„საქართველოს ფინანსთა სამინისტროს დებულების დამტკიცების შესახებ”

„საქართველოს ფინანსთა სამინისტროს დებულების დამტკიცების შესახებ” p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:14.0pt; } h1 {margin:0in; margin-bottom:.0001pt; text-align:center; line-height:150%; page-break-after:avoid; font-size:15.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:14.0pt; } p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:14.0pt; } p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; line-height:150%; font-size:15.0pt; } p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-indent:14.15pt; font-size:12.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-weight:bold;} span.msoIns { text-decoration:underline; color:teal;} span.msoDel { text-decoration:line-through; color:red;} @page Section1 {size:8.5in 11.0in; margin:1.0in 1.25in 1.0in 1.25in;} div.Section1 {page:Section1;} ol {margin-bottom:0in;} ul {margin-bottom:0in;} საქართველოს მთავრობის დადგენილება №39 2004 წლის 21 მაისი ქ. თბილისი საქართველოს ფინანსთა სამინისტროს დებულების დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის 1-ლი პუნქტის შესაბამისად: 1. დამტკიცდეს საქართველოს ფინანსთა სამინისტროს თანდართული დებულება. 2. ამ დადგენილების ამოქმედებიდან ორ თვეში საქართველოს ფინანსთა სამინისტრომ (ზ. ნოღაიდელი) კანონმდებლობით დადგენილი წესით განახორციელოს სამინისტროს ზოგიერთი ტერიტორიული ორგანოს გარდაქმნა საქართველოს ფინანსთა სამინისტროს შესაბამისი საქვეუწყებო დაწესებულების ტერიტორიულ ორგანოდ. 3. დადგენილება ამოქმედდეს გამოქვეყნებისთანავე. პრემიერ-მინისტრი ზ. ჟვანია საქართველოს ფინანსთა სამინისტროს დებულება თავი I ზოგადი დებულებანი     მუხლი 1🔗 1. საქართველოს ფინანსთა სამინისტრო (შემდგომში – სამინისტრო) არის საქართველოს კონსტიტუციისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის შესაბამისად შექმნილი აღმასრულებელი ხელისუფლების ორგანო, რომელიც ახორციელებს სახელმწიფო მმართველობას საფინანსო-საბიუჯეტო, საგადასახადო და საბაჟო სფეროში; უზრუნველყოფს საქართველოს ტერიტორიაზე საბიუჯეტო, საგადასახადო და საბაჟო კანონმდებლობის დაცვასა და შესრულების კონტროლს; ახორციელებს ეკონომიკური დანაშაულის სფეროში პრევენციულ ოპერატიულ-სამძებრო საქმიანობას, მოკვლევასა და წინასწარ გამოძიებას. 2. სამინისტრო თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით, „საქართველოს საბიუჯეტო სისტემის შესახებ“ საქართველოს კანონით, საგადასახადო და საბაჟო კოდექსებით, „ფინანსური პოლიციის შესახებ“ საქართველოს კანონით, სხვა საკანონმდებლო აქტებით, საქართველოს პრეზიდენტის ბრძანებულებებით, განკარგულებებით, საქართველოს მთავრობის დადგენილებებით, ამ დებულებით და სხვა სამართლებრივი აქტებით. 3. თავისი ფუნქციების განხორციელებისას სამინისტრო წარმოადგენს სახელმწიფოს. 4. სამინისტრო ანგარიშვალდებულია მთავრობის წინაშე და ასრულებს კანონით გათვალისწინებულ ან მთავრობისა და პრემიერ-მინისტრის მიერ კანონის საფუძველზე დაკისრებულ ამოცანებს. 5. სამინისტროს დაფინანსების წყაროა სახელმწიფო ბიუჯეტი. 6. სამინისტროს აქვს დამოუკიდებელი ბალანსი და ხარჯთა ნუსხა. 7. სამინისტროს იურიდიული მისამართია: ქ. თბილისი, 0162, ი. აბაშიძის ქ. № 70. 8. სამინისტროს სრული სახელწოდებაა „საქართველოს ფინანსთა სამინისტრო“.     მუხლი 2🔗 1. სამინისტროს აქვს მრგვალი ბეჭედი სახელმწიფო გერბის გამოსახულებით და წარწერით „საქართველოს ფინანსთა სამინისტრო“, შესაბამისი თარგმანით ინგლისურ ენაზე. 2. სამინისტროს მიერ სახელმწიფო დროშის გამოყენების წესი დადგენილია მოქმედი კანონმდებლობით. 3. სახელმწიფო გერბის გამოსახულება გამოიყენება როგორც სამინისტროს, ისე მის სისტემაში შემავალ დაწესებულებათა ბლანკებსა და აბრებზე. 4. სამინისტროს შეიძლება ჰქონდეს ემბლემა, რომელიც მტკიცდება და რეგისტრირდება კანონმდებლობით დადგენილი წესით. სამინისტროს ემბლემა შეიძლება გამოყენებულ იქნეს სავიზიტო ბარათებზე, სხვა ბეჭდვით გამოცემებსა და სამინისტროს სუვენირებზე. თავი II სამინისტროს კომპეტენცია და უფლებამოსილებანი     მუხლი 3🔗 სამინისტროს ფუნქციებია: ა) საქართველოს კონსტიტუციისა და მოქმედი კანონმდებლობის საფუძველზე ქვეყნის საფინანსო სისტემის მართვისა და საფინანსო-საბიუჯეტო პოლიტიკის რეგულირების ღონისძიებათა განხორციელება; ბ) „საქართველოს საბიუჯეტო სისტემის შესახებ“ საქართველოს კანონიდან გამომდინარე, ქვეყნის ეკონომიკური პოლიტიკის განვითარების ძირითადი მიმართულებებისა და სოციალურ-ეკონომიკური განვითარების ინდიკატორული გეგმების ფარგლებში საფინანსო-საბიუჯეტო პოლიტიკის ძირითადი დებულებებისა და საქართველოს ყოველწლიური სახელმწიფო ბიუჯეტების ძირითად მონაცემთა და მიმართულებათა ჩამოყალიბება, აგრეთვე შესაბამისი საფინანსო პროგრამების შემუშავება და მათი განხორციელება; გ) წლიური სახელმწიფო ბიუჯეტის შესახებ საქართველოს კანონის პროექტის, ასევე საქართველოს სახელმწიფო ბიუჯეტის შესრულების მიმდინარეობისა და საქართველოს სახელმწიფო ბიუჯეტის შესრულების ანგარიშის მომზადება და საქართველოს კონსტიტუციითა და „საქართველოს საბიუჯეტო სისტემის შესახებ“ საქართველოს კანონით დადგენილ ვადებში მისი წარდგენა მთავრობისათვის; დ) დაინტერესებულ უწყებებთან ერთად საერთო-სახელმწიფო გადასახადებიდან ავტონომიური რესპუბლიკებისა და საქართველოს სხვა ტერიტორიული ერთეულების ბიუჯეტებში ანარიცხების გრძელვადიანი ეკონომიკური ნორმატივების შესახებ საქართველოს კანონის პროექტის შემუშავება; ე) სახელმწიფო ბიუჯეტის დაბალანსების უზრუნველყოფა, ბიუჯეტის დაბალანსებისათვის საბიუჯეტო დეფიციტის ზღვრული სიდიდის გაანგარიშება და მისი შევსების წყაროების განსაზღვრა, ბიუჯეტის დეფიციტის ზღვრული სიდიდის გადაჭარბების შემთხვევაში წლის საბიუჯეტო კანონში ცვლილების მომზადება; ვ) სახელმწიფო, აფხაზეთისა და აჭარის ავტონომიური რესპუბლიკებისა და საქართველოს სხვა ტერიტორიული ერთეულების ბიუჯეტების შემოსულობათა აღრიცხვა, ანგარიშგება და ანგარიშსწორება; ზ) ცენტრალური ბიუჯეტის დაფინანსებაზე მყოფი საბიუჯეტო ორგანიზაციების ვალდებულებათა რეგისტრაცია დადგენილი წესის მიხედვით; საბიუჯეტო ორგანიზაციის მიერ რეგისტრირებული საბიუჯეტო ვალდებულების დამოწმების შესაბამისად გადახდა დადგენილი წესის მიხედვით; უკან დასაბრუნებელ სახელმწიფო შემოსულობათა დაბრუნების პროცესის მართვა, აღრიცხვა და ანგარიშგება; თ) ყოველწლიური სახელმწიფო ბიუჯეტის შესაბამისად ამ ბიუჯეტის შემოსავლებისა და ხარჯების მცურავი ყოველკვარტალური ფინანსური გეგმის შედგენა; ი) სახელმწიფო ბიუჯეტის შედგენისა და შესრულების წესის შემუშავება, სახელმწიფო ბიუჯეტიდან სახსრების ხარჯვის ნორმებისა და ნორმატივების სრულყოფა; კ) სახელმწიფო ბიუჯეტის ხარჯვითი ნაწილის აღსრულება, მის შემოსულობათა ოპერატიული მართვა, აღრიცხვა და ანგარიშგება; ლ) საბიუჯეტო კლასიფიკაციის სტრუქტურისა და ძირითადი შემადგენლობის დამტკიცება, მათში ცვლილების შეტანა საქართველოს პარლამენტის საფინანსო-საბიუჯეტო კომიტეტთან შეთანხმებით; მ) კანონმდებლობის შესაბამისად საბიუჯეტო ანგარიშგებისა და ფორმის დადგენა, აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ბიუჯეტების შესრულების ანგარიშგების წარდგენის წესისა და ვადების დადგენა; ნ) აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ბიუჯეტების შესრულების ყოველთვიური და ყოველკვარტალური ანგარიშგების შედგენა და წარდგენა კანონმდებლობით დადგენილი წესით; ო) საქართველოს ეროვნულ ბანკთან ერთად სახელმწიფო ბიუჯეტის შესრულებისას საქართველოს საბანკო დაწესებულებებში ბიუჯეტის საკასო შესრულების კონტროლის დაწესება და საქართველოს ეროვნულ ბანკთან, როგორც აგენტ ბანკთან, ერთად ფულად-საკრედიტო პოლიტიკის მთავარი პარამეტრების დაცვაში მონაწილეობა; პ) საგადასახადო და საბაჟო პოლიტიკის შემუშავებაში მონაწილეობა, შესაბამისი პროგრამების შედგენა, კონცეფციების ჩამოყალიბება და მათი განხორციელების ორგანიზება; საგადასახადო და საბაჟო კანონმდებლობის საფუძველზე საგადასახადო შემოსავლების სრული მობილიზების უზრუნველყოფა გადასახადების აკრეფის  მდგომარეობის გასაუმჯობესებლად; ამ მიზნით სათანადო წინადადებათა მომზადება და მათი განხორციელების ორგანიზება; ჟ) საფინანსო-საბიუჯეტო, საგადასახადო და საბაჟო პოლიტიკის განხორციელებასთან დაკავშირებული საერთაშორისო