სავალდებულო დაზღვევის ფონდის შექმნის შესახებ" საქართველოს პრეზიდენტის 1998 წლის 3 აპრილის №210 ბრძანებულებაში ცვლილებებისა და დამატების შეტანისა და საჯარო სამართლის იურიდიული პირის – საქართველოს სავალდებულო დაზღვევის ფონდის დებულების დამტკიცების თაობაზე

სავალდებულო დაზღვევის ფონდის შექმნის შესახებ" საქართველოს პრეზიდენტის 1998 წლის 3 აპრილის №210 ბრძანებულებაში ცვლილებებისა და დამატების შეტანისა და საჯარო სამართლის იურიდიული პირის – საქართველოს სავალდებულო დაზღვევის ფონდის დებულების დამტკიცების თაობაზე /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:AcadNusx;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoTitle, li.MsoTitle, div.MsoTitle {margin:0in; margin-bottom:.0001pt; text-align:center; font-size:12.0pt; font-family:AcadNusx;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; font-size:12.0pt; font-family:AcadNusx;} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:right; font-size:12.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:595.3pt 841.9pt; margin:49.65pt 49.55pt 42.55pt 70.9pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს პრეზიდენტის რძანებულება №315 2001 წლის 9 აგვისტო ქ. თბილისი „სავალდებულო დაზღვევის ფონდის შექმნის შესახებ” საქართველოს პრეზიდენტის 1998 წლის 3 აპრილის № 210 ბრძანებულებაში ცვლილებებისა და დამატების შეტანისა და საჯარო სამართლის იურიდიული პირის – საქართველოს სავალდებულო დაზღვევის ფონდის დებულების დამტკიცების თაობაზე „ავტომოტოტრანსპორტის მფლობელთა სამოქალაქო პასუხისმგებლო­ბის სავალდებულო დაზღვევის შესახებ“ საქართველოს კანონის 22-ე მუხლის პირველი პუნქტის, „სავალდებულო ხანძარ­სა­წინააღმდეგო დაზღვევის შესახებ“ საქართველოს კანონისა და „საჯარო სამართლის იურიდიული პირის შესახებ” საქართველოს კანონის შესაბამისად: 1. საქართველოს პრეზიდენტის 1998 წლის 3 აპრილის №210 ბრძანებულებაში შეტანილ იქნეს შემდეგი ცვლილებები და დამა­ტება: პირველ პუნქტში: ა.ა) ამოღებულ იქნეს სიტყვები „საქართველოს დაზღვევის სახელმწიფო ზედამხედველობის სამსახურთან“; ა.ბ) სიტყვის „სავალდებულო“ წინ დაემატოს სიტყვა „საქარ­თ­ველოს“. ბ) ამოღებულ იქნეს ბრძანებულების მე-2 პუნქტი; გ) ძალადაკარგულად ჩაითვალოს ბრძანებულების მე-3 პუნქ­ტი; დ) ძალადაკარგულად ჩაითვალოს ბრძანებულებით დამტკი­ცებული სავალდებულო დაზღვევის ფონდის დებულება. 2. დამტკიცდეს საჯარო სამართლის იურიდიული პირის – საქართველოს სავალდებულო დაზღვევის ფონდის თანდართული დებულება. 