მიღებულ გადაწყვეტილებაში.     მუხლი 2🔗. ქონების სარგებლობის უფლებით გადაცემის ფორმები და ქირის ოდენობა 1. ქონების სარგებლობის უფლებით გადაცემა შესაძლებელია საქართველოს სამოქალაქო კოდექსით გათვალისწინებული ფორმებით: ა) აღნაგობა; ბ) უზუფრუქტი; გ) ქირავნობა; დ) იჯარა; ე) თხოვება. 2. ქონების სარგებლობის უფლებით გადაცემა შესაძლებელია განხორციელდეს საქართველოს სამოქალაქო კოდექსით გათვალისწინებული სარგებლობის სხვა ფორმებითაც. 3. ქონების სარგებლობის უფლებით გადაცემის შესახებ გადაწყვეტილებას იღებს თვითმმართველი ქალაქის – ქუთაისის აღმასრულებელი ორგანო. 4. ქონების სასყიდლიანი აღნაგობის, უზუფრუქტის, ქირავნობის, იჯარისა და საქართველოს სამოქალაქო კოდექსით განსაზღვრული სარგებლობის სხვა ფორმებით გადაცემისას, საწყისი წლიური ქირის ოდენობას განსაზღვრავს თვითმმართველი ქალაქის – ქუთაისის წარმომადგენლობითი ორგანო – საკრებულო. ქირა ირიცხება თვითმმართველი ქალაქის – ქუთაისის ბიუჯეტში. 5. თვითმმართველი ქალაქის – ქუთაისის ქონება სარგებლობის უფლებით გადაიცემა აუქციონის ან პირდაპირი განკარგვის წესით. 6. თვითმმართველი ქალაქის – ქუთაისის აღმასრულებელი ორგანო, თვითმმართველი ქალაქის – ქუთაისის საკუთრებაში არსებულ ქონებას უსასყიდლო აღნაგობის, უსასყიდლო უზუფრუქტისა და თხოვების ფორმებით, აუქციონის გარეშე, გადასცემს აღმასრულებელ და საკანონმდებლო ორგანოებს, სასამართლო ხელისუფლებისა და პროკურატურის ორგანოებს, საჯარო სამართლის იურიდიულ პირებს, ადგილობრივი თვითმმართველობის ორგანოების მიერ დაფუძნებულ არასამეწარმეო (არაკომერციულ) იურიდიულ პირებს, აგრეთვე, ადგილობრივი თვითმმართველი ერთეულის 100%-იანი წილობრივი მონაწილეობით დაფუძნებულ საწარმოებს.     მუხლი 3🔗. ქონების სარგებლობაში გადაცემის საერთო პირობები     1. ქონების უზუფრუქტის, აღნაგობის, ქირავნობის, იჯარის, თხოვებისა და საქართველოს სამოქალაქო კოდექსით გათვალისწინებული სარგებლობის სხვა ფორმებით გადაცემის ინიციატორი სათანადო განცხადება ს წარუდგენს თვითმმართველი ქალაქის – ქუთაისის აღმასრულებელ ორგანოს , რომელიც, თავის მხრივ, აღნიშნული საკითხის განხილვის შემდგომ, იღებს გადაწყვეტილებას ქონების სარგებლობის უფლებით გადაცემის შესახებ. 2. უზუფრუქტის, აღნაგობის, ქირავნობის, იჯარის, თხოვებისა და საქართველოს სამოქალაქო კოდექსით გათვალისწინებული სარგებლობის სხვა ფორმებით გადაცემული ქონების მესამე პირისათვის სარგებლობის უფლებით გადაცემა დასაშვებია მხოლოდ თვითმმართველი ქალაქის – ქუთაისის აღმასრულებელი ორგანოს თანხმობით. 3. უზუფრუქტის, აღნაგობის, ქირავნობის, იჯარის, თხოვებისა და საქართველოს სამოქალაქო კოდექსით გათვალისწინებული სარგებლობის სხვა ფორმებით ქონების სარგებ­ ლობაში გადაცემისას, თვითმმართველი ქალაქის – ქუთაისის აღმასრულებელ ორგანოსა და ქონების სარგებლობაში მიმღებს შორის ფორმდება ხელშეკრულება, გარდა ა მ დებულების 1–ლი მუხლის მე-7 პუნქტით გათვალისწინებული შემთხვევისა. ხელშეკრულება ფორმდება ქონების პირდაპირი განკარგვის ფორმით სარგებლობაში გადაცემის შესახებ გადაწყვეტილების მიღების ან აუქციონის შედეგების დამტკიცებიდან ერთი თვის ვადაში. 4. ქონება, რომელიც გადაცემულია უზუფრუქტის, აღნაგობის, ქირავნობის, იჯარის, თხოვებისა და საქართველოს სამოქალაქო კოდექსით გათვალისწინებული სარგებლობის სხვა ფორმებით, ხელშეკრულების ვადის დამთავრების შემდგომ, უნდა დაუბრუნდეს მესაკუთრეს იმ პირობებით, რომლებსაც ითვალისწინებს შესაბამისი ხელშეკრულება.     