საქართველოს საგადასახადო კოდექსში დამატებისა და ცვლილების შეტანის შესახებ
დოკუმენტის ტექსტი
საქართველოს კანონი
საქართველოს საგადასახადო კოდექსში დამატებისა და ცვლილების შეტანის შესახებ
საქართველოს პარლამენტი ადგენს:
I. საქართველოს საგადასახადო კოდექსში (პარლამენტის უწყებანი, №32, 1997 წლის 24 ივლისი) შეტანილ იქნეს შემდეგი დამატება და ცვლილება:
1. 43-ე მუხლის პირველ ნაწილს დაემატოს შემდეგი შინაარსის „ლ“ ქვეპუნქტი:
„ლ. ოლიმპიურ თამაშებში, მსოფლიოსა და ევროპის ჩემპიონატებში გამარჯვებისა და საპრიზო ადგილების დაკავებისათვის სპორტსმენების და მათი მწვრთნელების მიერ მიღებული ფულადი და სხვა სახის ჯილდოები დაფინანსებული სახელმწიფოს მიერ.“.
2. 273-ე მუხლის მე-3 ნაწილის ბოლო წინადადება ჩამოყალიბდეს შემდეგი რედაქციით:
„1999 წლის 22 ივლისიდან ელექტროენერგიის გადაცემა და დისპეტჩერიზაცია დღგ-ით დაიბეგროს ამ მუხლით ელექტროენერგიის გამანაწილებელი საწარმოებისათვის დადგენილი წესით, ხოლო 2000 წლის 1 ოქტომბრიდან 2002 წლის 1 ივლისამდე – დღგ-ის ნულოვანი განაკვეთით, გარდა ელექტროენერგიის მომხმარებლისათვის (მათ შორის მომხმარებლისათვის, რომელიც ახდენს ელექტროენერგიის შემდგომ მიწოდებას) გაწეული მომსახურებისა“.
II. ეს კანონი ამოქმედდეს გამოქვეყნებისთანავე.
საქართველოს პრეზიდენტი ე. შევარდნაძე
თბილისი,
2000 წლის 11 ოქტომბერი.
№544–Iს
ხშირად დასმული კითხვები
- მოქმედებს თუ არა „საქართველოს საგადასახადო კოდექსში დამატებისა და ცვლილების შეტანის შესახებ“?
- არა, დოკუმენტი ძალადაკარგულია. ბოლო რედაქცია — 11.10.2000.
- როდის იქნა მიღებული „საქართველოს საგადასახადო კოდექსში დამატებისა და ცვლილების შეტანის შესახებ“?
- „საქართველოს საგადასახადო კოდექსში დამატებისა და ცვლილების შეტანის შესახებ“ მიღებულია 11.10.2000. მიმღები ორგანო — საქართველოს პარლამენტი. დოკუმენტის ნომერი — №544. სარეგისტრაციო კოდი — 000000000.00.000.000000.
- სად არის „საქართველოს საგადასახადო კოდექსში დამატებისა და ცვლილების შეტანის შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 11.10.2000 მდგომარეობით.
როგორ დავიმოწმოთ
საქართველოს კანონი „საქართველოს საგადასახადო კოდექსში დამატებისა და ცვლილების შეტანის შესახებ“, №544, 11.10.2000, სარეგისტრაციო კოდი 000000000.00.000.000000 (კონსოლიდირებული რედაქცია 11.10.2000). ხელმისაწვდომია: https://legali.ge/law/1197759/