3. შეიქმნას საქართველოს სავალდებულო დაზღვევის ფონდის სამეთვალყურეო საბჭო შემდეგი შემადგენლობით: არჩილ ცერცვაძე – საქართველოს დაზღვევის სახელმწიფო ზე­და­მ­ხედველობის სამსახუ­რის უფროსი (საბჭოს თავმჯდომარე) ალექსი ალექსიშვილი – საქართველოს ფინანსთა მინისტრის მოადგილე აკაკი ზოიძე – საქართველოს შრომის, ჯანმრთე­ლობი­სა და სოციალური დაცვის მინისტ­რის­ მოადგილე არმაზ თავაძე – საქართველოს გადამხდელთა კავშირის აღმასრულებელი დირექ­ტორი, ახალგა­ზრ­და ფინანსისტთა და ბიზნეს­მენ­თა ასოციაციის პრეზიდენტი ირინე იმერლიშვილი – საქართველოს იუსტიციის მინისტრის მოადგილე კობა კობიაშვილი – საქართველოს შინაგან საქმეთა სამი­ნის­ტროს საგზაო პოლიციის მთავა­რი სამმართველოს უფროსი ჯუმბერ სურმავა – საქართველოს შინაგან საქმეთა სა­მი­­ნი­­სტროს ხანძარსაწინააღმდეგო სამსა­ხუ­რის მთავარი სამმართველოს უფროსი გელა ჩარკვიანი – საქართველოს ეკონომიკის, მრეწველო­ბისა და ვაჭრობის მინისტრის მოად­გილე დავით წერეთელი – საქართველოს სავალდებულო დაზღვე­ვის ფონდის დირექტორი ზურაბ ხაჟალია – საქართველოს შინაგან საქმეთა სამინისტროს საგამოძიებო დეპარტა­მენ­ტის თავმჯდომარე დაზმირ ჯოჯუა – საქართველოს სახელმწიფო კანცელა­რიის სოციალურ საკითხთა სამსახუ­რის უფროსი. ე. შევარდნაძე საჯარო სამართლის იურიდიული პირის – საქართველოს სავალდებულო დაზღვევის ფონდის დებულება თავი I ზოგადი დებულებანი     მუხლი 1🔗 საქართველოს სავალდებულო დაზღვევის ფონდი (შემდგომში – ფონდი), შექმნილია „ავტომოტოტრანსპორტის მფლობელთა სამოქალაქო პასუხისმგებლობის სავალდებულო დაზღვევის შესახებ“, „საჯარო სამართლის იურიდიული პირის შესახებ“ საქართველოს კანონების შესაბამისად და წარმოადგენს საჯარო სამართლის იურიდიულ პირს.     მუხლი 2🔗 ფონდი მოქმედებს საქართველოს კონსტიტუციის, „დაზღვევის შესახებ“, „საჯარო სამართლის იურიდიული პირის შესახებ“, „ავტომოტოტრანსპორტის მფლობელთა სამოქალაქო პასუხისმგე­ბლობის სავალდებულო დაზღვევის შესახებ“, „სავალდებულო ხანძარსაწინააღმდეგო დაზღვევის შესახებ“ საქართველოს კანო­ნების, სხვა ნორმატიული აქტების, საერთაშორისო ხელშეკრუ­ლებებისა და შეთანხმებების და ამ დებულების საფუძველზე.     მუხლი 3🔗 ფონდი არის საჯარო სამართლის იურიდიული პირი, აქვს დამოუკიდებელი ბალანსი და ხარჯთა ნუსხა, საბანკო ანგარიში (მათ შორის, სავალუტო), მრგვალი ბეჭედი საკუთარი სახელ­წოდების აღნიშვნით.     მუხლი 4🔗 ფონდის სახელმწიფო კონტროლს ახორციელებს საქარ­თველოს ფინანსთა სამინისტრო.     მუხლი 5🔗 ფონდი იღებს გადაწყვეტილებას სესხის აღებასთან, თავდე­ბობასთან, საშტატო ნუსხისა და ხელფასის ფონდის განსაზღვ­რასთან დაკავშირებით, საქართველოს ფინანსთა სამინისტროსთან შეთანხმების საფუძველზე, ხოლო უძრავი ქონების შეძენასთან, გასხვისებასა და დატვირთვასთან დაკავშირებით – საქართველოს კანონმდებლობის შესაბამისად.     