მუხლი 4🔗. თვითმმართველი ქალაქის – ქუთაისის ქონების აუქციონის ფორმით სარგებლობაში გადაცემის საერთო პირობები 1. ქონების სასყიდლიანი აღნაგობის, უზუფრუქტის, ქირავნობის, იჯარის და საქართველოს სამოქალაქო კოდექსით განსაზღვრული სარგებლობის სხვა ფორმებით გადაცემის აუქციონის ორგანიზება, ჩატარება და შედეგების გაფორმება ხდება ამ წესისა და მოქმედი კანონმდებლობის შესაბამისად. 2 . ქონების სასყიდლიან სარგებლობაში გადაცემის აუქციონში გამარჯვებულის გამოვლენის კრიტერიუმია აუქციონის პირობების სრულად დაკმაყოფილება და ქონების ვადიანი სარგებლობისათვის მაქსიმალურად მაღალი სარგებლობის ქირის გადახდა. 3. ქონების სასყიდლიან სარგებლობაში გადაცემის აუქციონში მონაწილეობის მიღება შეუძლია საქართველოსა და უცხო ქვეყნის ფიზიკურ და იურიდიულ პირებს, საერთაშორისო ორგანიზაციებს. 4. ქონების სასყიდლიან სარგებლობაში გადაცემის აუქციონის პირობებსა და გამარჯვებულის გამოვლენის კრიტერიუმებს ადგენს თვითმმართველი ქალაქის – ქუთაისის აღმასრულებელი ორგანო , გადასაცემი ქონების მდგომარეობისა და მნიშვნელობის გათვალისწინებით. 5. ქონების სასყიდლიან სარგებლობაში გადაცემის აუქციონის დამთავრების შემდეგ, დგება აუქციონის შედეგების ოქმი, რომელსაც ხელს აწერს აუქციონში გამარჯვებული და თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის თავმჯდომარე. აუქციონის შედეგების ოქმი და სრული დოკუმენტაცია აუქციონის დასრულებისთანავე გადაეცემა თვითმმართველი ქალაქის – ქუთაისის აღმასრულებელ ორგანოს, რომელიც მას ამტკიცებს აუქციონის დასრულებიდან 10 კალენდარული დღის ვადაში. 6 . სარგებლობის უფლებით გადა ცემის აუქციონის ბეს ოდენობას განსაზღვრავს თვითმმართველი ქალაქის – ქუთაისის აღმასრულებელი ორგანო .  7 . ბეს სახით გადახდილი თანხა აუქციონის გამარჯვებულს ეთვლება სარგებლობის ქირის ბოლო გადახდის ანგარიშსწორებისას. 8 . გადახდილი ბე მონაწილეს არ უბრუნდება თუ მონაწილე არაკონკურენტულ აუქციონზე არ დააფიქსირებს ბიჯს.  9 . თვითმმართველი ერთეულის აღმასრულებელი ორგანო უფლებამოსილია განიხილოს პირობებით გამოცხადებულ აუქციონში გამარჯვებული პირის გარკვეული პირობის (პირობების) შესრულების ვალდებულებისაგან გათავისუფლების საკითხი, გარდა ფინანსური და საინვესტიციო ვალდებულებების შესრულებასთან დაკავშირებული პირობებისა.     მუხლი 5🔗. აუქციონის ორგანიზება 1. თვითმმართველი ქალაქის – ქუთაისის ქონების სასყიდლიან სარგებლობაში გადაცემის აუქციონის ორგანიზებას ახორციელებს თვითმმართველი ქალაქის – ქუთაისის აღმასრულებელი ორგანო, თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის მეშვეობით.  2. თვითმმართველი ქალაქის – ქუთაისის აღმასრულებელი ორგანო, „სახელმწიფო ქონების შესახებ“ საქართველოს კანონის მე-5 მუხლის შესაბამისად, უზრუნველყოფს თვითმმართველი ქალაქის – ქუთაისის ქონების აუქციონის ფორმით სარგებლობის უფლებით გადაცემის შესახებ გადაწყვეტილებისა და გამოსაქვეყნებელი ინფორმაციის განთავსებას თვითმმართველი ქალაქის – ქუთაისის ოფიციალურ ვებგვერდზე /www.kutaisi.gov.ge/. 