ვაზისა და ღვინის საერთაშორისო ორგანიზაციის დამფუძნებელი ხელშეკრულება

ვაზისა და ღვინის საერთაშორისო ორგანიზაციის დამფუძნებელი ხელშეკრულება p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:14.0pt; } h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:14.0pt; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; } p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:14.0pt; } p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:14.0pt; } p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:14.0pt; } p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:14.0pt; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:14.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:14.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:14.0pt; } span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; } p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; font-size:14.0pt; } p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:14.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:14.2pt; font-size:11.0pt; } p.chveulebrivi, li.chveulebrivi, div.chveulebrivi { margin:0in; margin-bottom:.0001pt; text-align:justify; text-indent:14.2pt; font-size:10.0pt; layout-grid-mode:line;} p.data, li.data, div.data { margin:0in; margin-bottom:.0001pt; text-align:justify; font-size:10.0pt; layout-grid-mode:line; font-style:italic;} p.petiti, li.petiti, div.petiti { margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; layout-grid-mode:line; font-style:italic;} p.prezident, li.prezident, div.prezident { margin:0in; margin-bottom:.0001pt; text-align:justify; font-size:10.0pt; layout-grid-mode:line;} p.kanoni, li.kanoni, div.kanoni { margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; letter-spacing:3.0pt; font-weight:bold;} p.kitxva, li.kitxva, div.kitxva { margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:14.0pt; font-weight:bold;} p.pasuxi, li.pasuxi, div.pasuxi { margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:14.0pt; } p.Style1, li.Style1, div.Style1 { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.chveulebrivi-wigni, li.chveulebrivi-wigni, div.chveulebrivi-wigni { margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; } p.satauri, li.satauri, div.satauri { margin:0in; margin-bottom:.0001pt; text-align:center; font-size:13.0pt; font-weight:bold;} p.satauri2, li.satauri2, div.satauri2 { margin:0in; margin-bottom:.0001pt; font-size:14.0pt; } p.tarigi, li.tarigi, div.tarigi { margin:0in; margin-bottom:.0001pt; font-size:14.0pt; } p.muxliparl, li.muxliparl, div.muxliparl { margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-weight:bold;} p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.karixml, li.karixml, div.karixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:12.0pt; } p.karisataurixml, li.karisataurixml, div.karisataurixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.petitixml, li.petitixml, div.petitixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.cignixml, li.cignixml, div.cignixml { margin:0in; margin-bottom:.0001pt; font-size:14.0pt; } p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.zogadinacilixml, li.zogadinacilixml, div.zogadinacilixml { margin:0in; margin-bottom:.0001pt; font-size:14.0pt; } p.gansakutrebulinacilixml, li.gansakutrebulinacilixml, div.gansakutrebulinacilixml { margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:14.0pt; } p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen { margin:0in; margin-bottom:.0001pt; font-size:10.0pt; } span.StylecxrilixmlSylfaenChar { } p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.ckhrilixml, li.ckhrilixml, div.ckhrilixml { margin:0in; margin-bottom:.0001pt; text-align:justify; text-indent:14.15pt; font-size:9.0pt; } p.danartixml, li.danartixml, div.danartixml { margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-weight:bold; font-style:italic;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:6.0pt; margin-left:0in; text-align:justify; text-indent:14.2pt; font-size:11.0pt; font-weight:bold;} p.kodixml, li.kodixml, div.kodixml { margin:0in; margin-bottom:.0001pt; text-align:justify; text-indent:14.15pt; font-size:10.0pt; } p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:13.0pt; font-weight:bold;} p.sulcvlilebaxml, li.sulcvlilebaxml, div.sulcvlilebaxml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-indent:14.2pt; font-size:11.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.gazette, li.gazette, div.gazette { margin:0in; margin-bottom:.0001pt; text-align:justify; text-indent:.5in; font-size:11.0pt; } p.muxligazette, li.muxligazette, div.muxligazette { margin:0in; margin-bottom:.0001pt; text-indent:14.15pt; font-size:11.0pt; font-weight:bold;} p.tavigazette, li.tavigazette, div.tavigazette { margin:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.kvekanaxml, li.kvekanaxml, div.kvekanaxml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } @page Section1 {size:595.35pt 842.0pt; margin:.7in 31.35pt .5in .7in;} div.Section1 {page:Section1;} ol {margin-bottom:0in;} ul {margin-bottom:0in;} ვაზისა და ღვინის საერთაშორისო ორგანიზაციის დამფუძნებელი ხელშეკრულება პრეამბულა 1924 წლის 29 ნოემბერს დადებული საერთაშორისო ხელშეკრულების საფუძველზე ესპანეთის, საფრანგეთის, საბერძნეთის, უნგრეთის, იტალიის, ლუქსემბურგის, პორტუგალიისა და ტუნისის მთავრობები შეიკრიბნენ ღვინის საერთაშორისო ოფისის შესაქმნელად. 1958 წლის 4 სექტემბრის წევრი-სახელმწიფოების გადაწყვეტილების თანახმად, ოფისს მიეცა სახელწოდება „ვაზისა და ღვინის საერთაშორისო ოფისი“. ეს მთავრობათაშორისი ორგანიზაცია 2001 წლის 3 აპრილისათვის აერთიანებდა ორმოცდახუთ წევრ-ქვეყანას. 1997 წლის 5 დეკემბერს ბუენოს-აირესში (არგენტინა) გამართულ სესიაზე მიღებული რეზოლუციის COMEX 2/97 თანახმად, „ვაზისა და ღვინის საერთაშორისო ოფისის“ გენერალურმა ასამბლეამ მიიღო გადაწყვეტილება „ვაზისა და ღვინის საერთაშორისო ოფისის“ ახალ საერთაშორისო გარემოცვასთან ადაპტაციისათვის აუცილებელი ზომების გატარების შესახებ. ეს ზომები ითვალისწინებდა ორგანიზაციის წარმომადგენლობების, მისი ადამიანური, მატერიალური და საბიუჯეტო რესურსების, საპროცედურო და მოქმედი წესების ადაპტაციას პრობლემების დაძლევისა და მსოფლიო ვაზისა და ღვინის სექტორის მომავლის უზრუნველყოფის მიზნით. ზემოხსენებული ხელშეკრულების მე-7 მუხლის თანახმად და 36 წევრი-ქვეყნის მოთხოვნის გათვალისწინებით, საფრანგეთის რესპუბლიკის მთავრობამ, მოიწვია პარიზში 2000 წლის 14, 15, 22 ივნისს და 2001 წლის 3 აპრილს წევრი-ქვეყნების კონფერენცია. „ვაზისა და ღვინის საერთაშორისო ოფისის“ წევრი-სახელმწიფოები, შემდგომში მხარეებად წოდებულნი, შეთანხმდნენ შემდეგზე: თავი I. მიზნები და საქმიანობა     მუხლი 1🔗 1. მხარეებმა მიიღეს გადაწყვეტილება დააფუძნონ „ვაზისა და ღვინის საერთაშორისო ორგანიზაცია (O.I.V.) O.I.V., რომელიც შეცვლის 1924 წლის 29 ნოემბრის ხელშეკრულების საფუძველზე შექმნილ „ვაზისა და ღვინის საერთაშორისო ოფისს“, ექვემდებარება წინამდებარე ხელშეკრულების დებულებებს. 2. O.I.V.-ი განახორციელებს მე-2 მუხლით განსაზღვრულ მიზნებსა და საქმიანობას. O.I.V.-ი წარმოადგენს მთავრობათაშორისი სამეცნიერო და ტექნიკური ხასიათის ორგანიზაციას, რომელიც ეწევა ვაზთან, ღვინოსთან და მისგან წარმოებულ სასმელებთან, ყურძენთან, ჩამიჩთან და სხვა სახის ვაზის პროდუქტებთან დაკავშირებულ საქმიანობას.     მუხლი 2🔗 1. თავისი კომპეტენციის ფარგლებში O.I.V.