საქართველოს სახელმწიფო დაცვის სპეციალური სამსახურის დებულების დამტკიცების თაობაზე

საქართველოს სახელმწიფო დაცვის სპეციალური სამსახურის დებულების დამტკიცების თაობაზე p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; } h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; } p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; } p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; } p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; } p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; } span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; } p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; } p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:.2in; font-size:11.0pt; } p.chveulebrivi, li.chveulebrivi, div.chveulebrivi { margin:0in; margin-bottom:.0001pt; text-align:justify; text-indent:14.2pt; font-size:10.0pt; layout-grid-mode:line;} p.data, li.data, div.data { margin:0in; margin-bottom:.0001pt; text-align:justify; font-size:10.0pt; layout-grid-mode:line; font-style:italic;} p.petiti, li.petiti, div.petiti { margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; layout-grid-mode:line; font-style:italic;} p.prezident, li.prezident, div.prezident { margin:0in; margin-bottom:.0001pt; text-align:justify; font-size:10.0pt; layout-grid-mode:line;} p.kanoni, li.kanoni, div.kanoni { margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; letter-spacing:3.0pt; font-weight:bold;} p.kitxva, li.kitxva, div.kitxva { margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-weight:bold;} p.pasuxi, li.pasuxi, div.pasuxi { margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; } p.Style1, li.Style1, div.Style1 { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.chveulebrivi-wigni, li.chveulebrivi-wigni, div.chveulebrivi-wigni { margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; } p.satauri, li.satauri, div.satauri { margin:0in; margin-bottom:.0001pt; text-align:center; font-size:13.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; font-size:12.0pt; } p.tarigi, li.tarigi, div.tarigi { margin:0in; margin-bottom:.0001pt; font-size:12.0pt; } p.muxliparl, li.muxliparl, div.muxliparl { margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-weight:bold;} p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.karixml, li.karixml, div.karixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; } p.karisataurixml, li.karisataurixml, div.karisataurixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.petitixml, li.petitixml, div.petitixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.cignixml, li.cignixml, div.cignixml { margin:0in; margin-bottom:.0001pt; font-size:12.0pt; } p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.zogadinacilixml, li.zogadinacilixml, div.zogadinacilixml { margin:0in; margin-bottom:.0001pt; font-size:12.0pt; } p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:12.0pt; } p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen { margin:0in; margin-bottom:.0001pt; font-size:10.0pt; } span.StylecxrilixmlSylfaenChar { } p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; text-align:justify; text-indent:14.15pt; font-size:9.0pt; } p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; font-size:12.0pt; font-weight:bold;} p.kodixml, li.kodixml, div.kodixml { margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.sulcvlilebaxml, li.sulcvlilebaxml, div.sulcvlilebaxml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} @page Section1 {size:595.35pt 842.0pt; margin:70.9pt 70.9pt 56.7pt 70.9pt;} div.Section1 {page:Section1;} ol {margin-bottom:0in;} ul {margin-bottom:0in;} საქართველოს პრეზიდენტის ბრძანებულება №157 2003 წლის 25 აპრილი ქ. თბილისი საქართველოს სახელმწიფო დაცვის სპეციალური სამსახურის დებულების დამტკიცების თაობაზე 1. „სახელმწიფო დაცვის სპეციალური სამსახურის შესახებ“ საქართველოს კანონის 24-ე მუხლის პირველი პუნქტის „ა“ ქვეპუნქტის საფუძველზე დამტკიცდეს საქართველოს სახელმწიფო დაცვის სპეციალური სამსახურის თანდართული დებულება. 