3. თვითმმართველი ქალაქის – ქუთაისის ქონების სასყიდლიან სარგებლობაში გადაცემის აუქციონის შესახებ გადაწყვეტილება და გამოსაქვეყნებელი ინფორმაცია ქვეყნდება აუქციონის ჩატარების დათქმულ თარიღამდე, არანაკლებ 15 კალენდარული დღით ადრე, ხოლო, მოძრავი ნივთის შემთხვევაში, არანაკლებ 5 კალენდარული დღით ადრე. 4. თვითმმართველი ქალაქის – ქუთაისის ქონების სასყიდლიან სარგებლობაში გადაცემის ვადაგაგრძელებული აუქციონის შესახებ გადაწყვეტილება და გამოსაქვეყნებელი ინფორმაცია ქვეყნდება აუქციონის ჩატარების დათქმულ თარიღამდე, 10 კალენდარული დღით ადრე. 5. თვითმმართველი ქალაქის – ქუთაისის აღმასრულებელი ორგანო ვალდებულია თვითმმართველი ქალაქის – ქუთაისის ქონების სასყიდლიან სარგებლობაში გადაცემის აუქციონის შესახებ გადაწყვეტილება და გამოსაქვეყნებელი ინფორმაცია გამოაქვეყნოს ადგილობრივ ბეჭდვით ორგანოსა და გაზეთ „24 საათში“, ამ მუხლის მე-3 პუნქტში გათვალისწინებული ვადების დაცვით. 6. გამოსაქვეყნებელი ინფორმაცია უნდა შეიცავდეს შემდეგ მონაცემებს: ა) თვითმმართველი ქალაქის – ქუთაისის აღმასრულებელი ორგანოს დასახელებას; ბ) პირობებს და გამარჯვებულის გამოვლენის კრიტერიუმებს (აუქციონის პირობებით გამოცხადების შემთხვევაში); გ) ქონების დასახელებას; დ) განაცხადის მიღების დაწყების, დამთავრებისა და აუქციონის ჩატარების თარიღებს; ე) ბეს, ბიჯის სიდიდეს და აუქციონში მონაწილის ბილეთის ფასს, რომლის ოდენობას განსაზღვრავს თვითმმართველი ქალაქის – ქუთაისის აღმასრულებელი ორგანო ; ვ) განაცხადის მიღების ადგილს (მისამართი) და საკონტაქტო ტელეფონს; ზ) ყველა სხვა ინფორმაციას, რომელსაც თვითმმართველი ქალაქის – ქუთაისის აღმასრულებელი ორგანო ჩათვლის მიზანშეწონილად.  7. თვითმმართველი ქალაქის – ქუთაისის ქონების სასყიდლიან სარგებლობაში გადაცემის აუქციონში მონაწილეობის მიღების მსურველს უფლება აქვს მიიღოს სარგებლობაში გასაცემი ქონების შესახებ თვითმმართველი ქალაქის – ქუთაისის აღმასრულებელი ორგანოს ხელთარსებული, კანონმდებლობით დაშვებული, ნებისმიერი ინფორმაცია. 8. ინფორმაციის გამოქვეყნების შემდეგ ყველა დაინტერესებულ ფიზიკურ და იურიდიულ პირს უფლება აქვს წინასწარ გაეცნოს თვითმმართველი ქალაქის – ქუთაისის საკუთრებაში არსებულ, სარგებლობაში გადასაცემ ქონებას. 9. აუქციონი არშემდგარად გამოცხადდება, თუ: ა) აუქციონში მონაწილეობის სურვილი არ გამოთქვა არავინ; ბ) აუქციონში მონაწილეობის მისაღებად არ გამოცხადდა არცერთი მსურველი; გ) აუქციონის მონაწილე/მონაწილეები ესწრებოდნენ აუქციონს, მაგრამ არცერთმა არ მიიღო მონაწილეობა სააუქციონო ვაჭრობაში. 10. ამ მუხლის მე-9 პუნქტით გათვალისწინებულ შემთხვევებში დგება არშემდგარი აუქციონის შესახებ მოხსენებითი ბარათი, რომელიც ეგზავნება თვითმმართველი ქალაქის – ქუთაისის აღმასრულებელ ორგანოს. მოხსენებით ბარათს ხელს აწერს თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის თავმჯდომარე და კომისიის მდივანი, ხოლო, აუქციონის მონაწილისა და მონაწილეობის მსურველის მიერ შეტანილი ბე სრულად ირიცხება თვითმმართველი ქალაქის – ქუთაისის ბიუჯეტში. 11. აუქციონის შედეგები უქმდება თუ: ა) აუქციონში გამარჯვებული პირი უარს განაცხადებს აუქციონის შედეგების ოქმის ხელმოწერაზე; ბ) აუქციონის შედეგების დამტკიცებიდან 1 თვის განმავლობაში თვითმმართველი ქალაქის – ქუთაისის აღმასრულებელ ორგანოს თან არ გააფორმებს ქონების გადაცემის შესახებ ხელშეკრულებას. 12. ამ მუხლის მე-11 პუნქტით გათვალისწინებულ შემთხვევებში, თვითმმართველი ქალაქის – ქუთაისის აღმასრულებელი ორგანო იღებს გადაწყვეტილებას აუქციონის შედეგების გაუქმების თაობაზე.  13. თუ აუქციონში მონაწილემ დაარღვია ნორმატიული აქტით განსაზღვრულ აუქციონში მონაწილეობის წესი ან/და პირობები, მის მიერ შეტანილი "ბე" სრულად ირიცხება თვითმმართველი ქალაქის – ქუთაისის ბიუჯეტში. 