ჩინეთის მთავრობის მიერ საქართველოს მთავრობისათვის ეკონომიკური სიძნელეების გადალახვის ხელშეწყობის მიზნით გამოყოფილი ჩინური ხის საშრობი მანქანა-დანადგარების ათვისების შესახებ

ჩინეთის მთავრობის მიერ საქართველოს მთავრობისათვის ეკონომიკური სიძნელეების გადალახვის ხელშეწყობის მიზნით გამოყოფილი ჩინური ხის საშრობი მანქანა-დანადგარების ათვისების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:Geo_Times;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin:0in; margin-bottom:.0001pt; text-align:center; line-height:150%; page-break-after:avoid; font-size:15.0pt; font-family:"Geo_Times","serif";} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:12.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:right; font-size:12.0pt; font-family:"Sylfaen","serif"; font-weight:bold;} /* Page Definitions */ @page Section1 {size:595.35pt 842.0pt; margin:85.05pt 49.6pt 51.05pt 70.9pt;} div.Section1 {page:Section1;} საქართველოს პრეზიდენტის ბრძანებულება №135 2001 წლის 16 აპრილი ქ. თბილის ჩინეთის მთავრობის მიერ საქართველოს მთავრობისათვის ეკონომიკური სიძნელეების გადალახვის ხელშეწყობის მიზნით გამოყოფილი ჩინური ხის საშრობი მანქანა-დანადგარების ათვისების შესახებ 1999 წლის აგვისტოში ჩინეთის მთავრობის მიერ საქართველოს მთავრობისათვის ეკონომიკური სიძნელეების გადალახვის ხელშეწ­ყობის მიზნით გრანტით გამოყოფილი ჩინური  ხის საშრობი მანქანა-დანადგარების კომპლექტის (3 მილიონი იუანის ოდენობის უსასყიდლო დახმარების) ათვისების მიზნით: 1. დამტკიცდეს საქართველოს ეკონომიკის, მრეწველობისა და ვაჭ­რობის სამინისტრო გრანტის მმართველ საქართველოს მთავრობის უფლებამოსილ ორგანოდ (შემდგომში – მმართველი ორგანო). 2. დამტკიცდეს ხის საშრობი ჩინური მანქანა-დანადგარების კომპ­ლექტის ათვისების თანდართული მექანიზმი. 3. მმართველმა ორგანომ: ა) გრანტის ათვისების პროცესში წამოჭრილ საკითხთა გადასაწყ­ვეტად შექმნას საუწყებათაშორისო სატენდერო კომისია საქართველოს სახელმწიფო კანცელარიის, ფინანსთა სამინისტროს, იუსტიციის სამი­ნისტროს, გარემოსა და ბუნებრივი რესურსების დაცვის სამინისტროსა და სახელმწიფო ქონების მართვის სამინისტროს წარმომადგენელთა შემადგენლობით. საუწყებათაშორისო კომისიის თავმჯდომარედ დაი­ნიშნოს საქართველოს ეკონომიკის, მრეწველობისა და ვაჭრობის მინისტრი ივანე ჩხარტიშვილი; ბ) საქართველოს ეკონომიკის, მრეწველობისა და ვაჭრობის სამი­ნისტროს შპს „საქართველოს საინვესტიციო სააგენტოს მეშვეობით განა­ხორციელოს გრანტის ათვისებასთან დაკავშირებული საკონ­სულ­ტაციო და ორგანიზაციული ღონისძიებები; გ) უზრუნველყოს ტენდერის პირობების შესახებ ინფორმაციის გავრცელება და გამოქვეყნება გაზეთ „საქართველოს რესპუბლიკასა“ და მასობრივი ინფორმაციის სხვა საშუალებებში. 