-ის მიზნებს წარმოადგენს: ა) ინფორმაციის მიწოდება თავისი წევრებისათვის იმ ზომების შესახებ, რომელთა ძალითაც ვაზისა და ღვინის სექტორში დაკავებულ მეწარმეთა, მომხმარებელთა და სხვათა ინტერესებს სათანადო ყურადღება მიექცევა; ბ) დახმარების აღმოჩენა სამთავრობო, აგრეთვე არასამთავრობო საერთაშორისო ორგანიზაციებისათვის, განსაკუთრებით კი მათთვის, რომლებიც ეწევიან სტანდარტიზაციასთან დაკავშირებულ საქმიანობას; გ) არსებული მეთოდებისა და სტანდარტების ჰარმონიზება და, საჭიროებისამებრ, ახალი საერთაშორისო სტანდარტების მომზადება ვაზისა და ღვინის პროდუქტების წარმოების პირობებისა და მარკეტინგის გასაუმჯობესებლად და მომხმარებლის ინტერესების დასაცავად; 2. ამ მიზნების მისაღწევად, O.I.V.-ის საქმიანობას წარმოადგენს: ა) მეცნიერულ-ტექნიკური კვლევის და ექსპერიმენტის ხელშეწყობა და წარმართვა; მაღალი კვალიფიკაციის მქონე ექსპერტების მოწვევა; შედეგების შეფასება და, საჭიროების შემთხვევაში, შესაბამისი საშუალებებით შედეგების გავრცელება; ბ) რეკომენდაციების შედგენა და თავის წევრებთან შეთანხმებით ამ რეკომენდაციების განხორციელების მონიტორინგი, განსაკუთრებით შემდეგ საკითხებში: (I) ყურძნის წარმოების პირობები; (II) ენოლოგიის პრაქტიკა; (III) პროდუქტის განსაზღვრა და/ან აღწერა, ეტიკეტირებისა და მარკეტინგის პირობები; (IV) ვაზის პროდუქტების ანალიზისა და შეფასების მეთოდები; გ) წევრებისათვის წინადადებების წარდგენა, რომლებიც შეეხება: (I) ეტიკეტზე მოყვანილი ინფორმაციის საშუალებით ვაზის პროდუქტების ნამდვილობის გარანტირებას, განსაკუთრებით, მომხმარებლისათვის; (II) პროდუქციის სახელწოდებაში მოხსენიებული გეოგრაფიული მინიშნებების, განსაკუთრებით ვაზის მოყვანის და ღვინის წარმოების რეგიონის დასახელებების დაცვას, რაც უზრუნველყოფს სავაჭრო და ინტელექტუალური საკუთრების შესახებ საერთაშორისო შეთანხმებების პირობების დაცვას; (III) ვაზის ახალი ჯიშების აღიარებისა და დაცვისათვის მეცნიერული და ტექნიკური კრიტერიუმების გაუმჯობესებას; დ) წესდების დებულებების ჰარმონიზაციისა და ადაპტაციის და ასევე, მოცემულ სფეროში სხვა წევრების მიერ ერთმანეთის გამოცდილების გაზიარების ხელშეწყობას; ე) შუამავლობას ქვეყნების ან ორგანიზაციების მოთხოვნით, ყველა საშუამავლო ხარჯებს დაფარავს დაინტერესებული მხარე; ვ) მეცნიერულ-ტექნიკური მიღწევების მონიტორინგს, შეფასებას და დროულ ინფორმირებას მეცნიერული ან ტექნიკური მიღწევების შესახებ, თუკი მათ გააჩნიათ მნიშვნელოვანი ზემოქმედება ღვინის სექტორზე; ზ) მომხმარებლის ჯანმრთელობის დაცვის ხელშეწყობასა და პროდუქტის უვნებლობის უზრუნველყოფას: (I) სპეციალური მეცნიერული მონიტორინგით ვაზის პროდუქტების სპეციფიკური მახასიათებლების შეფასება; (II) კვებისა და ჯანმრთელობის შესაბამისი ასპექტების კვლევის ხელშეწყობა და წარმართვა; (III) მუხლი 2🔗-ის „ო“ პარაგრაფით განსაზღვრული პირობების გარდა, კვლევის შედეგად მიღებული ინფორმაციის სამედიცინო და ჯანმრთელობის დაცვის სფეროს წარმომადგენლობისათვის მიწოდება; თ) თანამშრომლობის ხელშეწყობა წევრებს შორის: (I) ადმინისტრაციული თანამშრომლობით; (II) სპეციფიკური ინფორმაციის ურთიერთგაცვლით; (III) ექსპერტების გაცვლით; (IV) დახმარების აღმოჩენისა ან ექსპერტთა მიერ კონსულტაციის გაწევის გზით, განსაკუთრებით ერთობლივი პროექტების შექმნისა და ერთობლივი მეცნიერული კვლევის სფეროში; ი) თითოეული წევრი-ქვეყნის ღვინის პროდუქტების და ყურძნის სასმელების წარმოების მეთოდების სპეციფიკური თავისებურებების გათვალისწინება; კ) ღვინოსთან და ღვინის პროდუქტებთან დაკავშირებული სასწავლო სისტემის განვითარებაში წვლილის შეტანა; ლ) ვაზისა და ღვინის მსოფლიო მემკვიდრეობის, მისი ისტორიული, კულტურული, ჰუმანური, სოციალური და გარემოსთან დაკავშირებული ასპექტების ხელშეწყობა და აღიარება; მ) საზოგადო ან კერძო ხასიათის ღონისძიებების უზრუნველყოფა, რომლის არაკომერციული მიზანი შედის მისი კომპეტენციის სფეროში; ნ) მოცემულ სექტორში სათანადო დიალოგის წარმართვა და საჭიროების შემთხვევაში შეთანხმებების დადება; ო) საჭირო ინფორმაციის მოპოვება, დამუშავება, გავრცელება და მიწოდება ღვინისა და ღვინის პროდუქციის სექტორში დაკავებული მწარმოებლების, მომხმარებლებისა და სხვა პირთათვის: (I) თავისი წევრებისა და დამკვირვებლებისათვის; (II) სხვა საერთაშორისო ორგანიზაციებისათვის როგორც სამთავრობო, ასევე არასამთავრობო ორგანიზაციებისათვის; (III) მეწარმეების, მომხმარებლების და ვაზისა და ღვინის სექტორში მოღვაწე სხვა პირებისათვის; (IV) სხვა დაინტერესებული ქვეყნებისათვის; (V) მედიისა და ფართო საზოგადოებისათვის; ინფორმაციისა და კომუნიკაციის წყაროს ფუნქციის უკეთ შესრულების მიზნით, O.I.V.