14. თვითმმართველი ქალაქის – ქუთაისის აღმასრულებელი ორგანო უფლებამოსილია გადაავადოს ან ჩატარებამდე გააუქმოს თვითმმართველი ქალაქის – ქუთაისის ქონების სასყიდლიან სარგებლობაში აუქციონის ფორმით გადაცემის შესახებ გადაწყვეტილება, ამ შემთხვევაში აუქციონის მონაწილეს შეტანილი ბე უკან უბრუნდება, ერთი თვის განმალობაში. 15. თუ არ მოხდება აუქციონის ფორმით გამოტანილი თვითმმართველი ქალაქის – ქუთაისის ქონების განკარგვა, თვითმმართველი ქალაქის – ქუთაისის აღმასრულებელი ორგანო უფლებამოსილია მიიღოს გადაწყვეტილება თვითმმართველი ქალაქის – ქუთაისის ქონების იმავე პირობებით, ვადაგაგრძელებული აუქციონის ფორმით განკარგვის შესახებ. 16. თვითმმართველი ქალაქის – ქუთაისის აღმასრულებელი ორგანოს მიერ შექმნილი თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისია, თვითმმართველი ქალაქის – ქუთაისის წარმომადგენლობითი ორგანოს, საკრებულოს მიერ დამტკიცებული ტიპური ფორმის მიხედვით, ადგენს აუქციონის შედეგების ოქმს.     მუხლი 6🔗. აუქციონში მონაწილეობის პირობები 1. აუქციონში მონაწილეობაზე განაცხადების მიღება მთავრდება დადგენილ დღეს და საათს. დადგენილი ვადის გასვლის შემდეგ, შემოსული განაცხადი არ მიიღება. 2. აუქციონი ტარდება გამოცხადების დღიდან, არანაკლებ მე-15 კალენდარულ დღეს. აუქციონში მონაწილეობაზე განაცხადების მიღება მიმდინარეობს აუქციონის ჩატარების დღის ჩათვლით და თვითმმართველი ქალაქის – ქუთაისის აღმასრულებელი ორგანოს მიერ დადგენილ საათამდე. 3. აუქციონში მონაწილეობის მიღების მსურველი (შემდგომში მონაწილე) აუქციონის რეგისტრატორს წარუდგენს: ა) განაცხადს, რომელიც შეიცავს ინფორმაციას მონაწილეზე, თვითმმართველი ქალაქის – ქუთაისის ქონების დასახელებას, თვითმმართველი ქალაქის - ქუთაისის იმ ქონების საწყის საიჯარო ქირის ოდენობას, რომლის სარგებლობის უფლების მიღებაც სურს მონაწილეს. პირობებით გამოცხადებული აუქციონის შემთხვევაში განაცხადში უნდა აისახოს მონაწილის თანხმობა პირობების შესრულებაზე; ბ) ბეს და მონაწილის ბილეთის საფასურის გადახდის დამადასტურებელ დოკუმენტს (ბილეთისა და ბე საფასურის გადახდა უნდა მოხდეს თვითმმართველი ქალაქის – ქუთაისის აღმასრულებელი ორგანოს მიერ მითითებულ ანგარიშზე);       გ) პირადობის დამადასტურებელი მოწმობის (პასპორტის) ასლს (ფიზიკური პირის შემთხვევაში); დ) ნოტარიალურად დამოწმებულ მინდობილობას, თუ მონაწილე მოქმედებს სხვა პირის სახელით; ე) სადამფუძნებლო დოკუმენტაციის ასლებს და განაცხადის შეტანის მომენტისთვის მოქმედ ამონაწერს მეწარმეთა და არასამეწარმეო (არაკომერციული) იურიდიულ პირთა რეესტრიდან, (იურიდიული პირის შემთხვევაში). 4. მონაწილემ, რომელსაც სურს მონაწილეობა მიიღოს თვითმმართველი ქალაქის - ქუთაისის სხვადასხვა ქონების სარგებლობის უფლებით გადაცემისათვის მოწყობილ აუქციონში, „ბე“ და მონაწილის ბილეთის საფასური უნდა გადაიხადოს თვითმმართველი ქალაქის - ქუთაისის თითოეული ქონებისათვის ცალ-ცალკე. 5. თუ ყველა წარმოდგენილი დოკუმენტი აკმაყოფილებს მოთხოვნებს, რეგისტრატორი მონაწილეზე აკეთებს შესაბამის ჩანაწერს აუქციონის მონაწილეთა რეგისტრაციის ჟურნალში, იტოვებს წარმოდგენილ დოკუმენტაციას და მონაწილეს გადასცემს აუქციონში მონაწილის ბილეთს. მონაწილის ბილეთით, მონაწილე ღებულობს აუქციონში მონაწილის სტატუსს. 6. მონაწილეს უფლება აქვს ბეს დაუკავებლად, უარი განაცხადოს აუქციონში მონაწილეობაზე მხოლოდ განაცხადების მიღების პერიოდში. 7. მონაწილეს შეიძლება უარი ეთქვას აუქციონში მონაწილეობაზე, თუ დარღვეულია ამ მუხლის პირველი, მე-2, მე-3 და მე-4 პუნქტის მოთხოვნები.     