თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტის სტატუსის შესახებ

თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტის სტატუსის შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:Geo_Times;} @font-face {font-family:SPLiteraturuly;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin:0in; margin-bottom:.0001pt; text-align:center; line-height:150%; page-break-after:avoid; font-size:15.0pt; font-family:"Geo_Times","serif";} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:12.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin:0in; margin-bottom:.0001pt; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} @page Section1 {size:595.35pt 842.0pt; margin:85.05pt 70.9pt 51.05pt 70.9pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს პრეზიდენტის ბრძანებულება №328 2001 წლის 13 აგვისტო ქ. თბილისი თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტის სტატუსის შესახებ „განათლების შესახებ“ საქართველოს კანონის მე-15 მუხლის პირველი პუნქტისა და „საჯარო სამართლის იურიდიული პირის შესახებ“ საქართველოს კანონის შესაბამისად: 1. თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტი ჩამოყალიბდეს საჯარო სამართლის იური­დიულ პირად. 2. დამტკიცდეს თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტის თანდართული წესდება. 3. ბრძანებულების პირველ პუნქტში მითითებული საჯარო სამარ­თლის იურიდიული პირის საქმიანობის სახელმწიფო ზედამ­ხედველობა განახორციელოს საქართველოს განათლების სამინისტრომ (ა.კარ­ტოზია). ე. შევარდნაძე საჯარო სამართლის იურიდიული პირის – თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტის წ ე ს დ ე ბ ა თავი I სტატუსი და ავტონომიურობა     მუხლი 1🔗. უნივერსიტეტის სტატუსი. ზოგადი დებულებანი 1. თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტი (შემდგომში – უნივერსიტეტი) არის საჯარო სამართლის იურიდიული პირი, უმაღლესი საგანმანათლებლო დაწესებულება. უნივერსიტეტი არის თბილისის ილია ჭავჭავაძის სახელობის უცხო ენათა სახელმწიფო პედაგოგიური ინსტიტუტისა და თბილისის ილია ჭავჭავაძის სახელობის დასავლურ ენათა და კულტურათა სახელმწიფო ინსტიტუტის უფლებამონაცვლე. 2. უნივერსიტეტს, როგორც საჯარო სამართლის იურიდიულ პირს, აქვს სპეციალური უფლებაუნარიანობა და ახორციელებს მხოლოდ იმ საქმიანობას, რომელიც დადგენილია საქართველოს მოქმედი კანონმდე­ბ­ლობითა და ამ წესდებით. 3. უნივერსიტეტის სრული სახელწოდებაა: „საჯარო სამართლის იურიდიული პირი – თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტი“, შემოკლებით: „სსიპ თეკსუ“. უნივერსიტეტის სრული და შემოკლებული სახელწოდება გამოიყენება თანაბარი მნიშვნელობით. 4. უნივერსიტეტს აქვს თავისი დამოუკიდებელი საბანკო ანგა­რიში, შტამპი და ბეჭედი. ბეჭედზე ასახულია უნივერსიტეტის სრული სახელ­წოდება ქართულ და ინგლისურ ენებზე. 