2. ძალადაკარგულად ჩაითვალოს საქართველოს პრეზიდენტის 2000 წლის 7 ოქტომბრის №437 ბრძანებულებით დამტკიცებული საქართველოს სახელმწიფო დაცვის სპეციალური სამსახურის დებულება. ე. შევარდნაძე საქართველოს სახელმწიფო დაცვის სპეციალური სამსახურის დებულება თავი I .ზოგადი დებულებანი     მუხლი 1🔗. 1. საქართველოს სახელმწიფო დაცვის სპეციალური სამსახური (შემდგომში – სამსახური) არის აღმასრულებელი ხელისუფლების დამოუკიდებლად მოქმედი სპეციალური დანიშნულების გასამხედროებული შეიარაღებული სამთავრობო დაწესებულება, რომელიც საქართველოს კანონმდებლობის შესაბამისად უზრუნველყოფს უმაღლესი საკანონმდებლო, აღმასრულებელი და სასამართლო ხელისუფლების თანამდებობის პირთა და საქართველოს პრეზიდენტის მიერ დამტკიცებული ნუსხით განსაზღვრულ პირთა და ობიექტთა დაცვას მართლსაწინააღმდეგო ხელყოფისაგან. 2. საქართველოს საერთაშორისო ხელშეკრულებებისა და შეთანხმებების შესაბამისად, საქართველოს კანონმდებლობით დადგენილი წესით, სამსახური თანამშრომლობს საზღვარგარეთის შესაბამის სამსახურებთან. 3. თავისი ფუნქციების განხორციელებისას სამსახური წარმოადგენს სახელმწიფოს. 4. სამსახური პასუხისმგებელია საქართველოს პრეზიდენტის წინაშე, რომელიც კანონმდებლობით დადგენილი წესით ახორციელებს მის სამსახურებრივ კონტროლს. 5. სამსახურის იურიდიული მისამართია: ქ.თბილისი, 9 აპრილის ქ. №2.     მუხლი 2🔗. 1. სამსახურის დაფინანსების წყაროებია საქართველოს სახელმწიფო ბიუჯეტი და კანონმდებლობით ნებადართული სხვა შემოსავლები. 2. სამსახურს აქვს დასრულებული ბალანსი, ანგარიში ხაზინაში და ხარჯთა ნუსხა. 3. სამსახურს აქვს ბეჭედი საქართველოს სახელმწიფო გერბის გამოსახულებით და თავისი სახელწოდების აღნიშვნით, ნამდვილი და პირობითი დასახელება, აგრეთვე სამსახურის გერბი, რომელიც შეიძლება გამოყენებულ იქნეს სამსახურის თანამდებობის პირთა და თანამშრომელთა სავიზიტო ბარათებზე, სამსახურის ოფიციალურ დოკუმენტაციებზე, სამსახურის სხვა ბეჭდვით გამოცემებსა და სუვენირებზე.     მუხლი 3🔗. 1. სამსახურის საქმიანობის სამართლებრივი საფუძვლებია: საქართველოს კონსტიტუცია, საქართველოს საერთაშორისო სამართლებრივი აქტები, საქართველოს კანონი „სახელმწიფო დაცვის სპეციალური სამსახურის შესახებ”, საქართველოს სხვა კანონები, საქართველოს პრეზიდენტის ბრძანებულებები და განკარგულებები, ეს დებულება და შიდაუწყებრივი აქტები. 2. სამსახური ეფუძნება ერთმმართველობისა და ცენტრალიზების პრინციპებს. 3. სამსახურის ერთიანი სისტემის შემადგენლობაშია სახელმწიფო დაცვის სპეციალური სამსახურის აფხაზეთისა და აჭარის ქვედანაყოფები. თავი II. სამსახურის საქმიანობის სფერო, ძირითადი ამოცანები და კომპეტენცია     მუხლი 4🔗. სამსახურის საქმიანობის სფეროა დასაცავ პირთა და ობიექტთა უსაფრთხოების უზრუნველსაყოფად დაცვითი, ოპერატიული, ოპერატიულ-სამძებრო და სხვა ღონისძიებების განხორციელება, აგრეთვე კანონმდებლობით დადგენილი კომპეტენციის ფარგლებში მოკვლევის წარმოება.     მუხლი 5🔗. სამსახურის ძირითად ამოცანებს განეკუთვნება: ა) ხელისუფლების უმაღლესი ორგანოების ხელმძღვანელ პირთა დაცვისა და უსაფრთხოების უზრუნველყოფა; ბ) საქართველოს ხელისუფლების უმაღლესი ორგანოების განკარგულებაში არსებული ადმინისტრაციული შენობა-ნაგებობების დაცვითი ღონისძიებებით უზრუნველოფა; გ) საქართველოში ვიზიტად მყოფი საზღვარგარეთის ქვეყნების უმაღლესი თანამდებობის პირების, დიპლომატიური კორპუსის, აგრეთვე საერთაშორისო ორგანიზაციების წარმომადგენლებისა და სხვა მნიშვნელოვანი პირების დაცვითი ღონისძიებებით უზრუნველყოფა; დ) საქართველოს ტერიტორიაზე არსებული საზღვარგარეთის ქვეყნების დიპლომატიურ და საკონსულო დაწესებულებათა შენობა-ნაგებობების, აგრეთვე საერთაშორისო ორგანიზაციების ოფისების დაცვითი ღონიძიებებით უზრუნველყოფა; ე) ხელისუფლების უმაღლეს ორგანოთა და დასაცავ თანამდებობის პირთა სამუშაო, მუდმივ ან დროებით ადგილსამყოფელ ტერიტორიებზე თავისი კომპეტენციის ფარგლებში წესრიგის დაცვა და უსაფრთხოების ღონისძიებათა განხორციელება; ვ) საქართველოს პრეზიდენტის სამართლებრივი აქტით განსაზღვრულ სხვა დასაცავ პირთა და ობიექტთა დაცვითი ღონისძიებებით უზრუნველყოფა; ზ) საქართველოს ტერიტორიაზე და მის ფარგლებს გარეთ სამსახურის კავშირგაბმულობის სპეციალური საშუალებების გამოყენებით საქართველოს პრეზიდენტის უწყვეტი, დახურული, გარანტირებული სატელეფონო, დოკუმენტური და რადიოკავშირით უზრუნველყოფა; თ) უმაღლესი და მაღალი რანგის თანამდებობის პირთა სატელეფონო საუბრებისა და სხვა სახის შეტყობინების დაცულობის, საიმედოობისა და ოპერატიულობის უზრუნველყოფა.     მუხლი 6🔗. სამსახური მისთვის დაკისრებული ამოცანების შესასრულებლად: ა) ახორციელებს საქართველოს პრეზიდენტის, საქართველოს პარლამენტის თავმჯდომარის, აფხაზეთისა და აჭარის უმაღლესი საკანონმდებლო და აღმასრულებელი ხელისუფლების თანამდებობის პირების, საქართველოს საკონსტიტუციო სასამართლოს თავმჯდომარის, საქართველოს უზენაესი სასამართლოს თავმჯდომარის, საარჩევნო კამპანიისა და არჩევნების პერიოდში საქართველოს პრეზიდენტობის კანდიდატთა და საქართველოს პრეზიდენტის სამართლებრივი აქტით განსაზღვრულ პირთა დაცვისა და უსაფრთხოების უზრუნველყოფას როგორც საქართველოს ტერიტორიაზე, ისე მის ფარგლებს გარეთ; ბ) უზრუნველყოფს საზღვარგარეთის ქვეყნების უმაღლეს თანამდებობის პირთა, საერთაშორისო ორგანიზაციების წარმომადგენელთა და საზღვარგარეთის ქვეყნების სხვა მნიშვნელოვან პირთა დაცვით ღონისძიებებს საქართველოში მათი ვიზიტის დროს; გ) უზრუნველყოფს დასაცავ პირთა მონაწილეობით ღონისძიებების მოწყობის ადგილებში უსაფრთხოების ზომების მიღებას; დ) ახორციელებს საქართველოს ხელისუფლების უმაღლეს ორგანოთა ადმინისტრაციული შენობა-ნაგებობების, სამთავრობო რეზიდენციების, საქართველოს ტერიტორიაზე განლაგებული დიპლომატიური და საკონსულო დაწესებულებების, დასაცავ პირთა საცხოვრებელი სახლებისა და სხვა მნიშვნელოვანი შენობა-ნაგებობების დაცვას; ე) კანონმდებლობით დადგენილი წესით ორგანიზაციას უწევს საზღვარგარეთ არსებული საქართველოს საელჩოებისა და სხვა დიპლომატიური წარმომადგენლობების უსაფრთხოების უზრუნველყოფის ღონისძიებებს; ვ) ახორციელებს საქართველოს პრეზიდენტის გადაადგილებისათვის განკუთვნილ სატრანსპორტო საშუალებათა ტექნიკური გამართულობისა და უსაფრთხოების კონტროლს; ზ) სამსახურის კადრში დატოვებით სამსახურის მოქმედი რეზერვის ოფიცრებს ნიშნავს საქართველოს პრეზიდენტის ბრძანებულებით განსაზღვრულ სახელმწიფო უწყებებსა და დაწესებულებებში; თ) უზრუნველყოფს დაცვითი ღონისძიებების განხორციელებას დასაცავ პირთა გადაადგილების მუდმივ და დროებით მარშრუტებზე; ი) უზრუნველყოფს კავშირგაბმულობის საშუალებით საიდუმლო ინფორმაციის უსაფრთხო გადაცემას, რისთვისაც თანამშრომლობს სამეცნიერო-კვლევით ინსტიტუტებთან და სხვა დაწესებულებებთან, რომლებიც აწარმოებენ სპეცილურ გამოკვლევებს აღნიშნულ სფეროში; კ) დასაცავ პირთა ყოფნის მუდმივ და დროებით ადგილებში ახორციელებს ოპერატიულ-ტექნიკურ შემოწმებას, სამედიცინო უზრუნველყოფას კვლევის ინსტრუმენტულ-ლაბორატორიული მეთოდების გამოყენებით და დასაცავი ობიექტების ხანძარსაწინააღმდეგო პროფილაქტიკურ ღონისძიებებს; ლ) მოქმედი კანონმდებლობის შესაბამისად თავისი კომპეტენციის ფარგლებში ახორციელებს მოკვლევასა და ოპერატიულ-სამძებრო ღონისძიებებს; მ) განსაკუთრებულ პერიოდში, საგანგებო ან საომარი მდგომარეობის დროს დასაცავ პირთა უსაფრთხოების უზრუნველსაყოფად შეიმუშავებს და ახორციელებს სპეციალურ ღონისძიებებს; ნ) აუცილებლობის შემთხვევაში მოიზიდავს სახელმწიფო უშიშროების, შინაგან საქმეთა სამინისტროებისა და სხვა სამთავრობო დაწესებულებათა ძალებსა და საშუალებებს; ო) წყვეტს სამსახურის მაღალკვალიფიციური კადრებით დაკომპლექტების საკითხს; პ) თავისი კომპეტენციის ფარგლებში დასაცავ ობიექტებზე მონაწილეობს საიდუმლოების რეჟიმის დაცვის საქმიანობაში; ჟ) უზრუნველყოფს თავისი ქვედანაყოფების საქმიანობის მეცნიერულ-ტექნიკურ და ინფორმაციულ-ანალიტიკურ ორგანიზაციას; რ) სამსახურებრივი სპეციფიკიდან გამომდინარე, თავისი კომპეტენციის ფარგლებში ახორციელებს ინფორმაციის მოპოვებასა და