4. საუწყებათაშორისო სატენდერო კომისიამ მმართველი ორგა­ნოს წარდგინებით დაამტკიცოს შპს „საქართველოს საინვესტიციო საა­გენ­ტოს“ მიერ შემუშავებული მანქანა-დანადგარების მომხმარებლის შესარჩევად გასამართავი ტენდერის პირობები. 5. საქართველოს საგადასახადო შემოსავლების სამინისტროს სა­ბაჟო დეპარტამენტმა უზრუნველყოს ჩინური გრან­­ტის ფარგლებში შემოტანილი პროდუქციის ოპერატიული გან­ბაჟება დადგენილი წესის შესაბამისად. ე. შევარდნაძე ხის საშრობი ჩინური მანქანა-დანადგარების კომპლექტის ათვისების მექანიზმი ტექსტში გამოყენებული ცნებები: „გრანტი“ – ჩინეთის მთავრობის მიერ საქართველოს მთავრო­ბისათვის ეკონომიკური სიძნელეების გადალახვის ხელშეწყობის მიზნით გრანტით გამოყოფილი ჩინური ხის საშრობი მანქანა-დანადგარების კომპლექტი, მათი ტრანსპორტირება, ტრანსპორტირების დაზღვევა და მონტაჟისათვის სპეციალისტების მოვლინება (3.0 მილიონი იუანი); „მანქანა-დანადგარები“, „პროდუქცია“, „ლიზინგის საგანი“ – ჩინეთის მთავრობის მიერ საქართველოს მთავრობისათვის გრანტით გამოყოფილი ხის საშრობი კომპლექტი (ხის საშრობი სისტემა - 4X100მ​3, ბოილერი - 1 ც., 2- ტონიანი ტვირთამწე -1 ც., 128 კვტ. გენერატორი - 1 ც.); „დონორი“ – გრანტის გამცემი ქვეყანა – ჩინეთი; „მიმღები“ – გრანტის მიმღები ქვეყანა – საქართველო; „მმართველი ორგანო“ – მიმღების გრანტის ათვისების უფლე­ბამოსილი სამთავრობო უწყება – საქართველოს ეკონომიკის, მრეწვე­ლობისა და ვაჭრობის სამინისტრო; „კომისია“ – გრანტის ათვისების მიზნით შექმნილი საუწყე­ბათაშორისო სატენდერო კომისია საქართველოს სახელმწიფო კან­ცელარიის, ფინანსთა სამინისტროს, იუსტიციის სამინისტროს, გარე­მოსა და ბუნებრივი რესურსების დაცვის სამინისტროსა და სახელმწიფო ქონების მართვის სამინისტროს წარმომადგენელთა შემადგენლობით; „ღირებულება“ – მანქანა-დანადგარების შეძენაზე, ტრანსპორტი­რე­ბაზე, ტრანსპორტირების დაზღვევაზე, მონტაჟისათვის სპეციალის­ტების მოვლინებაზე დახარჯული თანხა (3.0 მლნ. იუანი); „სალიზინგო საზღაური“ – მომხმარებლის მიერ ლიზინგის საგანში გადასახდელი თანხა: ღირებულების მინიმუმ 100%; „დეპოზიტი“ – საქართველოს ეროვნულ ბანკში გახსნილი ანგარიში, სადაც უნდა ჩაირიცხოს სალიზინგო საზღაური ლარებით; „სააგენტო“ – საქართველოს ეკონომიკის, მრეწველობისა და ვაჭრობის სამინისტროს შპს „საქართველოს საინვესტიციო სააგენტო“; „ტენდერი“ – მანქანა-დანადგარების საბოლოო მომხმარებლის გამოსავლენად  გასამართავი კონკურსი; „მაძიებელი“ – იურიდიული ან ფიზიკური პირი, რომელიც აკეთებს განაცხადს ტენდერში მონაწილეობაზე; „მომხმარებელი“ – ტენდერში გამარჯვებული მაძიებელი. 