მუხლი 6🔗 ფონდი ვალდებულია, საქართველოს კანონმდებლობით დადგენილი წესით, აწარმოოს საფინანსო საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდ­გინოს საქართველოს ფინანსთა სამინისტროს. ფონდის წლიურ ბალანსს ამოწმებს საქართველოს ფინანსთა სამინისტროს მიერ დანიშნული დამოუკიდებელი აუდიტორი.     მუხლი 7🔗 ფონდი არასამეწარმეო იურიდიული პირია, მას აქვს განკერ­ძოებული ქონება და თავის ვალდებულებათა გამო პასუხს აგებს მთელი ქონებით. ფონდს უფლება აქვს თავისი სახელით, საქართველოს კანონმდებლობის შესაბამისად, შეიძინოს ქონებრივი და პირადი არაქონებრივი უფლებები, იკისროს ვალდებულებები, შეუძლია იყოს მოსარჩელე და მოპასუხე სასამართლოში.     მუხლი 8🔗 ფონდის საქმიანობის საანგარიშო პერიოდი განისა­ზღვ­რება 1 იანვრიდან 31 დეკემბრის ჩათვლით.     მუხლი 9🔗 ფონდის იურიდიული მისამართია ქ. თბილისი, ვაჟა-ფშაველას №45 თავი II ფონდის მიზნები, ამოცანები და საქმიანობის საგანი     მუხლი 10🔗 ფონდის მიზნები, ამოცანები და საქმიანობის საგანია: ა) დაუდგენელი, დაუზღვეველი ან გატაცებული ავტომო­­ტოტრანსპორტით გამოწვეული საგზაო-სატრანსპორტო შემთ­ხვევებისას „ავტომოტოტრანსპორტის მფლობელთა სამოქალაქო პასუხისმგებლობის სავალდებულო დაზღვევის შესახებ“ საქართველოს კანონით განსაზღვრული ოდენობით დაზარალებულებისათვის მიყენებული ზიანის ანაზღაურება ამ დებულებით განსაზღვრული წესისა და პირობების შესაბამისად; ბ) სავალდებულო დაზღვევის არსებული სახეების განვითა-რებისათვის ხელშეწყობა, საგზაო-სატრანსპორტო შემთხვევების დადგომის ალბათობის შესამცირებლად და „სავალდებულო ხანძარსაწინააღმდეგო დაზღვევის შესახებ“ საქართველოს კანო­ნის შესაბამისად, პრევენციული ღონისძიებების განხორციელება; გ) ავტომოტოტრანსპორტის მფლობელთა სამოქალაქო პა­სუ­ხის­მგებლობის სავალდებულო დაზღვევის ნაწილში ფონდის სახსრებით, საქართველოს დაზღვევის სახელმწიფო ზედამხედ-ველობის სამსახურის მიერ დაწესებული სადაზღვევო რეზერ­ვებისა და ფონდების განთავსებისა და ინვესტირების წესის მიხედვით, სადაზღვევო რეზერვებისა და ფონდების შექმნა, განთავსება და ინვესტირება; დ) სადაზღვევო შემთხვევების შესახებ საქართველოს შინაგან საქმეთა სამინისტროს საგამოძიებო და საგზაო პოლიციის ორგა­ნოებიდან, სამედიცინო დაწესებულებებიდან, სასამართლო და პროკუ­რატურის ორგანოებიდან მოწოდებული ცნობებისა და დოკუმენტების საჭიროების შემთხვევაში ერთობლივი გადამოწმება; ე) პასუხისმგებელი პირის დადგენის შემთხვევაში გაცემული თანხის რეგრესული მოთხოვნის წაყენება უშუალოდ ზიანის მიმყე­ნებელი პასუხისმგებელი პირისადმი, ასევე ტექნიკური დათვალიერების გამო პასუხისმგებელი ორგანოსადმი, თუ დადასტურდა ავტომოტოტრანსპორტის ტექნიკური დათვალი­ერების წესების დარღვევით გატარების ფაქტი; ვ) სავალდებულო დაზღვევის განვითარების მიზნით, საქართველოს საკანონმდებლო და აღმასრულებელ ორგა­ნოებთან, სადაზღვევო და სხვა ორგანიზაციებთან ურთიერთობა თავისი კომპეტენციის ფარგლებში; ზ) სავალდებულო დაზღვევის ნაწილში სადაზღვევო ორგა­ნი­ზაციების მხრიდან ფონდის მიმართ კანონით განსაზღვრული ვალდებულებებისა და ამ დებულების მოთხოვნათა შეუს­რულებლობის შემთხვევაში შუამდგომლობით მიმართვა საქართ­ველოს დაზღვევის სახელმწიფო ზედამხედველობის სამსახუ­რისადმი სავალდებულო დაზღვევის სახეობაში სადაზღვევო ორგანიზაციებისათვის გაფრთხილების მიცემისა და ლიცენ­ზიის შეჩერების თაობაზე არსებული კანონმდებლობის შესაბამისად; თ) საქართველოს დაზღვევის სახელმწიფო ზედამხედველობის სამსახურიდან სავალდებულო დაზღვევის სახეობებში სა­და­ზღვევო ორგანიზაციებისათვის გაცემულ ლიცენზიებზე ინფორმაციის მიღება; ი) სავალდებულო დაზღვევის სახეობებში ყოველი კვარტალის მომდევნო თვის 15 რიცხვამდე სადაზღვევო ორგანიზაციების სტატისტიკური და ფინანსური მაჩვენებლების (ავტომოტო­ტრანსპორტის მფლობელთა სამოქალაქო პასუხისმგებლობის სავალდებულო დაზღვევასა და სავალდებულო ხანძარ­საწინა­აღმდეგო დაზღვევაში მოზიდული მთლიანი სადაზღვევო და ფონდში შესატანი პრემიების მაჩვენებლები, შეტანილი თანხების დამადასტურებელი ცნობები და სხვ.) შეკრება, სადაზღვევო პოლისების აღრიცხვიანობის მიზნით კომპიუტერულ მონაცემთა ერთიანი ბაზის შექმნა;  კ) სადაზღვევო ორგანიზაციების ხელმძღვანელთა მოწვევა, სემინარებისა და საქმიანი შეკრებების ორგანიზება, კონფერენ­ციებისა და ტრეინინგების გამართვა, სპეციალური სასწავლო პროგრამების, დამხმარე ლიტერატურის, მეთოდოლოგიური მასა­ლების მომზადება; ლ) საკანონმდებლო და ნორმატიული ბაზის სრულყოფის მიზნით, სამეთვალყურეო საბჭოსთან შეთანხმებით, საქარ­თველოს პრეზიდენტისათვის წინადადებების მომზადება; მ) სავალდებულო დაზღვევის განვითარების ხელშე­წყობის მიზნით, მისი საინფორმაციო უზრუნველყოფა და სადა­ზღ­ვევო სფეროს სპეციალისტთა კვალიფიკაციის ამაღლება, დაზღვევის სფეროში სამეცნიერო-კვლევითი სამუშაოებისათვის ხელშეწყობა; ნ) ფონდის მაღალკვალიფიციური კადრებით დაკომპლექტების მიზნით, წელიწადში ერთხელ ფონდის თანამშრომელთა ატეს­ტაცია, ფონდის საქმიანობის ძირითადი მიმართულებებისა და სპეციფიკის შესაბამისი საკადრო პოლიტიკის წარმართვა; ო) საერთაშორისო ორგანიზაციებთან და ასოციაციებთან მჭიდრო ურთიერთობის გზით სატრანზიტო და საზღვარგარეთ გამსვლელ ავტომოტოტრანსპორტზე