დამუშვებას, ანალიტიკურ კვლევას; ს) კანონმდებლობით განსაზღვრული წესით ახორციელებს შეიარაღების სპეციალური საშუალებებისა და ტექნიკის შეძენა-ექსპლუატაციას; ტ) კანონმდებლობის შესაბამისად დადებული ხელშეკრულებების საფუძველზე უზრუნველყოფს პირთა და ობიექტთა დაცვას, ხოლო ამ საქმიანობით მიღებული სახსრების განკარგვის მიზნობრიობას განსაზღვრავს სამსახურის უფროსი; უ) დასაცავი ობიექტების ადმინისტრაციასთან შეთანხმებით განსაზღვრავს ამ ობიექტებზე დაშვების რეჟიმსა და დაცვითი ღონისძიებების სისტემას, აგრეთვე რეკომენდაციას უწევს ადმინისტრაციას მის გამგებლობაში არსებული შენობა-ნაგებობის (დასაცავი ობიექტის) დაცვის ტექნიკური საშუალებებით აღჭურვის თაობაზე; ფ) ტექნიკური კონტროლის საშუალებათა გამოყენებით ახორციელებს დასაცავ ობიექტზე შემსვლელ პირთა შემოწმებას; ქ) განსაზღვრავს თავის ამოცანათა განხორციელების პრიორიტეტულ მიმართულელებს, შეიმუშავებს მუშაობის სრულყოფის მიზნობრივ კომპლექსურ პროგრამებსა და ამ პროგრამების რეალიზაციის სამართლებრივ, ორგანიზაციულ, ეკონომიკურ და სხვა მექანიზმებს; ღ) კანონმდებლობით დადგენილი წესით უფლება აქვს დადოს ფიზიკურ პირთა და ობიექტთა დაცვითი საქმიანობის განხორციელების ხელშეკრულებები; ყ) ამუშავებს ქვედანაყოფთა სტრუქტურას და საჭიროებისამებრ შეაქვს ცვლილებები საშტატო ნუსხებში; შ) ახორციელებს კანონმდებლობით მინიჭებულ სხვა უფლებამოსილებებს. თავი III. სამსახურის ხელმძღვანელობა და პერსონალი     მუხლი 7🔗. სამსახურს ხელმძღვანელობს სახელმწიფო დაცვის სპეციალური სამსახურის უფროსი (შემდგომში – სამსახურის უფროსი), რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.     მუხლი 8🔗. სამსახურის უფროსი: ა) წარმოადგენს სამსახურს და ანიჭებს სამსახურის წარმომადგენლობის უფლებას, თუ კანონმდებლობით სხვა რამ არ არის დადგენილი; ბ) ამტკიცებს სამსახურის ქვედანაყოფების დებულებებს. უფლებამოსილია თავისი მმართველობის სფეროში შექმნას კომისიები, განსაზღვროს მათი მოვალეობანი და საქმიანობის წესი; გ) განსაზღვრავს სამსახურის უფროსის მოადგილეებისა და სამსახურის სტრუქტურული ქვედანაყოფების უფროსების უფლებამოსილებას; დ) განსაზღვრავს სამსახურის სხვა თანამდებობის პირთა უფლებამოსილებას და სტრუქტურული ქვედანაყოფების კონკრეტულ ამოცანებს; ე) აფხაზეთისა და აჭარის ავტონომიური რესპუბლიკების უზენაესი საბჭოს თავმჯდომარეებთან შეთანხმებით თანამდებობაზე ნიშნავს და თანამდებობიდან ათავისუფლებს სამსახურის აფხაზეთისა და აჭარის ქვედანაყოფების უფროსებს; ვ) თანამდებობაზე ნიშნავს და თანამდებობიდან ათავისუფლებს სამსახურის ქვედანაყოფების ხელმძღვანელებსა და სხვა თანამშრომლებს; ზ) თავისი კომპეტენციის ფარგლებში ახორციელებს სამსახურის სტრუქტურული ქვედანაყოფების რეორგანიზაციას; თ) კანონით დადგენილი წესით სამსახურებრივ ზედამხედველობას უწევს სამსახურის ქვედანაყოფებისა და სამსახურის მმართველობის სფეროში არსებული საჯარო სამართლის იურიდიული პირის საქმიანობას; ი) სამსახურებრივი ზედადმხედველობის განხორციელებისას გამოსცემს ინდივიდუალურ აქტებს; კ) დადგენილი წესით ანიჭებს სპეციალურ წოდებებს სახელმწიფო დაცვის პოლკოვნიკის წოდების ჩათვლით; ლ) განსაკუთრებული დამსახურებისათვის სპეციალური წოდების მქონე პირად შემადგენლობას ვადაზე ადრე ანიჭებს მორიგ სპეციალურ წოდებას სახელმწიფო დაცვის პოლკოვნიკის წოდების ჩათვლით; მ) წაახალისებს და დისციპლინურ პასუხისმგებლობას აკისრებს სამსახურის თანამშრომლებს; ნ) დადგენილი წესით სამსახურის თანამშრომლებს წარადგენს სახელმწიფო ჯილდოებზე; ო) აწესებს და სამსახურის თანამშრომლებს ანიჭებს სამსახურებრივ ჯილდოებს; პ) განსაზღვრავს ოპერატიული და ოპერატიულ-სამძებრო საქმიანობის ძირითად მიმართულებებს; ჟ) უზრუნველყოფს სამსახურის მოსამსახურეთა ოპერატიული, საბრძოლო და სპეციალური მომზადების ორგანიზებას; რ) საქართველოს კანონების შესაბამისად გამოსცემს ბრძანებებს და აკონტროლებს მათ შესრულებას; ს) კანონით დადგენილი წესით, აუცილებლობის შემთხვევაში, თავისი უფლებამოსილების ფარგლებში შესაბამის უწყებებთან შეთანხმებით გამოსცემს ერთობლივ ბრძანებებს; ტ) ყოველწლიურად წარუდგენს საქართველოს პრეზიდენტსა და საქართველოს პარლამენტს ცნობას