საქართველოს ეკონომიკის სამინისტროს დებულების დამტკიცების შესახებ

საქართველოს ეკონომიკის სამინისტროს დებულების დამტკიცების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:Tahoma; panose-1:2 11 6 4 3 5 4 4 2 4;} @font-face {font-family:"SPLiteraturuly MT";} @font-face {font-family:SPLiteraturuly;} @font-face {font-family:SPGrotesk;} @font-face {font-family:Geo_dumM;} @font-face {font-family:"BPG Nino Mkhedruli";} @font-face {font-family:SPAcademi;} @font-face {font-family:SPDumbadze;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:10.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:10.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:10.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoAcetate, li.MsoAcetate, div.MsoAcetate {margin:0in; margin-bottom:.0001pt; font-size:8.0pt; font-family:"Tahoma","sans-serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:10.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:10.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; font-size:10.0pt; font-family:"Times New Roman","serif";} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:10.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin:0in; margin-bottom:.0001pt; font-size:10.0pt; font-family:"Sylfaen","serif";} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:12.0pt; font-family:"Sylfaen","serif";} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:10.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin:0in; margin-bottom:.0001pt; font-size:10.0pt; font-family:"Arial","sans-serif";} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:10.0pt; font-family:"Arial","sans-serif";} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen {mso-style-name:"Style cxrili_xml + Sylfaen"; mso-style-link:"Style cxrili_xml + Sylfaen Char"; margin:0in; margin-bottom:.0001pt; font-size:10.0pt; font-family:"Sylfaen","serif";} span.StylecxrilixmlSylfaenChar {mso-style-name:"Style cxrili_xml + Sylfaen Char"; mso-style-link:"Style cxrili_xml + Sylfaen"; font-family:"Sylfaen","serif";} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; text-align:justify; text-indent:14.15pt; font-size:9.0pt; font-family:"Sylfaen","serif";} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-align:justify; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.gazette, li.gazette, div.gazette {mso-style-name:gazette; margin:0in; margin-bottom:.0001pt; text-align:justify; text-indent:.5in; font-size:11.0pt; font-family:"BPG Nino Mkhedruli";} p.muxligazette, li.muxligazette, div.muxligazette {mso-style-name:muxli_gazette; margin:0in; margin-bottom:.0001pt; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} p.tavigazette, li.tavigazette, div.tavigazette {mso-style-name:tavi_gazette; margin:0in; margin-bottom:.0001pt; text-align:center; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} /* Page Definitions */ @page Section1 {size:595.3pt 841.9pt; margin:70.9pt 55.3pt 70.9pt 62.35pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს მთავრობის დადგენილება №27 2004 წლის 19 აპრილი ქ. თბილისი საქართველოს ეკონომიკის სამინისტროს დებულების დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის შესაბამისად: 1. დამტკიცდეს საქართველოს ეკონომიკის სამინისტროს თანდართული დებულება. 2. დადგენილება ამოქმედდეს გამოქვეყნებისთანავე. პრემიერ-მინისტრი               ზ. ჟვანია საქართველოს ეკონომიკის სამინისტროს დებულება     მუხლი 1🔗. ზოგადი დებულებანი 1. საქართველოს ეკონომიკის სამინისტრო (შემდგომში – სამინისტრო) არის საქართველოს კონსტიტუციის 81​2 მუხლისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის შესაბამისად შექმნილი სამთავრობო დაწესებულება, რომელიც არსებული კანონმდებლობის საფუძველზე შეიმუშავებს ქვეყნის ეკონომიკურ, სახელმწიფო ქონების მართვისა და პრივატიზების პოლიტიკას, კოორდინაციას უწევს მის განხორციელებას. 2. სამინისტრო თავის საქმიანობას წარმართავს საქართველოს კონსტიტუციის, საქართველოს საკანონმდებლო და კანონქვემდებარე ნორმატიული აქტებისა და ამ დებულების შესაბამისად. 