დაზღვევის სფეროში საგა­რანტიო მომსახურების გაწევა, საერთაშორისო „მწვანე ბარა­თის“ სისტემის ეროვნული ბიუროს ფუნქციების განხორ­ციელებაში თავისი კომპეტენციის ფარგლებში მონაწილეობა; პ) სადაზღვევო საქმიანობის განვითარებისა და მისთვის ხელშეწყობის მიზნით, უცხოური დახმარებისა და გრანტების მოპოვება. თავი III დაზარალებული მოქალაქეებისათვის ზიანის ანაზღაურების წესი და პირობები     მუხლი 11🔗 ზიანის ანაზღაურების წესი და პირობებია: 1. დაუდგენელი, დაუზღვეველი და გატაცებული ავტომოტო­ტრანსპორტით გამოწვეულ საგზაო-სატრანსპორტო შემთხვე­ვისას ზიანის ანაზღაურების მოთხოვნის შემთხვევაში მფლო­ბელი, დაზარალებული ან დაზარალებულის წარმომადგენელი ვალდებულია საგზაო-სატრანსპორტო შემთხვევიდან „ავტომო­ტოტრანსპორტის მფლობელთა სამოქალაქო პასუხისმგებლობის სავალდებულო დაზღვევის შესახებ“ კანონით განსაზღვრულ ვადებში წარმოადგინოს ფონდში განცხადება. განცხადებას თან უნდა დაერთოს შემდეგი ცნობები და დოკუმენტები: ა) სამედიცინო ექსპერტიზის შემოწმების დასკვნის ასლი (საგზაო-სატრანსპორტო შემთხვევის შედეგად მიღებული დაზიანების ხარისხის შესახებ); ბ) დაზარალებულის შეზღუდული შესაძლებლობის მქონე პირის დადგენის დამადასტურებელი ცნობა (საგზაო-სატრანსპორტო შემთხვევის შედეგად მიღებული დაზიანების გამო, თუკი ასეთი შემთხვევა დადგა); გ) გარდაცვალების მოწმობა (საგზაო-სატრანსპორტო შემთ­ხვევის შედეგად მიღებული დაზიანების გამო, თუკი ასეთი შემთხ­ვევა დადგა); დ) საქართველოს შინაგან საქმეთა სამინისტროსა და პროკურატურის საგამოძიებო ორგანოებიდან ცნობა მომხდარი ავტოსატრანსპორტო შემთხვევის დროის, ადგილის, მიზეზისა და სხვა გარემოებათა, ავტომოტოტრანსპორტის ტექნიკური მდგო­მარეობისა და სავალდებულო წესით დაზღვევის შესახებ, რომელ­საც თან უნდა ახლდეს საგზაო-სატრანსპორტო შემთხვევაზე შედგენილი ოქმისა და ნახაზის ასლი; ე) დაუდგენელი ავტომოტოტრანსპორტით გამოწვეული შემთ­ხვევის გამო შინაგან საქმეთა და პროკურატურის ორგანოებიდან დადგენილება საქმის წინასწარი გამოძიების შეწყვეტის, ხოლო დაუზღვეველი და გატაცებული ავტომოტოტრანსპორტით გამო­წვეულ შემთხვევის გამო, საჭიროებიდან გამომდინარე, პასუხის­მგებელი პირის მიმართ კანონიერ ძალაში შესული სასამართლოს გამამტყუნებელი განაჩენი; ვ) ზიანის ანაზღაურების გაცემის დროს წარმოდგენილ უნდა იქნეს პირადობის დამადასტურებელი მოწმობა, არსებული წესით დამოწმებული მინდობილობა წარმომადგენელზე ან მემკვიდრეობის დამადასტურებელი დოკუმენტი. 2. საგამოძიებო ორგანოების მხრიდან საგამოძიებო ვადის გაგრძელების შემთხვევაში დაზარალებული ან მისი წარმომადგენელი ვალდებულია აღნიშნული წერილობით აცნობოს ფონდს.  