მუხლი 7🔗. აუქციონის ჩატარების წესი 1. აუქციონში მონაწილე აუქციონის დაწყებამდე შედის დარბაზში, სადაც ტარდება აუქციონი, აუქციონის რეგისტრატორს წარუდგენს აუქციონში მონაწილის ბილეთს და იღებს სპეციალურ დაფას, რომლის ნომერიც შეესაბამება მის ბილეთზე აღნიშნულ ნომერს. 2. აუქციონატორი ადარებს გაცემული ნომრიანი დაფების რაოდენობას შემოსული განაცხადების რაოდენობასთან, რითაც აზუსტებს აუქციონში მონაწილეთა რაოდენობას. 3. აუქციონს ატარებს აუქციონატორი. 4. თითოეულ ობიექტზე ვაჭრობის დაწყებისას, აუქციონატორი აცხადებს თვითმმართველი ქალაქის – ქუთაისის ქონების დასახელებას, საწყის საიჯარო ქირას, ბიჯს (ბიჯის სიდიდეს ყოველი კონკრეტული ქონებისათვის განსაზღვრავს თვითმმართველი ქალაქის – ქუთაისის აღმასრულებელი ორგანო). 5. აუქციონზე ვაჭრობის დასაწყისად ითვლება საწყისი საიჯარო ქირის გამოცხადების მომენტი. ვაჭრობის მიმდინარეობის დროს დაუშვებელია მონაწილეთა დარბაზში გადაადგილება. 6. აუქციონში მონაწილე, რომელსაც სურს საწყისი საიჯარო ქირიდან დაიწყოს ვაჭრობა, სწევს თავის დაფას (რაც ნიშნავს საწყის საიჯარო ქირაზე ბიჯის დამატებას). აუქციონატორი აფიქსირებს მას და სთხოვს აუქციონში მონაწილეებს გააგრძელონ ვაჭრობა, სანამ რომელიმე არ დაასახელებს ყველაზე მაღალ ფასს. ფასის სამჯერ გამოცხადებისა და აუქციონატორის მიერ ჩაქუჩის დარტყმის შემდეგ, აუქციონში გამარჯვებულად ითვლება ის მონაწილე, ვინც აუქციონატორს ყველაზე მაღალი ფასი შესთავაზა. 7. აუქციონის დამთავრების შემდეგ დგება ოქმი, რომელშიც უნდა აისახოს სააუქციონო ვაჭრობის მსვლელობა და შედეგები. ოქმი ინომრება ქრონოლოგიურად. ოქმს ხელს აწერს აუქციონში გამარჯვებული , სააუქციონო კომისიის თავმჯდომარე, სააუქციონო კომისიის მდივანი და აუქციონატორი. 8. თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისია აუქციონის ჩატარებიდან 7 კალენდარული დღის ვადაში ამზადებს მოხსენებით ბარათს, რომლის საფუძველზეც აუქციონში მონაწილე პირებს, რომლებმაც ვერ გაიმარჯვეს, უბრუნდებათ მათ მიერ გადახდილი „ბე“-ს ოდენობა, ხოლო აუქციონში გამარჯვებული პირის მიერ გადახდილი ბე სრულად ირიცხება თვითმმართველი ქალაქის – ქუთაისის ბიუჯეტში. მოხსენებით ბარათს ხელს აწერს თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის თავმჯდომარე და კომისიის მდივანი.     მუხლი 8🔗. ქონების აღნაგობის უფლებით გადაცემა 1. მიწის ნაკვეთის ან/და იმ მიწის ნაკვეთის, რომელზედაც დამაგრებულია შენობა-ნაგებობა აღნაგობის უფლებით გადაცემა ითვალისწინებს შესაბამისი განცხადებ ის საფუძველზე საქართველოსა და უცხო ქვეყნის ნებისმიერი ფიზიკური და იურიდიული პირებისათვის, საერთაშორისო ორგანიზაციებისათვის ქონების სარგებლობაში გადაცემას ისე, რომ მას ჰქონდეს ამ ნაკვეთზე ან მის ქვეშ რაიმე ნაგებობის აღმართვის უფლება. 2. ქონების როგორც სასყიდლით, ისე უსასყიდლო აღნაგობის უფლებით გადაცემა შეიძლება ვადით, რომელიც არ უნდა აღემატებოდეს ოთხ მოცდაცხრამეტ წელს.     მუხლი 9🔗. ქონების ქირავნობა 1. ქონების ქირავნობის ფორმით გადაცემა ითვალისწინებს მისი საქართველოსა და უცხო ქვეყნის ფიზიკური და იურიდიული პირებისათვის, საერთაშორისო ორგანიზაციებისათვის გადაცემას განსაზღვრული ვადით სასყიდლიან სარგებლობაში. 2. თვითმმართველი ქალაქის – ქუთაისის აღმასრულებელ ორგანოს შეუძლია ხელშეკრულების ვადამდე მოშლა შემდეგ შემთხვევებში: ა) თუ დამქირავებელი, მისი გაფრთხილების მიუხედავად, გაქირავებულ ქონებას მნიშვნელოვნად აზიანებს ან ასეთი დაზიანების რეალურ საშიშროებას უქმნის; ბ) თუ დამქირავებელი არ იხდის ქირას 3 თვის განმავლობაში; გ) მხარეთა შეთანხმებით; დ) საქართველოს სამოქალაქო კოდექსით გათვალისწინებულ სხვა შემთხვევებში.     