3. სამინისტროს აპარატი, აჭარისა და აფხაზეთის ავტონომიური რესპუბლიკების შესაბამისი სამთავრობო დაწესებულებები, სამინისტროს საქვეუწყებო დაწესებულებები, ტერიტორიული ორგანოები და მის კონტროლს დაქვემდებარებული საჯარო სამართლის იურიდიული პირები ქმნიან ეკონომიკის სამინისტროს ერთიან სისტემას. 4. სამინისტრო ანგარიშვალდებულია საქართველოს მთავრობის წინაშე და ასრულებს კანონით გათვალისწინებულ ან მთავრობისა და პრემიერ-მინისტრის მიერ კანონის საფუძველზე დაკისრებულ ამოცანებს. 5. სამინისტროს აქვს დებულება, ბეჭედი საქართველოს სახელმწიფო გერბის გამოსახულებით და თავისი სახელწოდების აღნიშვნით, დასრულებული ბალანსი, საკუთარი ხარჯთა ნუსხა და სათანადო ანგარიში საქართველოს სახელმწიფო ხაზინაში. 6. სამინისტრო ფინანსდება სახელმწიფო ბიუჯეტიდან კანონმდებლობით დადგენილი წესით და იგი ანგარიშვალდებულია საბიუჯეტო სახსრების მიზნობრივი გამოყენებისათვის. 7. სამინისტრო ეფუძნება ერთმმართველობის პრინციპს. სამინისტროს კომპეტენცია დგინდება კანონით და/ან კანონის საფუძველზე გამოცემული საქართველოს პრეზიდენტის ბრძანებულებით და მთავრობის დადგენილებით. სამინისტროს უფლება არა აქვს გადასცეს სხვა სახელმწიფო ან არასახელმწიფო დაწესებულებებს უფლებები და მოვალეობები, რომლებიც საქართველოს კანონმდებლობის საფუძველზე მის კომპეტენციას განეკუთვნება. სამინისტრო მოქმედებს თავისი კომპეტენციის ფარგლებში საქართველოს კონსტიტუციის, სხვა კანონების, საქართველოს პრეზიდენტის ბრძანებულებების ან განკარგულებების, საქართველოს მთავრობისა და პრემიერ-მინისტრის აქტების საფუძველზე და მათ შესასრულებლად. 8. უფლებამოსილების ფარგლებში, კანონმდებლობით დადგენილი წესით, სამინისტრო იღებს გადაწყვეტილებებს, რომელთა შესრულება სავალდებულოა სამინისტროს სისტემაში შემავალი სტრუქტურების, ორგანოებისა და უწყებებისთვის, აგრეთვე სხვა სუბიექტებისათვის. 9. სამინისტროს ადგილსამყოფელია ქ. თბილისი, 0108, გ. ჭანტურიას ქუჩა №12.     მუხლი 2🔗. სამინისტროს საქმიანობის სფერო და ამოცანები 1. სამინისტროს საქმიანობის ძირითადი სფეროა ეკონომიკა. 2. კანონმდებლობით მინიჭებული უფლებამოსილებების ფარგლებში სამინისტროს ძირითადი ამოცანებია: ა) ქვეყნის ეკონომიკური პოლიტიკის შემუშავება, ინდიკატური დაგეგმვა და მათი რეალიზების კოორდინაცია; წინადადებათა შემუშავება ქვეყნის ეკონომიკური განვითარებისათვის ხელსაყრელი მაკროეკონომიკური გარემოს ჩამოყალიბებისა და მდგრადი განვითარების უზრუნველსაყოფად აუცილებელ ღონისძიებათა შესახებ; საგადასახადო-საბიუჯეტო და ფულად-საკრედიტო პოლიტიკის სრულყოფის თაობაზე წინადადებების მომზადება; სოციალური პოლიტიკისა და სოციალური ინფრასტრუქტურის რეფორმირებასთან დაკავშირებული წინადადებების შემუშავება; ჩრდილოვანი ეკონომიკის ლეგალიზაციის, ანტიკორუფციული და ეკონომიკური უსაფრთხოების შესახებ წინადადებების შემუშავება და მათი რეალიზაციის მონიტორინგი; ბ) ეკონომიკური განვითარებისა და სიღარიბის დაძლევის პროგრამის სრულყოფა და მისი განხორციელების მონიტორინგი; აღნიშნული პროგრამის ფარგლებში ცალკეული სექტორული მიზნობრივი პროგრამების შემუშავებისა და მათი შესრულების მონიტორინგის კოორდინაცია; გ) სახელმწიფო ქონების მართვის პოლიტიკის შემუშავება და განხორციელება; სახელმწიფოს წილობრივი მონაწილეობით შექმნილ საწარმოთა მართვის პოლიტიკის შემუშავება და მისი რეალიზაცია; სახელმწიფო ქონების პრივატიზების პოლიტიკის შემუშავება, განხორციელება და მონიტორინგი;  დ) საერთაშორისო ეკონომიკური ურთიერთობების, საგარეო ვაჭრობის მიმართულებებისა და პრიორიტეტების პოლიტიკის შემუშავება. საზღვარგარეთის ქვეყნებთან და საერთაშორისო ორგანიზაციებთან სავაჭრო-ეკონომიკური ხასიათის მთავრობათშორისი ხელშეკრულებების პროექტების შემუშავება-განხორციელებაში მონაწილეობის მიღება; საერთაშორისო დახმარების მოზიდვისა და სახელმწიფოსათვის უმნიშვნელოვანესი პროექტების რეალიზაციის მიზნით საერთაშორისო ეკონომიკურ და საფინანსო ორგანიზაციებთან და მათ რეგიონულ სტრუქტურებთან თანამშრომლობა; სავაჭრო-სამრეწველო პოლიტიკის შემუშავება და მისი განხორციელების კოორდინაცია; ე) საინვესტიციო და საინოვაციო პოლიტიკისა და შესაბამისი პროგრამების შემუშავება და მონიტორინგი; ინვესტიციების მოზიდვისათვის აუცილებელი სახელმწიფო პოლიტიკის შემუშავება, ხელსაყრელი საინვესტიციო გარემოს ფორმირებისათვის ხელშეწყობა, მისი რეალიზაციისათვის საჭირო ღონისძიებების კოორდინაცია და მონიტორინგი; ერთიანი სახელმწიფო საინოვაციო პოლიტიკის შესამუშავებლად წინადადებათა მომზადება და განხორციელება; ვ) რეგიონული ეკონომიკური პოლიტიკის განსაზღვრა, ფორმირება და