-ს შეუძლია მიმართოს თავის წევრებს, პოტენციურ ბენეფიციარებს და შესაბამის საერთაშორისო ორგანიზაციებს, უზრუნველყონ ის ინფორმაციითა და მონაცემებით დასაბუთებული თხოვნის საფუძველზე. პ) შეთანხმებების დადება სხვა საერთაშორისო, ეროვნულ ან „ინფრაეროვნულ“ სახელმწიფოებთან, რეგიონებთან ან ნახევრად კერძო ორგანიზაციებთან. ჟ) თავისი სტრუქტურებისა და სამუშაო პროცედურის რეგულარული შეფასება. თავი II.  ორგანიზაცია 1. O.I.V.-ის ორგანოებია: ა) გენერალური ასამბლეა; ბ) პრეზიდენტი; გ) ვიცე-პრეზიდენტები; დ) გენერალური დირექტორი; ე) აღმასრულებელი კომიტეტი; ვ) სამეცნიერო-ტექნიკური კომიტეტი; ზ) მოსამზადებელი კომიტეტი; თ) კომისიები, ქვეკომისიები და ექსპერტთა ჯგუფები; ი) შტაბ-ბინის მიერ გაწეული მომსახურება. 2. O.I.V.-ის თითოეული წევრი წარმოდგენილი იქნება მის მიერ არჩეული დელეგატების მიერ. გენერალური ასამბლეა, რომელიც შედგება წევრთა მიერ დასახელებული დელეგატებისაგან, წარმოადგენს O.I.V.-ის პლენარულ ორგანოს. მას შეუძლია თავისი უფლებამოსილების ნაწილის გადაცემა აღმასრულებელი კომიტეტისათვის, რომელშიც შევა თითო დელეგატი ყოველი წევრი-ქვეყნიდან. აღმასრულებელ კომიტეტს შეუძლია თავისი ზოგიერთი დაწესებულების ადმინისტრაციული უფლებამოსილება დააკისროს მოსამზადებელ კომიტეტს, რომლის შემადგენლობაშიც შედის O.I.V.-ის პრეზიდენტი და ვიცე-პრეზიდენტები, O.I.V.-ის კომისიებისა და ქვეკომისიების თავმჯდომარეები. პრეზიდენტი, პირველი ვიცე-პრეზიდენტი და კომისიების თავმჯდომარეები უნდა იყვნენ სხვადასხვა ეროვნების. 3. მეცნიერულ მოღვაწეობას O.I.V.-ი წარმართავს სამეცნიერო-ტექნიკური კომიტეტის მიერ კოორდინირებული ექსპერტთა ჯგუფების, ქვეკომისიების და კომისიების მეშვეობით, გენერალური ასამბლეის მიერ დამტკიცებული სტრატეგიული გეგმის ფარგლებში. 4. გენერალური დირექტორი პასუხისმგებელია O.I.V.-ის შიდა ადმინისტრირებაზე; შტატების შევსებასა და მართვაზე. პერსონალის შერჩევის პროცედურა, შეძლების ფარგლებში, უნდა აუცილებლად ითვალისწინებდეს ორგანიზაციის ინტერნაციონალურ ხასიათს. 5. O.I.V.-იმ შეიძლება აგრეთვე მოიცვას დამკვირვებლები. დამკვირვებლები დაიშვებიან მხოლოდ იმ შემთხვევაში, თუ ისინი წერილობითი ფორმით გამოთქვამენ თანხმობას წინამდებარე შეთანხმებისა და შიდა საპროცედურო წესების დებულებებთან დაკავშირებით. 6. ორგანიზაციის სათავო ოფისი განთავსდება პარიზში (საფრანგეთი). თავი III.  კენჭისყრაში მონაწილეთა უფლებები     მუხლი 4🔗 თითოეულ წევრს უნდა ჰქონდეს მხოლოდ ორი ძირითადი ხმა და სათანადო შემთხვევაში, დამატებითი ხმები, გამოთვლილი ობიექტური კრიტერიუმის საფუძველზე, რომელიც განსაზღვრავს ყოფელი წევრი-ქვეყნის შეფარდებით პოზიციას ვაზისა და ღვინის მსოფლიო სექტორში, თანახმად მოცემული ხელშეკრულების პირობებისა, რომლებიც მოყვანილია დანართებში 1 და 2, და წარმოადგენს დოკუმენტის განუყოფელ ნაწილს. ამ ორი ციფრის ჯამი შეადგენს ხმათა საერთო რაოდენობას. ვაზისა და ღვინის სექტორში თითოეული წევრი-ქვეყნის მდგომარეობა უნდა რეგულარულად გადაიხედოს №1 დანართის დებულებების თანახმად. თავი IV. მუშაობის მეთოდები, გადაწყვეტილების მიღების პროცესი     მუხლი 5🔗 1. გენერალური ასამბლეა არის O.I.V.-ის უმაღლესი ორგანო. ის განიხილავს და იღებს მის ორგანიზებასთან და მუშაობასთან დაკავშირებულ დებულებებს, განაგებს ბიუჯეტში შენატანებს და ხარჯვას არსებული ლიმიტის ფარგლებში, ამოწმებს და ადასტურებს ანგარიშებს. O.I.V.-ი შეიმუშავებს თანამშრომლობის ოქმებს ვაზისა და ღვინის პროდუქტების საკითხებზე, რომლებიც O.I.V.-ის შეუძლია დადოს საერთაშორისო ორგანიზაციებთან. გენერალური ასამბლეა იკრიბება წელიწადში ერთხელ. საგანგებო სესიები შეიძლება მოწვეულ იქნეს O.I.V.-ის წევრების ერთი მესამედის მოთხოვნით. 