სამსახურიდან გასულ საჯარო ინფორმაციასთან დაკავშირებით; უ) კანონით დადგენილი წესით განკარგავს სახელმწიფო დაცვის სპეციალური სამსახურის ფულად სახსრებსა და მატერიალურ ფასეულობებს; ფ) სამსახურში მაღალკვალიფიციური სპეცილისტების მოსაზიდად შრომით ხელშეკრულებებს დებს სხვადასხვა სპეციალობის მქონე პირებთან (მათ შორის, სამხედრო, სპეციალური წოდების მქონე და სამოქალაქო პირებთან); ადგენს ხელშეკრულებით მოწვეული თანამშრომლების პერსონალურ თანამდებობრივ განაკვეთებს; ქ) კანონმდებლობით დადგენილი წესით სამსახურის თანამშრომლებს აძლევს პირადობის დამადასტურებელ მოწმობებს, სამსახურებრივ-საშტატო იარაღის, სპეციალური საშუალებების შენახვისა და ტარების უფლებას; ღ) სათანადო უფლებამოსილებით წარმოადგენს სამსახურს საერთაშორისო ორგანიზაციებში; ყ) პერსონალურად აგებს პასუხს სამსახურისთვის განსაზღვრული ამოცანების შესრულების გამო; შ) ახორციელებს კანონმდებლობით მინიჭებულ სხვა უფლებამოსილებებს.     მუხლი 9🔗. სამსახურის უფროსის ბრძანება და დავალება სავალდებულოა შესასრულებლად სამსახურის მთელი სისტემისა და თანამდებობის პირებისათვის.     მუხლი 10🔗. 1. სამსახურის უფროსს ჰყავს ოთხი მოადგილე, რომლებსაც საქართველოს პრეზიდენტთან შეთანხმებით თანამდებობაზე ნიშნავს და თანამდებობიდან ათავისუფლებს სამსახურის უფროსი. 2. სამსახურის უფროსის მოადგილეები ორგანიზაციას უწევენ თავიანთი საკურატორო ქვედანაყოფების საქმიანობას, რისი სწორი ორგანიზაციისთვისაც პასუხს აგებენ სამსახურის უფროსის წინაშე. 3. სამსახურის უფროსის არყოფნის შემთხვევაში სამსახურის უფროსის მოვალეობას, მისივე დავალებით, ასრულებს სამსახურის უფროსის ერთ-ერთი მოადგილე. 4. სამსახურის უფროსის ერთ-ერთი მოადგილე, სამსახურის უფროსის დავალებით, ახორციელებს საპარლამენტო მდივნის ფუნქციას.     მუხლი 11🔗. სამსახურის თანამდებობის პირები არიან სამსახურის სტრუქტურული ქვედანაყოფების ხელმძღვანელები და მათი მოადგილეები, რომლებსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს სამსახურის უფროსი.     მუხლი 12🔗. 1. სამსახურის სხვა თანამშრომლები არიან სამსახურის საშტატო შემადგენლობაში შემავალი შესაბამისი სპეციალური წოდების მქონე ან შრომითი ხელშეკრულებით მიღებული მოსამსახურეები. 2. სამსახურის მოსამსახურეებს კანონმდებლობით დადგენილი წესით სამსახურში ნიშნავს და სამსახურდან ათავისუფლებს სამსახურის უფროსი.     მუხლი 13🔗. 1. სამსახურში სამსახურის გავლის სახეებია: ა) საკონტრაქტო; ბ) საკონტრაქტო-პროფესიული; გ) კადრის. 2. სამსახურში საკონტრაქტო, საკონტრაქტო-პროფესიული და კადრის სამსახურის გავლის წესი განისაზღვრება შესაბამისი დებულებებით, რომლებსაც ამტკიცებს საქართველოს პრეზიდენტი. 3. სამსახურში მიღების წესს განსაზღვრავს საქართველოს კანონი „სახელმწიფო დაცვის სპეცალური სამსახურის შესახებ“. 4. სამსახურში მისაღები კანდიდატები, დადგენილი წესით, გადიან შერჩევისა და შესწავლის პროცედურას. 5. სამსახურში მისაღები კანდიდატების შერჩევისა და შესწავლის წესი განისაზღვრება სამსახურის უფროსის მიერ დამტკიცებული შესაბამისი სამართლებრივი აქტით. თავი IV. სამსახურის სტრუქტურა და სტრუქტურული ქვედანაყოფების ფუნქციური განაწილება     მუხლი 14🔗. 1. სამსახურის სტრუქტურულ ერთეულებს წარმოადგენენ მისი ქვედანაყოფები, რომლებიც თავიანთი კომპეტენციის ფარგლებში უზრუნველყოფენ მათთვის დაკისრებული ამოცანების შესრულებას. 2. სამსახურის სტრუქტურული ქვედანაყოფის ამოცანები, მის შემადგენლობაში არსებული შიდა სტრუქტურული ერთეულები და მათი ძირითადი საქმიანობა, ხელმძღვანელობა, ქვემდებარეობა და შენაცვლების წესი განისაზღვრება შესაბამისად ამ დებულებით, სამსახურის საშტატო ნუსხითა და სამსახურის სტრუქტურული ქვედანაყოფის დებულებით. 3. სამსახურის სტრუქტურული ერთეული შეიძლება იყოს სამმართველო, ქვედანაყოფი, დამოუკიდებელი განყოფილება. 4. სამსახურის სტრუქტურული ქვედანაყოფი შეიძლება დაიყოს განყოფილებებად, ქვეგანყოფილებებად, ჯგუფებად, მიმართულებებად და სხვა სტრუქტურულ ერთეულებად.     მუხლი 15🔗. 