წარმართვა; პოსტკონფლიქტური რეგიონების რეაბილიტაციის პოლიტიკის შემუშავება და განხორციელება; შესაბამისი სამთავრობო დაწესებულებებისა და რეგიონული სტრუქტურების მონაწილეობით, ქვეყნის ეკონომიკური განვითარების რეგიონული პოლიტიკის ძირითადი პრინციპებისა და ამოცანების და მისი სამართლებრივი ბაზის ფორმირებაში მონაწილეობა; სახელმწიფო რეგიონული მიზნობრივი პროგრამების შემუშავებისა და რეალიზაციის კოორდინაცია და მონიტორინგი; ზ) ერთიანი სახელმწიფო სამრეწველო პოლიტიკის შემუშავება და მისი რეალიზაცია; თ) სტატისტიკის სფეროში საქმიანობის კოორდინაცია სტატისტიკის შესახებ საქართველოს კანონის ფარგლებში; ი) ტურიზმისა და კურორტების განვითარების პოლიტიკის ჩამოყალიბება და მისი რეალიზაცია; კ) ანტიმონოპოლიური საქმიანობის წარმართვა შესაბამისი კანონმდებლობის ფარგლებში; ლ) ინვესტიციებისა და ექსპორტის ხელშეწყობის კოორდინაცია; მ) მცირე ბიზნესის განვითარებისათვის ხელსაყრელი პირობების შექმნის მიზნით შესაბამისი წინადადებების შემუშავება და რეალიზაცია; ნ) სამხედრო-სამობილიზაციო გეგმების შემუშავებაში მონაწილეობა საქართველოს შინაგან საქმეთა სამინისტროსთან ერთად; ო) სახელმწიფოს სახელით სახელმწიფო ქონების ფლობა, სარგებლობა და განკარგვა; პ) პრივატიზებულ ქონებაზე საკუთრების უფლების დადასტურება „სახელმწიფო ქონების პრივატიზების შესახებ” საქართველოს კანონის შესაბამისად; ჟ) საერთო სახელმწიფო, ავტონომიური რესპუბლიკებისა და ადგილობრივი მმართველობის ქონებაზე საკუთრების უფლების გამიჯვნის შესახებ წინადადებათა მომზადება და მათი რეალიზაცია.     მუხლი 3🔗. სამინისტროს სისტემა სამინისტროს სისტემაში გაერთიანებულნი არიან: ა) სამინისტროს ცენტრალური აპარატი; ბ) სტატისტიკის სახელმწიფო დეპარტამენტი; გ) ტურიზმისა და კურორტების სახელმწიფო დეპარტამენტი; დ) სახელმწიფო ანტიმონოპოლიური სამსახური; ე) საწარმოთა მართვის სააგენტო; ვ) საქართველოს ეროვნული საინვესტიციო სააგენტო; ზ) სახელმწიფო შესყიდვების სააგენტო; თ) ფასების სახელმწიფო ინსპექცია; ი) საქართველოს ეროვნული საინოვაციო სამსახური „საქინოვაცია”; კ) აჭარისა და აფხაზეთის ავტონომიური რესპუბლიკების შესაბამისი სამთავრობო დაწესებულებები; ლ) ტერიტორიული ორგანოები; მ) ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტი; ნ) საქართველოს საინსტიტუციო მშენებლობის განვითარების პროექტების განმახორციელებელი რგოლი; ო) პრივატიზებულ საწარმოთა რესტრუქტურიზაციისა და მენეჯმენტის დახმარების ცენტრი.     მუხლი 4🔗. სამინისტროს საქვეუწყებო დაწესებულებები სამინისტროს საქვეუწყებო დაწესებულებებია: ა) სტატისტიკის სახელმწიფო დეპარტამენტი; ბ) ტურიზმისა და კურორტების სახელმწიფო დეპარტამენტი; გ) სახელმწიფო ანტიმონოპოლიური სამსახური; დ) ფასების სახელმწიფო ინსპექცია.     მუხლი 5🔗. სამინისტროს სისტემაში შემავალი საჯარო სამართლის იურიდიული პირები სამინისტროს სისტემაში შემავალი საჯარო სამართლის იურიდიული პირები არიან: ა) ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტი; ბ) სახელმწიფო შესყიდვების სააგენტო; გ) საწარმოთა მართვის სააგენტო; დ) საქართველოს ეროვნული საინვესტიციო სააგენტო; ე) საქართველოს ეროვნული საინოვაციო სამსახური „საქინოვაცია”; ვ) საქართველოს საინსტიტუციო მშენებლობის განვითარების პროექტების განმახორციელებელი რგოლი; ზ) პრივატიზებულ საწარმოთა რესტრუქტურიზაციისა და მენეჯმენტის ცენტრი.     მუხლი 6🔗. სამინისტროს ტერიტორიული ორგანოები სამინისტროს ტერიტორიული ორგანოები არიან სამინისტროს სახელმწიფო ქონების აღრიცხვისა და პრივატიზების ტერიტორიული ორგანოები.     მუხლი 7🔗. სამინისტროს სტრუქტურა სამინისტროს ცენტრალური აპარატის სტრუქტურული ერთეულებია: ა) მინისტრის აპარატი; ბ) ბუღალტერია; გ) ეკონომიკური პოლიტიკისა და ინდიკატური დაგეგმვის დეპარტამენტი; დ) ეკონომიკური განვითარებისა და სიღარიბის დაძლევის პროგრამის დეპარტამენტი; ე) სახელმწიფო ქონების მართვისა და პრივატიზების პოლიტიკის დეპარტამენტი; ვ) საერთაშორისო ეკონომიკური ურთიერთობებისა და საგარეო ვაჭრობის დეპარტამენტი; ზ) საინვესტიციო და საინოვაციო პოლიტიკის დეპარტამენტი; თ) რეგიონული ეკონომიკისა და პოსტკონფლიქტური რეგიონების რეაბილიტაციის პოლიტიკის დეპარტამენტი; ი) სამრეწველო პოლიტიკის დეპარტამენტი; კ) იურიდიული დეპარტამენტი; ლ) სამხედრო-სამობილიზაციო დეპარტამენტი.     