საქართველოს საზღვაო კოდექსში ცვლილების შეტანის შესახებ

საქართველოს კანონი

საქართველოს საზღვაო კოდექსში ცვლილების შეტანის შესახებ

 მუხლი 1. საქართველოს საზღვაო კოდექსის (პარლამენტის უწყებანი, №25-26, 14 ივნისი, 1997, გვ. 10) 320-ე მუხლი ჩამოყალიბდეს შემდეგი რედაქციით:

     „მუხლი 320 

ბირთვულ გემს საქართველოს ტერიტორიულ წყლებსა და ნავსადგურებში შესვლა შეუძლია მხოლოდ საქართველოს პრეზიდენტის ნებართვით. საქართველოს ტერიტორიულ წყლებსა და ნავსადგურებში ბირთვული გემის კონტროლს ახორციელებენ სააგენტო და საქართველოს ენერგეტიკისა და ბუნებრივი რესურსების სამინისტრო.“.

 მუხლი 2. ამ კანონის ამოქმედებიდან 2011 წლის 15 აპრილამდე საქართველოს საზღვაო კოდექსის 320-ე მუხლით განსაზღვრული საქართველოს ტერიტორიულ წყლებსა და ნავსადგურებში ბირთვული გემის კონტროლი განახორციელონ ერთიანმა სატრანსპორტო ადმინისტრაციამ და საქართველოს ენერგეტიკისა და ბუნებრივი რესურსების სამინისტრომ.

 მუხლი 3

1. ეს კანონი, გარდა ამ კანონის პირველი მუხლისა, ამოქმედდეს გამოქვეყნებისთანავე.

2. ამ კანონის პირველი მუხლი ამოქმედდეს 2011 წლის 16აპრილიდან.

საქართველოს პრეზიდენტი                               მ. სააკაშვილი

თბილისი,

2011 წლის 11 მარტი

№4421-Iს