თეთრიწყაროს მუნიციპალიტეტის საკრებულოს 2010 წლის 2 ივლისის №8/1 დადგენილებით დამტკიცებულ ,,თეთრიწყაროს მუნიციპალიტეტის საკრებულოს დებულებაში (რეგლამენტი)’’, ცვლილებების შეტანის თაობაზე

თეთრიწყაროს მუნიციპალიტეტის საკრებულოს

დადგენილება №2/1

2011 წლის 28 იანვარი

ქ. თეთრიწყარო

თეთრიწყაროს მუნიციპალიტეტის საკრებულოს 2010წლის 2 ივლისის №8/1 დადგენილებით დამტკიცებულ „თეთრიწყაროს მუნიციპალიტეტის საკრებულოს დებულებაში (რეგლამენტი)’’, ცვლილებების შეტანის თაობაზე

„ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის თანახმად, თეთრიწყაროს მუნიციპალიტეტის საკრებულომ დაადგინა:

1. შეტანილ იქნეს ცვლილება თეთრიწყაროს მუნიციპალიტეტის 2010წლის 2 ივლისის №8/1 დადგენილებით დამტკიცებულ „თეთრიწყაროს მუნიციპალიტეტის საკრებულოს დებულების (რეგლამენტის)“ მეშვიდე მუხლის პირველი პუნქტი და იგი ჩამოყალიბდეს შემდეგი რედაქციით:

     „მუხლი 7. საკრებულოს მუშაობის საერთო წესი

1.საკრებულოს მორიგი სხდომები, „ადგილობრივი თვითმმართველობის შესახებ“ საქართველოს ორგანული კანონის 24-ე მუხლის პირველი პუნქტის შესაბამისად, ამ დებულებით (რეგლამენტით) დადგენილი წესით, მოიწვევა თვეში ერთხელ მაინც. საკრებულოს სხდომა ტარდება, როგორც წესი, ყოველი თვის ბოლო პარასკევს (თუ პარასკევი არასამუშაო დღეა, წინა სამუშაო დღეს)”.

2. დადგენილება ძალაშია გამოქვეყნებისთანავე.

საკრებულოს თავმჯდომარე გ. მესტვირიშვილი