მუხლი 8🔗. სამინისტროს ხელმძღვანელობის ორგანიზაცია, ხელმძღვანელთა უფლება-მოვალეობანი 1. სამინისტროს ხელმძღვანელობს მინისტრი, რომელიც ერთმმართველობის პრინციპზე დაყრდნობით, საქართველოს კონსტიტუციის, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით, საქართველოს პრეზიდენტის ბრძანებულებებითა და განკარგულებებით, მთავრობისა და პრემიერ-მინისტრის აქტებითა და ამ დებულებით დადგენილ ფარგლებში ახორციელებს სამინისტროს აპარატისა და სამინისტროს სისტემაში შემავალი სტრუქტურების, დაწესებულებების მართვასა და კოორდინაციას. 2. მინისტრს თანამდებობაზე ნიშნავს პრემიერ-მინისტრი საქართველოს პრეზიდენტის თანხმობით. მინისტრი უფლებამოსილებას იხსნის საქართველოს პრეზიდენტის წინაშე. მინისტრის საქმიანობას კოორდინაციასა და კონტროლს უწევს პრემიერ-მინისტრი, რომელიც უფლებამოსილია თანამდებობიდან გაათავისუფლოს მინისტრი. პრემიერ-მინისტრის უფლებამოსილების შეწყვეტა იწვევს მინისტრის უფლებამოსილების შეწყვეტას. მინისტრის უფლებამოსილებათა შეწყვეტა მინისტრის პირველი მოადგილისა და მოადგილეების უფლებამოსილებათა შეწყვეტის საფუძველია. 3. მინისტრი: ა) ხელმძღვანელობს სამინისტროს, წარმართავს მის საქმიანობას და წყვეტს სამინისტროს გამგებლობის სფეროსთვის მიკუთვნებულ საკითხებს; ბ) პასუხისმგებელია საქართველოს კონსტიტუციის, კანონების, პრეზიდენტის ბრძანებულებებისა და განკარგულებების, მთავრობის დადგენილებებისა და განკარგულებების შესრულებისათვის; გ) ზედამხედველობს და თვალყურს ადევნებს სამინისტროს სტრუქტურული ქვედანაყოფებისა და სამინისტროს მმართველობის სფეროში შემავალი სახელმწიფო საქვეუწყებო დაწესებულებების, საჯარო სამართლის იურიდიული პირებისა და ტერიტორიულ ორგანოთა მოვალეობების შესრულების მიმდინარეობას, მათი საქმიანობის კანონიერებასა და მიზანშეწონილობას; კანონით დადგენილი წესით ახორციელებს სამინისტროს საჯარო მოსამსახურეთა გადაწყვეტილებებისა და საქმიანობის სამსახურებრივ ზედამხედველობას; დ) საქართველოს კანონმდებლობით დადგენილი წესით, საკუთარი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ საჯარო მოსამსახურეებს, ტერიტორიულ ორგანოთა ხელმძღვანელებსა და მათ მოადგილეებს, ასევე მოხელეებს, საჯარო სამართლის იურიდიული პირების ხელმძღვანელებს, გარდა კანონმდებლობით გათვალისწინებული შემთხვევებისა; სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხელმძღვანელები ინიშნებიან მოქმედი კანონმდებლობის შესაბამისად; ე) პრემიერ-მინისტრს წარუდგენს წინადადებას სამინისტროს წლიური ბიუჯეტის ხარჯთა ნუსხის შესახებ და აუცილებლობის შემთხვევაში – დამატებითი ბიუჯეტის პროექტის თაობაზე; იღებს საბიუჯეტო სახსრების მიზნობრივი გამოყენების გადაწყვეტილებებს და პასუხისმგებელია ბიუჯეტის ზუსტად და მიზანშეწონილად შესრულებისათვის; ვ) სახელმწიფო ბიუჯეტის შესაბამისად ამტკიცებს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხარჯთა ნუსხას, ახორციელებს მისი შესრულების კონტროლს და აუცილებლობის შემთხვევაში იძლევა მითითებებს საბიუჯეტო სახსრების გამოყენების შესახებ; ზ) ამტკიცებს საპრივატიზებო ობიექტების ნუსხას; თ) თავისი კომპეტენციის ფარგლებში ამტკიცებს სახელმწიფო ქონების პრივატიზების ან კანონმდებლობით დადგენილი ნებისმიერი ფორმით სარგებლობის უფლებით გადაცემის შესახებ დებულებებს; ი) ადგენს სამინისტროს მმართველობის სფეროში შემავალი სახელმწიფო საქვეუწყებო დაწესებულებების სტრუქტურასა და საქმის წარმოების წესს, გარდა იმ შემთხვევებისა, როცა ისინი დადგენილია მინისტრის ბრძანების ზემდგომი სამართლებრივი აქტებით; კ) მონაწილეობს მთავრობის სხდომების მუშაობაში; ლ) ასრულებს მისთვის კანონებით, პრეზიდენტის ბრძანებულებებითა და განკარგულებებით, მთავრობის დადგენილებებითა და განკარგულებებით დაკისრებულ სხვა ამოცანებს; მ) მთავრობას დასამტკიცებლად წარუდგენს სამინისტროს დებულებას; ნ) ამტკიცებს სამინისტროს სტრუქტურული ქვედანაყოფების, სახელმწიფო საქვეუწყებო დაწესებულებების დებულებებს, განსაზღვრავს მათ უფლებამოსილებებს; ო) ავალებს ერთ-ერთ მოადგილეს საპარლამენტო მდივნის ფუნქციის განხორციელებას; პ) ძალადაკარგულად ცნობს პირველი მოადგილის, მოადგილეების, სამინისტროს სტრუქტურული ქვედანაყოფებისა და სამინისტროს სხვა თანამდებობის პირების, აფხაზეთისა და აჭარის ავტონომიური რესპუბლიკების შესაბამისი სამინისტროების ხელმძღვანელების აქტებსა და მოქმედებებს, რომლებიც არ შეესაბამება საქართველოს კონსტიტუციას, სხვა კანონებს, საქართველოს პრეზიდენტის ბრძანებულებებსა და განკარგულებებს, აგრეთვე მინისტრის ბრძანებებს; ასევე ძალადაკარგულად ცნობს მითითებულ თანამდებობის პირთა და სამინისტროს საქვეუწყებო დაწესებულებების ხელმძღვანელთა აქტებს მათი მიზანშეუწონლობის მოტივით; ჟ) უფლება აქვს სამინისტროს თანამდებობის პირთა მოქმედებაზე სამსახურებრივი ზედამხედველობა დააკისროს პირველ მოადგილეს; რ) გამოსცემს ბრძანებებს კანონის, პრეზიდენტის ნორმატიული აქტის ან მთავრობის დადგენილების საფუძველზე და მათ შესასრულებლად. 