ქვეყანაში თავდაცვითი დანიშნულების სამეცნიერო-სამრეწველო საქმიანობის სრულყოფის ზოგიერთ ღონისძიებათა შესახებ

ქვეყანაში თავდაცვითი დანიშნულების სამეცნიერო-სამრეწველო საქმიანობის სრულყოფის ზოგიერთ ღონისძიებათა შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:"SPLiteraturuly MT";} @font-face {font-family:SPGrotesk;} @font-face {font-family:Geo_dumM;} @font-face {font-family:SPAcademi;} @font-face {font-family:SPDumbadze;} @font-face {font-family:"BPG Nino Mkhedruli";} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:12.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:12.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:12.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:12.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:12.0pt; font-family:"Times New Roman","serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:12.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:12.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; font-size:12.0pt; font-family:"Times New Roman","serif";} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:12.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin:0in; margin-bottom:.0001pt; font-size:11.0pt; font-family:"Sylfaen","serif";} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin:0in; margin-bottom:.0001pt; font-size:12.0pt; font-family:"Sylfaen","serif";} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:12.0pt; font-family:"Sylfaen","serif"; font-weight:bold;} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:12.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin:0in; margin-bottom:.0001pt; font-size:12.0pt; font-family:"Arial","sans-serif";} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:12.0pt; font-family:"Arial","sans-serif";} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen {mso-style-name:"Style cxrili_xml + Sylfaen"; mso-style-link:"Style cxrili_xml + Sylfaen Char"; margin:0in; margin-bottom:.0001pt; font-size:10.0pt; font-family:"Sylfaen","serif";} span.StylecxrilixmlSylfaenChar {mso-style-name:"Style cxrili_xml + Sylfaen Char"; mso-style-link:"Style cxrili_xml + Sylfaen"; font-family:"Sylfaen","serif";} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; text-align:justify; text-indent:14.15pt; font-size:9.0pt; font-family:"Sylfaen","serif";} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-align:justify; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.gazette, li.gazette, div.gazette {mso-style-name:gazette; margin:0in; margin-bottom:.0001pt; text-align:justify; text-indent:.5in; font-size:11.0pt; font-family:"BPG Nino Mkhedruli";} p.muxligazette, li.muxligazette, div.muxligazette {mso-style-name:muxli_gazette; margin:0in; margin-bottom:.0001pt; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} p.tavigazette, li.tavigazette, div.tavigazette {mso-style-name:tavi_gazette; margin:0in; margin-bottom:.0001pt; text-align:center; text-indent:14.15pt; font-size:11.0pt; font-family:"BPG Nino Mkhedruli"; font-weight:bold;} /* Page Definitions */ @page Section1 {size:8.5in 11.0in; margin:.5in 45.0pt .5in 56.7pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს პრეზიდენტის ბრძანებულება №582 1997 წლის 15 ოქტომბერი ქ. თბილისი ქვეყანაში თავდაცვითი დანიშნულების სამეცნიერო-სამრეწველო საქმიანობის სრულყოფის ზოგიერთ ღონისძიებათა შესახებ საქართველოს თავდაცვისუნარიანობისა და სახელმწიფო უშიშროების უზრუნველყოფაში ქვეყნის სამეცნიერო-ტექნოლოგიური და სამრეწველო პოტენციალის სრულად გამოყენებისა და ამ საქმიანობის კოორდინაციის სახელმწიფოებრივ დონეზე განხორციელების, აგრეთვე უცხოეთის ქვეყნებთან სამხედრო-ტექნიკური თანამშრომლობისა და სამხედრო დანიშნულების პროდუქციის ექსპორტ-იმპორტის საკითხების მოწესრიგების მიზნით: 1. საქართველოს კანონის „ეროვნული უშიშროების საბჭოს შესახებ“ მე-7 მუხლის შესაბამისად შეიქმნას ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისია. 2. დაინიშნოს საქართველოს სახელმწიფო მინისტრი ნიკოლოზ ლეკიშვილი ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის თავმჯდომარედ. 