საქართველოს სპორტის სახელმწიფო დეპარტამენტის დებულების შესახებ

საქართველოს სპორტის სახელმწიფო დეპარტამენტის დებულების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:"SPLiteraturuly MT";} @font-face {font-family:SPLiteraturuly;} @font-face {font-family:SPGrotesk;} @font-face {font-family:Geo_dumM;} @font-face {font-family:"BPG Nino Mkhedruli";} @font-face {font-family:SPAcademi;} @font-face {font-family:SPDumbadze;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; font-family:"Times New Roman","serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; font-size:12.0pt; font-family:"Times New Roman","serif";} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:12.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin:0in; margin-bottom:.0001pt; font-size:11.0pt; font-family:"Sylfaen","serif";} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin:0in; margin-bottom:.0001pt; font-size:12.0pt; font-family:"Sylfaen","serif";} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:12.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin:0in; margin-bottom:.0001pt; font-size:12.0pt; font-family:"Arial","sans-serif";} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:12.0pt; font-family:"Arial","sans-serif";} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen {mso-style-name:"Style cxrili_xml + Sylfaen"; mso-style-link:"Style cxrili_xml + Sylfaen Char"; margin:0in; margin-bottom:.0001pt; font-size:10.0pt; font-family:"Sylfaen","serif";} span.StylecxrilixmlSylfaenChar {mso-style-name:"Style cxrili_xml + Sylfaen Char"; mso-style-link:"Style cxrili_xml + Sylfaen"; font-family:"Sylfaen","serif";} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; text-align:justify; text-indent:14.15pt; font-size:9.0pt; font-family:"Sylfaen","serif";} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:right; font-size:12.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin:0in; margin-bottom:.0001pt; text-align:justify; text-indent:14.15pt; font-size:10.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.gazette, li.gazette, div.gazette {mso-style-name:gazette; margin:0in; margin-bottom:.0001pt; text-align:justify; text-indent:.5in; font-size:11.0pt; font-family:"BPG Nino Mkhedruli";} p.muxligazette, li.muxligazette, div.muxligazette {mso-style-name:muxli_gazette; margin:0in; margin-bottom:.0001pt; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} p.tavigazette, li.tavigazette, div.tavigazette {mso-style-name:tavi_gazette; margin:0in; margin-bottom:.0001pt; text-align:center; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} p.Normal, li.Normal, div.Normal {mso-style-name:"\[Normal\]"; margin:0in; margin-bottom:.0001pt; text-autospace:none; font-size:12.0pt; font-family:"Arial","sans-serif";} /* Page Definitions */ @page Section1 {size:8.5in 11.0in; margin:1.0in 63.0pt 35.95pt 63.0pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს პრეზიდენტის ბრძანებულება №366 1998 წლის 7 ივნისი ქ. თბილისი საქართველოს სპორტის სახელმწიფო დეპარტამენტის დებულების შესახებ 1. დამტკიცდეს საქართველოს სპორტის სახელმწიფო დეპარტამენტის თანდართული დებულება. 