5. უნივერსიტეტი თავისი სპეციალური უფლებაუნარიანობის ფარ­გლებში დებს გარიგებებს. გარიგებები, რომლებიც სცილდება უნივერ­სიტეტის სპეციალური უფლებაუნარიანობის ფარგლებს, ბათილია. 6. უნივერსიტეტი ვალდებულია აწარმოოს საქართველოს მოქ­მედი კანონმდებლობით დადგენილი დოკუმენტაცია. 7. უნივერსიტეტს უფლება აქვს საკუთარი სახელით სასამართ­ლოში გამოვიდეს მოსარჩელედ და მოპასუხედ. უნივერსიტეტის იურიდიული მისამართია: საქართველო, 380062, ქ.თბილისი, ი.ჭავჭავაძის გამზირი №45.     მუხლი 2🔗. უნივერსიტეტის ავტონომიურობა 1. უნივერსიტეტი არის ავტონომიური ჰუმანიტარული პროფილის უმაღლესი სასწავლებელი, რომელიც მოქმედებს არსებული კანონმდებ­ლობისა და ამ წესდების საფუძველზე. ის ახორციელებს შემდეგ საქმი­ანობას: ა) აყალიბებს და მართავს თავისი ორგანიზაციულ და სტრუქ­ტურულ ქვედანაყოფებს; ბ) განსაზღვრავს თავისი მოღვაწეობის მიზნებსა და ამოცანებს; გ) ადგენს და ამტკიცებს განათლების სამინისტროს მიერ დადგენილი სტანდარტების შესაბამის სასწავლო გეგმებსა და პროგრამებს; დ) დადგენილი წესის დაცვით ხსნის უნივერსიტეტის ფილიალებს; ე) ადგენს მოსამზადებელ განყოფილებაზე მისაღები კონტინგენ­ტის კვოტებს; ვ) აწარმოებს საგამომცემლო საქმიანობას, ამტკიცებს შიდასაუნი­ვერსიტეტო სამეცნიერო და სასწავლო-მეთოდური გამოცემების გეგმას; ზ) მონაწილეობს საერთაშორისო საგანმანათლებლო პროგრამებში, ამყარებს პირდაპირ კონტაქტებს სხვა ქვეყნების სასწავლო და სამეცნიერო ორგანიზაციებთან საქართველოს კანონმდებლობის შესაბამისად, მათთან ერთად ქმნის სასწავლო-სამეცნიერო და საგანმანათლებლო დაწესებულებებსა და ცენტრებს; თ) პირდაპირი ხელშეკრულების საფუძველზე (სამეურნეო ანგარიშზე) აწარმოებს სპეციალისტთა მომზადებას უცხო ქვეყნებისათვის; ი) დამოუკიდებლად ახდენს სასწავლო და სამეცნიერო კადრების შეცვლას; კ) იყვანს ხელშეკრულებით (კონტრაქტით) სპეციალისტებს გარე­შე ორგანიზაციებიდან სამეცნიერო თუ სასწავლო მიზნების განსა­ხორციელებლად; ლ) წყვეტს ანალოგიური პროფილის უმაღლესი სასწავლებლიდან სტუდენტთა გადმოყვანის ან ერთი სპეციალობიდან მეორეზე გადაყვანის საკითხს; მ) იყენებს მიღებულ ფინანსურ საშუალებებს თავისი სათანადო წესით დამტკიცებული ხარჯთა ნუსხის მიხედვით; ნ) არასაბიუჯეტო ფინანსური რესურსების არსებობის შემთხვე­ვაში ადგენს ხელფასების დანამატებს, წყვეტს თანამშრომელთა მატერიალური წახალისებისა და სახელობითი სტიპენდიების დაწესების საკითხებს. იყენებს თანამშრომელთა პრემირებისათვის კომერციული საქმიანობის შედეგად შემოსულ თანხას არსებული წესის მიხედვით; ო) აწარმოებს სპეციალისტების მომზადებას სამეურნეო ანგარიშზე როგორც უმაღლეს, ისე უმაღლესის შემდგომი სწავლებისას; პ) დადგენილი წესით აფუძნებს რექტორისა და სხვა ფონდებს; ჟ) იღებს გადაწყვეტილებას და კანონით დადგენილი წესის დაც­ვით ახდენს მოწყობილობების, ხელსაწყოების, დანადგარებისა და სხვა მასალების რეალიზაციას, ფასის შეუზღუდავად ჩამოწერს ბალანსიდან მოძველებულ ან უვარგის ძირითად საშუალებებს, რომლებიც შეძენილია საბიუჯეტო სახსრებით; რ) ახორციელებს კაპიტალურ მშენებლობას და მატერიალურ-ტექ­ნიკური ბაზის რეკონსტრუქციას სახელშეკრულებო საფუძველზე; ს) საქართველოს კანონმდებლობითა და ამ წესდებით დადგენილი წე­სით წყვეტს მის გამგებლობას მიკუთვნებულ სხვა საკითხებს. 