ხელშეკრულებებისა და შეთანხმებების, საკანონმდებლო აქტების, საქართველოს პრეზიდენტის ბრძანებულებებისა და განკარგულებების, მთავრობის დადგენილებების, განკარგულებების, პრემიერ-მინისტრის ბრძანებების შესრულების ორგანიზება და კონტროლი; რ) საგადასახადო, საბაჟო და საფინანსო-საბიუჯეტო კანონმდებლობის აღსრულებისა და გამოყენების ინსტრუქციებისა და მეთოდური მითითებების შედგენა და დადგენილი წესით მათი მოთხოვნების შესრულების უზრუნველყოფა; ს) საგადასახადო და საბაჟო ორგანოების მუშაობით მიღწეული და მოსალოდნელი შედეგების ანალიზი და პროგნოზირება, მათი საქმიანობის ეფექტიანობის ამაღლებისა და შემდგომი სრულყოფის შესახებ სათანადო რეკომენდაციების მომზადება; ტ) სამინისტროს კომპეტენციის ფარგლებში „ფინანსური პოლიციის შესახებ“ საქართველოს კანონის, საქართველოს სისხლის სამართლის საპროცესო კოდექსის, საქართველოს ადმინისტრაციულ სამართალდარღვევათა კოდექსის შესაბამისად, საფინანსო-ეკონომიკურ ურთიერთობათა სფეროში ჩადენილ დანაშაულთა გამოვლენა-აღკვეთა, თავიდან აცილება, მოკვლევა და გამოძიება; საგადასახადო და საბაჟო კანონმდებლობის დარღვევის ფაქტების შესწავლა, ანალიზი და შეფასება; ამ სფეროში დანაშაულებისა და სხვა სამართალდარღვევების წინააღმდეგ ბრძოლის ორგანიზება და მათი გამომწვევი მიზეზების აღმოსაფხვრელად შესაბამის წინადადებათა მომზადება; უ) არასაგადასახადო შემოსავლების პროგნოზირება და მათი შესრულების მიმდინარეობის ანგარიშების მომზადება; ფ) სახელმწიფო საგარეო და საშინაო პირდაპირი და პირობითი (გარანტირებული) ფინანსური ვალდებულებების აღრიცხვა, აგრეთვე ამ ვალდებულებათა მართვასა და მომსახურებაში მონაწილეობა; ქ) სახელმწიფოს მიმართ საქართველოს იმ ეკონომიკური აგენტების ფინანსურ ვალდებულებათა აღრიცხვა, რომლებიც სარგებლობენ საგარეო წყაროებიდან მიღებული სახელმწიფო საკრედიტო რესურსებით ან კრედიტებზე სახელმწიფო გარანტიებით, აგრეთვე ამ ვალდებულებათა მართვასა და მომსახურებაში მონაწილეობა; ღ) სახელმწიფო ვალის ფორმირების, კერძოდ, სახელმწიფო ვალად აღიარებასთან დაკავშირებული ურთიერთპრეტენზიების საკითხთა განხილვაში მონაწილეობა; ყ) სხვადასხვა ვადიანი სახელმწიფო სასესხო ვალდებულების გამოშვების, მიმოქცევისა და დაფარვის ძირითადი პირობების შემუშავება, ემისიების განხორციელება და მის შედეგად წარმოქმნილი ვალდებულებების შესრულება; შ) სახელმწიფოს შიდა, რესურსების ხარჯზე გაცემული სესხების მართვა; სასესხო ვალდებულებათა (დავალიანებათა) დაბრუნების უზრუნველყოფის მიზნით შესაბამისი ღონისძიებების განხორციელება; საჭიროების შემთხვევაში სასესხო ვალდებულებათა (დავალიანებათა) რესტრუქტურიზაციის თაობაზე წინადადებების მომზადება; ჩ) აქციზური მარკების სფეროს მარეგულირებელი საკანონმდებლო აქტების პროექტების მომზადება, აქციზური მარკების რეალიზაცია, მარკების გამოყენებისათვის მკაცრი კონტროლის დაწესება, სამომხმარებლო ბაზარზე მარკირებას დაქვემდებარებული აქციზური საქონლის მონიტორინგი, დასაბეჭდი აქციზური მარკების რაოდენობის განსაზღვრა და მათი ბეჭდვის ორგანიზება; ც) მოქმედი კანონმდებლობის შესაბამისად ბუღალტრული აღრიცხვის საერთო მეთოდოლოგიის შემუშავება, სამინისტროების, სხვა მხარჯავი დაწესებულებებისა და საჯარო სამართლის იურიდიული პირების ბუღალტრული აღრიცხვისა და ანგარიშგების საქმიანობის მეთოდოლოგიური ხელმძღვანელობა; ბუღალტრული აღრიცხვის წარმოებისა და ანგარიშგების ფორმების, ნორმებისა და წესების შემუშავება; ძ) საიმპორტო საქონლისათვის გრანტის ან ჰუმანიტარული დახმარების სტატუსის მინიჭების საკითხის განხილვა და სათანადო გადაწყვეტილების მიღება; საქართველოს მიერ მიღებული გრანტების, ჰუმანიტარული და ტექნიკური დახმარების, სახელმწიფო სექტორში განხორციელებული ინვესტიციების აღრიცხვა და სათანადო საჯარო რეესტრების წარმოება; წ) ჰუმანიტარული დახმარების სტატუსის მქონე საქონლის მონეტიზაციის პროგრამების განხილვა, შეთანხმება; ჭ) უცხოური საინვესტიციო რესურსების მოზიდვაში მონაწილეობა და ქვეყანაში ინვესტიციური პოლიტიკისადმი ფინანსური მხარდაჭერა, საერთაშორისო საფინანსო ორგანიზაციებისა და ქვეყნების ფინანსური მხარდაჭერით დასაფინანსებელი საინვესტიციო პროექტების განხორციელების კოორდინაცია და ზედამხედველობა; ხ) მოქმედი კანონმდებლობის შესაბამისად საქართველოს საერთაშორისო ხელშეკრულებათა დადების შესაძლო ფინანსური შედეგების თაობაზე დასკვნის მომზადება; ჯ) მოქმედი კანონმდებლობის შესაბამისად თავისი კომპეტენციის ფარგლებში სამეწარმეო საქმიანობის უფლების ლიცენზიის (ნებართვის) გაცემა და ლიცენზიის (ნებართვის) პირობების შესრულების კონტროლი; ჰ) ძვირფასი ლითონებისა და ძვირფასი ქვების, მათი გამოყენებით დამზადებული ნაწარმის გასინჯვა, ანალიზი; ძვირფასი ქვების მახასიათებლების განსაზღვრა; საარბიტრო, საკონტროლო ანალიზებისა და ტექნიკური ექსპერტიზის წარმოება; სინჯის აღმნიშვნელი სახელმწიფო დამღით ნაწარმის დადამღვა და მასთან დაკავშირებული საქმიანობის განხორციელების დროს ძვირფასი ლითონების, ძვირფასი ქვების და ნაწარმის აღრიცხვის, შენახვისა და ხარჯვის კონტროლი; ჰ.ა) საქართველოს ტერიტორიაზე ლატარიების, აზარტული და სხვა მომგებიანი თამაშების სახელმწიფოებრივი რეგულირება; კანონმდებლობით დადგენილი წესით ლატარიების, აზარტული და სხვა მომგებიანი თამაშების თითოეულ სახეობაზე ნებართვის გაცემა, ლიცენზიის/ნებართვის მოქმედების შეჩერება, განახლება, ცვლილებების შეტანა, გაუქმება და საქმიანობის კონტროლი, აგრეთვე ამ სფეროში საკანონმდებლო აქტების პროექტების შემუშავება და სამინისტროს კომპეტენციის ფარგლებში ნორმატიული აქტების მიღება; კანონმდებლობით დადგენილი წესით ლატარიის ბილეთების, ტოტალიზატორისა და სხვა მომგებიან თამაშობებში მონაწილეობის დამადასტურებელი დოკუმენტების (ნივთის) ლეგალიზაცია, განაღდებული და გაუქმებული ფასიანი ქაღალდების, ლატარიის ბილეთების, ტოტალიზატორისა და სხვა მომგებიან თამაშობაში მონაწილეობის დამადასტურებელი დოკუმენტების (ნივთის) ღირებულების მქონე და მკაცრი აღრიცხვის ბლანკების (ფორმების, დოკუმენტების) ექსპერტიზა და უტილიზაცია; ჰ.ბ) კანონმდებლობით დადგენილი წესით მკაცრი აღრიცხვის ბლანკების (ფორმების), მათი დამზადების, შენახვისა და გამოყენების საკითხთა მართვა, დამტკიცება (შეთანხმება); კანონმდებლობით დადგენილი წესით მკაცრი აღრიცხვის ბლანკების (ფორმების) ბეჭდვისა და შენახვის ლიცენზირება (გაცემა, შეჩერება, ცვლილებების შეტანა, განახლება, გაუქმება) და საქმიანობის კონტროლი; ჰ.გ) კანონმდებლობით დადგენილი წესით ვადაგადაცილებულ საგადასახადო დავალიანებათა რესტრუქტურიზაციის პროცესში მონაწილეობა, შესაბამისი ხელშეკრულებების მომზადება; ჰ.დ) სამინისტროს სისტემის სამეცნიერო-კვლევითი დაწესებულების მეშვეობით ქვეყნის საფინანსო სისტემის განვითარების პერსპექტიულ მიმართულებებსა და კონცეფციებზე მუშაობა; ჰ.ე) სახელმწიფოს წილობრივი მონაწილეობით მოქმედი საწარმოების მიერ მიღებული წმინდა მოგების გამოყენების თაობაზე წარმოდგენილ წინადადებათა განხილვა-შეთანხმება; ჰ.ვ) კანონმდებლობით დადგენილი საფინანსო-საბიუჯეტო, საგადასახადო და საბაჟო სფეროსთან დაკავშირებულ სხვა ფუნქციათა განხორციელება;  ჰ.ზ) იმ საჯარო სამართლის იურიდიულ პირთა სახელმწიფო კონტროლი, რომელთა მაკონტროლებელ ორგანოდ განსაზღვრულია საქართველოს ფინანსთა სამინისტრო, აგრეთვე „საჯარო სამართლის იურიდიული პირის შესახებ“ საქართველოს კანონით მინიჭებული უფლებამოსილების განხორციელება.                თავი III სამინისტროს ხელმძღვანელობის ორგანიზება და ხელმძღვანელთა უფლება-მოვალეობები     მუხლი 4🔗 1. სამინისტროს ხელმღვანელობს მინისტრი, რომელსაც საქართველოს პრეზიდენტის თანხმობით თანამდებობაზე ნიშნავს საქართველოს პრემიერ-მინისტრი. 2. მინისტრის უფლებამოსილების შეწყვეტა ხდება მოქმედი კანონმდებლობის შესაბამისად. 