2. ძალადაკარგულად ჩაითვალოს "საქართველოს რესპუბლიკის სპორტის დეპარტამენტის დებულების შესახებ" საქართველოს რესპუბლიკის მინისტრთა კაბინეტის 1995 წლის 27 თებერვლის №111 დადგენილება. ე. შევარდნაძე  საქართველოს სპორტის სახელმწიფო დეპარტამენტის დ ე ბ უ ლ ე ბ ა I. ზოგადი დებულებანი  1. საქართველოს სპორტის სახელმწიფო დეპარტამენტი (შემდგომში – დეპარტამენტი) არის კანონით განსაზღვრული საქართველოს აღმასრულებელ ხელისუფლებაში დამოუკიდებლად მოქმედი სამთავრობო დაწესებულება, რომელიც ახორციელებს მმართველობით ფუნქციებს, სახელმწიფო ზედამხედველობას და კანონით განსაზღვრულ შემთხვევებში იყენებს სახელმწიფოებრივ იძულებას. დეპარტამენტის იურიდიული მისამართია: 380062 ქ.თბილისი, ი.ჭავჭავაძის გამზირი №49​ა . 2. დეპარტამენტს აქვს დასრულებული ბალანსი და ანგარიშსწორების ანგარიშები ბანკში, ხარჯთა ნუსხა, ბეჭედი სახელმწიფო გერბის გამოსახულებით და დეპარტამენტის სახელწოდების აღნიშვნით. 3. მისთვის დაკისრებულ ამოცანებს დეპარტამენტი ახორციელებს დაქვემდებარებული საწარმოების, ორგანიზაციების, ავტონომიურ რესპუბლიკათა სპორტის სახელმწიფო დეპარტამენტების, სპორტის სამხარეო, რაიონული, საქალაქო სამსახურების, საწარმოებისა და ორგანიზაციების სპორტული ქვედანაყოფების სამსახურების (მიუხედავად მათი უწყებრივი დაქვემდებარებისა), სახელმწიფო საქვეუწყებო დაწესებულებებისა და მათთან ერთად საზოგადოებრივი ორგანიზაციების მეშვეობით, რომლებიც მთლიანობაში წარმოადგენენ საქართველოს ფიზიკური აღზრდისა და სპორტის ერთიან სისტემას. 4. დეპარტამენტის დაფინანსება ხდება სახელმწიფო ბიუჯეტის ხარჯზე. ასიგნებათა ყოველწლიურ ოდენობას განსაზღვრავს საქართველოს პარლამენტი სახელმწიფო ბიუჯეტის შესახებ კანონის შესაბამისად. II. დეპარტამენტის ამოცანები და ძირითადი ფუნქციები დეპარტამენტის ძირითადი ამოცანებია: 1. ფიზიკური აღზრდისა და სპორტის სფეროში ერთიანი სახელმწიფო პოლიტიკის გატარება, დარგის განვითარების ძირითადი მიმართულებების შემუშავება და განხორციელება; 2. საქართველოს მოსახლეობის გაჯანსაღებისა და სპორტის განვითარების სახელმწიფო პროგრამის შემუშავება; 3. სპორტის სახეობების ლიცენზირება; 4. ფიზიკური აღზრდისა და სპორტის დარგის არასახელმწიფოებრივი ორგანოებისა და საზოგადოებრივი ორგანიზაციების ფორმირების ხელშეწყობა; 5. ფიზიკური აღზრდისა და სპორტის სფეროს ერთიანი სოციალურ-ეკონომიკური, სამეცნიერო-ტექნიკური განვითარების სტრატეგიის შემუშავება და პრიორიტეტულ მიმართულებათა განსაზღვრა, გრძელვადიანი პროგნოზის საფუძველზე მათზე რეაგირებისათვის საჭირო წინაპირობების დასახვა და მათი განხორციელებისათვის ხელშეწყობა; 6. ფიზიკური აღზრდისა და სპორტის სპეციფიკისათვის დამახასიათებელი სამუშაოებისა და მომსახურების მოთხოვნილებათა შესწავლა; 7. სპორტული პროფილის საწარმოებისა და ობიექტების ტექნიკური განახლების, რეკონსტრუქციის, გაფართოებისა და ახლის მშენებლობის პროექტების შემუშავების ორგანიზაციისათვის ხელშეწყობა; 8. სახელმწიფო სპორტულ ნაგებობათა ეფექტიანი გამოყენების კონტროლი; 9. სპორტის დაფინანსების სახელმწიფო ნორმების შემუშავება; 10. დარგის ინტერესებიდან გამომდინარე საზღვარგარეთის ქვეყნებთან სპორტის, მეცნიერების და სხვა სფეროებში თანამშრომლობის პრიორიტეტულ მიმართულებათა განსაზღვრა და მათი განხორციელებისათვის ხელშეწყობა; 11. ფიზიკური აღზრდისა და სპორტის