3. მინისტრს ჰყავს ხუთი მოადგილე, მათ შორის ერთი პირველი მოადგილე, რომელთა უფლებამოსილებანი განისაზღვრება მინისტრის ბრძანებით, თუ კანონით და მთავრობის აქტებით სხვა რამ არ არის დადგენილი. მინისტრის მოადგილეს მინისტრის წარდგინებით, საქართველოს პრეზიდენტთან შეთანხმებით თანამდებობაზე ნიშნავს და თანამდებობიდან ათავისუფლებს პრემიერ-მინისტრი. 4. მინისტრი თავისი ბრძანებით განსაზღვრავს მოადგილეთა ფუნქციებს, ამასთან, – თუ რომელი სტრუქტურული ქვედანაყოფების, საქვეუწყებო დაწესებულებებისა და სამინისტროს სახელმწიფო კონტროლს დაქვემდებარებული საჯარო სამართლის იურიდიული პირების საქმიანობას გაუწევენ ისინი კოორდინაციასა და ხელმძღვანელობას. 5. მინისტრის პირველი მოადგილე ხელმძღვანელობს სამინისტროს საქმიანობას და კოორდინაციას უწევს სამინისტროს სისტემაში შემავალი სახელმწიფო საქვეუწყებო დაწესებულებების, ტერიტორიული ორგანოებისა და სამინისტროს სტრუქტურული ქვედანაყოფების საქმიანობას მინისტრის არყოფნისას. 6. მინისტრი თავის ბრძანებით ქმნის სათათბირო ორგანოს – სამინისტროს მუდმივმოქმედ სათათბირო საბჭოს (შემდგომში – სათათბირო საბჭო), რომლის შემადგენლობაშიც შედიან: მინისტრი – სათათბირო საბჭოს თავმჯდომარე, მინისტრის პირველი მოადგილე, მოადგილეები, სხვა თანამდებობის პირები და სპეციალისტები. სათათბირო საბჭოს წევრების რაოდენობასა და პერსონალურ შემადგენლობას განსაზღვრავს და ამტკიცებს მინისტრი. სამინისტროს სათათბირო საბჭო თავის სხდომებზე განიხილავს სამინისტროსათვის მინდობილი სფეროების საკვანძო საკითხებს, დაქვემდებარებული ორგანიზაციების წესდებებს, მათ სამუშაო პროგრამებსა და სამეცნიერო თემატიკას, სამინისტროს სტრუქტურული ქვედანაყოფების დებულებებს, საქმიანობის შედეგებს. სათათბირო საბჭოს გადაწყვეტილება მტკიცდება მინისტრის ბრძანებით. სათათბირო საბჭოს საქმისწარმოებას და მის პრაქტიკულ საქმიანობასთან დაკავშირებულ ორგანიზაციულ საკითხებს აგვარებს სათათბირო საბჭოს მდივანი.     მუხლი 9🔗. სამინისტროს სტრუქტურული ქვედანაყოფების ძირითადი ამოცანები და კომპეტენცია სამინისტროს სტრუქტურული ქვედანაყოფების ძირითად ამოცანებს და კომპეტენციას წარმოადგენს: 1. მინისტრის აპარატი საქმისწარმოების ერთიანი წესების შესაბამისად ახორციელებს სამინისტროში შემოსული ოფიციალური კორესპონდენციის დამუშავებას და მოძრაობას, საქართველოს პრეზიდენტის, პრემიერ-მინისტრის, პარლამენტის, მთავრობის დავალებების, ეკონომიკის მინისტრის ბრძანებებისა და დავალებების შესრულების კონტროლს; ორგანიზებას უწევს სამინისტროს მუდმივმოქმედი სათათბირო საბჭოს სხდომებისა და მინისტრის მიერ დანიშნული სხვა თათბირების გამართვას; ასრულებს მინისტრის კერძო დავალებებს; უზრუნველყოფს სამინისტროში საზღვარგარეთის ქვეყნების დელეგაციების, საერთაშორისო საფინანსო ორგანიზაციებისა და სხვა მისიების მიღების ორგანიზაციას, მოქალაქეთა მიღებას, მოთხოვნილი საჯარო ინფორმაციის გაცემას, ქვეყანაში ეკონომიკური პოლიტიკის შესახებ საზოგადოებრივი აზრის შესწავლას და მისი ფორმირებისათვის ხელშეწყობას; ახორციელებს სამინისტროს ინფორმაციულ უზრუნველყოფას, მინისტრის საჯარო გამოსვლებისა და მოხსენებების მომზადების კოორდინაციას; სამინისტროში მიმდინარე პროცესებისა და გაწეული საქმიანობის პრესითა და მასობრივი ინფორმაციის სხვა საშუალებებით საზოგადოების ფართო ფენებისათვის გაცნობას; ოფიციალური დოკუმენტაციისა და კორესპონდენციის თარგმნას; კოორდინაციას უწევს საკადრო საკითხების რეგულირებას; უზრუნველყოფს სამინისტროს ადმინისტრაციული შენობის საექსპლუატაციო პირობების შექმნას; ახორციელებს სამინისტროს აპარატის მატერიალურ-ტექნიკურ უზრუნველყოფას, ასევე მატერიალურ-ტექნიკური ბაზის სრულყოფასა და გაფართოებას; შეიმუშავებს და წარუდგენს მინისტრს წინადადებებს სამინისტროსათვის საჭირო სახსრების თაობაზე; უზრუნველყოფს სახელმწიფო საარქივო ფონდში შესანახად განკუთვნილი დოკუმენტების დაცვას. 2. ბუღალტერია უზრუნველყოფს სამინისტროში ბუღალტრულ აღრიცხვასა და ფინანსურ ანგარიშგებას, აწარმოებს როგორც სამინისტროს ცენტრალური აპარატის, ისე საქვეუწყებო დაწესებულებების კუთვნილი სახელმწიფო ქონების აღრიცხვას და ახორციელებს მათი საქმიანობის საფინანსო კონტროლს დადგენილი წესით. 