მუხლი 10🔗. ქონების იჯარა 1. ქონების იჯარის ფორმით გადაცემა ითვალისწინებს საქართველოსა და უცხო ქვეყნის ფიზიკური და იურიდიული პირებისათვის, საერთაშორისო ორგანიზაციებისათვის გადაცემას განსაზღვრული ვადით სასყიდლიან სარგებლობაში, ისე, რომ მოიჯარემ შეძლოს შემოსავლის სახით გარკვეული ნაყოფის მიღება. 2. თუ მოიჯარე საიჯარო ურთიერთობის შეწყვეტამდე უკან აბრუნებს ქონებას, იგი თავისუფლდება საიჯარო ქირის შემდგომი გადახდისაგან იმ შემთხვევაში, თუ მის სანაცვლოდ მეიჯარე ს, მოთხოვნის შემთხვევაში, შესთავაზებს ახალ გადახდისუნარიან და მისთვის მისაღებ მოიჯარეს. წინააღმდეგ შემთხვევაში, იგი ვალდებულია გადაიხადოს საიჯარო ქირა ხელშეკრულებით განსაზღვრული პერიოდის დასრულებამდე. 3. თუ მოიჯარე, საიჯარო ურთიერთობის დამთავრების შემდეგ, არ დააბრუნებს აღებულ ქონებას, მაშინ მეიჯარეს შეუძლია მოითხოვოს დათქმული საიჯარო ქირის გადახდა ქონების დაბრუნების დაყოვნების გამო, ასევე, მოითხოვოს აღნიშნული ქონებისათვის მიყენებული და სხვა სახის ზიანის ანაზღაურება. 4. მეიჯარეს შეუძლია ხელშეკრულება ვადამდე მოშალოს, თუ: ა) მოიჯარე მეიჯარისაგან გაფრთხილების მიუხედავად, ქონებას მნიშვნელოვნად აზიანებს ან უქმნის ასეთი დაზიანების რეალურ საშიშროებას; ბ) არ იხდის საიჯარო ქირას 3 თვის განმავლობაში; გ) მხარეთა შეთანხმებით; დ) საქართველოს სამოქალაქო კოდექსით გათვალისწინებულ სხვა შემთხვევებში.     მუხლი 11🔗. ქონების თხოვება 1. ქონების თხოვების ფორმით გადაცემა ითვალისწინებს აუქციონის გარეშე მის დროებით უსასყიდლო სარგებლობისათვის გადაცემას. 2. თვითმმართველი ქალაქის – ქუთაისის აღმასრულებელი ორგანო იტოვებს უფლებას, რომ ხელშეკრულებაში გაითვალისწინოს ნებისმიერ დროს თხოვების ფორმით გადაცემული ქონების დაბრუნება. 3. აკრძალულია თხოვების ფორმით გადაცემული ქონების მესამე პირისათვის ამავე ფორმით გადაცემა.     მუხლი 12🔗. პირდაპირი განკარგვის წესით ქონების სარგებლობის უფლებით გადაცემის ორგანიზება 1. პირდაპირი განკარგვის წესით ქონების სარგებლობის უფლებით გადაცემაზე გადაწყვეტილებას იღებს და შესაბამის პირობებს ადგენს თვითმმართველი ქალაქის – ქუთაისის აღმასრულებელი ორგანო . 2. პირდაპირი განკარგვის წესით, ქონების სარგებლობის უფლებით გადაცემის მიზანია ქონებაზე სარგებლობის უფლება გადაეცეს იმ პირს, რომელიც სრულად და კეთილსინდისიერად შეასრულებს ქონების პირდაპირი წესით განკარგვისას დადგენილ პირობებს. 3. პირდაპირი განკარგვის წესით ქონების სარგებლობის უფლებით მიღების მსურველი (მსურველები) განცხადებით მიმართავს თვითმმართველი ქალაქის – ქუთაისის აღმასრულებელ ორგანოს და წარუდგენს: ა) განცხადებას; ბ) პირადობის დამადასტურებელი მოწმობის (პასპორტის) ასლს (ფიზიკური პირის შემთხვევაში); გ) იურიდიული პირი, დამატებით წარმოადგენს სადამფუძნებლო დოკუმენტაციის ასლს და განცხადების შეტანის მომენტისთვის მოქმედ ამონაწერს მეწარმეთა და არასამეწარმეო (არაკომერციული) იურიდიულ პირთა რეესტრიდან (იურიდიული პირის შემთხვევაში); დ) აგრეთვე სხვა დოკუმენტაციას, რომელიც შეიძლება მოთხოვნილი იქნეს თვითმმართველი ქალაქის – ქუთაისის აღმასრულებელი ორგანოს მიერ, მათ შორის, ცალკეულ შემთხვევაში, საფინანსო უზრუნველყოფის დოკუმენტებს. დამატებით მოთხოვნილი დოკუმენტების წარმოდგენის მაქსიმალური ვადაა ორი კვირა. აღნიშნული ვადა აითვლება მოთხოვნის მიღებიდან. 