განვითარების ერთიანი სახელმწიფო პოლიტიკის მოკლე- და გრძელვადიანი პერიოდისათვის მაკროეკონომიკური პროგნოზების შემუშავება, მათი განხორციელებისათვის საჭირო ღონისძიებების დასახვა; 12. სპორტულ-გამაჯანსაღებელი მუშაობისა და სპორტსმენთა მომზადების ორგანიზაციული და მეთოდური ხელმძღვანელობა; 13. ფიზიკური აღზრდისა და სპორტის მეცნიერული კვლევის განვითარების უზრუნველყოფა, ამ დარგში მოწინავე გამოცდილებისა და მეცნიერების მიღწევების განზოგადება, მათი პრაქტიკაში დანერგვისათვის ხელშეწყობა; 14. ფიზიკური აღზრდისა და სპორტის დარგში მოსახლეობის მომსახურების გაუმჯობესების უზრუნველსაყოფად მეცნიერულად დასაბუთებული ნორმატივებისა და რეკომენდაციების შემუშავება; 15. საქართველოს რეგიონებში ფიზიკური აღზრდისა და სპორტის განვითარების მიზნით პერსპექტიული გეგმების შემუშავებაში მონაწილეობა; 16. საქართველოს სახელმწიფო და არასახელმწიფო სპორტულ ორგანიზაციებთან, საქართველოს ეროვნულ ოლიმპიურ კომიტეტსა და საქართველოს სპორტის არაოლიმპიურ სახეობათა ეროვნულ კომიტეტთან თანამშრომლობა; 17. ქვეყნის მასობრივ-გამაჯანსაღებელი და სპორტული ღონისძიებების ერთიანი კალენდარული გეგმის შემუშავება და დამტკიცება; 18. მასობრივ-გამაჯანსაღებელი და სპორტული ღონისძიებების გამართვის კონტროლი, ფედერაციებთან, კავშირებთან, ასოციაციებთან, ნებაყოფლობით სპორტულ საზოგადოებებთან ერთად ქვეყნის მასშტაბით შეჯიბრებების, სასწავლო-საწვრთნელი შეკრებების მოწყობა; ქვეყნის ტერიტორიაზე საზღვარგარეთიდან მოწვეულ სპორტსმენთა მონაწილეობით შეჯიბრებებისათვის ხელშეწყობა; 19. სპორტის ეროვნული სახეობების ყოველმხრივი განვითარებისათვის ხელშეწყობა; 20. დაინტერესებულ სამინისტროებთან, უწყებებთან და საზოგადოებრივ ორგანიზაციებთან ერთად სპორტული რეზერვების მომზადების უზრუნველყოფა; სპორტული სკოლების (მიუხედავად მათი უწყებრივი დაქვემდებარებისა) განვითარებისა და გაფართოების კოორდინაცია; თავისი კომპეტენციის ფარგლებში სასწავლო-საწვრთნელი პროცესის ორგანიზაციული საკითხების კონტროლი; 21. ფიზიკური აღზრდისა და სპორტის დარგში გამოცდილების განზოგადებისა და გავრცელების უზრუნველყოფა; 22. დადგენილი წესის მიხედვით საქართველოს პრეზიდენტისათვის სახელმწიფო ჯილდოებისა და საპატიო წოდებების მისანიჭებად მასალების წარდგენა; თავისი კომპეტენციის ფარგლებში სპორტულ შეჯიბრებებში გამარჯვებული, გამოჩენილი სპორტსმენებისათვის, ფიზიკური აღზრდისა და სპორტის მუშაკების, სპორტული მეცნიერების წარმომადგენლებისათვის სპორტული წოდებების მინიჭება, მათი სპორტული ნიშნებით, სიგელებით, დიპლომებით, პრიზებითა და ფულადი პრემიებით დაჯილდოება; პროფესიული და მოყვარული სპორტული კლუბებისა და ორგანიზაციებისათვის სტატუსის განსაზღვრა; 23. თავისი კომპეტენციის ფარგლებში საქართველოში სპორტული ინვენტარისა და საქონლის წარმოების საქმისათვის ხელშეწყობა, მათი ხარისხის გაუმჯობესება და ასორტიმენტის განახლება; 24. სპორტულ მოწყობილობათა და ნაკეთობათა ტექნიკური პროექტის ექსპერტიზაში მონაწილეობა და მათი სერიულ წარმოებაში დანერგვისათვის ხელშეწყობა; 25. ფიზიკური აღზრდისა და სპორტის განვითარებისათვის საჭირო სპორტული ნაგებობების ტექნიკური ნორმებისა და ნორმატივების დაცვის, მშენებლობის, კაპიტალური შეკეთების, ინვენტარიზაციის საკითხების კოორდინაცია; სპორტული ნაგებობების ექსპლუატაციის წესების განსაზღვრა, რომელთა შესრულებაც სავალდებულოა როგორც სპორტული ორგანიზაციებისათვის, ისე ქვეყნის საწარმოებისა და ორგანიზაციების სპორტული ბაზებისა და ნაგებობებისათვის, მიუხედავად მათი უწყებრივი დაქვემდებარებისა. 