1. სამსახურის სტრუქტურული ქვედანაყოფების სისტემის შემადგენლობაშია: ა) საქართველოს პრეზიდენტის დაცვის სამმართველო; ბ) სახელმწიფო დაცვის სპეციალური სამსახურის აფხაზეთის ქვედანაყოფი; გ) სახელმწიფო დაცვის სპეციალური სამსახურის აჭარის ქვედანაყოფი; დ) პირადი დაცვის სამმართველო; ე) ადმინისტრაციული შენობებისა და სამთავრობო რეზიდენციების დაცვის სამმართველო; ვ) დიპლომატიური წარმომადგენლობების დაცვის სამმართველო; ზ) ოპერატიული სამმართველო; თ) კადრების სამმართველო; ი) სამეურნეო სამმართველო; კ) სპეციალური დანიშნულების ქვედანაყოფი; ლ) სამსახურის აპარატი; მ) სახელისუფლებო სპეციალური კავშირების სამმართველო; ნ) საქართველოს ნავთობსადენებისა და სხვა ობიექტების დაცვის სამმართველო; ო) ოპერატიულ-ტექნიკური სამმართველო; პ) საფინანსო განყოფილება; ჟ) სამედიცინო განყოფილება. 2. სამსახურის მმართველობის სფეროშია საჯარო სამართალის იურიდიული პირი „სახელისუფლებო სპეციალური კავშირები“, რომლის ფუნქციები და ამოცანები განისაზღვრება საქართველოს პრეზიდენტის ბრძანებულებით.     მუხლი 16🔗. სამსახურის სტრუქტურული ქვედანაყოფების ძირითადი ამოცანები და კომპეტენცია: 1. საქართველოს პრეზიდენტის დაცვის სამმართველოს ძირითადი ამოცანებია: ა) საქართველოს პრეზიდენტის, აგრეთვე მისი ოჯახის წევრების დაცვისა და უშიშროების ღონისძიებების უზრუნველყოფა; ბ) საქართველოს პრეზიდენტზე და მისი ოჯახის წევრებზე შესაძლო თავდასხმის აღკვეთა; გ) თავდასხმის შემთხვევაში საქართველოს პრეზიდენტისა და მისი ოჯახის წევრების უსაფრთხო ევაკუაციის უზრუნველყოფა. 2. პირადი დაცვის სამმართველოს ძირითადი ამოცანებია: ა) დასაცავი პირების დაცვისა და ღონისძიებების უზრუნველყოფა; ბ) საქართველოს პრეზიდენტის აქტით განსაზღვრულ საქართველოს საკანონმდებლო, აღმასრულებელი და სასამართლო ხელისუფლების უმაღლესი თანამდებობის დასაცავ პირებზე შესაძლო თავდასხმის აღკვეთა; გ) სახელმწიფოს სხვა მნიშვნელოვან პირებზე შესაძლო თავდასხმის აღკვეთა; დ) საქართველოში ვიზიტად მყოფი საზღვარგარეთის ქვეყნების მეთაურებსა და განსაკუთრებით მნიშვნელოვან პირებზე შესაძლო თავდასხმის აღკვეთა; ე) დასაცავ პირებზე თავდასხმის შემთხვევაში მათი უსაფრთხო ევაკუაციის უზრუნველყოფა. 3. ადმინისტრაციული შენობებისა და სამთავრობო რეზიდენციების დაცვის სამმართველოს ძირითადი ამოცანებია: ა) საქართველოს პრეზიდენტის აქტით განსაზღვრული საქართველოს საკანონმდებლო, აღმასრულებელი და სასამართლო ხელისუფლების ადმინისტრაციული შენობების დაცვითი ღონისძიებების განხორციელება; ბ) საქართველოს სამთავრობო რეზიდენციების დაცვითი ღონისძიებების განხორციელება; გ) დასაცავ ობიექტებზე წესრიგისა და სასაშვო რეჟიმის უზრუნველყოფა; დ) საქართველოს პრეზიდენტის გადაადგილების მუდმივ და დროებით მარშრუტებზე დაცვითი ღონისძიებების უზრუნველყოფა; ე) დასაცავ და საქართველოს პრეზიდენტის მონახულების ობიექტებზე ხანძარსაწინააღმდეგო პროფილაქტიკური ღონისძიებების განხორციელება. 4. დიპლომატიური წარმომადგენლობების დაცვის სამმართველოს ძირითადი ამოცანებია: ა) საქართველოში არსებული საზღვარგარეთის ქვეყნების დიპლომატიურ და საკონსულო დაწესებულებათა, საერთაშორისო და საზღვარგარეთის ქვეყნების ორგანიზაციათა ოფისების შენობა-ნაგებობების დაცვითი ღონისძიებების განხორციელება; ბ) საქართველოში აკრედიტებული საზღვარგარეთის ქვეყნების ელჩების, გენერალური კონსულების, კონსულებისა და საერთაშორისო ორგანიზაციების მისიების ხელმძღვანელთა საცხოვრებელი სახლების დაცვითი ღონისძიებების განხორციელება; გ) საზღვარგარეთის ქვეყნებში არსებული საქართველოს საელჩოების, საკონსულოების და სხვა დიპლომატიური წარმომადგენლობების შენობა-ნაგებობების დაცვით და უსაფრთხოების ღონისძიებათა უზრუნველყოფა; დ) საელჩოების, საკონსულოების, საერთაშორისო და საზღვარგარეთის ქვეყნების ორგანიზაციათა ოფისებისთვის შენობა-ნაგებობების შერჩევის დროს ამ ობიექტების უსაფრთხოების ღონისძიებათა ხარისხის ამაღლების მიზნით დაცვის ტექნიკური საშუალებებით აღჭურვის რეკომენდაციების გაწევა. 