2. უნივერსიტეტი განლაგებულია მის მფლობელობასა და/ან სა­კუთ­რებაში მყოფ ტერიტორიაზე და მასზე არსებულ შენობა-ნაგე­ბო­ბებში. თავი II უნივერსიტეტის საქმიანობის საგანი     მუხლი 3🔗. საქმიანობის საგანი უნივერსიტეტის საქმიანობის საგანია ერთიან ლინგვისტურ, კულტუროლოგიურ და დიდაქტიკურ ტრადიციებზე დაყრდნობით: ა) მაღალი კვალიფიკაციისა და ზნეობის სპეციალისტთა მომზა­დება, რომელთაც შეეძლებათ თანამედროვე პრობლემების ანალიზი და მათი გადაწყვეტა როგორც სახელმწიფო, ისე საერთაშორისო დონეზე; ბ) სპეციალისტების მომზადების დონის განუწყვეტელი სრულყოფა მეცნიერებისა და კულტურის განვითარების თანამედროვე მოთხოვ­ნათა შესაბამისად; გ) საერთაშორისო დონის სამეცნიერო-კვლევითი მუშაობის გან­ხორ­ციელება; დ) მაღალხარისხოვანი სახელმძღვანელოების შექმნა და დამხ­მარე სასწავლო მასალების მომზადება; ე) პროფილის შესაბამისად სამეცნიერო-პედაგოგიური კადრებისა და უმაღლესი განათლების მქონე სხვა სპეციალისტთა კვალიფიკაციის ამაღლება და მათი გადამზადება; ვ) მოსახლეობისათვის (პროფილის შესაბამისად) ფასიანი მომსა­ხურების გაწევა. თავი III უნივერსიტეტის სტრუქტურა.სასწავლო პროცესი და სამეცნიერო-კვლევითი მუშაობა     მუხლი 4🔗. უნივერსიტეტის სტრუქტურული ერთეულები და მათი ფუნქცია 1.უნივერსიტეტის ძირითადი სასწავლო, მეთოდური, სამეცნიერო-კვლევითი სტრუქტურული ერთეულებია: უნივერსიტეტის ფაკულტეტები, საუნივერსიტეტო და საფაკულტეტო კათედრები; შესაბამისი სასწავლო ცენტრები და ლაბორატორიები; უნივერსიტეტში შემავალი ინსტიტუტები, ფილიალები, კვალიფიკაციის ამაღლების კურსები, საბაზო სკოლა და კოლეჯი, ბიბლიოთეკა, გამომცემლობა, სტამბა, აგრეთვე სხვა საუნივერსიტეტო ქვედანაყოფები, რომელთა სტრუქტურა, ნუსხა და მუშაობის რეგლამენტი განსაზღვრულია უნივერსიტეტის სამეცნიერო საბჭოს მიერ დამტკიცებული შინაგანაწესით. ყველა სტრუქტურული ქვეგანაყოფი მუშაობს სამეცნიერო საბჭოს მიერ დამტკიცებული დებულების შესაბამისად. 2. უნივერსიტეტის სტრუქტურული ერთეულები ახორციელებენ სასწავლო-მეთოდურ და სამეცნიერო-კვლევით მუშაობას და იმყო­ფე­ბიან უნივერსიტეტის საერთო ბალანსზე.     მუხლი 5🔗. სასწავლო პროცესი 1. უნივერსიტეტის სასწავლო პროცესისა და სამეცნიერო-კვლე­ვითი მუშაობის ორგანიზაციის ფორმები დგინდება უნივერსიტეტის ში­ნა­განაწესით, რომელსაც რექტორის წარდგინებით ამტკიცებს სამეცნი­ერო საბჭო. შინაგანაწესი უნდა შეესაბამებოდეს საქართველოს კანონ­მდებლობას. 