26. ეკონომიკის სამინისტროსთან შეთანხმებით დარგში უცხოური ინვესტიციების მოზიდვის ღონისძიებების შემუშავება და მათი რეალიზაციისათვის ხელშეწყობა; 27. განათლებისა და ჯანმრთელობის დაცვის ორგანოებთან ერთად სპორტული და სპორტულ-გამაჯანსაღებელი პროფილის სპეციალისტების სახელმწიფოს მოთხოვნილებების დადგენა-შესწავლა, მათი მომზადების უზრუნველყოფა დეპარტამენტის სისტემის სასწავლებლებში; 28. დადგენილი წესით ფიზიკური აღზრდისა და სპორტის სპეციალისტთა კვალიფიკაციის ამაღლება, გადამზადება, უცხოეთში მივლინება, მათი ატესტაცია, პროფესიული დონის განსაზღვრა და სხვ.; 29. ფიზიკური აღზრდისა და სპორტის პროპაგანდა; 30. დარგის განვითარების ერთიანი ნორმატიული აქტების, დებულებების, წესდებების შემუშავება და დამტკიცება მოქმედი კანონმდებლობის შესაბამისად, რომელთა შესრულებაც სავალდებულოა სისტემის ყველა სტრუქტურული დანაყოფის, საწარმოს, დაწესებულების, ფედერაციის, სპორტული საზოგადოებისათვის, კლუბისა და სხვა ორგანიზაციებისათვის; 31. საზღვარგარეთის ქვეყნებთან სპორტის სფეროში ურთიერთობის სტრატეგიული მიმართულებების განსაზღვრა; სისტემის საწარმო-ორგანიზაციებისათვის პარტნიორების შერჩევასა და საქმიანი ურთიერთობის დამყარებაში დახმარება; 32. ადგილობრივი მმართველობის ორგანოების სტრუქტურებში შემავალი სპორტული ქვედანაყოფების საქმიანობის მეთოდური ხელმძღვანელობის უზრუნველყოფა; 33. დაქვემდებარებულ საწარმოებსა და ორგანიზაციებში აღრიცხვა-ანგარიშების სათანადო დონის უზრუნველყოფა; მათგან წლიური და კვარტალური საბუღალტრო ანგარიშების მიღება, გაანალიზება და მათი დარგის მართვის განსახორციელებლად გამოყენება; მიუხედავად უწყებრივი დაქვემდებარებისა საწარმოებისა და ორგანიზაციებისაგან ფიზიკური აღზრდისა და სპორტის განვითარების სტატისტიკური ანგარიშების მიღება და მათი ანალიზი; 34. სპორტსმენებისათვის ფიზიკური აღზრდისა და სპორტის სფეროში სპეციალისტად მუშაობისათვის შესაბამის ფედერაციებთან ერთად ცენზის დადგენა; 35. შესაბამის უწყებებთან შეთანხმებით ფიზიკური აღზრდისა და სპორტის დარგში სოციალურ-ეკონომიკური, ფინანსური ნორმებისა და ნორმატივების, სპორტული ნაგებობების მშენებლობის ნორმების, მათი ექსპლუატაციის წესის დადგენა, მოვარჯიშეთა და მაყურებელთა უსაფრთხოების ნორმების განსაზღვრა, სპორტულ ნაგებობებზე აუცილებელი სპორტული ინვენტარისა და მოწყობილობის ნუსხისა და მათი ექსპლუატაციის ვადების დამტკიცება; 36. ერთიანი სპორტული კლასიფიკაციის შემუშავება და დამტკიცება; სამეცნიერო, სასწავლო, პოპულარული სპორტული ლიტერატურის გამოცემის ორგანიზაცია; 37. განათლებისა და ჯანმრთელობის დაცვის ორგანიზაციებთან, მეცნიერებათა აკადემიის ინსტიტუტებთან ერთად სპორტის განვითარების სახელმწიფო პროგრამის შესრულების მეცნიერული უზრუნველყოფა; 38. დაინტერესებულ ორგანიზაციებთან ერთად სპორტში აკრძალული ხერხებისა და მასტიმულირებელი საშუალებების გამოყენების წინააღმდეგ ბრძოლა. III. დეპარტამენტის უფლება-მოვალეობანი  დეპარტამენტს უფლება აქვს: 1. ფიზიკური აღზრდისა და სპორტის სფეროში ხელი შეუწყოს და კონტროლი გაუწიოს საკანონმდებლო და სხვა ნორმატიული აქტების შესრულებას; 2. მონაწილეობა მიიღოს სპორტული პროფილის საზოგადოებრივ გაერთიანებათა უფლებების დაცვასა და მათი საწესდებო ამოცანების შესრულების პირობების