1. ზოგადი დებულებები 1999 წლის აგვისტოში ჩინეთის მთავრობამ (შემდგომში – დონორი) საქართველოს მთავრობას (შემდგომში – მიმღები) ეკო­ნომიკური სიძნელეების გადალახვის ხელშეწყობის მიზნით გამოუყო ჩინური ხის საშრობი მანქანა-დანადგარების კომპლექტი (ხის საშრობი სისტემა - 4X100მ​3, ბოილერი - 1 ც., 2 -ტონიანი ტვირთამწე - 1 ც. 128 კვტ. გენერატორი). უსასყიდლო დახმარების – გრანტის საერთო ღირებულებაა 3 მილიონი იუანი, რომელიც, გარდა აღნიშნული მანქანა-დანადგარებისა, მოიცავს მათ ტრანსპორტირებას, დაზღვევას და მონტა­ჟისათვის სპეციალისტების მოვლინებას. საქართველოს მთავრობის უფლებამოსილი გრანტის მმართველი ორგანოა საქართველოს ეკონომიკის, მრეწველობისა და ვაჭრობის სამინისტრო. გრანტის ფარგლებში შეძენილი ხის საშრობი მანქანა-დანადგა­რე­ბის მომხმა­რებელს მმართველი ორგანო შეარჩევს ტენდერის მეშვე­ო­ბით. აღნიშ­ნული პროდუქცია მომხმარებელს გადაეცემა ლიზინგის ფორ­მით. მომხმარებლის შესარჩევად და გრანტის ათვისების პროცესში წამოჭრილ საკითხთა გადასაწყვეტად მმართველი ორგანო ქმნის საუწ­ყე­­ბათაშორისო სატენდერო კომისიას (შემდგომში  – კომისია) საქართველოს სახელმწიფო კანცელარიის, ფინანსთა სამინისტროს, იუსტიციის სამინისტროს, გარემოსა და ბუნებრივი რესურსების დაცვის სამი­ნისტროსა და სახელმწიფო ქონების მართვის სამინისტროს წარმომად­გენელთა შემადგენლობით. მომხმარებელი ლიზინგის საგანში იხდის სალიზინგო საზღაურს – მისი ღირებულების მინიმუმ 100%-ს. სალიზინგო საზღაურის ჩარიცხვა უნდა მოხდეს საქართველოს ეროვ­ნულ ბანკში გახსნილ დეპოზიტზე მანქანა-დანადგარების დამონტა­ჟებიდან 7 წლის განმავლობაში, ყოველკვარტალურად, თანაბარ ნაწილე­ბად. გადახდის თავისუფალი პერიოდი - პროდუქციის დამონტა­ჟები­დან 3 წელი. დეპოზიტზე დაბრუნებული თანხების ხელახალ ათვისებას ახორ­ციელებს მმართველი ორგანო საინვესტიციო საქმიანობის წარმარ­თვის მიზნით საქართველოს პრეზიდენტთან არსებული უცხოური ინვესტიციების (საინვესტიციო) საკონსულტაციო საბჭოს სხდომაზე დამტკიცებული მიმართულების შესაბამისად. მმართველი ორგანო გრანტის ათვისებასთან დაკავშირებულ კონსულტაციებსა და ორგანიზაციულ ღონისძიებებს განახორციელებს შპს „საქართველოს საინვესტიციო სააგენტოს“ (შემდგომში– სააგენტო) მეშვეობით. 2. მმართველი ორგანოს უფლება-მოვალეობანი: მმართველი ორგანო ვალდებულია: – გრანტის ათვისების პროცესში წამოჭრილ საკითხთა გადასაწყ­ვეტად შექმნას საუწყებათაშორისო სატენდერო კომისია საქართველოს სახელმწიფო კანცელარიის, ფინანსთა სამინისტროს, იუსტიციის სამინის­ტროს, გარემოსა და ბუნებრივი რესურსების დაცვის სამინისტროსა და სახელმწიფო ქონების მართვის სამინისტროს წარმომადგენელთა შემადგენლობით; – სატენდერო კომისიის სხდომას განსახილველად და დასამტ­კი­ცებლად წარუდგინოს სააგენტოს მიერ შემუშავებული შემდეგი დოკუ­მენტები: – გრანტის ფარგლებში შეძენილი მანქანა-დანადგარების მომხმა­რებლის შესარჩევად გასამართავი ტენდერის პირობები; – მაძიებლის მიერ ტენდერში მონაწილეობის მისაღებად წარსად­გენი განაცხადის ფორმა და საბუთების ჩამონათვალი; – მანქანა-დანადგარების