"საჯარო სამართლის იურიდიული პირის-სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ" საქართველოს იუსტიციის მინისტრის 2006 წლის 30 იანვრის №213 ბრძანებაში ცვლილებებისა და დამატებების შეტანის თაობაზე

საქართველოს იუსტიციის მინისტრი ს

ბრძანება № 247

2010 წლის 31 დეკემბერი

ქ. თბილისი

 „საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის                      2006 წლის 30 იანვრის № 213 ბრძანებაში ცვლილებ ებ ის ა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე- 20 მუხლის მე- 4 პუნქტის შესაბამისად, ვბრძანებ:

    მუხლი 1

„საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის № 213 ბრძანებით (სსმ III, 31.01.2006 წ., № 13, მუხ. 156) დამტკიცებულ დებულებაში შეტანილ იქნეს შემდეგი ცვლილებ ები და დამატებები:

1.მე-2 მუხლის პირველი პუქნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) საქართველოს მოქალაქეთა და საქართველოში მცხოვრებ უცხოელთა რეგისტრაცია, რეგისტრაციიდან მოხსნა, საკონსულო აღრიცხვაზე დაყენება და აღრიცხვიდან მოხსნა, შესაბამისი პირადობის და ბინადრობის მოწმობების გაცემა და შეცვლა;”.

2. მე-2 მუხლ ი ს:

ა) პირველ პუნქტს დაემატოს შემდეგი შინაარსის „ე²“ქვეპუნქტი:

„ე²) საქართველოდან გასვლის ვადლებულების გადავადების შესახებ გადაწყვეტილების მიღება;“;

ბ) პირველ პუნქტს დაემატოს შემდეგი შინაარსის „ი⁵“ქვეპუნქტი:

„ი⁵) მისამართზე რეგისტრირებულ პირთა რაოდენობის შესახებ ცნობის გაცემა;“;

გ) პირველ პუნქტს დაემატოს შემდეგი შინაარსის „ი⁶“ ქვეპუნქტი:

„ი⁶) საქართველოს ტერიტორიაზე ვიზის გაცემა;“;

დ) მე-4 პუნქტი ჩამოყალიბდეს შემდეგი რედაქციით:

„4. სააგენტოს აფხაზეთის სამსახური ახორციელებს ამ მუხლის პირველი პუნქტის მხოლოდ „ე¹“, „ე²“, “ვ”, „ზ²“, „ი“, „ი¹“, „ი²“, „ი⁶“და “კ” ქვეპუნქტებით გათვალისწინებულ უფლებამოსილებებს, გარდა უცხოელთა რეგისტრაციის, რეგისტრაციიდან მოხსნისა და ბინადრობის მოწმობის გაცემისა.“.

    მუხლი 2

1. ეს ბრძანება, გარდა პირველი მუხლის მე-2 პუნქტის „ა“ და „გ“ ქვეპუნქტებისა, ამოქმედდეს 2011 წლის 3 იანვრიდან.

2. ამ ბრძანების პირველი მუხლის მე-2 პუნქტის „გ“ ქვეპუნქტი ამოქმედდეს 2011 წლის 17 იანვრიდან.

3. ამ ბრძანების პირველი მუხლის მე-2 პუნქტის „ა“ ქვეპუნქტი ამოქმედდეს 2011 წლის პირველი თებერვლიდან.

ზ. ადეიშვილი