4. თვითმმართველი ქალაქის – ქუთაისის აღმასრულებელი ორგანო იხილავს შემოსულ განცხადებას ოცდაათი კალენდარული დღის ვადაში, რის შემდეგაც იღებს გადაწყვეტილებას და ადგენს პირდაპირი განკარგვის წესით გადასაცემი ქონების პირობებს.     მუხლი 13🔗. გარიგებათა გაფორმების წესი 1. ქონების პირდაპირი განკარგვის წესით, სარგებლობის უფლებით გადაცემის შემთხვევაში, მხარეთა შორის ხელშეკრულება უნდა გაფორმდეს თვითმმართველი ქალაქის – ქუთაისის ქონების სარგებლობის უფლებით გადაცემის თაობაზე, თვითმმართველი ქალაქის – ქუთაისის აღმასრულებელი ორგანოს მიერ გადაწყვეტილების მიღებიდან არა უგვიანეს 1 თვისა, მოქმედი კანონმდებლობით დადგენილი წესით. 2. ქონების აუქციონის ფორმით სარგებლობის უფლებით გადაცემის შემთხვევაში, გამარჯვებული ვალდებულია აუქციონის შედეგების დამტკიცებიდან არა უგვიანეს 1 თვისა, გააფორმოს ქონების გადაცემის შესახებ ხელშეკრულება მოქმედი კანონმდებლობით დადგენილი წესით. 3. მხარეთა შორის დასადებ ხელშეკრულებაში შეტანილ უნდა იქნეს შემდეგი მონაცემები: ა) გადაცემული ქონების დასახელება, ადგილსამყოფელი და ქონების სხვა მახასიათებლები; ბ) ცნობები აღნიშნული ქონების გადაცემისა და მიღების შესახებ; გ) ხელშეკრულებით დადგენილი ქირის ოდენობა, ასეთის არსებობის შემთხვევაში; დ) მხარეთა ურთიერთვალდებულებები ქონების შემდგომი გამოყენების შესახებ; ე) საქართველოს კანონმდებლობითა და ხელშეკრულებით ნაკისრი ვალდებულებების შეუსრულებლობისათვის პასუხისმგებლობის ფორმები; ვ) ქონების გადაცემის პირობები და ვადები; ზ) ამ წესის მე-11 მუხლის მოთხოვნებით გათვალისწინებული პირობები; თ) მხარეთათვის ხელშეკრულებასთან დაკავშირებული შეტყობინებებისა და კორესპონდენციის ჩაბარების წესი და ფორმები; ი) სხვა მონაცემები გასაფორმებელი ხელშეკრულების სპეციფიკის გათვალისწინებით. 4. ამ წესით გათვალისწინებული სარგებლობის ფორმებით ქონების სარგებლობის უფლება გადაეცემა პირს მოქმედი კანონმდებლობის შესაბამისად გაფორმებული ხელშეკრულებით. საჯარო რეესტრში რეგისტრაციისა და სხვა აუცილებელი საბუთების წარდგენისათვის გაწეულ საზღაურს ფარავს ქონებით სარგებლობის უფლების მიმღები პირი.     მუხლი 14🔗. ქონებით სარგებლობის უფლების მიმღები პირის პასუხისმგებლობა 1. ქონებით სარგებლობის უფლების მიმღები ვალდებულია მისთვის გადაცემული ქონების გამოყენებისას დაიცვას აუქციონის ან/და პირდაპირი განკარგვის პირობები, ხელშეკრულებით ნაკისრი ვალდებულებები და თვითმმართველი ქალაქის – ქუთაისის აღმასრულებელ ორგანოს მოთხოვნისთანავე წარუდგინოს ინფორმაცია მათი შესრულების მიმდინარეობის შესახებ. შესაბამისი ხელშეკრულებით მხარეთა მიერ შესაძლებელია გათვალისწინებულ იქნეს ინფორმაციის წარდგენის სხვა ვადა და ფორმა. 2. ქონებით სარგებლობის უფლების მიმღებს უფლება არა აქვს მიღებული ქონება ხელშეკრულების მოქმედების პერიოდში სარგებლობის უფლებით გადასცეს (მათ შორის გააქირაოს, იჯარის, თხოვების ფორმით გადასცეს) ან სხვაგვარად დატვირთოს თვითმმართველი ქალაქის – ქუთაისის აღმასრულებელ ორგანო სთან შეუთანხმებლად. ამასთან, იგი პასუხისმგებელია მიღებული ქონების მოვლა-პატრონობასა და დაცვაზე. 