5. ოპერატიული სამმართველოს ძირითადი ამოცანებია: ა) საქართველოს პრეზიდენტისა და მისი ოჯახის წევრების პერსონალური უსაფრთხოების ღონისძიებების ოპერატიული უზრუნველყოფა მათ მუდმივ და დროებით სამუშაო და საცხოვრებელ ადგილებზე, აგრეთვე გადაადგილების მარშრუტებზე და მონახულების ობიექტებზე; ბ) საქართველოს ტერიტორიაზე აღმოსავლეთ-დასავლეთის ენერგეტიკული დერეფნის უსაფრთხოების ოპერატიული უზრუნველყოფა; გ) საქართველოს კანონმდებლობით განსაზღვრული სამსახურის მიერ სხვა დასაცავი პირებისა და ობიექტების მიმართ შესაძლო მართლსაწინააღმდეგო მოქმედებათა პროფილაქტიკა და აღნიშნულ მოქმედებათა მზადების ადრეულ ეტაპზე გამოვლენა; დ) მოკვლევის წარმოება იმ მართლსაწინააღმდეგო მოქმედებათა გამო, რომლებიც სახელმწიფო დაცვის სპეციალური სამსახურის კომპეტენციას განეკუთვნება; ე) დასაცავ პირთა და ობიექტთა მიმართ შესაძლო მართლსაწინააღმდეგო მოქმედებათა მზადების თაობაზე სამმართველოში შემოსული ოპერატიული ინფორმაციების სისტემატიზაცია და ანალიზი, მოვლენათა სავარაუდო განვითარების პროგნოზირება; ვ) საქართველოს კანონმდებლობით განსაზღვრული კომპეტენ-ციის ფარგლებში დაცვითი ღონისძიებების უზრუნველსაყოფად საჭირო სხვა ოპერატიულ-სამძებრო ღონისძიებათა განხორციელება; ზ) სახელმწიფოსა და საზოგადოების მიმართ მტრულად განწყობილ პირებთან, ასევე დამნაშავე ელემენტებთან სამსახურის თანამშრომლების არასამსახურებრივი კონტაქტების გამოვლენა და შესწავლა პირად შემადგენლობაზე მათი შესაძლო არასასურველი ზემოქმედების აღსაკვეთად. 6. კადრების სამმართველოს ძირითადი ამოცანებია: ა) სამსახურის ხელმძღვანელობის საკადრო პოლიტიკის განხორციელების მეთოდოლოგიური ხელმძღვანელობა და კოორდინაცია, აგრეთვე შრომის დისციპლინის კონტროლის უზრუნველყოფა; ბ) სამსახურში მისაღები კანდიდატების დადგენილი წესით შერჩევა-შესწავლა და სამსახურის სტრუქტურული ქვედანაყოფების მაღალკვალიფიციური კადრებით დაკომპლექტება; გ) სამსახურის პირადი შემადგენლობის პირადი საქმეების შედგენა, შრომის წიგნაკებისა და ჩანართი ფურცლების აღრიცხვა-წარმოება, აგრეთვე თავისი კომპეტენციის ფარგლებში სხვა სამსახურებრივი და პირადი დოკუმენტაციის წარმოება; დ) პირადი შემადგენლობის მიერ სამსახურის გავლასთან დაკავშირებული ბრძანებების პროექტების მომზადება; ე) მაღალკვალიფიციური სპეციალისტების მოსაზიდად შესაბამისი შრომითი ხელშეკრულებების პროექტების მომზადება; ვ) სამსახურის თანამშრომელთა სამსახურის გავლის, სწავლების, კვალიფიკაციის ამაღლების, საბრძოლო და ფიზიკური მომზადების უზრუნველყოფა. 7. სამეურნეო სამმართველოს ძირითადი ამოცანებია: ა) სამსახურის ქვედანაყოფების მატერიალური საშუალებებით უზრუნველყოფა; ბ) კომპეტენციის ფარგლებში სამსახურის მატერიალურ-ტექნიკური ბაზის სრულყოფისა და განვითარების ღონისძიებათა განხორციელება; გ) სამსახურის ბალანსზე არსებული ავტოსატრანსპორტო საშუალებების ტექნიკურად გამართულ მდგომარეობაში ყოფნის უზრუნველყოფა; დ) სამსახურის ბალანსზე არსებული შენობა-ნაგებობების მიმდინარე კაპიტალური სარემონტო, აგრეთვე სამშენებლო სამუშაოების დაგეგმვა-განხორციელება. 8. სპეციალური დანიშნულების ქვედანაყოფის ძირითადი ამოცანებია: ა) საქართველოს პრეზიდენტის სამუშაო და დროებით ადგილსამყოფელზე, ასევე მისი გადაადგილების მარშრუტებზე უსაფრთხოების ღონისძიებათა უზრუნველყოფა; ბ) დასაცავ პირზე ან დაცვის ობიექტზე თავდასხმის შემთხვევაში თავდასხმის სუბიექტის ან წყაროს გაუვნებელყოფა; გ) საქართველოში ოფიციალური ვიზიტით მყოფი საზღვარგარეთის ქვეყნების უმაღლესი თანამდებობის პირებზე თავდასხმის შემთხვევაში თავდასხმის სუბიექტის ან წყაროს გაუვნებლება; დ) მუდმივი საბრძოლო მზადყოფნის მდგომარეობის შენარჩუნება; 9. სამსახურის აპარატს, რომელიც უშუალოდ ექვემდებარება სამსახურის უფროსს, განესაზღვრება შემდეგი ძირითადი ამოცანები: ა) სამსახურის სტრუქტურული ქვედანაყოფების საქმიანობის კოორდინაციის უზრუნველყოფა; ბ) სამსახურის სტრუქტურული ქვედანაყოფების მუშაობის ინსპექტირების განხორციელება; გ) სამსახურის სტრუქტურული ქვედანაყოფების სამართლებრივი უზრუნველყოფა და საკონსულტაციო მომსახურება; დ) დასაცავ პირთა დაცვითი ღონისძიებების დაგეგმვითი საქმიანობის უზრუნველყოფა; ე) დაცვითი ღონისძიებების განხორციელებისას რადიოეთერის მეშვეობით სამსახურის სტრუქტურულ ქვედანაყოფებს შორის ინფორმაციის დროული გაცვლისა და ურთიერთმოქმედების კოორდინაციის უზრუნველყოფა; ვ) საკანცელარიო და საარქივო საქმისწარმოების უზრუნველყოფა; ზ) საჯარო ინფორმაციის ხელმისაწვდომობისა და მოქალაქეთა მიღების ორგანიზაციული უზრუნველყოფა; თ) სამსახურის უფროსის მოხსენებების, საჯარო გამოსვლებისა და ანგარიშების მომზადება; ი) საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასა და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა; კ) ღია საინფორმაციო საშუალებებთან მუშაობის ორგანიზება (ბრიფინგები, პრესკონფერენციები, ინტერვიუები); ლ) სამსახურის უფროსის ცალკეულ დავალებათა შესრულების უზრუნველყოფა. 