3. ეკონომიკური პოლიტიკისა და ინდიკატური დაგეგმვის დეპარტამენტი ორგანიზებას უწევს ქვეყნის ეკონომიკური პოლიტიკის შემუშავებას, ხელმძღვანელობს ინდი­კატური გეგმების პროექტების მომზადებას, აანალიზებს ქვეყნის ეკონომიკის ფუნქციონირების შედეგებს, საქართველოს ეკონომიკის განვითარების ძირითად მაკ­როეკო­ნომიკურ ტენდენციებს და ახორციელებს მათი განვითარების პროგნოზირებას; შეიმუშავებს წინადადებებს ჩრდილოვანი ეკონომიკის ლეგალიზაციის, ანტიკორუფციული და ეკონომიკური უსაფრთხოების თაობაზე და ახორციელებს მათი რეალიზაციის მონიტორინგს; მო­ნაწილეობს ფასწარმოქმნის სახელმწიფო პოლიტიკის შემუშავებისა და განხორციელებისათვის წინადადებების მომზადებაში, აგრეთვე კანონმდებლობით დადგენილი წესით სახელმწიფო რეგულირებადი ტარიფების ჩამონათვალის დად­გენასა და ტარიფების შეთანხმებაში; მონაწილეობს ქვეყნის საფინანსო სისტემის (საბიუჯეტო-საგადასახადო, ფულად-საკრედიტო, სადაზღვევო, ფასიანი ქაღალდებისა და საფონდო ბაზრის) განვითარების პოლიტიკის შემუშავებაში და ამზადებს ანალიზურ და პროგნოზულ ინფორმაციას მასში მიმდინარე რეფორმების შესახებ. 4. ეკონომიკური განვითარებისა და სიღარიბის დაძლევის პროგრამის დეპარტამენტი ახორციელებს ეკონომიკური განვითარებისა და სიღარიბის დაძლევის პროგ­რამის შესრულების მონიტორინგს, მისი პერიოდული განახლების ორგანიზაციას. კო­ორ­დინაციას უწევს ეკონომიკური განვითარებისა და სიღარიბის დაძლევის პროგრამის ფარგლებში ცალკეული სექტორული მიზნობრივი პროგრამების შემუშავებას და მათი შესრულების მონიტორინგს; აანალიზებს აღნიშნული პროგრამის განხორციელების შედე­გებს და ახორციელებს პროგრამის შესრულების სუსტი მხარეების გამოვლენას, რის სა­ფუძ­ველზეც ამზადებს პროგრამის სრულყოფის წინადადებებს მინისტრისა და მთავ­რობისთვის წარსადგენად; უზრუნველყოფს პროგრამის შესრულების ზოგად კოორ­დინაციას. მონაწილეობს ქვეყნის სოციალური პოლიტიკის შემუშავებაში, ქვეყანაში მოსახლეობის, უმუშევართა და მომუშავეთა რიცხოვნობის, საშუალო თვიური ხელფასისა და ცხოვრების დონის მაჩვენებლების პროგნოზირებაში, სოციალური სფეროს განვითარების პროგრამების შემუშავებაში; ხელს უწყობს სოციალური ინფრასტრუქტურის რეფორმირებას და ამზადებს წინადადებებს მისი სრულყოფის და ეკონომიკური განვითარებისა და სიღარიბის დაძლევის პროგრამაში ასახვის მიზნით. 5. სახელმწიფო ქონების მართვისა და პრივატიზების პოლიტიკის დეპარტამენტის ძირითადი ამოცანაა აღმასრულებელი ხელისუფლების შესაბამის დაწესებულებებთან და ადგილობრივი მმართველობის ორგანოებთან შეთანხმების საფუძველზე ეროვნული მეურნეობის ცალკეული დარგების თავისებურებათა გათვალისწინებით სახელმწიფო ქონების პრივატიზების განხორციელების ერთიანი გეგმის პროექტის შემუშავების ორგანიზება; ტენდერზე გასატანი საპრივატიზებო ობიექტების საკონკურსო პირობების შემუშავების ორგანიზება, ასევე მოქმედი კანონმდებლობით გათვალისწინებული სახელმწიფო ქონების პრივატიზების ფორმებით თუ სხვა სახით სარგებლობაში გადაცემის შესახებ სახელმწიფო ქონების პრივატიზებისა და განკარგვის განხორციელების შესახებ წინადადებების მომზადება, სამინისტროს ტერიტორიული ორგანოების კოორდინაცია, სახელმწიფო საკუთრებაში არსებული ქონების აღრიცხვა და მართვა (გარდა საწარმოებში არსებული სახელმწიფოს წილისა და აქციებისა). წინადადებათა მომზადება საერთო სახელმწიფო, ავტონომიური რესპუბლიკებისა და ადგილობრივი ქონების საკუთრების უფლების გამიჯვნის, საპრივატიზებო ობიექტთა ნუსხების დამტკიცების, აგრეთვე იმ ობიექტთა ნუსხების დამტკიცების შესახებ, რომელთა პრივატიზება აკრძალულია კანონმდებლობის შესაბამისად; სახელმწიფოს წილობრივი მონაწილეობით ახალი საწარმოების დაფუძნების თაობაზე წინადადებათა მომზადება, საწარმოების ბალანსზე რიცხული ქონების გირაოთი ან იპოთეკით დატვირთვის, ჩამოწერის, რეალიზაციის საკითხების განხილვაში მონაწილეობა, საწარმოების საწესდებო კაპიტალში ცვლილებების შეტანის, სახელმწიფოს წილობრივი მონაწილეობით მოქმედი საწარმოების მიერ სხვა საწარმოების აქციებისა და წილების შესყიდვისა და თავიანთი წილობრივი მონაწილეობით ახალი საწარმოების შექმნის თაობაზე წინადადებების განხილვა და სხვა უფლებამოსილებათა განხორციელება მოქმედი კანონმდებლობის შესაბამისად. 