2. უნივერსიტეტის შინაგანაწესით დგინდება უნივერსიტეტში ჩარიცხ­ვის, მომდევნო კურსზე ან სხვა ფაკულტეტზე გადაყვანის, აგრეთვე კურსზე დატოვებისა და უნივერსიტეტიდან გარიცხვის პირობები და წესები, სტუდენტთა ცოდნის შეფასების სისტემა და კრიტერიუმები, ქცევისა და სწავლის პირობები, სტუდენტთა უფასო და ფასიანი მომსახურების სახეები, სასწავლო რეჟიმი (სასწავლო მეცადინეობათა ყოველდღიური რაოდენობა, სასწავლო გეგმითა და საუნივერსიტეტო განრიგით განსაზღვრული თანმიმდევრობა, ლექციებს შორის შესვე­ნებათა ხანგრძლივობა და გრაფიკი, სასწავლო პროცესის შიდა კონტ­რო­ლის წესი და განხორციელების ფორმები). შინაგანაწესი არ შეიძ­ლება შეიცვალოს მიმდინარე სასწავლო წლის განმავლობაში. 3. ბავშვობიდან ინვალიდებისათვის (დიაბეტით დაავადებულები და სხვ.) სწავლის აუცილებელი პირობების შესაქმნელად შინაგანაწესით შეიძლება დადგინდეს ისეთი შეღავათები, რომლებიც ხელს შეუწყობენ მათ სრულფასოვან ინტეგრაციას სასწავლო პრო­ცესში. შეღავათებით არ შეიძლება დაბალი საგანმანათლებლო სტანდარტის დადგენა, გამოცდის, ატესტაციისა და ცოდნის შეფასების სხვა ფორმებისაგან გათავისუფლება. 4. უნივერსიტეტის შინაგანაწესით არ შეიძლება შეიზღუდოს სასწავლო პროცესის მონაწილეთა უფლებები,რომლებიც დადგენილია საქართველოს კანონმდებლობით.     მუხლი 6🔗. სწავლების ფორმა უნივერსიტეტში სწავლება ხორციელდება დასწრებული სწავლე­ბის ფორმით.     მუხლი 7🔗. საგანმანათლებლო სერტიფიკატი უნივერსიტეტი მისი საგანმანათლებლო პროგრამის წარმატებით ათვისებისა და სტუდენტის მიერ სახელმწიფო ატესტაციის გავლის შემთხვევაში გასცემს სახელმწიფო საგანმანათლებლო სერტიფიკატს.     მუხლი 8🔗. სამეცნიერო ხარისხებისა და წოდებების მიმნიჭებელი საბჭოები 1. მოქმედი საკანონმდებლო და ნორმატიული აქტების მოთხოვ­ნათა შესაბამისად უნივერსიტეტთან იქმნება სადისერტაციო და პროფე­სორთა საბჭოები. 2. სადისერტაციო და პროფესორთა საბჭოები წარმართავენ თავის მუშაობას მოქმედი კანონმდებლობისა და უნივერსიტეტის შინაგანაწესის მოთხოვნათა შესაბამისად. თავი IV უნივერსიტეტის მართვა. უნივერსიტეტის მუშაკები     მუხლი 9🔗. უნივერსიტეტის მართვა უნივერსიტეტის მართვას ახორციელებს: ა) სამეცნიერო საბჭო; ბ) რექტორი; გ) რექტორატი; დ) დეკანატები.     მუხლი 10🔗. სამეცნიერო საბჭო 1. სამეცნიერო საბჭო არის უნივერსიტეტის მართვის არჩევითი ორგანო, რომლის შექმნისა და საქმიანობის წესი და უფლებამოსილება განისაზღვრება საქართველოს კანონმდებლობით დადგენილი წესით და ამ წესდების საფუძველზე. 2. სამეცნიერო საბჭოს შემადგენლობაში შედიან: რექტორი, პრო­რექტორები, უნივერსიტეტის სტრუქტურული ერთეულების ხელმძღვანე­ლები (დეკანები, კათედრათა და ცალკეულ ქვედანაყოფთა ხელმძღვა­ნელები), წამყვანი პროფესორ-მასწავლებლები, სტუდენტთა და ასპირანტ­თა წარმომადგენლები. სამეცნიერო საბჭოში არანაკლებ სამ წევრს ირჩევენ უნივერსიტეტის სტუდენტთა ორგანიზაციები უნივერსიტეტის შინაგანაწესით დადგენილი წესით. სამეცნიერო საბჭოს წევრთა რაოდენობა და შემადგენლობა განისაზღვრება და მტკიცდება რექტორის ბრძანებით. სამეცნიერო საბჭოს მუშაობაში სათათბირო ხმის უფლებით მონაწილეობის მიღების უფლება აქვს უნივერსიტეტის ყველა პედაგოგს. 