3. მინისტრი: ა) წარმოადგენს სამინისტროს და აწესრიგებს სამინისტროს გამგებლობის სფეროს მიკუთვნებულ საკითხებს; ბ) პასუხისმგებელია საქართველოს კონსტიტუციის, საერთაშორისო ხელშეკრულებისა და შეთანხმებების, საკანონმდებლო აქტების, საქართველოს პრეზიდენტის ბრძანებულებებისა და განკარგულებების, საქართველოს მთავრობის დადგენილებების, საქართველოს პრემიერ-მინისტრის ბრძანებების, საქართველოს პარლამენტის დადგენილებების შესრულებისათვის იმ სფეროში, რომელიც სამინისტროს მმართველობას განეკუთვნება; გ) უშუალოდ, აგრეთვე პირველი მოადგილისა და მოადგილეების, სამინისტროს ცენტრალური აპარატის სტრუქტურული ქვედანაყოფების, სახელმწიფო საქვეუწყებო დაწესებულებებისა და სხვა დაქვემდებარებული სამსახურების მეშვეობით წყვეტს ამ დებულებით განსაზღვრულ საკითხებს; დ) საქართველოს პრემიერ-მინისტრს დასანიშნად წარუდგენს მინისტრის პირველი მოადგილის, მინისტრის მოადგილეებისა და სამინისტროს დაქვემდებარებული სახელმწიფო საქვეუწყებო დაწესებულებების ხელმძღვანელთა კანდიდატურებს (გარდა ამ პუნქტის „ე“ ქვეპუნქტით გათვალისწინებული საქვეუწყებო დაწესებულების ხელმძღვანელისა); ე) საქართველოს პრეზიდენტს დასანიშნად წარუდგენს საქართველოს ფინანსთა სამინისტროს ფინანსური პოლიციის უფროსის კანდიდატურას; ვ) თანამდებობაზე ნიშნავს და ათავისუფლებს სამინისტროს დაქვემდებარებული სახელმწიფო საქვეუწყებო დაწესებულებების ხელმძღვანელთა მოადგილეებს, მათი სტრუქტურული ქვედანაყოფების უფროსებსა და მათ მოადგილეებს (გარდა ამ დებულების მე-7 მუხლის პირველი პუნქტის „ა“ და „ბ“ ქვეპუნქტებით გათვალისწინებული დაწესებულებების სტრუქტურული ქვედანაყოფებისა, თუ კანონმდებლობით სხვა რამ არ არის გათვალისწინებული), საბაჟო და საგადასახადო ორგანოების ხელმძღვანელებსა და მათ მოადგილეებს, მათი სტრუქტურული ქვედანაყოფების უფროსებსა და მათ მოადგილეებს, საბაჟო საგუშაგოებისა და საბაჟო გამშვები პუნქტების უფროსებსა და მათ მოადგილეებს, მათი სტრუქტურული ქვედანაყოფების უფროსებსა და მათ მოადგილეებს, სამინისტროს ტერიტორიული ორგანოების ხელმძღვანელებსა და მათ მოადგილეებს, მათი სტრუქტურული ქვედანაყოფების უფროსებსა და მათ მოადგილეებს, სამინისტროს ცენტრალური აპარატის საშტატო ნუსხით გათვალისწინებულ ყველა საჯარო მოსამსახურეს, აგრეთვე ფინანსური პოლიციის საგამოძიებო დეპარტამენტის გამომძიებლებს; ზ) დადგენილი წესით საქართველოს პრემიერ-მინისტრს წარუდგენს წინადადებას სამინისტროს წლიური ბიუჯეტის შემოსავლისა და გასავლის საკითხებზე და, აუცილებლობის შემთხვევაში, დამატებითი ბიუჯეტის შესახებ; იღებს გადაწყვეტილებებს საბიუჯეტო სახსრების მიზნობრივი გამოყენების შესახებ; შეაქვს წინადადებები სამინისტროს წლიური ბიუჯეტის შემოსავლის საკითხებზე და პასუხისმგებელია ბიუჯეტის ზუსტი და მიზანშეწონილი შესრულებისათვის; თ) სახელმწიფო ბიუჯეტით დამტკიცებულ ასიგნებათა ფარგლებში ამტკიცებს სამინისტროს სისტემაში არსებული სახელმწიფო საქვეუწყებო დაწესებულებების ხარჯთა ნუსხას, ახორციელებს მათი შესრულების კონტროლს და, აუცილებლობის შემთხვევაში, თავისი კომპეტენციის ფარგლებში იძლევა მითითებებს საბიუჯეტო სახსრების გამოყენების შესახებ; ი) ამტკიცებს სამინისტროს მმართველობის სფეროში არსებული სახელმწიფო საქვეუწყებო დაწესებულებების, სტრუქტურული ერთეულების, ტერიტორიული ორგანოების სტრუქტურასა და დებულებას, გარდა იმ შემთხვევებისა, როცა ისინი დადგენილია უპირატესი იურიდიული ძალის მქონე სხვა ნორმატიული აქტებით; კ) პასუხისმგებელია სამინისტროს სარგებლობაში გადაცემული სახელმწიფო ქონების დაცვისა და გამოყენებისათვის და ორგანიზებას უწევს ამ საქმიანობას კანონმდებლობით დადგენილი წესით; ლ) კანონმდებლობით დადგენილი წესით გამოსცემს ბრძანებებს, ინსტრუქციებსა და მეთოდურ მითითებებს და პასუხისმგებელია მათი კანონიერებისა და მიზანშეწონილობისათვის; მ) ზედამხედველობს სამინისტროს სტრუქტურული ქვედანაყოფების, აგრეთვე სამინისტროს საქვეუწყებო დაწესებულებათა და ტერიტორიულ ორგანოთა საქმიანობის კანონიერებასა და მიზანშეწონილობას; ძალადაკარგულად ცნობს პირველი მოადგილის, მოადგილეების, სამინისტროს სისტემის სახელმწიფო საქვეუწყებო დაწესებულებების, ტერიტორიული ორგანოების, სამინისტროს სტრუქტურული ქვედანაყოფების ხელმძღვანელებისა და სამინისტროს სხვა თანამდებობის პირთა, აფხაზეთისა და აჭარის ავტონომიური რესპუბლიკების ფინანსთა სამინისტროების ხელმძღვანელების აქტებსა და მოქმედებებს, რომლებიც არ შეესაბამება საქართველოს კონსტიტუციას, კანონებს, საქართველოს პრეზიდენტის ბრძანებულებებსა და განკარგულებებს, მთავრობის დადგენილებებს, აგრეთვე მინისტრის ბრძანებებს; მინისტრი უფლებამოსილია აგრეთვე ძალადაკარგულად ცნოს ზემოაღნიშნულ თანამდებობის პირთა აქტები და მოქმედებები მათი მიზანშეუწონლობის გამო; ნ) წყვეტს სამართლებრივ დავას სამინისტროს მმართველობის სფეროში შემავალ სახელმწიფო საქვეუწყებო დაწესებულებებს, სამინისტროს სტრუქტურულ ქვედანაყოფებს, აგრეთვე ტერიტორიულ ორგანოებს შორის; ო) დადგენილი წესით საქართველოს პრემიერ-მინისტრს წარუდგენს სამინისტროს საქმიანობის ანგარიშს; პ) ახორციელებს საქართველოს კანონებით, საქართველოს პრეზიდენტის ბრძანებულებებითა და განკარგულებებით, მთავრობის დადგენილებებით მისთვის დაკისრებულ სხვა უფლება-მოვალეობებს; ჟ) კანონმდებლობით დადგენილი წესით სამინისტროს უფლებამოსილ მოხელეებს აძლევს სამსახურებრივი-საშტატო, სამხედრო-საბრძოლო იარაღის, სპეციალური საშუალებების შენახვისა და ტარების უფლებას; რ) განსაზღვრავს საგადასახადო და საბაჟო ორგანოების საქმიანობის შეფასების კრიტერიუმებს. 4. მინისტრს უფლება აქვს სამინისტროს თანამდებობის პირთა მოქმედების სამსახურებრივი ზედამხედველობა დააკისროს პირველ მოადგილეს. 5. თუ სამინისტროს გამგებლობის სფეროს მიკუთვნებული საკითხი ეხება აგრეთვე სხვა სამინისტროს კომპეტენციას, მინისტრი გადაწყვეტილებას ათანხმებს შესაბამის მინისტრთან; თანხმობის მიუღწევლობის შემთხვევაში საკითხი განიხილება მთავრობის სხდომაზე. 6. ა) მინისტრი უფლებამოსილია თავისი მმართველობის სფეროში შექმნას სათათბირო ორგანო – სათათბირო საბჭო, რომლის შემადგენლობაშიც შედიან: მინისტრი, მინისტრის მოადგილეები, აგრეთვე მინისტრის გადაწყვეტილებით – სამინისტროს აპარატისა და სახელმწიფო საქვეუწყებო დაწესებულებების თანამდებობის პირები. სათათბირო საბჭოს შემადგენლობაში შეიძლება შეყვანილ იქნენ აგრეთვე სამეცნიერო დაწესებულებებისა და სხვა სამთავრობო დაწესებულებების წარმომადგენლები მხოლოდ მათი თანხმობით. სათათბირო საბჭოს საქმიანობის წესს, წევრთა რიცხოვნობასა და პერსონალურ შემადგენლობას განსაზღვრავს მინისტრი შესაბამისი ბრძანებით; ბ) სამინისტროს საქმიანობასთან დაკავშირებული განსაკუთრებული მნიშვნელობის საკითხთა განხილვისა და მათ შესახებ დასკვნების მომზადების მიზნით მინისტრს შეუძლია თავისი მმართველობის სფეროში შექმნას კომისიები და საბჭოები სათათბირო უფლებით (შემდგომში – სათათბირო ორგანოები), განსაზღვროს მათი უფლება-მოვალეობანი და საქმიანობის წესი. სათათბირო ორგანოებს შეიძლება მიეცეთ გადაწყვეტილების მიღების უფლება მხოლოდ იმ შემთხვევაში, თუ ეს გათვალისწინებულია კანონით; გ) სათათბირო ორგანო იქმნება მინისტრის ბრძანებით, რომლითაც განისაზღვრება მისი ამოცანები, თავმჯდომარე (თავმჯდომარის მოადგილე, მდივანი) და წევრები, სათათბირო ორგანოს საქმიანობასთან დაკავშირებული სხვა საკითხები; დ) სათათბირო ორგანოს წევრად შეიძლება დაინიშნოს სხვა სამთავრობო დაწესებულების საჯარო მოსამსახურე ამ დაწესებულების ხელმძღვანელის თანხმობით; მის მუშაობაში შეიძლება ჩაბმულ იქნენ პირები, რომლებიც არ არიან საჯარო მოსამსახურეები; ე) თუ სათათბირო ორგანოს თავმჯდომარე არ არის მოხელე, რომელიც შედის სამინისტროს ხელმძღვანელობაში, ან არ არის სამინისტროს სტრუქტურული ქვედანაყოფის ხელმძღვანელი, მინისტრი სამინისტროს ხელმძღვანელობიდან ან სამინისტროს სტრუქტურული ქვედანაყოფების ხელმძღვანელობიდან ნიშნავს ამ ორგანოს მუშაობისათვის პასუხისმგებელ პირს; ვ) სათათბირო ორგანოს საქმიანობასა და სხდომის ოქმების წარმოებას უზრუნველყოფს მინისტრის აპარატი; ზ) სათათბირო ორგანო უფლებამოსილია თავის წინაშე მდგომი ამოცანების შესასრულებლად სამინისტროს სისტემის ორგანოებიდან გამოითხოვოს საჭირო დოკუმენტები; თ) სათათბირო ორგანოს თავმჯდომარე ანგარიშვალდებულია მინისტრის წინაშე, თუ მოქმედი კანონმდებლობით სხვა რამ არ არის გათვალისწინებული.     მუხლი 5🔗 1. საქართველოს ფინანსთა მინისტრს ჰყავს პირველი მოადგილე და ხუთი მოადგილე. მინისტრის პირველ მოადგილეს და მოადგილეებს მინისტრის წარდგინებით, საქართველოს პრეზიდენტთან შეთანხმებით, თანამდებობაზე ნიშნავს და ათავისუფლებს საქართველოს პრემიერ-მინისტრი. 2. მინისტრის პირველი მოადგილისა და მოადგილეების უფლებამოსილებანი განისაზღვრება მინისტრის შესაბამისი ბრძანებით. 3. მინისტრის პირველი მოადგილე ხელმძღვანელობს სამინისტროს საქმიანობას და კოორდინაციას უწევს სამსახურების ურთიერთობას მინისტრის არყოფნისას. 4. მინისტრის ერთ-ერთი მოადგილე მინისტრის დავალებით ახორციელებს საპარლამენტო მდივნის ფუნქციას.     