2. დელეგატები წევრი-ქვეყნების ერთი მასამედიდან, რომლებიც წარმოადგენენ ხმათა საერთო რაოდენობის სულ მცირე ნახევარს, ვალდებულნი არიან დაესწრონ სესიას კვორუმის შექმნის მიზნით. ერთი წევრი ქვეყანა შეიძლება წარმოდგენილი იყოს სხვა წევრი ქვეყნის დელეგაციით, მაგრამ დელეგაციას არ შეუძლია წარმოადგენდეს ერთ წევრზე მეტს. 3. ა) კონსენსუსი მიჩნეული იქნება იმ სტანდარტულ მეთოდად, რომლის საფუძველზეც გენერალური ასამბლეა ღებულობს საერთო, მეცნიერულ, ეკონომიკურ ან სამართლებრივ მუშა-რეზოლუციებს ან რომლის საშუალებითაც აღმასრულებელი კომიტეტი ასრულებს თავის ფუნქციებს აღნიშნულ საკითხთან დაკავშირებით. ბ) კონსენსუსი არ არის აუცილებელი O.I.V.-ის პრეზიდენტის ასარჩევად, აგრეთვე კომისიების და ქვეკომისიების თავმჯდომარეების ან გენერალური დირექტორის არჩევნებისას, იგივე ვრცელდება ბიუჯეტთან ან წევრების ფინანსურ შენატანებთან, ასევე ქვეკომისიებისა და კომისიების შექმნასთან და სხვა გადაწყვეტილებების მიღებასთან დაკავშირებით; გ) იმ შემთხვევაში, როდესაც გენერალური ასამბლეა ან აღმასრულებელი კომიტეტი ვერ აღწევს კონსენსუსს მუშა-რეზოლუციაზე ან გადაწყვეტილებაზე პირველ ინსტანციაში, პრეზიდენტი იღებს ყველა ზომას, რათა გამართოს კონსულტაციები წევრებთან გენერალური ასამბლეის ან აღმასრულებელი კომიტეტის შემდეგ სხდომამდე და თავი მოუყაროს ყველა მოსაზრებას. როდესაც კონსენსუსის მისაღწევად ყველა მცდელობა ამოწურულია, პრეზიდენტი იყენებს კვალიფიციური უმრავლესობის მეთოდს, რაც ნიშნავს წევრების ორი მესამედის ხმებს დამატებული ერთი დამსწრე ან წარმოდგენილი წევრის ხმა. ერთ წევრს შეესაბამება ერთი ხმა. კენჭისყრის გადადება შეიძლება ერთი წლით, თუკი წევრს მიაჩნია, რომ მისი ქვეყნის მნიშვნელოვან ინტერესებს საფრთხე ემუქრება. თუ შემდგომ, წევრი-ქვეყნის საგარეო საქმეთა მინისტრი ან სხვა უფლებამოსილი პოლიტიკური უწყება წერილობით გამოთქვამს თავის ოპოზიციურ აზრს, კენჭისყრა არ შედგება. 4. ა) O.I.V.-ის პრეზიდენტის, კომისიების თავმჯდომარეების და გენერალური დირექტორის თანამდებობაზე აირჩევიან კვალიფიციური უმრავლესობით, რაც ნიშნავს ორ მესამედს პლიუს ერთი წევრის ან წარმომადგენლის ხმა იმ პირობით, თუ კანდიდატს ხმა მისცა წარმოდგენილი ან დამსწრე წევრების ნახევარმა. თუ ეს პირობები არ იქნა შესრულებული, მაქსიმუმ სამი თვის განმავლობაში უნდა იქნეს მოწვეული გენერალური ასამბლეის საგანგებო სხდომა. ამ შუალედური პერიოდის განმავლობაში პრეზიდენტი, კომისიების თავმჯდომარეები და/ან გენერალური დირექტორი დარჩებიან თავიანთ თანამდებობაზე; ბ) O.I.V.-ის პრეზიდენტი და კომისიების თავმჯდომარეები დაინიშნებიან სამწლიანი ვადით. გენერალური დირექტორი დაინიშნება ხუთი წლით. გენერალური დირექტორი შეიძლება ხელახლა არჩეულ იქნეს მომდევნო ხუთი წლით. გენერალურ ასამბლეას შეუძლია გადააყენოს გენერალური დირექტორი როგორც კვალიფიციური უმრავლესობის გადაწყვეტილების, ისე წევრი-ქვეყნების უმრავლესობის გადაწყვეტილების საფუძველზე. 5. ბიჯეტთან ან წევრების ფინანსურ შენატანებთან, კომიტეტებისა და ქვეკომიტეტების შექმნასთან და სხვა გადაწყვეტილებების მიღებასთან დაკავშირებული კენჭისყრისას გადამწყვეტია კვალიფიციური უმრავლესობა ანუ დამსწრე ან წარმოდგენილი წევრების ხმათა საერთო რაოდენობის ორ მესამედს დამატებული ერთი ხმა. გენერალური დირექტორის და O.I.V.-ის მოსამზადებელი კომიტეტის ერთობლივი წინადადებით და აღმასრულებელი კომიტეტის დადებითი შეფასების საფუძველზე, გენერალური ასამბლეა დაასახელებს ფინანსური აუდიტორის კანდიდატრუას. 6. ოფიციალურ ენებად მიჩნეულია ფრანგული, ესპანური და ინგლისური. შესაბამისი დაფინანსება განსაზღვრულია წინამდებარე ხელშეკრულების დანართი 2-ის თანახმად. მიუხედავად ამისა, გენერალურ ასამბლეას შეუძლია შეცვალოს იგი, საჭიროების შემთხვევაში, როგორც ეს განმარტებულია მე-5 მუხლის მესამე პარაგრაფით. ერთი ან მეტი წევრის მოთხოვნით, წევრებს შორის ურთიერთობების გაუმჯობესებისათვის, შეიძლება დამატებულ იქნეს სხვა ენა, დაფინანსების იმავე სპეციფიკის გათვალისწინებით, კერძოდ, იტალიური და გერმანული ენები. გარდა ზემოხსენებული ხუთი ენისა, ნებისმიერი ახალი მოთხოვნა წარედგინება გენერალურ ასამბლეას, რომელიც მიიღებს თავის გადაწყვეტილებას თანახმად პირობებისა, რომლებიც განსაზღვრულია მუხლი 5🔗-ის, პარაგრაფ 3ა-ში. ფრანგული ენა რჩება საურთიერთობო ენად მესამე მხარესთან დავის შემთხვევაში, რომელიც არ არის მოცემული ორგანიზაციის წევრი. 7. O.I.V.-ის ძირითადი ორგანოები იმოქმედებენ ღიად და გამჭვირვალედ. თავი V. O.I.V.