,,დამოუკიდებელ ექსპერტთა რეესტრის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 7 ივლისის №516 ბრძანებაში ცვლილებების შეტანის თაობაზე

საქართველოს გარემოს დაცვის მინისტრის

ბრძანება№11

2011 წლის 13 აპრილი

 ქ. თბილისი

,,დამოუკიდებელ ექსპერტთა რეესტრის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 7 ივლისის №516 ბრძანებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე,ვბრძანებ:

 მუხლი 1. ,,დამოუკიდებელ ექსპერტთა რეესტრის შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 7 ივლისის №516 ბრძანებით  (სსმ III, 15.07.2008, №100, მუხ. 1101) დამტკიცებულ დებულებაში შეტანილ იქნ ე ს შემდეგი ცვლილებები:  

1.  პირველი მუხლი ჩამოყალიბდეს შემდეგი რედაქციით:

     „მუხლი 1. დებულების რეგულირების საგანი

დებულების რეგულირების საგანს წარმოადგენს საქართველოს გარემოს დაცვის სამინისტროს (შემდგომში – სამინისტრო) მიერ ეკოლოგიური ექსპერტიზის ჩატარების პროცესში დამოუკიდებელ ექსპერტთა შერჩევის, მათი დამოუკიდებელ ექსპერტთა რეესტრში შეყვანის და დამოუკი დ ებელ ექსპერტთა რეესტრის წარმოების წესთან დაკავშირებულ ი სამართლებრივ ი ურთიერთობებ ი.“.

2. მე-3 მუხლის მე-2 და მე-3 პუნქტები ჩამოყალიბდეს შემდეგი რედაქციით:

,,2. ექსპერტების დამოუკიდებელ ექსპერტთა რეესტრში რეგისტრაცია და რეესტრიდან გამოყვანა ხორციელდება საქართველოს გარემოს დაცვის მინისტრის ინდივიდუალური ადმინისტრაციულ-სამართლებრივი აქტით.

3. დამოუკიდებელ ექსპერტთა რეესტრს აწარმოებს სამინისტროს ნებართვების სამსახური.“.

3. მე-4 მუხლის მე-3 პუნქტი ჩამოყალიბდეს შემდეგი რედაქციით:

,,3. ექსპერტების დამოუკიდებელ ექსპერტთა რეესტრში რეგისტრირება ხდება სამინისტროს ნებართვების სამსახურის უფროსის წერილობითი წარდგინების საფუძველზე გამოცემული მინისტრის ინდივიდუალური ადმინისტრაციულ-სამართლებრივი აქტით.“.

4. მე-5 მუხლი ამოღებულ იქნ ე ს.

 მუხლი 2.ეს ბრძანება ამოქმედდეს გამოქვეყნები სთანავე.

 გ. ხაჩიძე