გადასაცემად მომხმარებელთან დასადე­ბი ლიზინგის ხელშეკრულების ფორმა; – გააფორმოს მომხმარებელთან ლიზინგის ხელშეკრულება გრან­ტის ფარგლებში შეძენილი მანქანა-დანადგარების გადაცემის თაობაზე. მომხმარებლის მიერ წარმოდგენილ განაცხადში და ლიზინგის ხელშეკრულებაში განსაზღვრული ვალდებულებების შეუსრულებლობის შემთხვევაში, სააგენტოს მიერ მომზადებული ინფორმაციის საფუძ­ველზე, მმართველი ორგანო იღებს გადაწყვეტილებას ხელშეკრულების შეწყვეტის თაობაზე და ავალებს სააგენტოს უზრუნველყოს შესაბამისი სანქციების განხორციელება. 3. საუწყებათაშორისო სატენდერო კომისიის უფლება-მოვალეობანი: სატენდერო კომისია ვალდებულია: – განიხილოს და დაამტკიცოს სააგენტოს მიერ შემუშავებული და მმართველი ორგანოს მიერ წარმოდგენილი შემდეგი დოკუმენტები: – გრანტის ფარგლებში შეძენილი მანქანა-დანადგარების მომხ­მარებლის შესარჩევად გასამართავი ტენდერის პირობები; – მაძიებლის მიერ ტენდერში მონაწილეობის მისაღებად წარ­სადგენი განაცხადის ფორმა და საბუთების ჩამონათვალი; – მანქანა-დანადგარების გადასაცემად მომხმარებელთან დასა­დები ლიზინგის ხელშეკრულების ფორმა; – დაამ­ტ­კიცოს სააგენტოს მიერ გაწეული კონსულტაციებისა და ორ­გა­ნიზაციული ღონისძიებების საფასურის ოდენობა,რომელსაც გადა­იხ­დიან მაძიებლები და მომხმარებელი; – განიხილოს სააგენტოს მიერ წარმოდგენილი მაძიებელთა განაც­ხადები და პრეტენზიები; – წარმოდგენილი განაცხადებიდან გამოავლინოს გამარჯვებული. 4. სააგენტოს უფლება-მოვალეობანი სააგენტო ვალდებულია: – სატენდერო კომისიაზე განსახილველად და დასამტკიცებლად შეი­მუშაოს და მმართველ ორგანოს წარუდგინოს შემდეგი დოკუ­მენტები; – გრანტის ფარგლებში შეძენილი მანქანა-დანადგარების მომხმა­რებლის შესარჩევად გასამართავი ტენდერის პირობები; – მაძიებლის მიერ ტენდერში მონაწილეობის მისაღებად წარსად­გენი განაცხადის ფორმა და დოკუმენტების ნუსხა; – მანქანა-დანადგარების გადასაცემად მომხმარებელთან დასადები ლიზინგის ხელშეკრულების ფორმა; – გაუწიოს მომხმარებელს კონსულტაციები მანქანა-დანადგარების მიღებისა და სალიზინგო საზღაურის დეპოზიტზე ჩარიცხვის საკითხებში; – განიხილოს მაძიებელთა განაცხადები გრანტით შემოსული პროდუქციის ლიზინგით მიღების თაობაზე, მოახდინოს მათი ექსპერ­ტიზა და კომისიას წარუდგინოს განაცხადები, რომლებიც აკმაყო­ფილებენ ტენდერის პირობებს; – დაუყოვნებლივ აცნობოს კომისიას მაძიებელთა პრეტენზიები; – წინასწარ შეაფასოს გრანტის მისაღებად მაძიებელთა მზად­ყოფნა, გაესაუბროს მათ, საჭიროების შემთხვევაში ადგილზე დაათვა­ლიეროს და შეისწავლოს საწარმოები; – მოითხოვოს მომხმარებლისაგან მიღებული პროდუქციის აუცი­ლე­ბელი დაზღვევა; – გააკონტროლოს მომხმარებლის მიერ სალიზინგო საზღაურის განსაზღვრულ ვადებში საქართველოს ეროვნულ ბანკში გახსნილ დეპოზიტზე ჩარიცხვა; – გაუწიოს ზედამხედველობა მომხმარებლის მიერ წარმოდგენილ განაცხადში და ლიზინგის ხელშეკრულებაში განსაზღვრული პირობების შესრულებას და აღნიშნულის შესახებ ყოველკვარტალური ინფორმაცია მიაწოდოს მმართველ ორგანოს. სააგენტო იღებს კონსულტაციების საფასურს მაძიებლისაგან და მომსახურების საფასურს მომხმარებლისაგან მოქმედი კანონ­მდე­ბ­ლობის ფარგლებში, მაგრამ არა უმეტეს ლიზინგის საზღაურის 0.7%-სა კვარტალში. 