უზრუნველყოფაში, სპორტის სფეროში ერთიანი სახელმწიფო პოლიტიკის გასატარებლად თავისი კომპეტენციის ფარგლებში; სპორტული ფედერაციების, საზოგადოებების, ასოციაციების, კლუბების, კავშირებისა და სხვა სპორტულ-გამაჯანსაღებელი გაერთიანებების საქმიანობის კოორდინაცია და საერთო ხელმძღვანელობა; 3. პერიოდულად განაზოგადოს სპორტული გაერთიანებების მუშაობის პრაქტიკა, შეიმუშაოს რეკომენდაციები მათი საქმიანობის გაუმჯობესების უზრუნველსაყოფად; 4. ეროვნული სპორტული ფედერაციის მიერ სპორტის სფეროში სახელმწიფო პოლიტიკის ძირითადი პრინციპების შეუსრულებლობისა და კანონმდებლობის უხეში დარღვევის შემთხვევაში მარეგისტრირებელ ორგანოებთან ერთად შეაჩეროს ამ ორგანიზაციების ხელმძღვანელთა ფუნქციები საგანგებო ყრილობის მოწვევამდე; 5. თავისი კომპეტენციის ფარგლებში აწარმოოს მოლაპარაკება, გააფორმოს ხელშეკრულებები როგორც საქართველოს, ისე საზღვარგარეთის ქვეყნების ფიზიკურ და იურიდიულ პირებთან; 6. საქართველოს განათლების სამინისტროსთან ერთად შეიმუშაოს ყველა ტიპის სასწავლო დაწესებულებებისათვის (მიუხედავად უწყებრივი დაქვემდებარებისა) სპორტის ერთიან სასწავლო პროგრამაში შესატანი ნორმატივები; 7. მოახდინოს სკოლისგარეშე გამაჯანსაღებელი და სპორტული ორგანიზაციების საქმიანობის კოორდინაცია; 8. საქართველოს თავდაცვის სამინისტროსთან, შინაგან საქმეთა სამინისტროსა და სახელმწიფო უშიშროების სამინისტროსთან, სახელმწიფო დაცვის სპეციალურ სამსახურთან, სახელმწიფო საზღვრის დაცვის სახელმწიფო დეპარტამენტსა და დაზვერვის სახელმწიფო დეპარტამენტთან ერთად განიხილოს პირადი შემადგენლობის სპორტული მომზადებისათვის საჭირო ფორმები და მეთოდები; 9. უმაღლესი კვალიფიკაციის სპორტსმენთა მოსამზადებლად შექმნას სპორტული სპეციალიზებული დაწესებულებები, რომელთა სტრუქტურა და სტატუსიც განისაზღვრება ეროვნულ ფედერაციებთან ერთად; 10. მაღალი კვალიფიკაციის სპორტსმენთა მომზადების მიზნით გააფორმოს ხელშეკრულებები სპორტულ ორგანიზაციებთან და ფედერაციებთან; 11. მოქმედი კანონმდებლობის შესაბამისად ხელი შეუწყოს სისტემის საწარმოებისა და ორგანიზაციების, ასოციაციების, ფედერაციების, კავშირების, ნებაყოფლობითი სპორტული საზოგადოებების სამეურნეო-ეკონომიკურ და კომერციულ საქმიანობას უცხოეთის ფირმებთან პარტნიორობაში, მათი მონაწილეობით საწარმოების, კონცერნების, საშუამავლო ორგანიზაციების შექმნაში; 12. დადგენილი წესით შექმნას სახაზინო საწარმოები, ორგანიზაციები; საქართველოს იუსტიციის სამინისტროსთან ერთად განიხილოს ასოციაციების, კავშირების, ფედერაციების შექმნის, რეორგანიზაციის ან ლიკვიდაციის საკითხები; 13. მიიღოს ინფორმაცია სამინისტროებისაგან, უწყებებისა და საზოგადოებრივი ორგანიზაციებისაგან სახელმწიფო დეპარტამენტის კომპეტენციას მიკუთვნებულ საკითხებზე; 14. თავისი კომპეტენციის ფარგლებში შეისწავლოს სამინისტროების, უწყებების, სასწავლებლების, სპორტული საზოგადოებების, საწარმოებისა და ორგანიზაციების მუშაობა და მათ წარმომადგენლებთან ერთად განიხილოს საკითხები საბჭოს სხდომებზე; 15. სახელშეკრულებო საფუძველზე ჩააბას ორგანიზაციები, სასწავლებლები, სამეცნიერო-კვლევითი ინსტიტუტები და ცალკეული სპეციალისტები ფიზიკური აღზრდისა და სპორტის სფეროში არსებულ პრობლემათა კვლევაში; 16. ფედერაციებთან ერთად შეიმუშაოს სპორტსმენების, მწვრთნელების, ფიზიკური აღზრდისა და სპორტის სპეციალისტების საზღვარგარეთ სამუშაოდ, საკონსულტაციოდ ან სპორტულ ღონისძიებებში