მუხლი 6🔗 1. გარდა ამ დებულების მე-5 მუხლით გათვალისწინებული თანამდებობის პირებისა, სამინისტროს თანამდებობის პირები არიან: ა) სამინისტროს სტრუქტურული ქვედანაყოფებისა და მათი შიდა სტრუქტურული ერთეულების ხელმძღვანელები და მათი მოადგილეები; ბ) სამინისტროს დაქვემდებარებულ სახელმწიფო საქვეუწყებო დაწესებულებათა და მათი შიდა სტრუქტურული ერთეულების ხელმძღვანელები და მათი მოადგილეები; გ) სამინისტროს ტერიტორიული ორგანოებისა და მათი შიდა სტრუქტურული ერთეულების ხელმძღვანელები და მათი მოადგილეები. 2. სამინისტროს სტრუქტურული ქვედანაყოფების ხელმძღვანელები უშუალოდ ექვემდებარებიან მინისტრს, მინისტრის პირველ მოადგილეს ან მინისტრის მოადგილეს. 3. სამინისტროს სტრუქტურული ქვედანაყოფის ხელმძღვანელი: ა) შიდა ქვედანაყოფების მიხედვით ანაწილებს მოვალეობებს მისდამი დაქვემდებარებული სტრუქტურული ქვედანაყოფის მოხელეებს შორის და აძლევს მათ მითითებებსა და განკარგულებებს; ბ) თვალყურს ადევნებს სამინისტროს სტრუქტურული ქვედანაყოფის მოხელეთა სამსახურებრივი მოვალეობების შესრულებას; გ) ხელს აწერს ან ვიზას ადებს სამინისტროს სტრუქტურულ ქვედანაყოფში მომზადებულ დოკუმენტებს; დ) ანგარიშვალდებულია სამინისტროს სტრუქტურული ქვედანაყოფის მუშაობისათვის; ე) წარმოადგენს სამინისტროს სტრუქტურულ ქვედანაყოფს საკუთარი მოვალეობის შესრულებისას და სტრუქტურული ქვედანაყოფის სახელით წარუდგენს დასკვნებს მინისტრის მოადგილეს, რომელიც მინისტრის ბრძანების შესაბამისად ხელმძღვანელობს ამ სტრუქტურულ ქვედანაყოფს; ვ) წარუდგენს სამინისტროს ხელმძღვანელობას წინადადებებს სამინისტროს სტრუქტურული ქვედანაყოფების სტრუქტურის, შტატების, მუშაობის ორგანიზაციის, სტრუქტურული ქვედანაყოფის მოხელეების წახალისების ან მათთვის დისციპლინური პასუხისმგებლობის დაკისრების შესახებ; ზ) შუამდგომლობს იმ სახსრების გამოყოფის თაობაზე, რომლებიც საჭიროა სამინისტროს სტრუქტურული ქვედანაყოფის ამოცანების შესასრულებლად; თ) ასრულებს ამ დებულებით, სამინისტროს სტრუქტურული ქვედანაყოფების დებულებით, მინისტრის და/ან უშუალო ხელმძღვანელის მიერ განსაზღვრულ ამოცანებს. თავი IV სამინისტროს სისტემა     მუხლი 7🔗 სამინისტროს სისტემაში შედის: ა) აფხაზეთის ავტონომიური რესპუბლიკის ფინანსთა სამინისტრო; ბ) აჭარის ავტონომიური რესპუბლიკის ფინანსთა სამინისტრო; გ) რაიონებისა და იმ ქალაქების საფინანსო ორგანოები, რომლებიც არ შედიან რაიონების შემადგენლობაში (ორმაგი დაქვემდებარებით). 2. სამინისტროს სისტემაში შემავალი სახელმწიფო საქვეუწყებო დაწესებულებებია: ა) გენერალური ინსპექცია; ბ) საბაჟო დეპარტამენტი; გ) საგადასახადო დეპარტამენტი; დ) სახაზინო სამსახური; ე) ფინანსების სამეცნიერო-კვლევითი ინსტიტუტი; ვ) ფინანსური პოლიცია; ზ) ძვირფასი ლითონებისა და ძვირფასი ქვების ზედამხედველობის დეპარტამენტი.     მუხლი 8🔗 სამინისტროს სტრუქტურული ქვედანაყოფებია: ა) ბუღალტრული აღრიცხვა-ანგარიშგების მეთოდოლოგიის სამსახური; ბ) გრანტების, ჰუმანიტარული და ტექნიკური დახმარების დეპარტამენტი; გ) ინფორმაციის დაცვის განყოფილება; დ) ინფორმატიკის სამსახური; ე) იურიდიული დეპარტამენტი; ვ) კადრების სამსახური; ზ) მატერიალურ-ტექნიკური უზრუნველყოფის სამსახური; თ) მინისტრის აპარატი; ი) მკაცრი აღრიცხვის დოკუმენტაციის, სათამაშო ბიზნესისა და ექსპერტიზა-უტილიზაციის დეპარტამენტი; კ) საბიუჯეტო დეპარტამენტი; ლ) საერთაშორისო ურთიერთობების დეპარტამენტი; მ) საზოგადოებასთან ურთიერთობისა და კომუნიკაციების სამსახური; ნ) სამინისტროს კანცელარია; ო) საფინანსო სამსახური; პ) საქართველოს ტერიტორიულ ერთეულებთან საფინანსო-საბიუჯეტო ურთიერთობების კოორდინაციის დეპარტამენტი; ჟ) სახელმწიფო საგარეო ვალის დეპარტამენტი; რ) სახელმწიფო ქონების ფინანსური მართვისა და არასაგადასახადო შემოსავლების აღრიცხვის დეპარტამენტი; ს) სახელმწიფო საშინაო ვალის დეპარტამენტი; ტ) ფინანსური პოლიტიკის დეპარტამენტი. თავი V სახელმწიფო საქვეუწყებო დაწესებულებები და ტერიტორიული ორგანოები     მუხლი 9🔗 1. საქართველოს ფინანსთა სამინისტროს გენერალური ინსპექცია არის საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულება, რომელიც დადგენილი წესით უზრუნველყოფს სამინისტროს სისტემის ორგანოებისა და მათი სტრუქტურული ქვედანაყოფების, აგრეთვე თანამდებობის პირთა მუშაობის კონტროლს, ხელმძღვანელობს მუშაობის ეფექტიანობის შემოწმებას. 2. ახორციელებს სამინისტროს სისტემის თანამდებობის პირთა და მოხელეთა მიერ დისციპლინისა და კანონიერების დაცვის კონტროლს, აწარმოებს სამსახურებრივი გადაცდომის ფაქტების სამსახურებრივ მოკვლევას, განიხილავს და ამზადებს შესაბამის დასკვნებს ამ ფაქტებთან დაკავშირებით შემოსული განცხადებებისა და ინფორმაციების შესახებ. 3. გენერალური ინსპექცია დაკისრებული ფუნქციების განხორციელების მიზნით, ფინანსთა მინისტრის ბრძანების საფუძველზე, კანონმდებლობით დადგენილი წესის შესაბამისად ახორციელებს ფინანსთა სამინისტროს ცენტრალური აპარატის სტრუქტურული ქვედანაყოფების, საქვეუწყებო დაწესებულებებისა და ტერიტორიული ორგანოების საქმიანობის შემოწმებას.     მუხლი 10🔗 1. საქართველოს ფინანსთა სამინისტროს საბაჟო დეპარტამენტი (შემდგომში – საბაჟო დეპარტამენტი) არის საქართველოს ფინანსთა სამინისტროს გამგებლობაში არსებული სამართალდაცვის სტატუსის მქონე სახელმწიფო საქვეუწყებო დაწესებულება, რომელიც შექმნილია საბაჟო სფეროში სახელმწიფოებრივი ამოცანებისა და საჯარო ფუნქციების განსახორციელებლად. 2. საბაჟო დეპარტამენტი მოქმედი კანონმდებლობის საფუძველზე, საკუთარი კომპეტენციის ფარგლებში: ა) ორგანიზებას უწევს საქართველოს საბაჟო საზღვარზე საქონლისა და სატრანსპორტო საშუალებების გადაადგილებისას საბაჟო რეჟიმების ეფექტიან გამოყენებას; ბ) ახორციელებს საბაჟო ორგანოების მართვას, კოორდინაციასა და ზედამხედველობას; გ) საბაჟო კანონმდებლობის გამოყენებასთან დაკავშირებით გამოსცემს მითითებებს, რომელთა შესრულება სავალდებულოა საბაჟო ორგანოებისათვის; დ) ორგანიზებას უწევს საბაჟო გადასახდელების აკრეფას და სახელმწიფო ბიუჯეტში მათ დროულ და სრულ შეტანას; ე) ორგანიზებას უწევს საბაჟო კონტროლის განხორციელებას, შეიმუშავებს წინადადებებს მისი სრულყოფისათვის; ვ) საქართველოს კანონმდებლობით დადგენილი წესით ახორციელებს სამეწარმეო საქმიანობის ლიცენზიებისა და ნებართვების გაცემას, მათში ცვლილებების შეტანას, მათი მოქმედების შეჩერებას, განახლებას ან გაუქმებას; ზ) ახორციელებს საბაჟო სფეროში ადმინისტრაციულ სამართალდარღვევათა საქმეების განხილვას; თ) ორგანიზებას უწევს საქართველოს საბაჟო საზღვარზე ცალკეული სახის საქონლისა და სატრანსპორტო საშუალებების, სტრატეგიული და საქართველოს ინტერესებისათვის სხვა სასიცოცხლო მნიშვნელობის მასალების, კულტურული ფასეულობების გადაადგილების წესის დაცვას, აგრეთვე აკონტროლებს დაქვემდებარებული მიწოდების ფორმის გამოყენებას; ი) მონაწილეობს სახელმწიფო უშიშროების, ადამიანის სიცოცხლისა და ჯანმრთელობის, ცხოველებისა და მცენარეების, გარემოს დაცვის ღონისძიებებში; კ) ორგანიზებას უწევს საქონლის კლასიფიცირებას და საგარეო-ეკონომიკური საქმიანობის სასაქონლო ნომენკლატურის გამოყენებას; ლ) აწარმოებს საგარეო ვაჭრობის საბაჟო სტატისტიკას და სპეციალურ საბაჟო სტატისტიკას დადგენილი წესით; მ) მონაწილეობს საბაჟო საქმის მარეგულირებელი საკანომდებლო და სხვა ნორმატიული აქტების პროექტების მომზადებაში; ნ) ასრულებს საქართველოს კანონმდებლობით მისთვის დაკისრებულ სხვა ამოცანებს. 3. საბაჟო დეპარტამენტი დაკისრებულ ფუნქციებს ახორციელებს ცენტრალური აპარატისა და ტერიტორიული ორგანოების მეშვეობით.     მუხლი 11🔗 1. ფინანსთა სამინისტროს საგადასახადო დეპარტამენტი (შემდგომში – საგადასახადო დეპარტამენტი) არის ფინანსთა სამინისტროს სახელმწიფო საქვეუწყებო დაწესებულება, რომელიც წარმოადგენს ერთიან ცენტრალიზებულ სისტემას და შედგება ცენტრალური აპარატისა და საგადასახადო ინსპექციებისაგან. 2. დეპარტამენტი კანონმდებლობით მინიჭებული უფლებამოსილების ფარგლებში საგადასახადო ორგანოების მეშვეობით უზრუნველყოფს საგადასახადო კანონმდებლობის დაცვისა და შესრულების კონტროლს. 