-ის დაფინანსება     მუხლი 6🔗 1. O.I.V.-ის ყოველი წევრი გადაიხდის გადასახადს, რომლის ოდენობა ყოველწლიურად დგინდება გენერალურ ასამბლეის მიერ 1-ლ და მე-2 დანართების თანახმად. გენერალური ასამბლეა ადგენს ფინანსური შენატანის ოდენობას ნებისმიერი ახალი წევრისათვის წინამდებარე ხელშეკრულების 1-ლ და მე-2 დანართების დებულებების თანახმად. 2. O.I.V.-ის ფინანსური რესურსები შედგება ყოველი წევრის და დამკვირვებლის წლიური სავალდებულო შენატანებისა და მათი საქმიანობის შედეგად მიღებული შემოსავლებისაგან. სავალდებულო შენატანები გადაეხდება O.I.V.-ს კალენდარული წლის განმავლობაში. ამ ვადის გასვლის შემდეგ შეტანილი გადასახადი ჩაითვლება დაგვიანებულად. 3. O.I.V.-ის ფინანსური რესურსები შესაძლებელია ასევე მოიცავდეს მისი წევრების ნებაყოფლობით შენატანებს, დოტაციებს, გრანტებს სუბსიდიებს ან ნებისმიერი სახის გადასახადებს კერძო ან ნახევრად კერძო ხასიათის საერთაშორისო და ეროვნული ორგანიზაციებიდან, იმ პირობით, თუ ეს გადასახადი ხორციელდება გენერალური ასამბლეის მიერ შემუშავებული დირექტივების მიხედვით მე-5 მუხლის პარაგრაფი 3-ის შესაბამისად. ეს დირექტივები შევა შიდა საპროცედურო წესებში.     მუხლი 7🔗 1. შენატანის ორგზის გადაუხდელობის და მოცემული ვალდებულების შეუსრულებლობის დადასტურების შემთხვევაში, წევრს ავტომატურად შეუწყდება აღმასრულებელი კომიტეტისა და გენერალურ ასამბლეის მომდევნო სხდომებში მონაწილეობისა და კენჭისყრაში მონაწილეობის უფლება. აღმასრულებელი კომიტეტი საქმის დეტალური შესწავლის საფუძველზე დაადგენს პირობებს, რომლითაც შესაძლებელი იქნება ხსენებული წევრის მდგომარეობის რეგულირება, წინააღმდეგ შემთხვევაში მიიჩნევა, რომ მან მოახდინა ხელშეკრულების დენონსირება. 2. იმ შემთხვევაში, თუ სამი წლის შენატანი არ იქნა გადახდილი, გენერალური დირექტორი ატყობინებს წევრს ან დამკვირვებელს, რომელსაც ეხება ეს სიტუაცია. თუ შექმნილი სიტუაცია არ დარეგულირდა მესამე წლის 31 დეკემბრიდან მომდევნო ორი თვის განმავლობაში, წევრი ან დამკვირვებელი ავტომატურად გაირიცხება. თავი VI.  საერთაშორისო სამთავრობათაშორისი ორგანიზაციების მონაწილეობა     მუხლი 8🔗 აღმასრულებელი კომიტეტის წინადადებით და გენერალური ასამბლეის მიერ განსაზღვრული პირობებით, საერთაშორისო მთავრობათაშორის ორგანიზაციას შეუძლია გახდეს O.I.V.-ის წევრი, მიიღოს მონაწილეობა მის საქმიანობაში და შეიტანოს წვლილი ორგანიზაციის დაფინანსებაში განსაზღვრული პირობებით. თავი VII.  ხელშეკრულებაში შესწორებების და ცვლილებების შეტანა     მუხლი 9🔗 1. ხელშეკრულებაში მონაწილე ნებისმიერ მხარეს შეუძლია წერილობითი ფორმით მიმართოს გენერალურ დირექტორს ხელშეკრულებაში შესწორებების შეტანის წინადადებით. გენერალური დირქეტორი ვალდებულია ეს წინადადებები გააცნოს ყველა მხარეს. იმ შემთხვევაში, თუ ამ შეტყობინების მიწოდების თარიღიდან ექვსი თვის განმავლობაში, ხელშეკრულებაში მონაწილე მხარეთა არანაკლებ ნახევარი მხარს დაუჭერს წინადადებას, გენერალური დირექტორი ვალდებულია წარუდგინოს შესწორებები მისაღებად გენერალურ ასამბლეას, რომელიც ჩატარდება ამ პერიოდის შემდგომ. შესწორებები მიიღება დამსწრე ან წარმოდგენილი წევრების კონსენსუსის საფუძველზე. გენერალური ასამბლეის მიერ მიღებული შესწორებები ექვემდებარება წევრი-ქვეყნების მიერ მიღებას, დამტკიცებას ან რატიფიკაციას წევრი-ქვეყნების შიდა კანონმდებლობის შესაბამისად. შესწორებები შევა ძალაში მონაწილე მხარეთა არანაკლებ ორი მესამედი პლუს ერთის მიერ სარატიფიკაციო სიგელების, ან მიღების, დამტკიცების და მიერთების დოკუმენტების დეპოზიტზე გადაცემიდან ოცდაათი დღის შემდეგ. 2. წინამდებარე ხელშეკრულება ექვემდებარება გადასინჯვას, თუ ორგანიზაციის წევრთა ორი მესამედი პლუს ერთი მხარს დაუჭერს ამ თხოვნას. მსგავს შემთხვევაში საფრანგეთის რესპუბლიკის მთავრობა ექვსი თვის განმავლობაში ვალდებულია მოიწვიოს წევრთა კონფერენცია. პროგრამა და შეთავაზებული გადამოწმების პირობები მიეწოდება წევრებს კონფერენციის დაწყებამდე, სულ მცირე ორი თვით ადრე. კონფერენცია თავად განსაზღვრავს თავის საპროცედურო წესებს. O.I.V.-ის გენერალური დირექტორი შეასრულებს კონფერენციის გენერალური მდივნის ფუნქციებს. თავი VIII. წესდება     მუხლი 10🔗 გენერალური ასამბლეა მიიღებს O.I.V.