5. ლიზინგის ხელშეკრულების დადების ზოგადი პირობები გრანტით მიღებული მანქანა-დანადგარები მომხმარებელს გადაე­ცემა ლიზინგის ფორმით, კერძოდ: მომხმარებლისათვის გადაცემულ პროდუქციაზე მესაკუთრის უფლებას იტოვებს მმართველი ორგანო. სალიზინგო საზღაურის დეპოზიტზე სრული ჩარიცხვის შემდეგ მომხ­მარებელს ეძლევა უფლება საბოლოო გადახდის თანხით – 10 ლარად - შეისყიდოს ლიზინგის საგანი. ლიზინგის საგანში მომხმარებელმა უნდა გადაიხადოს სალიზინგო საზღაური პროდუქციის ღირებულების მინიმუმ 100 პროცენტის ოდენობით (3 მლნ. იუანი – დაახლ. 713.0 ათასი ლარი). სალიზინგო საზღაურის საბოლოო ოდენობა დადგინდება ტენდერის შედეგების შესაბამისად. მმართველი ორგანო მომხმარებელთან აფორმებს ლიზინგის ხელშეკრულებას, რომელიც შეიცავს ლიზინგის საგნის მთლიან ფასს, სალიზინგო საზღაურის თანხას, მისი გადახდის ვადებსა და საბოლოო გადახდის თანხას. ლიზინგის ხელშეკრულების გაფორმებამდე მომხმარებელი ვალდებულია წინასწარ გადაიხადოს სალიზინგო საზღაურის პირველი ნაწილი – არანაკლებ მისი 10%-სა. მომხმარებლის მიერ ნაკისრ ვალდებულებათა შეუსრულებლობის გამო გამოწვეული ზარალის ასანაზღაურებლად მმართველი ორგანო აფორმებს მასთან გირავნობის ხელშეკრულებას პროდუქციის ღირებულების 20 პროცენტზე. სალიზინგო საზღაურის ჩარიცხვა უნდა მოხდეს საქართველოს ეროვნულ ბანკში გახსნილ დეპოზიტზე. თანხა ბრუნდება ლარებით მანქანა-დანადგარების დამონტაჟებიდან 7 წლის განმავლობაში, ყოველკვარტალურად, თანაბარ ნაწილებად ლიზინგის ხელშეკრულების გა-ფორ­მების მომენტისათვის ჩინურ იუანსა და ლარს შორის არსებული კურსით. გადახდის თავისუფალი პერიოდი – პროდუქციის მიღებიდან 3 წელი, ძირითადი თანხის დაბრუნება იწყება ამ სამწლიანი თავისუფალი პერიოდის გასვლის შემდგომ. მომხმარებლის მიერ წარმოდგენილ განაცხადსა და ლიზინგის ხელშეკრულებაში განსაზღვრული პირობების შეუსრულებლობის შემთხვევაში მმართველი ორგანო იტოვებს დეპონირებულ თანხას, განსაზღვრავს მანქანა-დანადგარებისა და დაგირავებული ქონების მინიმალურ სასტარტო ღირებულებას და სააგენტოს მეშვეობით ყიდის აუქ­ცი­ონის წესით (ამონაგები თანხა ჩაირიცხება დეპოზიტზე სააგენტოს მიერ გაწეული მომსახურების საფასურის გამოკლებით, რომელიც, თავის მხრივ, ჩაირიცხება სააგენტოს ანგარიშზე); ან მმართველი ორგანო გამოაცხადებს ხელახალ ტენდერს მანქანა-დანადგარების ახალი მომხ­მარებლისათვის გადასაცემად და გააფორმებს გამარჯვებულთან ლიზინგის ხელშეკრულებას დადგენილი წესების დაცვით.