მონაწილეობის მისაღებად გამგზავრების ან მოწვევის პირობები; დაადგინოს სათანადო კვოტები, ასაკობრივი ცენზი (ფედერაციებთან ერთად) და სათანადო კონტრაქტში საქართველოს კანონმდებლობით გასათვალისწინებელი ნორმები, რომელთა დაცვაც სავალდებულოა ყველა სპორტული და სხვა ორგანიზაციისათვის, განურჩევლად მათი უწყებრივი დაქვემდებარებისა; 17. არსებული კანონმდებლობის შესაბამისად გამოიყენოს სახელმწიფო ქონების ფლობის სარგებლობისა და განკარგვის უფლებები; 18. შესაბამისი საზოგადოებრივი სპორტული ორგანიზაციების წინადადებათა გათვალისწინებით გაანაწილოს სახელმწიფო სახსრები სპორტის სფეროში და შეამოწმოს მათი მიზნობრივი ხარჯვა; 19. სპორტის შესახებ საქართველოს კანონის მე-6 თავის 23-ე პუნქტის შესაბამისად წარადგინოს წინადადებები საქართველოს ფინანსთა სამინისტროში სპორტული საქმიანობისათვის სახელმწიფო ბიუჯეტიდან გამოყოფილი სახსრების განაწილების შესახებ; 20. გააკონტროლოს სახელმწიფო ბიუჯეტიდან ეროვნული ნაკრები გუნდების მოსამზადებლად და საქართველოს სპორტული დელეგაციების ოლიმპიურ თამაშებში, მსოფლიოსა და ევროპის ჩემპიონატებში, მსოფლიო უნივერსიადებსა და სხვა საერთაშორისო კომპლექსურ ღონისძიებებში მონაწილეობისა და ამ ღონისძიებებში გამარჯვებულთა და პრიზიორთა დასაჯილდოებლად გამოყოფილი სახსრების განაწილება; 21. დადგენილი წესით მოამზადოს წინადადებები სპორტული ობიექტის პრივატიზების შესახებ და წარუდგინოს ისინი საქართველოს სახელმწიფო ქონების მართვის სამინისტროს; 22. სპორტის შესახებ საქართველოს კანონის მე-6 თავის 24-ე მუხლის მე-4 პუნქტის შესაბამისად გასცეს სპორტული ბაზის ფუნქციის შეცვლის ან მისი გაუქმების ნებართვა სანაცვლო და ტოლფასოვანი ობიექტის საექსპლუატაციოდ გადაცემის შემდეგ; 23. დადგენილი წესით შექმნას სახელმწიფო საქვეუწყებო დაწესებულებები, მოახდინოს მათი რეორგანიზაცია ან ლიკვიდაცია; 24. ცალკეულ პრობლემატურ საკითხებზე ანალიზური სამუშაოების შესასრულებლად შექმნას დროებითი სამუშაო კომისიები სპეციალისტ-ექსპერტების მოწვევით. IV. დეპარტამენტის მართვა  1. დეპარტამენტს ხელმძღვანელობს თავმჯდომარე, რომელსაც თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი. 2. დეპარტამენტის თავმჯდომარე პერსონალურად აგებს პასუხს დეპარტამენტისათვის დაკისრებული ფუნქციებისა და ვალდებულებების შესრულებისათვის. 3. დეპარტამენტის თავმჯდომარეს ჰყავს სამი მოადგილე, მათ შორის ერთი პირველი, რომლებსაც თანამდებობაზე ნიშნავს და თანამდებობიდან ათავისუფლებს დეპარტამენტის თავმჯდომარე. 4. ფუნქციებს დეპარტამენტის თავმჯდომარის მოადგილეებს შორის ანაწილებს თავმჯდომარე. 5. დეპარტამენტის თავმჯდომარე ანაწილებს ფუნქციებს სამმართველოებს, განყოფილებებსა და სხვა ქვედანაყოფებს შორის. თავმჯდომარის მოადგილეები პერსონალურად აგებენ პასუხს დეპარტამენტის შესაბამისი დარგის საქმიანობისათვის. 6. თავმჯდომარე დეპარტამენტის კომპეტენციის ფარგლებში: ა) ნიშნავს და ათავისუფლებს დაკავებული თანამდებობიდან სპორტის სამხარეო სამმართველოების უფროსებს და ამტკიცებს დებულებას; ბ) ადგილობრივი მმართველობის ორგანოებთან შეთანხმებით ამტკიცებს ან დაკავებული თანამდებობიდან ათავისუფლებს აფხაზეთისა და აჭარის ავტონომიური რესპუბლიკების სპორტის სახელმწიფო დეპარტამენტის თავმჯდომარეებს, საქალაქო და რაიონული სპორტული სამსახურების უფროსებს. 7. დეპარტამენტი საჭიროების შემთხვევაში გამოსცემს დეპარტამენტის ბრძანებით დამტკიცებულ ინსტრუქციებს სხვა სამინისტროებთან შეთანხმებით. 