3. სამეცნიერო საბჭო: ა) წარმართავს უნივერსიტეტის სასწავლო, სამეცნიერო, მეთოდურ და საფინანსო პოლიტიკას. იგი უფლებამოსილია ცვლილებები შეიტანოს დაწესებულების საგანმანათლებლო პროგრამაში; ბ) რექტორის წარდგინებით ამტკიცებს უნივერსიტეტის პრორექ­ტორებს, ინსტიტუტების, ფილიალების და სხვა სტრუქტურული ერთეულების ხელმძღვანელებს; გ) ირჩევს რექტორს, კათედრათა გამგეებსა და ზოგადსაუნივერსიტეტო კათედრების პროფესორ-მასწავლებლებს; დ) წარადგენს და გამოიწვევს თავის წარმომადგენლებს დაწესებულების სამეურვეო საბჭოში; ე) შეიმუშავებს სასწავლო-სამეცნიერო და სხვა პროგრამათა შესრულების კრიტერიუმებს და მათ შესაბამისად აწესებს მათი განხორციელების კონტროლს; ვ) უფლებამოსილია უნივერსიტეტის საპატიო დოქტორად აირჩიოს უცხოეთის გამოჩენილი სპეციალისტები, ცნობილი მეცნიერები და საზოგადო მოღვაწეები; ზ) ასრულებს ამ წესდებითა და უნივერსიტეტის შინაგანაწესით დადგენილ სხვა ფუნქციებს. 4. სამეცნიერო საბჭო სასწავლო, სამეცნიერო და სხვა საკითხებ­ზე გადაწყვეტილებას იღებს ღია კენჭისყრით ხმის უბრალო უმრავლესობით, ხოლო თანამდებობებზე კონკურსის წესით არჩევისას მართავს ფარულ კენჭისყრას. 5. სამეცნიერო საბჭოს ხელმძღვანელობს უნივერსიტეტის რექტორი. 6. სამეცნიერო საბჭოს საქმიანობისა და მუშაობის დეტალური რეგლამენტი აისახება უნივერსიტეტის შინაგანაწესში.     მუხლი 11🔗. რექტორი 1. რექტორი უნივერსიტეტის უმაღლესი თანამდებობის პირია. იგი წარმართავს უნივერსიტეტის საქმიანობას, ხელმძღვანელობს სამეც­ნიერო საბჭოსა და რექტორატს, წარმოადგენს უნივერსიტეტს სხვა ფიზიკურ და იურიდიულ პირებთან ურთიერთობაში და მოქმედებს უნივერსიტეტის სახელით, ასრულებს ამ წესდებით დადგენილ სხვა ფუნქციებს. 2. უნივერსიტეტის რექტორის არჩევა და დამტკიცება ხდება „განათლების შესახებ“ საქართველოს კანონის, „საქართველოს სახელ­მწიფო უმაღლესი სასწავლებლების რექტორის არჩევის წესის შესახებ“ საქართველოს განათლების მინისტრის 1998 წლის 19 თებერვლის №32 ბრძანებით დამტკიცებული დებულებისა და უნივერსიტეტის წესდების თანახმად. უნივერსიტეტის რექტორობის კანდიდატი უნდა იყოს უნივერსიტეტის პროფილის წარმომადგენელი ფილოლოგიურ მეცნიერებათა დოქტორი (გერმანისტი ან რომანისტი ლინგვისტი), პროფესორი, უმაღ­ლეს სასწავლებელში ან სამეცნიერო-კვლევით დაწესებულებაში ხელმძღვანელ თანამდებობაზე მუშაობის გამოცდილებით და უმაღლეს სასწავლებელში პედაგოგიური მუშაობის არანაკლებ 10 წლის სტაჟით. 3. რექტორი პასუხისმგებელია სასწავლო, სამეცნიერო, აღმზრდე­ლობითი და საორგანიზაციო-სამეურნეო საქმიანობის ხარისხსა და დონისათვის სასწავლებლებში. 