„საქართველოს პრეზიდენტთან არსებული ლიტერატურის, ხელოვნებისა და არქიტექტურის დარგის სახელმწიფო პრემიების კომიტეტისა და პრემიების შესახებ“ საქართველოს პრეზიდენტის 1998 წლის 14 მაისის №322 ბრძანებულებაში ცვლილების შეტანის თაობაზე

საქართველოს პრეზიდენტის

ბ რ ძ ა ნ ე ბ უ ლ ე ბ ა

N 74            

  2003 წლის 8 მარტი      

  ქ.თბილისი

 

„საქართველოს პრეზიდენტთან არსებული ლიტერატურის,

ხელოვნებისა და არქიტექტურის დარგის სახელმწიფო

პრემიების კომიტეტისა და პრემიების შესახებ“ საქართველოს პრეზიდენტის 1998 წლის 14 მაისის N 322 ბრძანებულებაში ცვლილების შეტანის თაობაზე

        „საქართველოს პრეზიდენტთან არსებული ლიტერატურის, ხელოვნებისა და არქიტექტურის დარგის სახელმწიფო პრემიების კომიტეტისა და პრემიების შესახებ“ საქართველოს პრეზიდენტის 1998 წლის 14 მაისის N 322 ბრძანებულებით დამტკიცებულ დებულებაში შეტანილ იქნეს ცვლილება და დებულების მე-10 პუნქტი ჩამოყალიბდეს შემდეგი რედაქციით:

     „10. პრემიების მოსაპოვებლად წარდგენილ კანდიდატურებს წინასწარ განიხილავს სახელმწიფო პრემიების კომიტეტი, რომელიც უფლებამოსილია მიიღოს გადაწყვეტილება ლაურეატობის კანდი-დატებად ავტორთა გამოცხადების შესახებ. იმ შემთხვევაში, თუ ლაურეატობის კანდიდატთა რიცხვი სამჯერ და მეტჯერ აღემატება ნომინაციების რიცხვს (ლიტერატურა, მუსიკა, სახვითი ხელოვნება, თეატრი, კინო, არქიტექტურა), კომიტეტი ნომინანტებს გამოავლენს ფარული კენჭისყრით. ნომინანტობისათვის საკმარისია კანდიდატმა მიიღოს კენჭისყრაში მონაწილეთა ხმების ნახევარი. მხოლოდ ამ პროცედურის შემდეგ კომიტეტი აქვეყნებს ნომინანტების სიას“.

 

                     ედუარდ შევარდნაძე