3. ფონდი უფლებამოსილია შემოსული დოკუმენტების განხილვის დროს რაიმე სადავო ან საეჭვო საკითხის წარმოქმნისას დამატებით გამოითხოვოს საქართველოს შინა­გან საქმეთა სამინისტროს საგამოძიებო, საგზაო პოლიციის, პროკურატურის, სასამართლო ორგანოებიდან და სამედიცინო დაწესებულებებიდან, სხვა კომპეტენტური ორგანიზაციებიდან მისთვის საჭირო ცნობები და დოკუმენტები კანონშესაბამისი გადაწყვეტილების მიღების მიზნით და შეაჩეროს დაზარალე­ბულისათვის ზიანის ანაზღაურება. აღნიშნული წერილობით უნდა ეცნობოს განმცხადებელს. 4. დაზარალებულის მიმართ ზიანის ანაზღაურებაზე უარ­ყოფითი გადაწყვეტილების მიღების შემთხვევაში ფონდი ვალდე­ბულია განმცხადებელს აცნობოს ეს წერილობით. 5. ფონდი დაზარალებულს აუნაზღაურებს მიყენებულ ზიანს, გარდა იმ შემთხვევისა, როცა იგი გამოწვეულია თვით დაზარა­ლებულის განზრახი მოქმედებით, დაუძლეველი ძალის მოქმედების შედეგად, ავტომოტოტრანსპორტის დატვირთვა-გადმოტვირთვისას და საწარმოს, დაწესებულების ან ორგანიზაციის შიდა ტერი­ტორიაზე მისი მოძრაობისას. 6. დაზარალებულებისათვის ზიანის ანაზღაურება წარმოებს ფონდში „ავტომოტოტრანსპორტის მფლობელთა სამოქალაქო პასუ­ხისმგებლობის სავალდებულო დაზღვევის შესახებ“ კანონით განსაზღვრული დაფინანსების შესაბამისად, ზიანის ანაზღა­ურებისათვის განკუთვნილი თანხისა და შემოსული განცხადებების თანამიმდევრობის მიხედვით. 7. წარმოქმნილი დავა და პრეტენზია განიხილება სასამართლოს მიერ კანონით დადგენილი წესით. თავი IV ფონდის სახსრები     მუხლი 12🔗. ფონდის სახსრები იქმნება: 1. „ავტომოტოტრანსპორტის მფლობელთა სამოქალაქო პასუ­ხის­მგებლობის სავალდებულო დაზღვევის შესახებ“ (10-პროცენტიანი შენატანებით) და „სავალდებულო ხანძარ-საწინააღმდეგო დაზღვევის შესახებ“ (4-პროცენტიანი შენატანებით) საქართველოს კანონებით განსაზღვრული წესით. ყველა მზღვეველი, რომლებიც მონაწილეობენ სავალდებულო დაზღვევის სახეობაში, ვალდებულია თანხები ფონდში გადაიხადოს კვარტალში ერთხელ, კვარტალის მომდევნო თვის 20 რიცხვამდე. 2. რეზერვების ინვესტირებით, სადეპოზიტო ანგარიშებიდან, ხელშეკრულების საფუძველზე და საგარანტიო მომსახურებისა და კანონით ნებადართული ყველა საქმიანობის შედეგად მიღებული შემოსავლებით. 3. ფონდის შემოსავლები ხმარდება „ავტომოტოტრანსპორტის მფლობელთა სამოქალაქო პასუხისმგებლობის სავალდებულო დაზღვევის შესახებ“ და „სავალდებულო ხანძარსაწინააღმდეგო დაზღვევის შესახებ“ საქართველოს კანონებით განსაზღვრული საქმიანობის განხორციელებას, მუშაკთა მატერიალურ სტიმული­რებას და ფონდის მატერიალურ-ტექნიკური ბაზის განმტკიცებას. თავი V ფონდის მმართველობითი ორგანოები და სტრუქტურა     მუხლი 13🔗 ფონდთან მოქმედებს ფონდის სამეთვალყურეო საბჭო (შემდგომში – საბჭო).     