“თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების დამტკიცების შესახებ” თვითმმართველი ქალაქ ფოთის საკრებულოს 2010 წლის 29 დეკემბრის №15/56 დადგენილებაში ცვლილებების შეტანის თაობაზე

თვითმმართველი ქალაქ ფოთის საკრებულოს

დადგენილება №3/22

2011 წლის 24 თებერვალი

ქ. ფოთი

„თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების დამტკიცების შესახებ” თვითმმართველ ი ქალაქ ფოთის საკრებულოს 2010 წლის 29 დეკემბრის №15/56 დადგენილებაში ცვლილებების შეტანის თაობაზე

      „ადგილობრივი თვითმმართველობის შესახებ“ საქართველოს ორგანული კანონის 38-ე მუხლის მე-7 ქვეპუნქტის, 44-ე მუხლის პირველი პუნქტისა და „ნორმატიული აქტების შესახებ“ საქართველოს კანონის მე-20 მუხლის შესაბამისად:

    მუხლი 1

     შეტანილ იქნეს ცვლილებები „თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების დამტკიცების შესახებ” თვითმმართველი ქალაქ ფოთის საკრებულოს 2010 წლის 29 დეკემბრის №15/56 დადგენილებაში (სსმ 10/01/2011 ), კერძოდ:

     1. დადგენილების დანართი 1-ის „თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების“ მე-2 მუხლის მე-8 პუნქტის „თ“ ქვეპუნქტი ჩამოყალიბდეს შემდეგი რედაქციით: „თ) ინდივიდუალური ადმინისტრაციულ-სამართლებრივი აქტის პროექტს საქართველოს კანონმდებლობის დარღვევით აშენებული შენობა-ნაგებობის მთლიანი ან ნაწილობრივი დემონტაჟის, მშენებარე შენობა-ნაგებობის მშენებლობის მთლიანი ან ნაწილობრივი შეჩერების და დემონტაჟის, უნებართვო მშენებლობის, რეკონსტრუქციის ან/და დემონტაჟის წარმოების შესახებ სამართალდამრღვევის დაჯარიმების თაობაზე;“.

     2. დადგენილების დანართი 1-ის „თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების“ მე-2 მუხლის მე-8 პუნქტს დაემატოს ,,ი’’ ქვეპუნქტი და ჩამოყალიბდეს შემდეგი რედაქციით: „ინდივიდუალურ ადმინისტრაციულ-სამართლებრივი აქტის პროექტს მშენებარე ობიექტის კონსერვაციის წესებისა და პირობების დარღვევასთან დაკავშირებით სამართალდამრღვევის დაჯარიმების შესახებ’’.

     3. დადგენილების დანართი 1-ის „თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების“ მე-2 მუხლს დაემატოს „8¹“ პუნქტი შემდეგი რედაქციით: „8¹. სამსახური თვითმმართველი ქალაქ ფოთის მერს საკრებულოს თავმჯდომარისთვის წარსადგენად უმზადებს „ტექნიკური საფრთხის კონტროლის შესახებ“ საქართველოს კანონის III თავით და 22-ე-30-ე მუხლებით გათვალისწინებული ფუნქციების, უფლებამოსილებების განხორციელებასთან დაკავშირებულ ყველა დოკუმენტაციას და ინდივიდუალურ ადმინისტრაციულ-სამართლებრივი აქტის პროექტებს, ხოლო შესაბამის ინდივიდუალურ ადმინისტრაციულ-სამართლებრივ აქტს გამოსცემს თვითმმართველი ქალაქ ფოთის საკრებულოს თავმჯდომარე“.

     4. დადგენილების დანართი 1-ის „თვითმმართველი ქალაქ ფოთის მერიის ადმინისტრაციული ზედამხედველობის სამსახურის დებულების“ მე-2 მუხლს დაემატოს 23-ე პუნქტი და ჩამოყალიბდეს შემდეგი რედაქციით: ,,23. უზრუნველყოფს მშენებარე და რეკონსტრუქციაში მყოფი ლანდშაფტური და მცირე არქიტექტურული ფორმების ინსპექტირებას’’.

      მუხლი 2

       ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                        ი. საღინაძე