4. რექტორი უფლებამოსილია: ა) საქართველოს კანონმდებლობით დადგენილი წესით სამსახურ­ში მიიღოს და გაათავისუფლოს ყველა მუშაკი; ბ) შეიმუშაოს საუნივერსიტეტო აღმასრულებელი ორგანოების სტრუქტურა, დააკომპლექტოს სპეციალისტებით და უზრუნველყოს მათი ფუნქციონირება; გ) განსაზღვროს საწარმოო და სოციალური ფონდების გამოყენების მიმართულებები; დ) კანონით ნებადართული წესით განაგოს უნივერსიტეტის ქონება, გახსნას და დახუროს ბანკში უნივერსიტეტის ანგარიში; ე) ხელმოწერითა და ბეჭდით დაადასტუროს უნივერსიტეტის დოკუმენტაცია; ვ) უნივერსიტეტის საგანმანათლებლო პროგრამის ფარგლებში დაამყაროს კავშირი სხვა, მათ შორის უცხოეთის, საგანმანათლებლო დაწესებულებებთან; ზ) შეადგინოს და დაამტკიცოს მიმღები საგამოცდო კომისიის, საგნობრივი კომისიებისა და ტექნიკური სამდივნოს შემადგენლობა; თ) განახორციელოს ამ წესდებით დადგენილი სხვა უფლე­ბა­მოსილებები; ი) უფლებამოსილების ფარგლებში გამოსცეს შესასრულებლად სავალდებულო ბრძანებები. 5. რექტორი სამეცნიერო საბჭოსთან კონსულტაციის საფუძველზე უფლებამოსილია: ა) შექმნას და გააუქმოს უნივერსიტეტის სტრუქტურული ერთეულები; ბ) შემოიღოს და გააუქმოს სპეციალობები, საქართველოს განათლების სამინისტროსთან შეთანხმებით. 6. რექტორი პასუხისმგებელია უნივერსიტეტის საქმიანობის კანო­ნიერებისა და ეფექტიანობისათვის, უნივერსიტეტის მიერ საქართველოს კანონმდებლობით დადგენილი დოკუმენტაციის ზუსტი წარმოებისათვის, უნივერსიტეტის მიერ გაცემულ დოკუმენტაციაში მითითებული მონაცემების სიზუსტისათვის. 7. რექტორი ანგარიშვალდებულია უნივერსიტეტის სამეცნიერო სა­ბჭოს წინაშე უნივერსიტეტის სასწავლო, სამეცნიერო, საფინანსო-ეკონომიკური და სოციალური საქმიანობისათვის. 8. რექტორის თანამდებობიდან ვადაზე ადრე გათავისუფლება შე­სა­ძ­ლებელია უნივერსიტეტის საბჭოს მიერ კანონმდებლობით დადგე­ნილი პროცედურული მოთხოვნების შესაბამისად გამართული ფარული კენჭისყრის შედეგების საფუძველზე. სამეცნიერო საბჭოს გადაწყვეტილებისა და საქართველოს განათლების მინისტრის წარდგინების საფუძველზე რექტორს თანამდებობიდან ათავისუფლებს საქართველოს პრეზიდენტი. 9. რექტორის მატერიალური სტიმულირება და გარანტიები უზრუნველყოფილია საქართველოს კანონმდებლობით დადგენილი წესით.     მუხლი 12🔗. უნივერსიტეტის რექტორატი. ფაკულტეტის დეკანი 1. უნივერსიტეტის რექტორატში შედიან: რექტორი, პრორექ­ტო­რები, დეკანები და რექტორის გადაწყვეტილებით უნივერსიტეტის სტრუ­ქ­ტურული ქვედანაყოფების ზოგიერთი ხელმძღვანელები. 2. პრორექტორების რაოდენობა და ფუნქციები დგინდება უნი­ვერ­სიტეტის შინაგანაწესით. 3. უნივერსიტეტის რექტორატის შემადგენლობას ადგენს და ამტკიცებს უნივერსიტეტის რექტორი ბრძანებით. 4. დეკანის არჩევა ხდება შესაბამისი ფაკულტეტის საბჭოს მიერ ალტერნატიული პრინციპით, კონკურსის წესით მოქმედი დებულების შესაბამისად, საგანმანათლებლო პროგრამის ვადით. დეკანად შეიძლება არჩეულ იქნეს ფაკულტეტის შესაბამისი პროფილის უნივერსიტეტში მომუშავე სპეციალისტი, რომელსაც უნდა ჰქონდეს სამეცნიერო-პედაგოგიური მუშაობის გამოცდილება, სამეცნიერო ხარისხი და წოდება, უმაღლეს სასწავლებელში პედაგოგიური მუშაობის სულ ცოტა 10 წლის სტაჟი. დეკანის არჩევის შედეგები ფორმდება რექტორის ბრძანებით. 