მუხლი 14🔗 სამეთვალყურეო საბჭოს კომპეტენციას განეკუთვნება: ა) ფონდის სამოქმედო გეგმების დამტკიცება და პრევენციულ ღონისძიებათა ძირითადი მიმართულებების განსაზღვრა; ბ) ფონდის მიერ საანგარიშო პერიოდში გაწეული საქმიანობის ანგარიშის დამტკიცება.     მუხლი 15🔗 სამეთვალყურეო საბჭო სხდომებზე იღებს გადაწყვეტილებებს ფონდის უმნიშვნელოვანეს საკითხებზე. საბჭო მორიგ სხდომებზე იკრიბება 3 თვეში ერთხელ.     მუხლი 16🔗 სამეთვალყურეო საბჭო უფლებამოსილია, თუ სხდომას ესწრება საბჭოს წევრთა ნახევარზე მეტი. საბჭოს თითოეულ წევრს აქვს ერთი ხმის უფლება. საბჭოს ნებისმიერი გადაწყვეტილება მიიღება დამსწრე წევრთა უბრალო უმრავ­ლესობით.     მუხლი 17🔗 ფონდის საქმიანობას ხელმძღვანელობს დირექტორი, რომელ­საც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.     მუხლი 18🔗 ფონდის დირექტორი: ა) მოქმედებს ფონდის სახელით და მინდობილობის გარეშე წარმოადგენს მის ინტერესებს, ხელს აწერს ფონდის სახელით დადებულ ხელშეკრულებებსა და სხვა ოფიციალურ დოკუმენტებს; ბ) ფონდის დირექტორს ჰყავს მოადგილეები, რომელთაც თანამდებობაზე ნიშნავს და ათავისუფლებს ფონდის დირექტორი. ფონდის დირექტორი ნიშნავს და ათავისუფლებს ფონდის თანამშრომლებს, ანაწილებს მათ შორის ფუნქციებს; გ) გამოსცემს ინდივიდუალურ სამართლებრივ აქტებს ფონდის საქმიანობის საკითხებზე; დ) იღებს გადაწყვეტილებებს სხვა საკითხებზე, რომლებიც განეკუთვნება ფონდის კომპეტენციას; ე) ამტკიცებს ფონდის შინაგანაწესს, ზედამხედველობს ფონდის სტრუქტურული ქვედანაყოფების მიერ დაკისრებული მოვალეობების შესრულებას და ახორციელებს თანამშრომელთა საქმიანობის კონტროლს; ვ) ხელშეკრულების საფუძველზე იწვევს შესაბამისი სფეროს კონსულტანტებს; ზ) პასუხს აგებს ფონდის მიმდინარე სამეურნეო-საფინანსო საქმიანობის გამო; თ) განკარგავს ფონდის სახსრებს და პასუხისმგებელია ფონდის საკუთრებასა და სარგებლობაში არსებული ქონებისა და ფულადი სახსრების მიზნობრივი და სწორი ხარჯვის გამო; ი) საჭიროების შემთხვევაში მოითხოვს სამეთვალყურეო საბჭოს რიგგარეშე სხდომის მოწვევას და ამზადებს საკითხებს განსახილველად;     მუხლი 19🔗 ფონდის სტრუქტურაშია: ა) საექსპერტო-იურიდიული სამსახური; ბ) საფინანსო-ეკონომიკური სამსახური; გ) ადმინისტრაციულ-ტექნიკური სამსახური; დ) ფონდის წარმომადგენლობები. თავი VI ფონდის დებულებაში ცვლილებების შეტანა და ლიკვიდაცია     მუხლი 20🔗 ფონდის დებულებაში ცვლილებების შეტანა ხდება საქართველოს პრეზიდენტის ბრძანებულებით.     მუხლი 21🔗 ფონდის საქმიანობის შეწყვეტა და ლიკვიდაცია ხდება კანონმდებლობით დადგენილი წესით.