„სავალდებულო სოციალური დაზღვევის შესახებ“ საქართველოს კანონში ცვლილების შეტანის თაობაზე

საქართველოს კანონი

„სავალდებულო  სოციალური დაზღვევის შესახებ“ საქართველოს კანონში ცვლილების შეტანის თაობაზე

მუხლი 1. „სავალდებულო სოციალური დაზღვევის შესახებ“ საქართველოს კანონის (საქართველოს საკანონმდებლო მაცნე, №21, 15.07.2003, მუხ.143) მე-18 მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველ პუნქტში მითითებულ შრომის ანაზღაურებაში არ გაითვალისწინება გრანტით მიღებული შემოსავლები, ხოლო არასახელმწიფო საპენსიო და ნებაყოფლობითი სამედიცინო დაზღვევის შემთხვევაში – დამზღვევის მიერ დაზღვეულზე და თვითდამზღვევის მიერ გადახდილი სადაზღვევო შესატანი და პრემია, თუ მათი ოდენობა არ აღემატება დაზღვეულის შრომის ანაზღაურების 30%-სა და 1200 ლარს წელიწადში.“.

მუხლი 2. ეს კანონი ამოქმედდეს გამოქვეყნებისთანავე.

 

საქართველოს პრეზიდენტი ედუარდ შევარდნაძე

თბილისი,

2003 წლის 23 ივლისი.

№2589-რს