,,2003 წელს პირველ რიგში სარეალიზაციო სახელმწიფო მიზნობრივი პროგრამების ჩამონათვალის დამტკიცების შესახებ“ საქართველოს პრეზიდენტის 2002 წლის 20 სექტემბრის N406 ბრძანებულებაში ცვლილებისა და დამატების შეტანის თაობაზე

საქართველოს პრეზიდენტის

ბ რ ძ ა ნ ე ბ უ ლ ე ბ ა

    N 77           2003 წლის 13 მარტი          ქ.თბილისი

 

„2003 წელს პირველ რიგში სარეალიზაციო სახელმწიფო

მიზნობრივი პროგრამების ჩამონათვალის  დამტკიცების

შესახებ“ საქართველოს პრეზიდენტის 2002 წლის

20 სექტემბრის N406 ბრძანებულებაში ცვლილებისა და

დამატების შეტანის თაობაზე

 

     ბაქო-თბილისი-ჯეიჰანის ნავთობსადენისა და სამხრეთ კაკვასიური მილსადენის სისტემის მშენებლობის დაწყებასთან დაკავშირებით, მისი გარემოზე ზემოქმედებიდან გამომდინარე, მშენებლობის პერიოდში გარემოსდაცვითი მონიტორინგის ღონისძიებათა გაძლიერების მიზნით:

     1. საქართველოს პრეზიდენტის 2002 წლის 20 სექტემბრის N406 ბრძანებულებით დამტკიცებულ „2003 წელს პირველ რიგში სარეალიზაციო სახელმწიფო მიზნობრივი პროგრამების ჩამონათვალში“ (საქართველოს საკანონმდებლო მაცნე, III ნაწილი, N97, მუხლი 836; შეტანილი იქნეს შემდეგი ცვლილება და დამატება:

     ა) ამოღებულ იქნეს რიგით 128-ე - „ევრაზიის ავტოსატრანსპორტო დერეფნის მიმდებარე ტერიტორიაზე ატმოსფერული ჰაერის, წყლისა და ნიადაგის ხარისხობრივი მდგომარეობის შესწავლა და მოსალოდნელი შედეგების პროგნოზირება“ და რიგით 130-ე  - „საქართველოში არსებული ვადაგასული პესტიციდების  (შხამქიმიკატების) უტილიზაცია-გაუვნებლობა“ პროგრამები;

     ბ) „2003 წელს პირველ რიგში სარეალიზაციო სახელმწიფო მიზნობრივი პროგრამების ჩამონათვალს“ დაემატოს რიგით 1301 პროგრამა შემდეგი რედაქციით;          „1301.  „ბაქო-თბილისი-ჯეიჰანის ნავთობსადენის და სამხრეთ კავკასიის მილსადენის ბუნებრივ და სოციალურ გარემოზე ზემოქმედების შეფასების  ანგარიშებისა და მათზე გაცემული გარემოსდაცვითი ნებართვის პირობებით განსაზღვრული მონიტორინგის განხორციელების პროგრამა (მშენებლობის პერიოდში) - 40,0 ათასი ლარი“.

     2. საქართველოს ფინანსთა სამინისტრომ (მ.გოგიაშვილი) შეიტანოს შესაბამისი ცვლილება  „საქართველოს 2003 წლის სახელმწიფო ბიუჯეტის შესახებ“ საქართველოს კანონში, საქართველოს გარემოსა და ბუნებრივი რესურსების დაცვის სამინისტროსათვის გათვალისწინებულ ასიგნებათა ფარგლებში.

 

                                                                                                             ედუარდ შევარდნაძე