3. საგადასახადო დეპარტამენტი თავისი კომპეტენციის ფარგლებში: ა) ორგანიზებას უწევს საქართველოს საგადასახადო კოდექსით განსაზღვრული გადასახადების და მის კომპეტენციას მიკუთვნებულ სხვა გადასახადების აკრეფასა და შესაბამისი დონის ბიუჯეტსა და სახელმწიფო ფონდებში მათ დროულ და სრულ შეტანას; ბ) შეიმუშავებს საქართველოს საგადასახადო კოდექსით განსაზღვრული ინსტრუქციების პროექტებს, მეთოდურ მითითებებსა და გადასახადების ადმინისტრირებასთან დაკავშირებულ დებულებათა პროექტებს; გ) მოქმედი კანონმდებლობის საფუძველზე საგადასახადო კანონმდებლობის გამოყენებასთან დაკავშირებით გამოსცემს მითითებებს, რომელთა შესრულებაც სავალდებულოა საგადასახადო ორგანოებისათვის; დ) მონაწილეობს საგადასახადო კანონპროექტების მომზადებასა და განხილვაში, აანალიზებს საგადასახადო კანონმდებლობაში შეტანილ ცვლილებათა ეფექტიანობას; ე) შეიმუშავებს საგადასახადო კონტროლის განხორციელების მეთოდებსა და პროგრამებს; ვ) ახორციელებს აქციზური და სპეციალური მარკების სრულყოფილად დანერგვის სტრატეგიის შემუშავებას, მისი განხორციელების ორგანიზებას, მარკების შემოღებასთან, გავრცელებასა და დანერგვასთან დაკავშირებული შედეგების ანალიზს და პროგნოზირებას, აქციზური მარკების აღრიცხვას, გაცემასა და გამოყენების კონტროლს; ზ) შეიმუშავებს პროგრამებს გადამხდელთა რეგისტრაციისა და იდენტიფიკაციის შესახებ; თ) ახორციელებს ინდივიდუალური საწარმოების სახელმწიფო რეგისტრაციას და უზრუნველყოფს მათი სამეწარმეო რეესტრის წარმოებას; ი) აწარმოებს გადასახადის გადამხდელთა რეესტრს; კ) გადასახადის გადამხდელებს ანიჭებს საიდენტიფიკაციო ნომრებს და გასცემს სარეგისტრაციო ფორმებს; ლ) შეიმუშავებს გადამხდელთა დახმარების პროგრამებს, დეკლარაციების შევსებისა და დამუშავების მეთოდებს; მ) იღებს და ამუშავებს ინფორმაციას საგადასახადო შემოსავლების შესახებ; ნ) იხილავს გადამხდელთა შუამდგომლობებსა და აპელაციებს; ო) მონაწილეობს სასამართლო პროცესებში, მათ შორის საგადასახადო ორგანოების გადაწყვეტილებებზე გადამხდელთა აპელაციის განხილვაში; პ) ახორციელებს გადამხდელთა საგადასახადო კონტროლს; ჟ) კომპეტენციის ფარგლებში ახორციელებს აქციზური საქონლის მონიტორინგს; რ) კომპეტენციის ფარგლებში ახორციელებს გადასახადის გადამხდელის ქონების დაყადაღებისა და დაყადაღებული ქონების სპეციალიზებულ ღია აუქციონზე რეალიზაციის საკითხებს; ს) აწარმოებს მოსახლეობასთან ფულადი ანგარიშსწორებისათვის დასაშვები საკონტროლო-სალარო აპარატების მოდელების სახელმწიფო რეესტრსა და რეგისტრაციას; ტ) ცენტრალური აპარატის მეშვეობით უზრუნველყოფს საგადასახადო ორგანოთა კოორდინირებულ მოქმედებებს და ახორციელებს მათი საქმიანობის ოპერატიულ კონტროლს; უ) ახორციელებს კანონმდებლობით მინიჭებულ სხვა უფლებამოსილებებს.     მუხლი 12🔗 1. საქართველოს ფინანსთა სამინისტროს სახაზინო სამსახური (შემდგომში – სახელმწიფო ხაზინა) არის საქართველოს ფინანსთა სამინისტროს სახელმწიფო საქვეუწყებო დაწესებულება, რომელიც უზრუნველყოფს: ა) სახელმწიფო ბიუჯეტის ხარჯვითი ნაწილის აღსრულებას, სახელმწიფო, აფხაზეთისა და აჭარის ავტონომიური რესპუბლიკებისა და საქართველოს სხვა ტერიტორიული ერთეულების ბიუჯეტების შემოსულობათა აღრიცხვას, ანგარიშგებასა და ანგარიშსწორებას; ბ) ფინანსთა მინისტრის მიერ დამტკიცებული ხარჯების განწერის საფუძველზე დაფინანსების გეგმის გაშლას მხარჯავ დაწესებულებათა მიერ ხაზინაში წარმოდგენილი განაწილების მიხედვით; გ) მხარჯავ დაწესებულებათა ვალდებულებების რეგისტრაციას დადგენილი წესის მიხედვით, საბიუჯეტო ორგანიზაციის მიერ რეგისტრირებული საბიუჯეტო ვალდებულებების დამოწმების შესაბამისად გადახდას დადგენილი წესის მიხედვით; დ) შესაბამისი საგადასახადო, საბაჟო ორგანოს ან ხელისუფლების სხვა ორგანოს მიერ მიღებული გადაწყვეტილებების საფუძველზე ზედმეტად ან შეცდომით გადახდილი ბიუჯეტის შემოსულობის დაბრუნებას, აღრიცხვასა და ანგარიშგებას. 2. სახელმწიფო ხაზინა მხარჯავი დაწესებულებებიდან იღებს ბიუჯეტის შესრულების ბალანსს. 3. ხაზინა მისთვის დაკისრებულ ფუნქციებს ახორციელებს ხაზინის ცენტრალურ აპარატში შემავალი დეპარტამენტების, ქ. ფოთისა და რეგიონალური ხაზინების მეშვეობით, რომელთა დებულებას ამტკიცებს ფინანსთა მინისტრი.     მუხლი 13🔗 ფინანსების სამეცნიერო-კვლევითი ინსტიტუტი არის ფინანსთა სამინისტროს სახელმწიფო საქვეუწყებო დაწესებულება, რომელიც უზრუნველყოფს საფინანსო სისტემის პერსპექტიული განვითარების მეცნიერული კონცეფციებისა და პროგრამების შემუშავებას, საბიუჯეტო, საგადასახადო და საბაჟო სფეროს სრულყოფისათვის რეკომენდაციების მომზადებას, აღრიცხვისა და აუდიტის, ფინანსური ანალიზისა და სტატისტიკის აქტუალურ პრობლემებზე სამეცნიერო-კვლევითი სამუშაოების შესრულებასა და პრაქტიკული რეკომენდაციების შემუშავებას, სამეცნიერო კადრების მომზადებას, ფინანსური მეცნიერების თეორიული და პრაქტიკული მიღწევების პრაქტიკაში დანერგვის ღონისძიებათა განხორციელებას.     მუხლი 14🔗 1. საქართველოს ფინანსთა სამინისტროს ფინანსური პოლიცია (შემდგომში – პოლიცია) არის საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულება – სპეციალური სამართალდაცვის ორგანო, რომელიც არსებული კანონმდებლობის შესაბამისად ახორციელებს ეკონომიკური დანაშაულის სფეროში პრევენციულ, ოპერატიულ-საძიებო საქმიანობას, მოკვლევასა და წინასწარ გამოძიებას, აგრეთვე კანონმდებლობით მის კომპეტენციას მიკუთვნებულ სხვა ფუნქციებს. 2. ფინანსური პოლიცია თავისი კომპეტენციის ფარგლებში, მოქმედი კანონმდებლობის საფუძველზე ახორციელებს ეკონომიკურ დანაშაულობათა სფეროში პრევენციულ საქმიანობას,მოკვლევასა და წინასწარ გამოძიებას; საფინანსო-ეკონომიკურ სფეროში ადმინისტრაციულ სამართალდრღვევათა პრევენციასა და გამოვლენას; საქართველოს ფინანსთა სამინისტროს სისტემის საქმიანობის უსაფრთხოებისა და სამსახურებრივი მოვალეობების შესრულების პროცესში ამ ორგანოთა თანამშრომლების მართლსაწინააღმდეგო ხელყოფისაგან დაცვის უზრუნველყოფას; საფინანსო-ეკონომიკურ სფეროში სამოხელეო დანაშაულისა და კორუფციულ გარიგებათა პრევენციას, აღკვეთასა და გამოვლენას; კომპეტენციის ფარგლებში ინფორმაციის მოპოვებას, გადამუშავებასა და ანალიზს. 3. ახორციელებს ფინანსური პოლიციის უფლებამოსილი მოხელეებისათვის სამსახურებრივ-საშტატო, სამხედრო-საბრძოლო იარაღისა და საბრძოლო მასალის გადაცემისა და შენახვის კონტროლს; აწარმოებს შესაბამის შიდასაუწყებო რეესტრს.     მუხლი 15🔗 ძვირფასი ლითონებისა და ძვირფასი ქვების ზედამხედველობის დეპარტამენტი არის ფინანსთა სამინისტროს სახელმწიფო საქვეუწყებო დაწესებულება, რომლის ამოცანებია: ა) „ძვირფასი ლითონებისა და ძვირფასი ქვების კონტროლის, ანალიზისა და დადამღვის შესახებ“ საქართველოს კანონის საფუძველზე, ფინანსთა სამინისტროსათვის მინიჭებული უფლებებისა და მოვალეობების ფარგლებში, ძვირფასი ლითონებისა და ძვირფასი ქვების ერთიანი სახელმწიფო სასინჯი ზედამხედველობა; ბ) ძვირფასი ლითონებისა და ძვირფასი ქვების გამოყენებით დამზადებული ნაწარმის დასინჯვა, ძვირფასი ლითონების შემცველობის ანალიზი, ძვირფასი ქვების მახასიათებლების განსაზღვრა და ძვირფასი ლითონების ნაწარმის დადამღვა საქართველოში მოქმედი სინჯების დამადასტურებელი სახელმწიფო დამღებით; ძვირფასი ლითონების შემცველობის დადგენის მიზნით საარბიტრო ანალიზის, ძვირფასი ლითონების შემცველობის დადგენის, ძვირფასი ქვების იდენტიფიკაციისა და მახასიათებლების განსაზღვრის მიზნით ტექნიკური ექსპერტიზის განხორციელება; სასინჯი რეაქტივებისა და ქვების დამზადება იმ ფიზიკური და იურიდიული პირებისათვის, რომლებიც ეწევიან ძვირფას ლითონებთან დაკავშირებულ საქმიანობას; ლაბორატორიულ პირობებში ძვირფასი ლითონების დნობა და აფინაჟი; სინჯის აღმნიშვნელი სახელმწიფო და სახელობითი დამღის ანაბეჭდის ექსპერტიზა; სახელობითი დამღის შიფრისა და დამზადების წლის ლიტერის მინიჭება და რეგისტრაცია; ძვირფას ლითონებთან, ძვირფას ქვებთან და ნაწარმთან დაკავშირებული საქმიანობისას ძვირფასი ლითონების, ძვირფასი ქვების ნაწარმის აღრიცხვის, შენახვისა და ხარჯვის კონტროლი.     მუხლი 16🔗 1. სამინისტროს ტერიტორიული ორგანოები იქმნება, მათი ფუნქციები, უფლებამოსილებანი და სამოქმედო ტერიტორიების დადგენის წესი განისაზღვრება მოქმედი კანონმდებლობით. 2. სამინისტროს ტერიტორიული ორგანოს დებულებას ამტკიცებს მინისტრი. 3. რაიონებისა და იმ ქალაქების საფინანსო ორგანოები, რომლებიც არ შედიან რაიონის შემადგენლობაში, ექვემდებარებიან საქართველოს ფინანსთა სამინისტროსა და მმართველობის შესაბამის აღმასრულებელ ორგანოებს და ფინანსდებიან საქართველოს კანონმდებლობით დადგენილი წესით. თავი VI სტრუქტურული ქვედანაყოფის ძირითადი ამოცანები და კომპეტენცია     მუხლი 17🔗 1. სამინისტროს სტრუქტურულ ქვედანაყოფს, გარდა კანონით გათვალისწინებული შემთხვევებისა, არ გააჩნია აღმასრულებელი ხელისუფლების განხორციელების უფლებამოსილება იმ პირების მიმართ, რომლებიც არ არიან სამინისტროს მოხელეები. 