8. დეპარტამენტში იქმნება საბჭო. იგი არის თავმჯდომარის სათათბირო ორგანო, რომელშიც შედიან დეპარტამენტის თავმჯდომარე (კოლეგიის თავმჯდომარე), თავმჯდომარის მოადგილეები, დეპარტამენტის აპარატის, სხვა სამინისტროებისა და უწყებათა წარმომადგენლები, რომელთა რაოდენობასა და პერსონალურ შემადგენლობას ამტკიცებს დეპარტამენტის თავმჯდომარე .  9. საბჭოს გადაწყვეტილებები ფორმდება დეპარტამენტის თავმჯდომარის ბრძანებით. 10. დეპარტამენტის საბჭო თავისი კომპეტენციის ფარგლებში: ა) იხილავს დეპარტამენტის სამმართველოების, განყოფილებების, სხვა უწყებებისა და ქვედანაყოფების, სპორტული ფედერაციების მიერ გაწეული მუშაობის შედეგებს, სახავს ფიზიკური აღზრდისა და სპორტის განვითარებასთან დაკავშირებული პრობლემების გადაწყვეტის გზებს; ბ) ისმენს აფხაზეთისა და აჭარის ავტონომიური რესპუბლიკების სპორტის სახელმწიფო დეპარტამენტების, სპორტის სამხარეო, საქალაქო და რაიონული სამსახურების, საქვეუწყებო ორგანიზაციების, დაწესებულებების, საწარმოების, ნებაყოფლობითი სპორტული საზოგადოებების, ეროვნული ფედერაციების, კავშირებისა და ასოციაციების ინფორმაციებს, იღებს შესაბამის გადაწყვეტილებებს, რომლებიც ფორმდება სახელმწიფო დეპარტამენტის თავმჯდომარის ბრძანებით; გ) დადგენილი წესით კონტრაქტით გათვალისწინებული პირობებით ნიშნავს ან ათავისუფლებს დეპარტამენტის საქვეუწყებო სახელმწიფო საწარმოს დირექტორს. 11. თავმჯდომარესა და საბჭოს წევრთა შორის უთანხმოების შემთხვევაში თავმჯდომარე ახორციელებს თავის გადაწყვეტილებას; თავის მხრივ საბჭოს წევრებს უფლება აქვთ თავიანთი შეხედულება წერილობით წარუდგინონ თავმჯდომარეს და იგი გაფორმდეს საბჭოს ოქმით. 12. დეპარტამენტის ცენტრალური აპარატის მუშაკთა რაოდენობას, საშტატო ნუსხას დამტკიცებული საშტატო რიცხოვნობის ფარგლებში ამტკიცებს თავმჯდომარე. 13. სამმართველოების, განყოფილებებისა და სხვა ქვედანაყოფთა დებულებებს ამტკიცებს დეპარტამენტის თავმჯდომარე. V. დეპარტამენტის საქმიანობის ორგანიზაცია და სტრუქტურა  1. დეპარტამენტი შედგება თანამდებობის პირებისაგან, სტრუქტურული ქვედანაყოფების (სამმართველოები) და მის გამგებლობაში მყოფი საქვეუწყებო დაწესებულებებისაგან. დეპარტამენტი ახორციელებს აფხაზეთის, აჭარის ავტონომიური რესპუბლიკების სახელმწიფო დეპარტამენტების, ქ.თბილისისა და სამხარეო სპორტული სამმართველოების, საქალაქო და რაიონული სპორტული სამსახურების საქმიანობის ორგანიზაციულ და მეთოდოლოგიურ ხელმძღვანელობას. 2. დეპარტამენტის სისტემაშია: ა) ცენტრალური ველოდრომი; ბ) ალპური კლუბი; გ) ჭადრაკის სასახლე; დ) სპორტისა და ფიზიკური აღზრდის სახელმწიფო აკადემია; ე) ფიზიკური კულტურის სამეცნიერო-კვლევითი ინსტიტუტი; ვ) ფიზიკური კულტურის ტექნიკუმი; ზ) ბავშვთა და მოზარდთა ექსპერიმენტული სასპორტო სკოლა; თ) სასწავლო-საწვრთნელი ცენტრი "ვარკეთილი"; ი) დაბა ბაკურიანის სამთო-სათხილამურო სპორტკომპლექსი; კ) დაბა ლესელიძის სასწავლო-საწვრთნელი ცენტრი; ლ) ფოთის სანიჩბოსნო ბაზა; მ) ფოთის ოლიმპიური რეზერვების სასწავლებელი; ნ) დაბა ეშერის ცენტრალური სპორტული ბაზა; ო) გალის რაიონის სანიჩბოსნო სასწავლო-საწვრთნელი ცენტრი; პ) ჭაბუკ ფეხბურთელთა სასპორტო სკოლა; ჟ) ძიუდოს დარბაზი; რ) სანიჩბოსნო ბაზა მტკვარზე ქ.თბილისში; ს) რაინდთა სკოლა; ტ) ვაკის სამდარბაზიანი კომპლექსი; უ) ფარიკაობის დარბაზი; ფ) ძალოსნობის დარბაზი; ქ) კრივის დარბაზი; ღ) ფალავანთა კლუბი. 