3. ხელშეკრულებით ნაკისრი ვალდებულების შეუსრულებლობის შემთხვევაში, ქონებით სარგებლობის უფლების მიმღებ პირს ეძლევა წერილობითი გაფრთხილება, რომელშიც მიეთითება დარღვევის გამოსწორების ვადა და პირგასამტეხლოს ოდენობა. პირგასამტეხლო განისაზღვრება ხელშეკრულებით, სახელშეკრულებო პირობებიდან გამომდინარე, კერძოდ: ა) ქირის თანხის გადაუხდელობის შემთხვევაში, ქირის 0,1%, მაგრამ არანაკლებ 1 (ერთი) ლარისა დარღვევის დღიდან ყოველ ვადაგადაცილებულ დღეზე; ბ) საინვესტიციო ვალდებულებების შეუსრულებლობის შემთხვევაში, დარჩენილი განსახორციელებელი ინვესტიციის 0,1%, დარღვევის დღიდან ყოველ ვადაგადაცილებულ დღეზე; გ) ქონებით სარგებლობის უფლების მიმღები პირის მიერ პირდაპირი განკარგვის წესით, აუქციონის ან/და სხვა სახელშეკრულებო ვალდებულების შეუსრულებლობისათვის პირგასამტეხლოს ოდენობა განისაზღვრება ხელშეკრულებით. 4. ხელშეკრულების პირობების შეუსრულებლობის განმეორებით გამოვლენის შემთხვევა და/ან დაწესებულ ვადაში პირგასამტეხლოს გადაუხდელობა თვითმმართველი ქალაქის – ქუთაისის აღმასრულებელი ორგანოს მიერ მიიჩნევა ხელშეკრულების ცალმხრივად მოშლის საფუძვლად. ქონების მიმღებ პირს არ უბრუნდება გადახდილი თანხა და არ უნაზღაურდება მის მიერ გაწეული სხვა ხარჯები.     მუხლი 15🔗. დავათა განხილვის წესი თვითმმართველი ქალაქის – ქუთაისის ქონების პირდაპირი განკარგვის წესით სარგებლობის უფლებით გადაცემის თაობაზე ან აუქციონის შედეგებთან დაკავშირებულ სადავო და ბათილად ცნობის საკითხებს (მათ შორის ხელშეკრულებით გათვალისწინებული პირობების შეუსრულებლობის გამო) საქართველოს მოქმედი კანონმდებლობით დადგენილი წესით, განიხილავს სასამართლო. დანართი №2 თვითმმართველი ქალაქის – ქუთაისის საკუთრებაში არსებული ქონების სარგებლობის უფლებით გადაცემის აუქციონის შედეგების ოქმი № (ფორმა) აუქციონის ჩატარების თარიღი:     201        წლის -- --------------. აუქციონის ჩატარების საფუძველი: ---------------------------- აუქციონის ორგანიზატორი: თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისია  სარგებლობაში გადასაცემი ქონება: თვითმმართველი ქალაქის – ქუთაისის საკუთრებაში არსებული ქონება – -------------------------------------------------------------------------------------------- (ქონების დასახელება, მდებარეობა, სარეგისტრაციო მონაცემები) სარგებლობის საწყისი ქირა : ----------- (------------------------) ლარი. სარგებლობის ფორმა : --------------------- სააუქციონო ბიჯის სიდიდე ---- (-----) ლარი. სარგებლობაში გადაცემის ვადა: ----- წელი. აუქციონში მონაწილენი: 1. __________________ 2. _________________ 3.__________________ 4. ____________________ 5. _______________________ აუქციონის მსვლელობა:                                                                                                                                                                                           აუქციონში გამარჯვებული __________________________________________________ (გვარი, სახელი, პირადობის დამადასტურებელი მოწმობა ფიზიკური პირებისთვის) (იურიდიული პირებისთვის: სრული დასახელება, იურ.მისამართი, სარეგისტრაციო მონაცემები) საბოლოო წლიური საიჯარო ქირა _______________________________________ ლარი ოქმის შედგენის თარიღი _____________________ აუქციონში გამარჯვებული ___________________________ /გვარი, სახელი/ თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის თავმჯდომარე _______________________ /გვარი, სახელი/ თვითმმართველი ქალაქის – ქუთაისის საკუთრებაში არსებული ქონების განკარგვის აუქციონის ორგანიზების მუდმივმოქმედი სააუქციონო კომისიის მდივანი __________________________ /გვარი, სახელი/ აუქციონატორი ______________________ /გვარი, სახელი/