2. სამინისტროს სტრუქტურული ქვედანაყოფის ამოცანები, ხელმძღვანელობა, მის შემადგენლობაში არსებული შიდა სტრუქტურული ერთეულები და მათი ძირითადი ამოცანები, თანამდებობათა ნუსხა, ქვემდებარეობა და შენაცვლების წესი განისაზღვრება შესაბამისად ამ დებულებით, სამინისტროს საშტატო ნუსხით, აგრეთვე სამინისტროს სტრუქტურული ქვედანაყოფის დებულებით, რომელსაც ამტკიცებს მინისტრი. 3. სამინისტროს სტრუქტურული ქვედანაყოფი შეიძლება დაიყოს სამმართველოებად, განყოფილებებად.     მუხლი 18🔗 ბუღალტრული აღრიცხვა-ანგარიშგების მეთოდოლოგიის სამსახური მოქმედი კანონმდებლობის შესაბამისად შეიმუშავებს ბუღალტრული აღრიცხვისა და ანგარიშგების საერთო მეთოდოლოგიას; ამზადებს დებულებებს, ინსტრუქციებს, მეთოდურ მითითებებს; შეიმუშავებს პირველადი სააღრიცხვო დოკუმენტების, მათ შორის მკაცრი აღრიცხვის დოკუმენტების ტიპობრივ ფორმებს; ახორციელებს სამინისტროების, სხვა მხარჯავი დაწესებულებებისა და საჯარო სამართლის იურიდიული პირების აღრიცხვა-ანგარიშგებისადმი მეთოდოლოგიურ ხელმძღვანელობას და მონიტორინგს; შეიმუშავებს ბუღალტრული აღრიცხვის ანგარიშგების ფორმებს, ნორმებსა და წესებს.     მუხლი 19🔗 გრანტების, ჰუმანიტარული და ტექნიკური დახმარების დეპარტამენტის ძირითადი ამოცანებია: ა) სახელმწიფოს მიერ მიღებული გრანტებისა და ტექნიკური დახმარების აღრიცხვა და რეესტრის წარმოება; ბ) გრანტებითა და ჰუმანიტარული დახმარებით იმპორტირებული საქონლის აღრიცხვა და გამოყენების მონიტორინგი; გ) საზღვარგარეთის ქვეყნების ტექნიკური დახმარებით იმპორტირებული საქონლის აღრიცხვა და გამოყენების მონიტორინგი; დ) საზღვარგარეთის ქვეყნების ტექნიკური დახმარების პროექტების განხორციელების კოორდინაცია; ე) ჰუმანიტარული დახმარების პროექტების განხორციელების კოორდინაცია.     მუხლი 20🔗 ინფორმაციის დაცვის განყოფილების ფუნქციაა საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასთან და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა; ფინანსთა სამინისტროს სისტემაში შემავალი საქვეუწყებო დაწესებულებების (გარდა ფინანსური პოლიციისა) სამსახურებრივი საშტატო, სამხედრო-საბრძოლო იარაღითა და საბრძოლო მასალით მომარაგება, კანონმდებლობით დადგენილი წესით შესაბამისი პირებისათვის მათი ცენტრალიზებული გაცემა და აღრიცხვა, სამინისტროს სისტემაში არსებული იარაღისა და საბრძოლო მასალების გამო საერთო პასუხისმგებლობა და კონტროლი; სამინისტროს სისტემის (გარდა ფინანსური პოლიციისა) უფლებამოსილი საჯარო მოსამსახურის იარაღის ტარების უფლების დამადასტურებელი მოწმობების გაცემა; იარაღის ტარების უფლების მქონე ფინანსთა სამინისტროს სისტემის თანამდებობის პირთა ერთიანი რეესტრის წარმოება.     მუხლი 21🔗 ინფორმატიკის სამსახურის ძირითადი ფუნქციებია: ა) სამინისტროს ერთიანი კომპიუტერული საინფორმაციო ბაზის შექმნა და მომსახურება; ბ) სამინისტროს ლოკალური კომპიუტერული ქსელის მომსახურება; გ) ფინანსთა სამინისტროში არსებული კომპიუტერების პროგრამული უზრუნველყოფის ინსტალაცია; დ) ქვეყნის სახელმწიფო ფინანსების მაჩვენებლების ფაქტობრივი მდგომარეობის ამსახველი სტატისტიკურ-საინფორმაციო კრებულების შედგენა-გამოცემის სამუშაოებში მონაწილეობა; ე) სამინისტროს ვებგვერდის ადმინისტრირება; ვ) თავისი კომპეტენციის ფარგლებში ბიუჯეტის მართვის საინფორმაციო სისტემის შემუშავებისა და დანერგვის კოორდინაცია.     მუხლი 22🔗 იურიდიული დეპარტამენტის ძირითადი ფუნქციებია: ა) სამინისტროს მიერ შემუშავებული ან სახელმწიფო ხელისუფლების ორგანოების მიერ წარმოდგენილი ნორმატიული აქტების პროექტებზე სამართლებრივი დასკვნების მომზადება; ბ) იურიდიული კონსულტაციების გაწევა სამინისტროს ცენტრალური აპარატისა და სამინისტროს სისტემის ორგანოებისათვის; გ) საფინანსო კანონმდებლობის ანალიზი მისი შემდგომი სრულყოფის მიზნით; დ) სამინისტროს სისტემის ორგანოების იურიდიული სამსახურების მუშაობის კოორდინაცია; ე) კანონმდებლობით დადგენილი წესით სამინისტროს წარმომადგენლობის უზრუნველყოფა სასამართლოში; ვ) საქართველოს პრეზიდენტის ადმინისტრაციასთან, მთავრობასთან და სხვა სახელმწიფო ორგანოებთან ურთიერთობის კოორდინაცია; ზ) მინისტრის მოადგილის – საპარლამენტო მდივნის კანონმდებლობით მინიჭებული უფლებამოსილებების განხორციელების ხელშეწყობა.     მუხლი 23🔗 კადრების სამსახური, ფინანსთა სამინისტროსა და სამინისტროს სისტემის დაწესებულებების (ორგანოების) საკადრო რესურსების ცენტრალიზებულად მართვის მიზნით, კანონმდებლობით დადგენილი წესით უზრუნველყოფს: ა) ვაკანტურ თანამდებობათა დასაკავებლად კონკურსის ორგანიზებასა და გამართვას; ბ) საჯარო მოსამსახურეთა ატესტაციების ორგანიზებასა და ჩატარებას; გ) საკადრო რესურსების მართვის (მიღება, გათავისუფლება, დაწინაურება და სხვ.) პერიოდულ ანალიზსა და შესაბამისი სტატისტიკის შექმნას; დ) საჯარო მოსამსახურეთა პირადი საქმეების წარმოებას, ჩანაწერების შეტანას მოხელეთა შრომის წიგნაკებში; ე) საჯარო მოსამსახურეებისათვის კონსულტაციების გაწევას მათი სამართლებრივი მდგომარეობის, შეზღუდვებისა და სამსახურის გავლასთან დაკავშირებულ სხვა საკითხებზე; ვ) საჯარო მოსამსახურეთა გადამზადებასა და კვალიფიკაციის ამაღლებას; ზ) სახელმწიფო სპეციალურ წოდებათა მინიჭების მიზნით მასალების მომზადებას; თ) სამინისტროს სისტემის თანამდებობის პირთა მიერ, მოქმედი კანონმდებლობის შესაბამისად, ქონებრივი მდგომარეობისა და საფინანსო დეკლარაციის და სხვა მოსამსახურეთა მიერ შემოსავლებისა და ქონებრივი მდგომარეობის დეკლარაციებისა და შესაბამის ორგანოებში ჩაბარების ორგანიზებასა და გაკონტროლებას; ი) თავისი კომპეტენციის ფარგლებში საქართველოს ფინანსთა მინისტრის ნორმატიული და ინდივიდუალური ხასიათის აქტების მომზადებას; კ) კანონმდებლობით მინიჭებული სხვა უფლებამოსილებების განხორციელებას.     მუხლი 24🔗 მატერიალურ-ტექნიკური უზრუნველყოფის სამსახურის ამოცანაა სამინისტროს დეპარტამენტებისა და მათი შიდა ერთეულებისათვის საჭირო მატერიალურ-ტექნიკური პირობების შექმნა, კაპიტალური მშენებლობის, სარემონტო-სამშენებლო სამუშაოთა ორგანიზება კანონმდებლობით დადგენილი წესით, აგრეთვე სახელმწიფო შესყიდვების ორგანიზება მოქმედი კანონმდებლობის შესაბამისად.     მუხლი 25🔗 მინისტრის აპარატის ძირითადი ამოცანებია მინისტრის საქმიანობის ორგანიზაციული და ადმინისტრაციული უზრუნველყოფა; ფინანსთა სამინისტროს ცენტრალური აპარატის სტრუქტურული ქვედანაყოფების, საქვეუწყებო დაწესებულებებისა და სხვა ორგანოების საქმიანობის კოორდინაციაში მონაწილეობის მიღება; სამინისტროში შემოსულ საკონტროლო დავალებათა შესრულების კონტროლი; მინისტრის დავალებებისა და ბრძანებების შესრულების კონტროლი; მინისტრის სათათბირო ორგანოების სხდომების ორგანიზაცია; პროტოკოლის წარმოება; მინისტრის რეზოლუციების პროექტების მომზადება; სამინისტროს კომპეტენციას მიკუთვნებულ სხვადასხვა საკითხებზე მუშაობა.     მუხლი 26🔗 მკაცრი აღრიცხვის დოკუმენტაციის, სათამაშო ბიზნესისა და ექსპერტიზა-უტილიზაციის დეპარტამენტის ძირითადი ამოცანებია: მკაცრი აღრიცხვის ბლანკების ბეჭდვის, შენახვისა და გამოყენების საკითხთა მართვა, დამტკიცება (შეთანხმება) და კანონმდებლობით დადგენილი წესით შესაბამისი ლიცენზიის გაცემა, შეჩერება, განახლება და გაუქმება, აგრეთვე ცვლილებების შეტანა; კანონმდებლობით დადგენილი წესით ლიცენზიის მფლობელის მიერ სალიცენზიო პირობების შესრულების კონტროლი; მკაცრი აღრიცხვის ბლანკების (ფორმების) ბეჭდვის, შენახვისა და გამოყენების შესახებ ნორმატიული აქტების მომზადება, მათი სახისა და ნუსხის განსაზღვრა-დამტკიცების უზრუნველყოფა (შეთანხმება) და კანონმდებლობით გათვალისწინებულ შემთხვევებში პოლიგრაფიული შესრულების უზრუნველყოფა; საქართველოს ტერიტორიაზე ლატარიების, აზარტული და სხვა მომგებიანი თამაშების სახელმწიფოებრივი რეგულირება; კანონმდებლობით დადგენილი წესით ლატარიების, აზარტული და სხვა მომგებიანი თამაშების თითოეულ სახეობაზე ნებართვის გაცემა, ლიცენზიის/ნებართვის მოქმედების შეჩერება, ცვლილების შეტანა, განახლება და გაუქმება, კანონით დადგენილი წესით ლიცენზიის/ნებართვის მფლობელის მიერ სალიცენზიო/სანებართვო პირობების შესრულების კონტროლი; აგრეთვე ამ სფეროში საკანონმდებლო და ნორმატიული აქტების პროექტების შემუშავება; ლატარიის ბილეთების, ტოტალიზატორისა და სხვა მომგებიან თამაშობაში მონაწილეობის დამადასტურებელი დოკუმენტების (ნივთის) ლეგალიზაცია, განაღდებული და გაუქმებული ფასიანი ქაღალდების, ლატარიის ბილეთების, ტოტალიზატორისა და სხვა მომგებიან თამაშობაში მონაწილეობის დამადასტურებელი დოკუმენტების (ნივთის), ღირებულების მქონე და მკაცრი აღრიცხვის ბლანკების (ფორმების, დოკუმენტების) ექსპერტიზა და უტილიზაცია.     