10. სახელისუფლებო სპეციალური კავშირების სამმართველოს ძირითადი ამოცანებია: ა) საქართველოს პრეზიდენტის უზრუნველყოფა სატელიტური სატელეფონო კავშირით საქართველოს ტერიტორიაზე და მის ფარგლებს გარეთ; ბ) სამსახურის სტრუქტურული ქვედანაყოფების ღია და დახურული რადიოკავშირით უზრუნველყოფა; გ) სამსახურის სტრუქტურული ქვედანაყოფების საერთო მოხმარების საკაბელო სატელეფონო კავშირით უზრუნველყოფა სამმართველოს კომპეტენციის ფარგლებში; დ) სამსახურის კუთვნილი კავშირის სისტემებისა და საშუალებების ექსპლუატაციის, აგრეთვე მათი ფუნქციონირების ხარისხის გასაუმჯობესებელი სამუშაოების უზრუნველყოფა; ე) ქვეყნის უმაღლესი და მაღალი რანგის თანამდებობის პირთა სატელეფონო საუბრებისა და სხვა სახის შეტყობინებების დაცულობისა და საიმედოობის უზრუნველყოფა. 11. საქართველოს ნავთობსადენებისა და სხვა ობიექტების დაცვის სამმართველოს ძირითადი ამოცანებია: ა) საქართველოს მილსადენისა და მისი ინფრასტრუქტურის ობიექტების დაცვით და უსაფრთხოების ღონისძიებათა უზრუნველყოფა; ბ) ბაქო-სუფსისა და ბაქო-თბილისი-ჯეიჰანის მაგისტრალური ნავთობსადენის საქართველოს ტერიტორიაზე გამავალი მონაკვეთის დაცვითი და უსაფრთხოების კომპლექსური ღონისძიებების განხორციელება; გ) საქართველოს კანონმდებლობით განსაზღვრული კომპეტენციის ფარგლებში ხელშეკრულებების საფუძველზე პირთა და ობიექტთა დაცვითი ღონისძიებების უზრუნველყოფა. 12. ოპერატიულ-ტექნიკური სამმართველოს ძირითადი ამოცანებია: ა) სამსახურის დასაცავ პირებთან და დასაცავ ობიექტებზე, მოთხოვნის შემთხვევაში, ინფორმაციის გაჟონვის ტექნიკური საშუალებებისა და მოწყობილობების გამოვლენის, აღკვეთისა და პროფილაქტიკის უზრუნველყოფა; ბ) დასაცავი ობიექტების, აგრეთვე დასაცავი პირების მონახულების ობიექტებისა და გადაადგილების მარშრუტების დათვალიერება ასაფეთქებელი ნივთიერებებისა და მოწყობილობების აღმოჩენის მიზნით; გ) საქართველოს კანონმდებლობით განსაზღვრული კომპეტენციის ფარგლებში ტექნიკური საშუალებების გამოყენებით სხვა ოპერატიულ-სამძებრო ღონისძიებების განხორციელება. 13. საფინანსო განყოფილების ძირითადი ამოცანებია: ა) სამსახურის საქმიანობის ფინანსური უზრუნველყოფა; ბ) სამსახურის ერთიანი ბიუჯეტის პროექტის შემუშავება; გ) საბუღალტრო აღრიცხვისა და ხარჯთა ნუსხის შედგენა. 14. სამედიცინო განყოფილების ძირითადი ამოცანებია: ა) საქართველოს პრეზიდენტის სამედიცინო დახმარებით უზრუნველყოფა საქართველოს ტერიტორიაზე და მის ფარგლებს გარეთ; ბ) დასაცავი პირების სამედიცინო დახმარების უზრუნველყოფა; გ) დასაცავ ობიექტზე სამედიცინო დახმარების უზრუნველყოფა; დ) სამსახურის თანამშრომელთა სამედიცინო დახმარების უზრუნველყოფა და კანონმდებლობით დადგენილი წესით სპეციალური-სამედიცინო კომისიის ორგანიზება-მოწყობა; ე) სამსახურის დასაცავ, აგრეთვე დასაცავი პირის მონახულების ობიექტებზე სანიტარიულ-ჰიგიენური და სანიტარიულ-ეპიდემიოლოგიური წესების დაცვის კონტროლის უზრუნველყოფა ინსტრუმენტულ-ლაბორატორიული მეთოდების გამოყენებით; ვ) სამსახურის ბალანსზე არსებულ ობიექტებზე წინასწარი და მიმდინარე სანიტარიულ-ჰიგიენური და სანიტარიულ-ეპიდემიოლოგიური ზედამხედველობის განხორციელება.     მუხლი 17🔗. სახელმწიფო დაცვის სპეციალური სამსახურის აფხაზეთისა და აჭარის ქვედანაყოფების ძირითადი ამოცანებია: ა) აფხაზეთისა და აჭარის ავტონომიური რესპუბლიკების სახელისუფლებო შტოების უმაღლეს თანამდებობის პირთა დაცვითი ღონისძიებების უზრუნველყოფა; ბ) აფხაზეთისა და აჭარის ავტონომიური რესპუბლიკების ხელისუფლების ადმინისტრაციული შენობა-ნაგებობების დაცვითი და უსაფრთხოების ღონისძიებებების უზრუნველყოფა.     მუხლი 18🔗. სამსახურის ლიკვიდაცია ან რეორგანიზაცია ხორციელდება საქართველოს კანონმდებლობით დადგენილი წესით.