„პრივატიზებულ საწარმოთა რესტრუქტურიზაციისა და მენეჯმენტის ცენტრის შექმნის შესახებ“ საქართველოს პრეზიდენტის 1997 წლის 7 ივნისის №293 ბრძანებულებაში ცვლილებებისა და დამატებების შეტანის თაობაზე

საქართველოს პრეზიდენტის

ბრძანებულება №169

2002 წლის 16 აპრილი

ქ. თბილისი

„პრივატიზებულ საწარმოთა რესტრუქტურიზაციისა და მენეჯმენტის ცენტრის შექმნის შესახებ“ საქართველოს პრეზიდენტის 1997 წლის 7 ივნისის №293 ბრძანებულებაში ცვლილებებისა და დამატებების შეტანის თაობაზე

„პრივატიზებულ საწარმოთა რესტრუქტურიზაციისა და მენეჯმენტის ცენტრის შექმნის შესახებ“ საქართველოს პრეზიდენტის 1997 წლის 7 ივნისის №293 ბრძანებულებაში შეტანილ იქნეს შემდეგი ცვლილებები და დამატებები:

1. სათაური ჩამოყალიბდეს შემდეგი რედაქციით: „საჯარო სამართლის იურიდიული პირის –პრივატიზებულ საწარმოთა რესტრუქტურიზაციისა და მენეჯმენტის დახმარების ცენტრის შექმნის შესახებ“.

2. პირველ პუნქტში სიტყვის „მენეჯმენტის“ შემდეგ დაემატოს სიტყვა „დახმარების“.

3. მე-2 პუნქტში სიტყვის „მენეჯმენტის“ შემდეგ დაემატოს სიტყვა „დახმარების“, ხოლო სიტყვის „შეიქმნას“ შემდეგ –სიტყვა „სამეთვალყურეო“.

4. კომისიის შემადგენლობიდან გამოყვანილ იქნენ ივანე ჩხარტიშვილი და ლევან ძნელაძე.

5. კომისიის შემადგენლობაში შეყვანილ იქნენ საქართველოს ეკონომიკის, მრეწველობისა და ვაჭრობის მინისტრი გიორგი გაჩეჩილაძე და საქართველოს სახელმწიფო ქონების მართვის მინისტრი სოლომონ პავლიაშვილი.

6. მე-3 პუნქტის შემდეგ დაემატოს შემდეგი შინაარსის მე-4 პუნქტი:

„4. სამეთვალყურეო კომისიის წევრის იმ სამთავრობო დაწესებულების თანამდებობიდან გათავისუფლების შემთხვევაში, რომელიც დასახელებულია ამ ბრძანებულების მე-2 პუნქტში, მის უფლებამონაცვლე თანამდებობის პირს ეკისრება კომისიის წევრობა იმ ვადამდე, ვიდრე ამ ბრძანებულებაში დადგენილი წესით არ შევა შესაბამისი ცვლილება.“.

ე. შევარდნაძე