მუხლი 27🔗 საბიუჯეტო დეპარტამენტის ძირითადი ამოცანებია: ა) ძირითადი მონაცემებისა და მიმართულებების დოკუმენტების შემუშავებაში მონაწილეობის მიღება და საშუალოვადიანი საბიუჯეტო პოლიტიკის განსაზღვრის მიზნით წინადადებების, ანალიზური მასალებისა და საპროგნოზო გაანგარიშების მომზადება; ბ) საბიუჯეტო პროცესის მარეგულირებელი საკანონმდებლო და ნორმატიული აქტების პროექტების მომზადება; გ) წლიური სახელმწიფო ბიუჯეტის შესახებ საქართველოს კანონის პროექტის მომზადება და ამ მიზნით საჭირო სამუშაოების ორგანიზება და შესრულება, ამ კანონის ამოქმედებისათვის საჭირო საკანონმდებლო და ნორმატიული აქტების პროექტის მომზადება; დ) დასაგეგმი წლის დაწყებამდე წლიური საბიუჯეტო კანონის მიუღებლობის შემთხვევაში „საქართველოს საბიუჯეტო სისტემის შესახებ“ საქართველოს კანონის შესაბამისად, მხარჯავი დაწესებულებებისა და სპეციალური სახელმწიფო ფონდებისათვის გასაცემი თანხების შესახებ წინადადებათა მომზადება; ე) წლიური სახელმწიფო ბიუჯეტის კანონში „საქართველოს საბიუჯეტო სისტემის შესახებ“ საქართველოს კანონით განსაზღვრულ შემთხვევებში ცვლილებების შეტანის თაობაზე საქართველოს კანონის პროექტის მომზადება და ამ მიზნით სამუშაოთა ორგანიზება და შესრულება; ვ) წლიური სახელმწიფო ბიუჯეტის კანონის მიხედვით განსაზღვრული წლიური ასიგნებების ფარგლებში ამ ასიგნებების კვარტალური გაწერის პროექტის მომზადება და მინისტრის ბრძანების მიხედვით თითოეული მხარჯავი დაწესებულებისათვის მიწოდება; ზ) მინისტრის მიერ დადგენილი წესის თანახმად მხარჯავი დაწესებულებებისათვის ან სპეციალური სახელმწიფო ფონდისათვის გამოყოფილი ასიგნებების მთლიანი ოდენობიდან თანხების ერთ ან მეტ ასიგნებაზე დანაწილების შესახებ წინადადების მომზადება; თ) „საქართველოს საბიუჯეტო სისტემის შესახებ“ საქართველოს კანონის 28-ე მუხლის მიხედვით განსაზღვრულ შემთხვევაში საგანგებო ბიუჯეტის პროექტის მომზადება და ამ მიზნით საჭირო სამუშაოების ორგანიზება და შესრულება; ი) საქართველოს ფინანსთა სამინისტროს სხვა სტრუქტურულ ერთეულებთან ერთად საბიუჯეტო კლასიფიკაციის შემუშავებაში მონაწილეობის მიღება და შესაბამისი ნორმატიული აქტების პროექტის მომზადება; კ) სახელმწიფო ხაზინასთან ერთად ყოველთვიური ოპერატიული ფინანსური გეგმის პროექტის მომზადება; ლ) საქართველოს ფინანსთა სამინისტროს ინსტრუქციების მიხედვით სამინისტროს სხვა სტრუქტურულ ერთეულებთან ერთად სახელმწიფო ბიუჯეტის ყოველკვარტალური და წლიური შესრულების ანგარიშისა და ანგარიშების პროექტის მომზადება.     მუხლი 28🔗 საერთაშორისო ურთიერთობების დეპარტამენტის ძირითადი ამოცანებია: თავისი კომპეტენციის ფარგლებში საერთაშორისო შეთანხმებების, მათ შორის საგადასახადო და საბაჟო სფეროებში მომზადება, მოლაპარაკების გამართვის ორგანიზება, სამინისტროს სტრუქტურული ერთეულების ურთიერთობის უზრუნველყოფა საზღვარგარეთის სახელმწიფო დაწესებულებებთან და საერთაშორისო ორგანიზაციებთან, საერთაშორისო ორგანიზაციებში საქართველოს საწევრო შენატანების დაგეგმვასა და აღრიცხვაში მონაწილეობის მიღება, საერთაშორისო ხელშეკრულებებსა და კონვენციებზე დასკვნების მომზადების კოორდინაცია, საერთაშორისო აქტებთან საქართველოს შეერთებისა და რატიფიკაციის თაობაზე წინადადებათა შემუშავება, სამთავრობათაშორისო ეკონომიკური თანამშრომლობის კომისიების სხდომებისათვის სამინისტროს კომპეტენციას მიკუთვნებული საკითხების მომზადების კოორდინაცია, საბაჟო და საგადასახადო სფეროებში არსებულ საერთაშორისო ორგანიზაციებთან თანამშრომლობის ორგანიზება.     მუხლი 29🔗 საზოგადოებასთან ურთიერთობისა და კომუნიკაციების სამსახური უზრუნველყოფს: ა) სამინისტროს საქმიანობის გამჭვირვალობასა და დემოკრატიზაციას; ბ) ფინანსთა სამინისტროს საქვეუწყებო სტრუქტურების საზოგადოებასთან ურთიერთობის სამსახურების კოორდინირებულ საქმიანობას; გ) მასობრივი საინფორმაციო საშუალებებით ფინანსთა სამინისტროს როლისა და მნიშვნელობის განმარტებას სახელმწიფო პოლიტიკის, მისი პრიორიტეტების, ეკონომიკური რეფორმების პროცესებში; დ) სამინისტროში მიმდინარე პროცესებთან დაკავშირებული ოფიციალური შეტყობინებების, განცხადებებისა და სხვა საინფორმაციო მასალების მომზადებასა და მასობრივი საინფორმაციო საშუალებებისათვის მიწოდებას; ე) სამინისტროს მიერ ორგანიზებული ღონისძიებების, მიღებული გადაწყვეტილებების შესახებ მედია და PR კამპანიის დაგეგმვასა და განხორციელებას; ვ) საჯარო ინფორმაციის ხელმისაწვდომობის უზრუნველყოფას.     მუხლი 30🔗 სამინისტროს კანცელარიის ძირითადი ამოცანებია: ა) სამინისტროს სისტემაში საქმისწარმოების ორგანიზება; ბ) სამინისტროს სისტემაში საქმისწარმოებისათვის პასუხისმგებელი თანამშრომლებისა და სტრუქტურული ქვედანაყოფების საქმიანობის კოორდინაცია და მეთოდური ხელმძღვანელობა; გ) სამინისტროს სათათბირო საბჭოს საქმიანობის ორგანიზება; დ) საარქივო საქმიანობის წარმართვა; ე) მოქალაქეთა მიღების კოორდინაცია და ორგანიზაციული უზრუნველყოფა.     მუხლი 31🔗 საფინანსო სამსახურის ძირითადი ამოცანებია: ა) ფინანსთა სამინისტროს ცენტრალური აპარატისა და სისტემის ორგანიზაციათა ბიუჯეტის პროექტის შედგენა და ფინანსთა სამინისტროს საბიუჯეტო დეპარტამენტში წარდგენა; ბ) წლიური საბიუჯეტო კანონით ფინანსთა სამინისტროს სისტემის ორგანიზაციათა ამოცანებისა და ფუნქციების შესრულების მიზნით გამოყოფილი ფულადი სახსრების მართვა; გ) ფინანსთა სამინისტროს ცენტრალური აპარატისა და სამინისტროს სისტემის ნაერთი ბალანსის შედგენა; დ) წლიური და კვარტალური სტატისტიკური ანგარიშების შედგენა მათი დანიშნულებისამებრ დროული წარდგენის მიზნით.     მუხლი 32🔗 საქართველოს ტერიტორიულ ერთეულებთან საფინანსო-საბიუჯეტო ურთიერთობების კოორდინაციის დეპარტამენტის ძირითადი ფუნქციებია: ა) აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების საბიუჯეტო პოლიტიკის ძირითადი დებულებებისა და მათი შემდგომი სრულყოფის თაობაზე წინადადებათა შემუშავება; ბ) აფხაზეთისა და აჭარის ავტონომიური რესპუბლიკების ხელისუფლების, აგრეთვე ადგილობრივი თვითმმართველობისა და მმართველობის ორგანოებისადმი საფინანსო-საბიუჯეტო საქმიანობის სფეროში მეთოდური ხელმძღვანელობა და პრაქტიკული დახმარების გაწევა; გ) აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ბიუჯეტების შესრულების ანგარიშგების შედგენისა და წარდგენის წესის, ვადებისა და ფორმების შემუშავება; დ) აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ნაერთი ბიუჯეტების შემოსავლებისა და ხარჯების ყოველთვიური, ყოველკვარტალური და ყოველწლიური აღრიცხვა და ანგარიშგების შედგენა; ე) სახელმწიფო გადასახადებიდან აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ბიუჯეტებში ანარიცხების გრძელვადიანი ეკონომიკური ნორმატივების შესახებ და გადასაცემი ტრანსფერების თაობაზე წინადადებებისა და სათანადო ნორმატიული აქტების მომზადება, შემუშავება.     