განჩინება -შპს."აჭარინვენსტის" მიმართ გაკოტრების საქმის წარმოების შესახებ

გ ა ნ ჩ ი ნ ე ბ ა

საქართველოს სახელით

შპს „აჭარინვესტის“მიმართ გადახდისუუნარობის შესახებ განცხადების წარმოებაში მიღების თაობაზე

2011 წლის 10 თებერვ ა ლი

ქ. ქუთაისი

ქუთაისის საქალაქო სასამართლოს მოსამართლე გოჩა აბუსერიძემ განიხილა შპს „აჭარინვესტის“ დირექტორის ვასილ ძოწენიძის განცხადების წარმოებაში მიღების საკითხი და დაადგინა

1. შპს „აჭარინვესტის“ (ს/ნ 206253604) დირექტორის ვასილ ძოწენიძის განცხადება გაკოტრების საქმის წარმოების დაწყების შესახებ მიღებულ იქნ ე ს სასამართლოს წარმოებაში და შპს „აჭარინვესტის“მიმართ გაიხსნას გაკოტრების საქმე.

2. შპს „აჭარაინვესტის“მეურვედ დაინიშნოს დიმიტრი ბლიაძე (პ/ნ 610001018711; მცხოვრები:ქ. ბათუმი, 26 მაისის ქუჩა №68, ბინა 19, მობილური ტელეფონი 871 33 17 74).

3. აეკრძალოს შპს „აჭარაინვესტს“ნებისმიერი გარიგების დადება ან/და დადებული გარიგების შეწყვეტა.

4. შეჩერდეს იძულებითი აღსრულება შპს „აჭარინვესტის“მიმართ.

5. აიკრძალოს გაკოტრების საქმის წარმოების შესახებ განცხადების წარმოებაში მიღების თაობაზე სასამართლოს განჩინების გამოტანამდე აღებული ვალების უზრუნველყოფა, შეჩერდეს ვალების გადახდა და პროცენტების, პირგასამტეხლოს, საურავების (მათ შორის, საგადასახადო /საბაჟო) დარიცხვა/გადახდა.

6. განემარტოს კრედიტორებს, რომ ამ განჩინების გამოქვეყნებიდან 30 დღის განმავლობაში მოვალის მიმართ არსებული თავიანთი მოთხოვნები უნდა წარუდგინონ მეურვესა და სასამართლოს, ასევე გადახდისუუნარობის შესახებ განცხადების წარმოებაში მიღებიდან 30 დღის განმავლობაში სასამართლოს უნდა წარმოუდგინონ გაკოტრების მმართველის კანდიდატურები და მათ შორის დადებული ხელშეკრულება, რომლითაც განსაზღვრულია გაკოტრების მმართველის უფლებამოსილების ფარგლები.

7. მოწვეული იქნეს შპს „აჭარინვესტის“კრედიტორთა კრება 2011 წლის 23 მარტს 14:00 საათზე.

8. კრედიტორთა კრება შედგება ქუთაისის საქალაქო სასამართლოს შენობაში (ქალაქი ქუთაისი, კუპრაძის ქ. №11, მესამე სართული, სხდომის დარბაზი №5).

 კრებაზე განხილულ იქნ ე ს შემდეგი საკითხები:

 ა) მეურვის ანგარიშის მოსმენა მოვალის ქონების, ფინანსური მდგომარეობის და ვალებულებების, ასევე უზრუნველყოფილი კრედიტორების შესახებ;

 ბ) კრედიტორთა მოთხოვნების შემოწმება და კრედიტორთა მოთხოვნების რეესტრის შედგენა;

 გ) გაკოტრების მმართველის დანიშვნა;

9. განჩინება დაუყოვნებლივ გამოქვეყნდეს ,,საქართველოს საკანონმდებლო მაცნეში’’ და სასამართლო დაფაზე.

10. კრედიტორს ან მოვალეს უფლება აქვს სასამართლოს მიმართოს მოტივირებული და არგუმენტირებული შუამდგომლობით მეურვის აცილების შესახებ.

11. განჩინებაზე დაიშვება კერძო საჩივრის შეტანა განჩინების გადაცემის მომენტიდან 5 დღის ვადაში ქუთაისის საქალაქო სასამართლოში (მის: ქ. ქუთაისი, კუპრაძის ქ. №11).

მოსამართლე              გ.აბუსერიძე