6. საერთაშორისო ეკონომიკური ურთიერთობებისა და საგარეო ვაჭრობის დეპარტამენტი მონაწილეობს ქვეყნის საგარეო ეკონომიკური პოლიტიკის შემუშავებაში; თანამშრომლობს საერთაშორისო და რეგიონული ეკონომიკური გაერთიანებების სტრუქტურებთან, ევროკავშირთან, დსთ-სთან და სხვ.; შეიმუშავებს წინადადებებს ევრაზიული დერეფნის განვითარების, რეგიონული ეკონომიკური ურთიერთობების წარმართვის ხელშეწყობისა და ევროპული ინტეგრაციის მიზნით; მონაწილეობს სახელმწიფოთაშორისი პროექტების მომზადებასა და განხორციელებაში; ამზადებს წინადადებებს საერთაშორისო საფინანსო-ეკონომიკურ ორგანიზაციებთან და დონორ ქვეყნებთან თანამშრომლობის მიმართულებების შესახებ; აანალიზებს საერთაშორისო ხელშეკრულებებითა და კონვენციებით გათვალისწინებული ეკონომიკური ვალდებულებების შესრულების მიმდინარეობას, ამზადებს შესაბამის დასკვნებსა და წინადადებებს; შეიმუშავებს ქვეყნის ეკონომიკური პოლიტიკისა და მექანიზმების ევროგაერთიანების დირექტივებთან ჰარმონიზაციის შესახებ წინადადებებს; აანალიზებს ქვეყნის საგადამხდელო ბალანსს და ამზადებს წინადადებებს მისი გაუმჯობესებისათვის; კანონმდებლობით დადგენილი წესით ახორციელებს ორმაგი დანიშნულების პროდუქციის ექსპორტის, იმპორტის, რეექსპორტისა და ტრანზიტის, ასევე შავი და ფერადი ლითონების ჯართისა და ნარჩენების (მათ შორის საწარმოო ნარჩენების) ექსპორტისა და რეექსპორტის სახელმწიფო ზედამხედველობასა და კონტროლს; საქონლის წარმოშობის განსაზღვრისათვის კანონმდებლობით დადგენილი წესის შესაბამისად გასცემს „A” ფორმის წარმოშობის დამადასტურებელ სერტიფიკატებს; შეიმუშავებს წინადადებებს სახელმწიფოთაშორისი სავაჭრო ურთიერთობების განმტკიცებისა და შემდგომი სრულყოფის მიზნით; საქართველოს ვაჭრობის მსოფლიო ორგანიზაციის წევრობიდან გამომდინარე, აანალიზებს ნაკისრი ვალდებულებების შესრულებას; ამზადებს წინადადებებს ვაჭრობისა და მომსახურების სფეროს საკანონმდებლო ნორმატიული ბაზის ვაჭრობის მსოფლიო ორგანიზაციის დებულებებთან და წესებთან შესაბამისობის მიზნით. 7. საინვესტიციო და საინოვაციო პოლიტიკის დეპარტამენტი ამზადებს წინადადებებს ქვეყნის საინვესტიციო გარემოს გაუმჯობესების შესახებ და ამ მიზნით მჭიდროდ თანამშრომლობს ადგილობრივ და უცხოელ ინვესტორებთან, შესაბამისი პროფილის არასამთავრობო ორგანიზაციებთან და ბიზნეს-გაერთიანებებთან; მონაწილეობს სახელმწიფო საინვესტიციო და საინოვაციო პოლიტიკის, სტრატეგიული მიმართულებებისა და პრიორიტეტების განსაზღვრაში, პერიოდულად აანალიზებს ქვეყანაში მეწარმეობის განვითარების მდგომარეობას; მონაწილეობს ქვეყანაში ლიცენზირების პოლიტიკის შემუშავებაში და აანალიზებს ლიცენზირების სისტემის ზემოქმედებას სამეწარმეო გარემოზე; მონაწილეობს ცალკეული დარგებისა და მსხვილი საწარმოების განვითარების პროგრამების, საინოვაციო, საინვესტიციო და რესტრუქტურიზაციის პროექტების, ბიზნეს-გეგმების შემუშავებაში. 8. რეგიონული ეკონომიკისა და პოსტკონფლიქტური რეგიონების რეაბილიტაციის პოლიტიკის დეპარტამენტი შეიმუშავებს წინადადებებს პოსტკონფლიქტური რეგიონების რეაბილიტაციის მიზნით და ხელს უწყობს მათ განხორციელებას; ახორციელებს ადმინისტრაციულ-ტერიტორიული ერთეულების ეკონომიკური განვითარების პროგრამების შემუშავებისა და რეალიზაციის მეთოდოლოგიურ ხელმძღვანელობას, ამზადებს შესაბამის რეკომენდაციებს მათი სრულყოფის მიზნით; უზრუნველყოფს სახელმწიფო რეგიონული მიზნობრივი პროგრამების შეფასებისა და რეალიზაციისათვის ხელშეწყობას; ამზადებს წინადადებებსა და რეკომენდაციებს რეგიონალური ეკონომიკური პოლიტიკის შეფასების ინფორმაციულ-ანალიტიკური სისტემის სრულყოფის შესახებ; აანალიზებს ადმინისტრაციულ-ტერიტორიულ ერთეულებში მიმდინარე სოციალურ-ეკონომიკურ პროცესებს და ამზადებს სათანადო საინფორმაციო-ანალიტიკურ დოკუმენტებს; შესაბამისი სამთავრობო დაწესებულებებიდან და ადგილობრივი თვითმმართველობისა და მმართველობის ორგანოებიდან მიღებული მასალების საფუძველზე შეიმუშავებს ადმინისტრაციულ-ტერიტორიული ერთეულების სოციალურ-ეკონომიკური განვითარების პროგნოზებსა და ეკონომიკური და სოციალური განვითარების ინდიკატური გეგმის რეგიონულ მიმართულებებს; მონაწილეობს ადგილობრივი ბიუჯეტების პროექტების ძირითადი პარამეტრებისა და ცენტრალური ბიუჯეტებიდან გადასაცემი ტრანსფერტების მოცულობების განსაზღვრის მიზნით რეალური საგადასახადო ბაზის პროგნოზირების სამუშაოებში. 