-ის წესდებას, რომელიც განსაზღვრავს მოცემული ხელშეკრულების განხორციელებისათვის საჭირო ვადებსა და პირობებს. ახალი წესდების მიღებამდე, O.I.V.-ის მიერ გამოიყენება ვაზისა და ღვინის საერთაშორისო ოფისის წესდება. წესდებით უნდა განისაზღვროს მოქმედი თუ შეჩერებული წესები, დამკვირვებელთა მონაწილეობისა და წინამდებარე ხელშეკრულებაში შესწორებების შეტანის პირობები, ასევე O.I.V.-ის ადმინისტრაციული და ფინანსური მენეჯმენტის დებულებები. წესდებით ასევე უნდა განისაზღვროს გენერალური ასამბლეის წევრებისა და აღმასრულებელი კომიტეტისათვის დოკუმენტების, განსაკუთრებით კი დაფინანსებასთან დაკავშირებული დოკუმენტების, გადაწყვეტილებების მიღებამდე წარდგენის პირობები. თავი IX. დასკვნითი მუხლები     მუხლი 11🔗 თითოეული წევრი-ქვეყნის ტერიტორიაზე, ამ ქვეყნისავე კანონმდებლობის შესაბამისად, O.I.V.-ი უნდა სარგებლობდეს ისეთი იურიდიული უფლებაუნარიანობით, რომელიც საჭიროა მისი საქმიანობის განსახორციელებლად.     მუხლი 12🔗 მე-5 მუხლის პარაგრაფ 3ა-ის დებულებების თანახმად, გენერალურმა ასამბლეამ შეიძლება მიიღოს წინამდებარე ხელშეკრულებასთან დაკავშირებით გაკეთებული დათქმები.     მუხლი 13🔗 წინამდებარე ხელშეკრულება ღიაა ხელმოსაწერად საერთაშორისო ვაზისა და ღვინის ოფისის ყველა წევრი-ქვეყნისათვის. ეს ხელშეკრულება ექვემდებარება დამტკიცებას, რატიფიკაციას, მიღებას ან მიერთებას.     მუხლი 14🔗 ნებისმიერ იმ ქვეყანას, რომელიც არ არის მითითებული ხელშეკრულების მე-13 მუხლში, შეუძლია გახდეს წევრი. განაცხადება გაწევრიანებასთან დაკავშირებით კეთდება უშუალოდ O.I.V.-ის სახელზე, ხოლო განცხადების ასლი ეგზავნება საფრანგეთის რესპუბლიკის მთავრობას, რომელიც ვალდებულია გააცნოს ნებისმიერი მსგავსი განაცხადი ხელშეკრულებაში მონაწილე მხარეებს ან ხელმომწერებს. O.I.V.-ი უზრუნველყოფს თავის წევრებს ინფორმაციით გაწევრიანებასთან დაკავშირებული განცხადებების და დაკვირვებების შედეგების შესახებ. წევრებს ეძლევათ ექვსი თვის ვადა, რათა მიაწოდონ O.I.V.-ის საკუთარი დასკვნები. განცხადება ჩაითვლება მიღებულად იმ შემთხვევაში, თუ განცხადების გაკეთებიდან ექვსთვიანი ვადის გასვლის შემდეგ, წევრთა უმრავლესობა არ გამოთქვამს საწინააღმდეგო აზრს. მე-13 მუხლით გათვალისწინებულ ქვეყნებს, რომლებმაც არ მოაწერეს ხელი წინამდებარე ხელშეკრულებას მოცემულ ვადაში, შეუძლიათ შეუერთდნენ ორგანიზაციას ნებისმიერ დროს.     მუხლი 15🔗 სარატიფიკაციო სიგელები და მიღების, დამტკიცების და მიერთების დოკუმენტები ჩაჰბარდება საფრანგეთის რესპუბლიკის მთავრობას, რომელიც გააცნობს მათ ხელშეკრულების მონაწილე მხარეებს და ხელმომწერებს. ზემოხსენებული დოკუმენტები დაცული იქნება საფრანგეთის რესპუბლიკის მთავრობის არქივებში.     მუხლი 16🔗 1. წინამდებარე ხელშეკრულება შევა ძალაში სარატიფიკაციო სიგელისა და მიღების, დამტკიცებისა და მიერთების რიგით ოცდამეთერთმეტე დოკუმენტის ჩაბარებიდან მომდევნო წლის პირველ დღეს. 2. თითოეული იმ ქვეყნისათვის, რომელიც, შესაბამისად, ღებულობს და ამტკიცებს წინამდებარე ხელშეკრულებას ან ახდენს მის რატიფიცირებას, ან უერთდება მას მოგვიანებით, შეთანხმება შევა ძალაში ქვეყნის მიერ სარატიფიკაციო სიგელისა და მიღების, დამტკიცებისა და მიერთების დოკუმენტის დეპონირებიდან ოცდამეათე დღეს. 3. ვაზისა და ღვინის საერთაშორისო ორგანიზაციის გენერალურმა ასამბლეამ 1924 წლის 29 ნოემბერს მოდიფიცირებული საერთაშორისო ხელშეკრულებითა და თანდართული საპროცედურო წესებით უნდა განსაზღვროს თუ რა მოცულობით შეუძლიათ O.I.V.-ის საქმიანობაში მონაწილეობის მიღება ამ ხელშეკრულების ძალაში შესვლის შემდეგ იმ ხმარეებს, რომლებსაც არ მოუხდენიათ სარატიფიკაციო სიგელების, მიღების, დამტკიცებისა და მიერთების დოკუმენტების დეპონირება.     მუხლი 17🔗 1. 1924 წლის 29 ნეომბრის შესწორებული ხელშეკრულება შეწყვეტს მოქმედებას გენერალური ასამბლეის პირველი სხდომის ერთსულოვანი გადაწყვეტილებით, გარდა იმ შემთხვევებისა, როდესაც შეთანხმებაში მონაწილე მხარეები ამ ხელშეკრულების ძალაში შესვლამდე შეთანხმდნენ წინამდებარე ხელშეკრულების შეწყვეტის პირობებზე. 