მ. ამირანაშვილის, ნ. ბრეგვაძის, ნ. ბურმისტროვასა და გ. ჩუბინიძისათვის საქართველოს პრეზიდენტის გრანტების დანიშვნის შესახებ

საქართველოს პრეზიდენტის

ბრძანებულება №466

1998 წლის 9 აგვისტო

ქ. თბილისი

მ. ამირანაშვილის, ნ. ბრეგვაძის, ნ. ბურმისტროვასა და გ. ჩუბინიძისათვის საქართველოს პრეზიდენტის გრანტების დანიშვნის შესახებ

 1. დაკმაყოფილდეს საქართველოს კულტურის სამინისტროს წინადადება და 1998წლის 1 აგვისტოდან საქართველოს პრეზიდენტის გრანტები დაენიშნოთ საქართველოს ხელოვნების გამოჩენილ მოღვაწეებს: მედეა ამირანაშვილს, ნანი ბრეგვაძეს, ნატალია ბურმისტროვას და გრიგოლ ჩუბინიძეს, – თითოეულს თვეში 130 (ას ოცდაათი) ლარის ოდენობით.

2. საქართველოს ფინანსთა სამინისტრომ (მ. ჭკუასელი) 1998 წლის ცენტრალური ბიუჯეტით გათვალისწინებული სახელმწიფო სარეზერვო ფონდიდან გამოუყოს შესაბამისი თანხა საქართველოს პრეზიდენტთან არსებული ლიტერატურის, ხელოვნებისა და არქიტექტურის სახელმწიფო პრემიების კომიტეტს, 1999 წლიდან კი შესაბამისი წლის ცენტრალური ბიუჯეტის პროექტში გაითვალისწინოს სათანადო ასიგნებანი. 

ე.შევარდნაძე