9. სამრეწველო პოლიტიკის დეპარტამენტი განსაზღვრავს ქვეყნის სამრეწველო კომპლექსის განვითარების ტენდენციებს, სტრატეგიულ მიმართულებებსა და პრიორიტეტებს, შეიმუშავებს და განახორციელებს ერთიან სამრეწველო-ეკონომიკურ პოლიტიკას; პერიოდულად აანალიზებს სამრეწველო კომპლექსის ეკონომიკური საქმიანობის შედეგებს და ამზადებს ინფორმაციასა და რეკომენდაციებს სათანადო ღონისძიებათა განხორციელების მიზნით; მონაწილეობს გარემოს დაცვის ღონისძიებების შედგენაში; შეიმუშავებს სამრეწველო დარგის განვითარების ინდიკატურ პროგნოზებს; მონაწილეობს სამრეწველო სექტორის ფუნქციონირებისათვის აუცილებელი საკანონმდებლო და კანონქვემდებარე ნორმატიული აქტების პროექტების შემუშავებაში და ახორციელებს მათი შესრულების მონიტორინგს; მონაწილეობს ინვესტიციების მოზიდვისათვის საჭირო ინფრასტრუქტურის ჩამოყალიბების, პრიორიტეტული დარგებისა და მიმართულებების სახელმწიფო მხარდაჭერის ღონისძიებათა და სამრეწველო საწარმოთა სატენდერო-საკონკურსო პირობების, რეაბილიტაციის პროგრამების შემუშავებაში. 10. იურიდიული დეპარტამენტის დანიშნულებაა სამინისტროს სამართლებრივი მომსახურების უზრუნველყოფა და სახელშეკრულებო ვალდებულებათა მონიტორინგი; სამინისტროს კომპეტენციას მიკუთვნებულ საკითხებზე შესაბამისი ნორმატიული აქტების პროექტების მომზადება, სამართლებრივი საქმიანობის ძირითად მიმართულებათა განსაზღვრა, საქართველოს საკანონმდებლო ხელისუფლებასთან და მთავრობასთან ურთიერთობისას სამართლებრივ საკითხებზე წინადადებების მომზადება, სამინისტროს სისტემაში მოქმედი ნორმატიული აქტების უპირატესი ძალის მქონე ნორმატიულ აქტებთან შესაბამისობაში მოყვანის მიზნით სათანადო ნორმატიული აქტების პროექტების მომზადება; სამინისტროში მომზადებული ნორმატიული აქტების პროექტების, სამინისტროს მიერ გასაფორმებელი ხელშეკრულებების პროექტებისა და სახელშეკრულებო ურთიერთობებიდან გამომდინარე სამეურნეო ხასიათის ხელშეკრულებათა სამართლებრივი უზრუნველყოფა. სამინისტროს სისტემაში შემავალ დაწესებულებათა იურიდიული სამსახურების საქმიანობის კოორდინაცია, აგრეთვე სამინისტროს ინტერესების დაცვა სასამართლოსა და შესაბამის ორგანოებში და კანონმდებლობით დაკისრებული სხვა ფუნქციების განხორციელება; სახელმწიფო ქონების პრივატიზებასა და საწარმოთა მართვის სააგენტოდან სხვა სუბიექტზე აქციებისა და წილების მართვის უფლებით გადაცემასთან დაკავშირებით სამინისტროს მიერ გასაფორმებელ ხელშეკრულებათა პროექტების შემუშავება და მათი გაფორმების შემთხვევაში ამ ხელშეკრულებებით გათვალისწინებული პირობების შესრულების კონტროლი მოქმედი კანონმდებლობის შესაბამისად; საწარმოთა მართვის სააგენტოს მიერ სახელმწიფოს წარმომადგენლებთან გასაფორმებელ ხელშეკრულებათა პროექტების მინისტრისათვის დასამტკიცებლად წარდგენა. 11. სამხედრო-სამობილიზაციო დეპარტამენტის ძირითადი ამოცანაა ეკონომიკის, საგანგებო სიტუაციებისა და საიდუმლოების დაცვის რეჟიმის, სამობილიზაციო გეგმების დამუშავების კოორდინაცია; საწარმოებსა და ორგანიზაციებში სამობილიზაციო რეზერვების მატერიალურ ფასეულობათა ხანგრძლივად შენახვის ინსტრუქციების პროექტირებაში, სამოქალაქო თავდაცვის გეგმების შემუშავებასა და მათ სისტემატურ კორექტირებაში მონაწილეობის მიღება; საქართველოს სამინისტროებისა და უწყებების სამხედრო-სამობილიზაციო სამსახურებისათვის, ეკონომიკის სფეროში ქვეყნის მეურნეობისათვის მუშა-ხელის დაჯავშნის ორგანიზების, სახელმწიფო საიდუმლოების დაცვის უზრუნველყოფის ღონისძიებათა განხორციელება სამინისტროს სტრუქტურაში; ქვეყნის სამხედრო დოქტრინიდან გამომდინარე, შესაბამის სამინისტროებთან და უწყებებთან ერთად მონაწილეობა საომარი მოქმედებების წარმატებულად წარმართვისათვის, შეიარაღების, საომარი ტექნიკის, აღჭურვილობის, სურსათ-სანოვაგისა და სხვათა უზრუნველსაყოფად წარმოება-დაწესებულებისათვის სამობილიზაციო ამოცანების განსაზღვრასა და მათი მუშაობის მდგომარეობის ამაღლების მიზნით განსახორციელებელი ღონისძიებების უზრუნველყოფის პროცესში, საგანგებო ვითარებასა და საომარ პირობებში მოსალოდნელი ეკონომიკური კავშირების დარღვევის შემთხვევაში, ქვეყნის ეკონომიკის საკუთარ ნედლეულზე გადაყვანის ღონისძიებების წინასწარ დაგეგმარებასა და საჭიროების შემთხვევაში მის პრაქტიკულად განხორციელებაში; შესაბამის სამინისტროებსა და უწყებებთან ერთად, საქართველოს შინაგან საქმეთა სამინისტროსთან შეთანხმებით მონაწილეობს მოსახლეობის დაცვის მიზნით კოლექტიური და ინდივიდუალური დაცვის საინჟინრო ნაგებობებისა და საშუალებების საკმარისი მარაგის შექმნასა და ადგილობრივ სამრეწველო ობიექტებზე მათი გამოშვების დანერგვაში როგორც მშვიდობიან, ისე საგანგებო ვითარებასა და საომარ პირობებში.     მუხლი 10🔗. სამინისტროს ქონება სამინისტროს ქონებას შეადგენს მის მფლობელობაში გადაცემული ძირითადი და საბრუნავი საშუალებები, საფინანსო რესურსები, აგრეთვე სამინისტროს ბალანსზე რიცხული ქონება.     მუხლი 11🔗. დასკვნითი დებულებანი  სამინისტროს რეორგანიზაცია და ლიკვიდაცია ხდება კანონმდებლობით დადგენილი წესით.