5. დეკანის მოადგილეს ნიშნავს რექტორი. 6. აღმასრულებელი ხელისუფლების ორგანოები მუშაობენ აკადემიური, სამეცნიერო, სოციალურ-კულტურული, საფინანსო-ეკონომიკუ­რი, საინფორმაციო და სხვა მიმართულებით. ისინი ანგარიშვალდებულნი არიან უნივერსიტეტის რექტორისა და სამეცნიერო საბჭოს წინაშე. 7. აღმასრულებელი ხელისუფლების ორგანოებს უფლება აქვთ შევიდნენ უნივერსიტეტის სამეცნიერო საბჭოში რეკომენდაციებით და წინადადებებით. 8. უნივერსიტეტის რექტორატი, სამეცნიერო საბჭოსთან შეთანხ­მებით, შეიმუშავებს უნივერსიტეტის არასაბიუჯეტო ფინანსური რესურსების ხარჯთა ნუსხის პროექტს. 9. უნივერსიტეტის რექტორატს უფლება აქვს, სამეცნიერო საბჭოს­თან შეთანხმებით, განსაზღვრული წესითა და პირობებით არა­საბიუჯეტო ფინანსური რესურსების არსებობის შემთხვევაში, დანიშნოს სახელმწიფო სტიპენდიების დანამატები და უნივერსიტეტის სტიპენ­დიები, ხელფასები და მისი დანამატები, გასცეს პრემიები, ჯილდოები, ფინანსური დახმარება. 10. რექტორატის წევრებისათვის ხელფასის დანამატის დანიშვნის, პრემიის, ჯილდოსა და უნივერსიტეტის შინაგანაწესით გათვალის­წინებული სხვა ფინანსური დახმარების გაცემის საკითხს შინაგანაწესით განსაზღვრული წესით, სამეურვეო საბჭოს წინადადების საფუძ­ველ­ზე წყვეტს სამეცნიერო საბჭო.     მუხლი 13🔗. სამეურვეო საბჭო 1. უნივერსიტეტში შემოსავლის მოზიდვის და რაციონალური განკარგვის მიზნით იქმნება სამეურვეო საბჭო. ნებისმიერი ფიზიკური და იურიდიული პირი, თუ ის დაინტერესებულია უნივერსიტეტის მოღვა­წეობით და სურვილს გამოთქვამს აღმოუჩინოს მას მორალური, ეკო­ნო­მიკური, ფინანსური ან სხვა სახის დახმარება, გაუზიაროს გამოცდილება, მონაწილეობა მიიღოს უნივერსიტეტის სამეურნეო საქმიანობაში, შეიძლება იყოს სამეურვეო საბჭოს წევრი. 2. სამეურვეო საბჭოს შემადგენლობას უნივერსიტეტის რექტორის წარდგინებით ამტკიცებს სამეცნიერო საბჭო. 3. სამეურვეო საბჭოს სხდომა ტარდება წელიწადში ერთხელ. მისი მუშაობის რეგლამენტი განისაზღვრება შესაბამისი დებულებით.     მუხლი 14🔗. უნივერსიტეტის მუშაკთა უფლება-მოვალეობანი 1. უნივერსიტეტის მუშაკთა მოვალეობა, შესასრულებელი სამუ­შაო, ხელფასი და სამსახურის ვადა განისაზღვრება შინაგანაწესით, უნივერსიტეტსა და მუშაკს შორის დადებული ხელშეკრულებით. 2. უნივერსიტეტის მუშაკს უფლება აქვს შინაგანაწესითა და ხელ­შეკრულებით განსაზღვრულ ფარგლებში მონაწილეობდეს უნივერ­სიტეტის მართვაში. 