3. დეპარტამენტის ტერიტორიული ორგანოებია: ა) აფხაზეთის ავტონომიური რესპუბლიკის სპორტის დეპარტამენტი; ბ) აჭარის ავტონომიური რესპუბლიკის სპორტის დეპარტამენტი; გ) ქ.თბილისის სპორტის სამმართველო; დ) სამეგრელოსა და ზემო სვანეთის სპორტის სამხარეო სამმართველო (ზუგდიდი); ე) გურიის სპორტის სამხარეო სამმართველო (ოზურგეთი); ვ) იმერეთის სპორტის სამხარეო სამმართველო (ქუთაისი); ზ) შიდა ქართლის სპორტის სამხარეო სამმართველო (გორი); თ) მცხეთა-მთიანეთის სპორტის სამხარეო სამმართველო (მცხეთა); ი) სამცხე-ჯავახეთის სპორტის სამხარეო სამმართველო (ახალციხე); კ) ქვემო ქართლის სპორტის სამხარეო სამმართველო (რუსთავი); ლ) კახეთის სპორტის სამხარეო სამმართველო (თელავი); მ) სპორტის რაიონული და საქალაქო სამსახურები. 4. დეპარტამენტის სტრუქტურა განისაზღვრება შემდეგი ქვედანაყოფებით: ა) სპორტის სამმართველო; ბ) რეგიონალური მართვისა და მასობრივი სპორტის სამმართველო; გ) ეკონომიკურ-საფინანსო და საბუღალტრო აღრიცხვის სამმართველო. სპორტის სამმართველო სპორტის სამმართველოს ძირითადი ფუნქციებია: კოორდინაცია გაუწიოს სპორტის სახეობათა ფედერაციების საქმიანობას; მონაწილეობა მიიღოს ქვეყნის ნაკრები გუნდების დაკომპლექტებაში, გააკონტროლოს მათი სასწავლო-საწვრთნელი პროცესი; მონაწილეობა მიიღოს ოლიმპიური თამაშებისათვის, ასევე ევროპისა და მსოფლიო ჩემპიონატებისათვის ნაკრები გუნდებისა და ცალკეული სპორტსმენების ინდივიდუალური მომზადების გეგმების შედგენაში; კოორდინაცია გაუწიოს მათი შესრულების მიმდინარეობას; მონაწილეობა მიიღოს მწვრთნელთა კადრების შერჩევის, მათი კვალიფიკაციის ამაღლებისა და გადამზადების საკითხების მოგვარებაში; უზრუნველყოს მოპოვებული სპორტული შედეგების გაანალიზება, მათი პროგნოზირება და კონკრეტული ღონისძიებების შემუშავება ამ მიმართულებით არსებული ნაკლოვანებების აღმოსაფხვრელად. რეგიონალური მართვისა და მასობრივი სპორტის სამმართველო რეგიონალური მართვისა და მასობრივი სპორტის სამმართველოს ძირითადი ფუნქციებია: კოორდინაცია გაუწიოს ავტონომიური რესპუბლიკების, სპორტის სამხარეო, სპორტის საქალაქო და რაიონული სამსახურების საქმიანობას, მასობრივი სპორტის განვითარებასთან დაკავშირებულ საკითხებს, აწარმოოს სპორტის სფეროში სტატისტიკური აღრიცხვიანობა, უზრუნველყოს ქალაქებსა და რაიონებში ფიზიკური აღზრდისა და სპორტის მდგომარეობის გაანალიზება, წარმართოს კადრებთან მუშაობა, უხელმძღვანელოს კვალიფიკაციის ამაღლებისა და გადამზადების საკითხთა გადაწყვეტას, კოორდინაცია გაუწიოს სპორტის არაოლიმპიური სახეობების ფედერაციების, სპორტსკოლებისა და სპეციალური სპორტული სასწავლებლების საქმიანობას, აწარმოოს საორგანიზაციო მუშაობა და დეპარტამენტის საკანცელარიო საქმიანობა. ეკონომიკურ-საფინანსო და საბუღალტრო აღრიცხვის სამმართველო ეკონომიკურ-საფინანსო და საბუღალტრო აღრიცხვის სამმართველოს ძირითადი ფუნქციებია: სპორტის მართვის ეკონომიკური დაგეგმარება, სპორტის განვითარებისათვის გამოყოფილი სახსრების განაწილება და ფაქტობრივი ხარჯვის აღრიცხვა, საქვეუწყებო ორგანიზაციათა საფინანსო სამსახურების ზედამხედველობა. VI. დეპარტამენტის ლიკვიდაცია, რეორგანიზაცია და დებულებაში ცვლილებების შეტანის წესი  1. დეპარტამენტის ლიკვიდაცია, რეორგანიზაცია და დებულებაში ცვლილებების შეტანა ხდება დადგენილი წესის შესაბამისად. 2. დეპარტამენტის დებულებაში და სტრუქტურაში ცვლილებათა შეტანა ხდება საქართველოს პრეზიდენტის ბრძანებულებით.