2. „ვაზისა და ღვინის საერთაშორისო ორგანიზაცია“ შეცვლის ვაზისა და ღვინის საერთაშორისო ოფისს, მთელი მისი უფლებებით და ვალდებულებებით.     მუხლი 18🔗 წინამდებარე ხელშეკრულების ნებისმიერ მონაწილე მხარეს შეუძლია ნებისმიერ დროს განახორციელოს მისი დენონსაცია ექვსი თვით ადრე O.I.V.-ის გენერალური დირექტორის და საფრანგეთის რესპუბლიკის მთავრობისათვის გაგზავნილი შეტყობინების საფუძველზე. დამკვირვებლებს შეუძლიათ დატოვონ ორგანიზაცია O.I.V.-ის გენერალური დირექტორის სახელზე ექვსი თვით ადრე გაგზავნილი წერილობითი შეტყობინების საფუძველზე.     მუხლი 19🔗 წინამდებარე ხელშეკრულების დედანი, აგრეთვე მისი ავთენტური ფრანგული, ესპანური და ინგლისური ტექსტები ჩაჰბარდება საფრანგეთის რესპუბლიკის მთავრობას. შედგენილია პარიზში 3 აპრილი, 2001 დანართი №1 წინამდებარე ხელშეკრულების მე-4 და მე-6 მუხლებთან დაკავშირებით თითოეული წევრი-ქვეყნის პოზიციის განსაზღვრის მეთოდი ვაზისა და ღვინის სექტორში 1. ობიექტური კრიტერიუმები ყოველი წევრი-ქვეყნის შესაბამისი პოზიციის განსაზღვრისათვის ვაზისა და ღვინის სექტორში: a) ღვინოების, სპეციალური ღვინოების, ყურძნის ტკბილის, ყურძნის ან ღვინისგან წარმოებული სასმელების საშუალო წარმოება (გამოხატული ღვინის ეკვივალენტში) უკანასკნელი ხუთი წლის განმავლობაში არსებული სტატისტიკური მონაცემების თანახმად, ორი კიდური მაჩვენებლის გამოკლებით (P); b) საშუალოდ ვენახის საერთო ფართობი უკანასკნელი სამი წლის განმავლობაში, არსებული სტატისტიკური მონაცემების თანახმად (S); c) ღვინისა და ღვინის ეკვივალენტების საშუალო მოხმარება უკანასკნელი სამი წლის განმავლობაში, არსებული სტატისტიკური მონაცემების თანახმად (C) = (P) წარმოება - E (ექსპორტი) + I (იმპორტი). 2. ფორმულა ყოველი წევრი-ქვეყნის კოეფიციენტის განსაზღვრისათვის: 3. ყოველი წვრი-ქვეყნის კოფიციენტი განახლდება a) ახალი წევრის მიღების შემდეგ საბიუჯეტო წლის დასაწყისში. b) ყოველი სამ წელიწადში ერთხელ უკანასკნელი სტატისტიკური მონაცემების გათვალისწინებით. 4. ახალი წევრები: ახალი წევრები, რომლებიც მომავალში მიუერთდებიან O.I.V.-ის, ვალდებულნი არიან გადაიხადონ აუცილებელი ფინანსური გადასახადი, გამოთვლილი წინამდებარე დანართში მოყვანილი ფორმულით, იმ თანხის დამატებით, რომელსაც ითვალისწინებს მათი მონაწილეობა ენების სპეციფიკურ დაფინანსებაში, დანართ №2-ის პირობების საფუძველზე. დანართი №2 წინამდებარე ხელშეკრულების მე-4, მე-5 და მე-6 მუხლებთან დაკავშირებით ყოველი წევრი-ქვეყნისათვის კენჭისყრაში მონაწილეობის უფლების, აუცილებელი ფულადი შენატანებისა და ენების დაფინანსებაში მონაწილეობის განსაზღვრის მეთოდი 1. ძირითადი ხმები: ყოველ წევრ-ქვეყანას აქვს ორი ძირითადი ხმა 2. დამატებითი ხმები: დამატებითი ხმების მთლიანი ოდენობა უდრის ძირითადი ხმების მთლიანი ოდენობის ნახევარს. ამ ოდენობის მიღწევის მიზნით, ძირითადი ხმების გარდა, წევრი ქვეყნისათვის გათვალისწინებულ იქნება დამატებითი ხმების გარკვეული რაოდენობა, რაც დამოკიდებულია ქვეყნის პოზიციაზე ვაზისა და ღვინის სექტორში დანართში №1-ში მოყვანილი ფორმულის თანახმად. 3. ხმების საერთო რაოდენობა: ყოველი წევრი-ქვეყნის ხმების საერთო ოდენობა უდრის ძირითადი და დამატებითი ხმების ჯამს, თუ ასეთი არსებობს. 4. სავალდებულო შენატანების განაწილება: წევრებისათვის სავალდებულო შენატანების საერთო ოდენობა გამოთვლილია იმ ბიუჯეტის საფუძველზე, რომელსაც იღებს გენერალური ასამბლეა. სავალდებულო შენატანების საერთო ოდენობის ერთი მესამედი ნაწილდება თანაბრად ძირითად ხმებზე. სავალდებულო შენატანების საერთო ოდენობის ორი მესამედი ნაწილდება პროპორციულად დამატებით ხმებზე. წინა ხელშეკრულებიდან ახალზე გადასვლის გასამარტივებლად, წევრი-ქვეყნის ორი ძირითადი ხმისათვის დაწესებული ფულადი შენატანი არ უნდა იყოს მოცემული ხელშეკრულების ძალაში შესვლამდე არსებული შენატანის ოდენობაზე ნაკლები. საჭიროების შემთხვევაში, ფინანსური შენატანები დამატებით ხმებზე გაუტოლდება მიღებული ბიუჯეტით დადგენილ სავალდებულო შენატანების საერთო რაოდენობას. 5. ენების დაფინანსება: ენების დაფინანსება სრულად უზრუნველყოფილი იქნება O.I.V.-ის საერთო ბიუჯეტის მიერ და წევრებისა და დამკვირვებლისაგან შემდგარი თითოეული ლინგვისტური ჯგუფის მიერ.