3. უნივერსიტეტის პედაგოგი ვალდებულია: ა) შეასრულოს უნივერსიტეტის წესდებითა და მასთან დადებული ხელშეკრულებით დადგენილი პირობები; ბ) საქართველოს კანონმდებლობით დადგენილი წესითა და ვადების შესაბამისად აიმაღლოს კვალიფიკაცია; გ) დაიცვას პროფესიული ეთიკის ნორმები. უნივერსიტეტის პედაგოგიური პერსონალი არჩევითია. მათ მიეკუთვნება: კათედრის გამგე, პროფესორი, დოცენტი, უფროსი მასწავლებელი, მასწავლებელი, ასისტენტი. თავი V უნივერსიტეტის ქონება, დაფინანსება საბუღალტრო ანგარიშგება და კონტროლი     მუხლი 15🔗. უნივერსიტეტის ქონება 1. უნივერსიტეტს დასახული მიზნებისა და დაკისრებული ფუნქ­ციების განსახორციელებლად სახელმწიფოსაგან უსასყიდლო უზუფ­რუქტის უფლებით გადაცემული აქვს სახელმწიფო ქონება, რომელიც გამოიყენება მხოლოდ ამ წესდებით დადგენილი მიზნების მისაღწევად. უნივერსიტეტისათვის გადაცემული ქონების მფლობელობისა და სარგებლობის რეჟიმი დგინდება საქართველოს სამოქალაქო კოდექსის შესაბამისად დადებული უზუფრუქტის ხელშეკრულებით. 2. უნივერსიტეტის ქონებისა და საფინანსო-ეკონომიკურ საქმიანობასთან დაკავშირებული საკითხები წესრიგდება მოქმედი კანონ­მდებლობის შესაბამისად. ამასთან, უძრავი ქონების გასხვისება, დატვირთვა და სხვა გადაწყვეტილებები უნივერსიტეტის ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს, ხორციელდება სახელმწიფო კონტროლის ორგანოს თანხმობით.     მუხლი 16🔗. დაფინანსება 1. უნივერსიტეტის დაფინანსების წყაროა: ა) საქართველოს ცენტრალური ბიუჯეტიდან გამოყოფილი მიზნობრივი სახსრები; ბ) სახელმწიფო დაკვეთის შესრულებით მიღებული შემოსავალი; გ) სამოქალაქო გარიგებებით მიღებული შემოსავალი; დ) შემოწირულობები, გრანტები; ე) საქართველოს კანონმდებლობით გათვალისწინებული სხვა შემოსავლები. 2. უნივერსიტეტის სახსრები და შემოსავლები მთლიანად ხმარდება დაწესებულების მიზნებისა და ფუნქციების შესრულებას. უნივერსიტეტის სახსრებისა და შემოსავლების გამოყენება რაიმე სხვა მიზნით აკრძალულია.     მუხლი 17🔗. საბუღალტრო აღრიცხვა-ანგარიშგება უნივერსიტეტი ვალდებულია საქართველოს კანონმდებლობით დადგენილი წესით აწარმოოს საფინანსო-ეკონომიკური საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდგინოს საქართველოს განათლების სამინისტროს.     მუხლი 18🔗. სახელმწიფო კონტროლი 1. უნივერსიტეტი ექვემდებარება სახელმწიფო კონტროლს. 2. უნივერსიტეტის სახელმწიფო კონტროლი გულისხმობს მისი სა­ქ­მიანობის კანონიერების, მიზანშეწონილობის, ეფექტიანობისა და საფი­ნანსო-ეკონომიკური საქმიანობის ზედამხედველობას. 3. უნივერსიტეტის საქმიანობის სახელმწიფო ზედამხედველობას ახორციელებს საქართველოს განათლების სამინისტრო. თავი VI წესდებაში ცვლილებების შეტანის წესი, რეორგანიზაცია, ლიკვიდაცია     მუხლი 19🔗. წესდებაში ცვლილებების შეტანის წესი უნივერსიტეტის წესდებაში შესატანი ცვლილებების და დამატე­ბების პროექტს შეიმუშავებს უნივერსიტეტის სამეცნიერო საბჭო. პროექტი დასამტკიცებლად წარედგინება საქართველოს პრეზიდენტს.     მუხლი 20🔗. უნივერსიტეტის რეორგანიზაცია, ლიკვიდაცია 1. უნივერსიტეტი შექმნილია განუსაზღვრელი ვადით. 2. უნივერსიტეტის რეორგანიზაცია ან ლიკვიდაცია ხდება საქართ­ველოს კანონმდებლობით დადგენილი წესით. 3. ლიკვიდაციის შედეგად დარჩენილი ქონება გადადის სახელმ­წიფოს საკუთრებაში.