მუხლი 33🔗 სახელმწიფო საგარეო ვალის დეპარტამენტის ფუნქციებია: ა) საქართველოს სახელმწიფო საგარეო ვალის, კერძოდ, პირდაპირი და გარანტირებული საგარეო ვალის საპროგნოზო ზღვრული მოცულობის განსაზღვრა საქართველოს სახელმწიფო ბიუჯეტში ასახვის მიზნით; მონაწილეობის მიღება ბიუჯეტის დეფიციტის ზღვრული ოდენობის შევსების წყაროების განსაზღვრაში სახელმწიფო ვალის ფორმირების ხარჯზე; ბ) საგარეო წყაროებიდან სახელმწიფოს მიერ მისაღები სასესხო რესურსების მოცულობის განსაზღვრა და დაგეგმვა; გ) საგარეო კრედიტებისათვის, მათ შორის რესტრუქტურირებული კრედიტებისათვის, ვალის მომსახურების ხარჯების მოცულობის განსაზღვრა და დაგეგმვა; დ) საგარეო კრედიტებზე გაცემული სახელმწიფო გარანტიების ძალაში შესვლის შემთხვევისათვის საჭირო საგარანტიო თანხის მოცულობის შეფასება და დაგეგმვა; ე) საერთაშორისო ორგანიზაციებსა და საკრედიტო-საფინანსო დაწესებულებებში საქართველოს სააქციო/საპაიო შესატანების, ასევე აქციონერობიდან/მეპაიეობიდან გამომდინარე ფინანსურ ვალდებულებათა აღრიცხვა და დაგეგმვა; ვ) საგარეო ფინანსური რესურსებიდან სახელმწიფოს მიერ აღებული კრედიტებისა და საქართველოს ეკონომიკური აგენტების მიერ აღებულ კრედიტებზე გაცემული სახელმწიფო გარანტიების აღრიცხვა; ზ) სახელმწიფო საგარეო პირდაპირი და პირობითი ვალის რეესტრის წარმოება; თ) სახელმწიფო საგარეო ვალების რესტრუქტურიზაციის შესახებ წინადადებების მომზადება; ი) საერთაშორისო საფინანსო ორგანიზაციებისა და ქვეყნების ან მათი წარმომადგენლების ფინანსური მხარდაჭერით დასაფინანსებელი საინვესტიციო პროექტების განხორციელების ფინანსური მონიტორინგი; კ) საერთაშორისო საფინანსო ორგანიზაციებისა და ქვეყნების ან მათი წარმომადგენლების ფინანსური მხარდაჭერით განსახორციელებელი პროექტების დასაფინანსებლად საკრედიტო ხელშეკრულებების მომზადების, მოლაპარაკების გამართვის, ხელშეკრულების ხელმოწერისა და კანონმდებლობით გათვალისწინებულ სხვა მოქმედებათა კოორდინაცია; ლ) საინვესტიციო პროექტების დასაფინანსებლად საგარეო წყაროებიდან მისაღები და სახელმწიფო ბიუჯეტიდან თანადაფინანსების სახით გასაცემი თანხების განსაზღვრა და დაგეგმვა ამ მიზნით სახელმწიფო ბიუჯეტის შესახებ კანონით განსაზღვრული პარამეტრის ფარგლებში; მ) საგარეო წყაროებიდან დაფინანსებული საინვესტიციო პროექტების აღრიცხვა და მონაცემთა ბაზის შემუშავება; ნ) სახელმწიფო საგარეო კრედიტებიდან მიღებული სესხებით ან საგარეო კრედიტებზე გაცემული სახელმწიფო გარანტიებით მოსარგებლე საქართველოს ეკონომიკური აგენტების მიერ ფინანსთა სამინისტროსთან გაფორმებული ხელშეკრულებებით გათვალისწინებულ ვალდებულებათა შესრულების მონიტორინგი; ო) „საგადასახადო დავალიანებების და სახელმწიფო სესხების რესტრუქტურიზაციის შესახებ“ საქართველოს კანონის შესაბამისად სახელმწიფოს საგარეო კრედიტებიდან გაცემული სესხებისა და სახელმწიფო გარანტიით გაცემული კრედიტების დაუბრუნებლობით წარმოქმნილი დავალიანების რესტრუქტურირების პროცესში მონაწილეობა.     მუხლი 34🔗 სახელმწიფო ქონების ფინანსური მართვისა და არასაგადასახადო შემოსავლების აღრიცხვის დეპარტამენტის ძირითადი ფუნქციებია: ა) სახელმწიფო ქონების მართვის პროცესში მაქსიმალური ფინანსური შედეგების მიღწევის უზრუნველსაყოფად წინადადებების მომზადება და მონაწილეობის მიღება მათ რეალიზაციაში; ბ) არასაგადასახადო შემოსავლების პროგნოზირება; არასაგადასახადო შემოსავლების წლიური გეგმის, თვეებისა და კვარტალების მიხედვით განწერის შესახებ შესაბამისი წინადადებებისა და პროექტების მომზადება; არასაგადასახადო შემოსავლების დამტკიცებული გეგმის შესრულების მიმდინარეობის ანალიზი და გეგმის შესრულების ყოველთვიური, ყოველკვარტარული და წლიური ანგარიშების მომზადება; გ) სახელმწიფო შიდა და საგარეო საკრედიტო რესურსების ხარჯზე გაცემული სესხების ერთიანი რეესტრის წარმოება; სახელმწიფოს შიდა რესურსების ხარჯზე გაცემული სესხის მართვა და სასესხო ვალდებულებათა შესრულების მიზნით სესხით მოსარგებლე საწარმოთა მიმართ სათანადო ღონისძიებების განხორციელება; დ) „საგადასახადო დავალიანებების და სახელმწიფო სესხების რესტრუქტურიზაციის შესახებ“ საქართველოს კანონის შესაბამისად, ვადაგადაცილებულ საგადასახადო დავალიანებათა რესტრუქტურიზაციის თაობაზე წინადადებების შემუშავება და ხელშეკრულების პირობების შესრულებაზე რესტრუქტურიზაციის რეჟიმში მომუშავე საწარმოების ფინანსური მონიტორინგი; ე) „საგადასახადო დავალიანებების და სახელმწიფო სესხების რესტრუქტურიზაციის შესახებ“ საქართველოს კანონის შესაბამისად, სახელმწიფო შიდა რესურსებიდან გაცემული სესხების (სასესხო დავალიანებების) რესტრუქტურიზაციის, უიმედოდ აღიარებულ სასესხო დავალიანებათა ოდენობის დაზუსტების, სასესხო დავალიანებათა გარკვეული ოდენობის პატიების,  სასესხო დავალიანებათა მესამე პირისათვის გადაკისრების, სასესხო დავალიანებათა მოთხოვნის უფლების სხვა იურიდიული პირისათვის დათმობის თაობაზე წინადადებების მომზადება და მიღებულ გადაწყვეტილებათა შესაბამისად გაფორმებული ხელშეკრულებების პირობების შესრულების კონტროლი; ვ) „გაკოტრების საქმეთა წარმოების შესახებ“ საქართვ ელოს კანონის შესაბამისად, სასესხო დავალიანებათა მქონე სახელმწიფო სესხებით მოსარგებლე საწარმოთა მიმართ გაკოტრების საქმის გახსნის თაობაზე წინადადებების მომზადება; სასესხო დავალიანებების მქონე საწარმოთა მიმართ დაწყებული გაკოტრებისა და რეაბილიტაციის პროცესებში მონაწილეობა; ზ) სახელმწიფოს წილობრივი მონაწილეობით მოქმედი საწარმოების მიერ მიღებული წმინდა მოგების გამოყენების თაობაზე წარმოდგენილი წინადადებებისა და დოკუმენტების განხილვა, წმინდა მოგების განაწილების შესახებ წინადადებების მომზადება.     მუხლი 35🔗 სახელმწიფო საშინაო ვალის დეპარტამენტის ფუნქციებია: ა) საქართველოს სახელმწიფო საშინაო ვალის საპროგნოზო ზღვრული მოცულობის განსაზღვრა საქართველოს სახელმწიფო ბიუჯეტში ასახვის მიზნით; მონაწილეობის მიღება ბიუჯეტის დეფიციტის ზღვრული ოდენობის შევსების წყაროების განსაზღვრაში სახელმწიფო ვალის ფორმირების ხარჯზე; ბ) საშინაო წყაროებიდან სახელმწიფოს მიერ მისაღები სასესხო რესურსების მოცულობის განსაზღვრა და დაგეგმვა; გ) სახელმწიფო საშინაო ვალის ფორმირების, მათ შორის სახელმწიფო საშინაო ვალად აღიარებასთან დაკავშირებული ურთიერთპრეტენზიების საკითხთა განხილვაში მონაწილეობის მიღება; დ) სახელმწიფო საშინაო პირდაპირი და პირობითი ვალის რეესტრის წარმოება; ე) სახელმწიფო საშინაო ვალების რესტრუქტურიზაციის შესახებ წინადადებათა მომზადება; ვ) სხვადასხვავადიანი სახელმწიფო სასესხო ვალდებულებების (სახელმწიფო ფასიანი ქაღალდების) გამოშვების, მიმოქცევისა და დაფარვის ძირითადი პირობების შემუშავებაში მონაწილეობის მიღება.     მუხლი 36🔗 ფინანსური პოლიტიკის დეპარტამენტის ძირითადი ამოცანებია: ა) სახელმწიფო ბიუჯეტის ძირითადი მიმართულებებისა და მაჩვენებლების შემუშავებისათვის ქვეყნის ეკონომიკური პოლიტიკის განვითარების ძირითადი მაკროეკონომიკური და საბიუჯეტო მაჩვენებლების ანალიზი; ძირითადი მაკროეკონომიკური და საბიუჯეტო მაჩვენებლების, უპირატესად საბიუჯეტო შემოსავლების პროგნოზული გაანგარიშებების განხორციელება; ბ) ბიუჯეტის საშემოსავლო ნაწილის პარამეტრების წლიური გეგმების თვეებისა და კვარტალების მიხედვით განწერის შესახებ წინადადებებისა და შესაბამისი პროექტების მომზადება, მათ შორის რეგიონალურ (ტერიტორიულ) ჭრილში; გ) დამტკიცებული გეგმის შესრულების მიმდინარეობის ყოველთვიური და ყოველკვარტალური ანალიზი; მის საფუძველზე საჭიროების შემთხვევაში საბიუჯეტო შემოსავლების ყოველთვიური განწერის კორექტირების შესახებ წინადადებებისა და შესაბამისი პროექტის მომზადება; დ) კონსოლიდირებული ბიუჯეტის საშემოსავლო ნაწილის ყოველთვიური ანალიზი; შესაბამისი ანგარიშების მომზადება და საკანონმდებლო და ადმინისტრაციულ ღონისძიებათა შესახებ წინადადებების წარდგენა; ე) წლიური სახელმწიფო ბიუჯეტის შესრულების შესახებ ანგარიშის მომზადებაში მონაწილეობა; ვ) საგადასახადო კანონმდებლობის სრულყოფის მიზნით საგადასახადო და საბაჟო პოლიტიკის გრძელვადიან მიმართულებათა შემუშავება და შესაბამისი ნორმატიული აქტების პროექტების მომზადება; ზ) მოქმედი საგადასახადო-საბაჟო კანონმდებლობის საერთაშორისო სტანდარტებთან და მეზობელი ქვეყნების კანონმდებლობასთან ჰარმონიზაციის მიზნით წინადადებების მომზადება; თ) ქვეყანაში არსებული საინვესტიციო გარემოს გაუმჯობესებისათვის კონკრეტული წინადადებების მომზადება; ი) მოსაკრებლის, ლიცენზირებისა და სერტიფიცირების სფეროში ერთიანი კომპლექსური საკანონმდებლო აქტების პაკეტის შემუშავება და სრულყოფა; კ) ეკონომიკის ცალკეული დარგების მიხედვით განვითარების სტრატეგიის შემოთავაზებული პროექტების ფინანსური ანალიზი და რეკომენდაციების მომზადება; ლ) კანონმდებლობის მიხედვით საბიუჯეტო პროცესის სხვადასხვა ფუნქციის განხორციელებაში მონაწილეობა; მ) სახელმწიფო ფინანსების სტატისტიკის საერთაშორისო სტანდარტებთან შესაბამისობის უზრუნველყოფის სამუშაოთა კოორდინაცია; ნ) ქვეყნის ეკონომიკის ფინანსური განვითარების ამსახველი მაჩვენებლების შესახებ სათანადო ანალიზური მასალებისა და ინფორმაციის მომზადება; ო) სახელმწიფო საფინანსო სტატისტიკის სამუშაოთა ორგანიზება და მონაცემთა გავრცელება ქვეყანაში მიღებული სტატისტიკური მეთოდოლოგიით და საერთაშორისო სავალუტო ფონდისა და სხვა საერთაშორისო ორგანიზაციების რეკომენდაციების გათვალისწინებით; პ) საგადასახადო და საბაჟო ორგანოების მიერ მინისტრისა და სამინისტროს დავალებათა შესრულების პროცესისა და ინფორმაციის გაცვლის კოორდინაცია და ხელშეწყობა.