3. დამტკიცდეს ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის თანდართული დებულება და ამ კომისიის შემადგენლობა (დანართი 1 და დანართი 2). 4. ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის საქმიანობის ორგანიზაციულ-ტექნიკური უზრუნველყოფა დაევალოს ეროვნული უშიშროების საბჭოს აპარატის თავდაცვითი მრეწველობის საკითხთა განყოფილებას, რის გამოც აღნიშნული განყოფილების მუშაკთა რიცხვი გაიზარდოს ერთი საშტატო ერთეულით. 5. დამტკიცდეს თანდართული დებულება საქართველოს უცხოეთის ქვეყნებთან სამხედრო-ტექნიკური თანამშრომლობის წესის შესახებ (დანართი 3). 6. დამტკიცდეს თანდართული დებულება სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტისა და იმპორტის ლიცენზირების წესის შესახებ. 7. ქვეყნის თავდაცვითი დანიშნულების მეცნიერებისა და მრეწველობის სფეროში სახელმწიფოებრივი მნიშვნელობის პრობლემების წარმოჩენის, კონცეპტუალური მიდგომებისა და კონკრეტული პროექტების განხორციელების ოპტიმალური ვარიანტების შემუშავების მიზნით საქართველოს მეცნიერებათა აკადემიის გამოყენებითი პრობლემების სამეცნიერო საბჭოს განესაზღვროს ქვეყნის თავდაცვითი დანიშნულების მეცნიერებისა და ტექნოლოგიების სფეროში სახელმწიფო სამეცნიერო-საექსპერტო კომისიის სტატუსი. აღნიშნული კომისიის ხელმძღვანელობა დაევალოს საქართველოს მეცნიერებათა აკადემიის პრეზიდენტს ა.თავხელიძეს. 8. საქართველოს უშიშროების სამინისტრომ (ჯ. გახოკიძე), სახელმწიფო საიდუმლოების დაცვის სახელმწიფო ინსპექციამ (გ. ნაჭყებია) საქართველოს კანონის „სახელმწიფო საიდუმლოების შესახებ“ მე-3 მუხლის შესაბამისად ახალი სახეობის იარაღის, საბრძოლო ტექნიკისა და თავდაცვითი დანიშნულების ტექნოლოგიების შესახებ საიდუმლოების მფლობელ სამინისტროებს, უწყებებს, ორგანიზაციებსა და საწარმოებს გაუწიონ მეთოდურ-ორგანიზაციული დახმარება სახელმწიფო საიდუმლოებას მიკუთვნებული ინფორმაციისა და სამეცნიერო-ტექნიკური, საგამომგონებლო, სხვა სახის საიდუმლო ინფორმაციის დაცვის ღონისძიებათა შემუშავებასა და განხორციელებაში. ე. შევარდნაძე დანართი 1 ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის დებულება I. ზოგადი ნაწილი 1. ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიას (შემდგომში-კომისია) არის ეროვნული უშიშროების საბჭოს ფუნქციური ორგანო, რომელიც ქვეყნის შესაბამის სამინისტროებთან, უწყებებთან, ორგანიზაციებთან, წარმოება-დაწესებულებებთან თანამშრომლობის საფუძველზე კოორდინაციას უწევს საქართველოს სამრეწველო და სამეცნიერო-ტექნოლოგიური პოტენციალის ქვეყნის თავდაცვისუნარიანობისა და უშიშროების განმტკიცების საქმეში სრულად გამოყენების, ძალოვანი სტრუქტურების სამეცნიერო-ტექნიკური და სამრეწველო ოუზრუნველყოფისა და თავდაცვითი მრეწველობის დარგში დსთ-ის წევრ და უცხოეთის სხვა ქვეყნებთან სამხედტრო-ტექნიკური თანამშრომლობის საკითხებთან დაკავშირებულ საქმიანობას და აღნიშნულ სფეროში შეიმუშავებს რეკომენდაციებს, დასკვნებს. 2. კომისია თავის საქმიანობაში ხელმძღვანელობს საქართველოს კონსტიტუციით, საქართველოს კანონით „ეროვნული უშიშროების საბჭოს შესახებ”, ქვეყნის სხვა ნორმატიული აქტებით, საქართველოს პრეზიდენტის ბრძანებულებებით, განკარგულებებით, საქართველოს პრეზიდენტის – სამხედრო ძალების უმაღლესი მთავარსარდლის ბრძანებებით, დავალებებითა და ამ დებულებით. 3. კომისიის დებულებას ამტკიცებს საქართველოს პრეზიდენტი. 4. კომისიის მიერ თავისი კომპეტენციის ფარგლებში მიღებული რეკომენდაციებისა და დასკვნების გათვალისწინება მიზანშეწონილია ყველა საწარმოსა და ორგანიზაციისათვის საქართველოს მთელ ტერიტორიაზე, უწყებრივი დაქვემდებარებისა და საკუთრების ფორმის მიუხედავად. II. კომისიის ძირითადი დანიშნულება და უფლებამოსილებანი 5. კომისიის ძირითადი დანიშნულებაა ქვეყნის თავდაცვისუნარიანობისა და უშიშროების განმტკიცების, ძალოვანი სტრუქტურების სათანადო სამეცნიერო-ტექნიკური და საწარმოო უზრუნველყოფისა და უცხოეთის ქვეყნებთან ეფექტიანი სამხედრო-ტექნიკური თანამშრომლობის საკითხებში ხელი შეუწყოს საქართველოს ეროვნული უშიშროების საბჭოს, სხვა სახელმწიფო მმართველობითი ორგანოების, უწყებების, სამრეწველო საწარმოების, სამეცნიერო-კვლევითი, საპროექტო-საკონსტრუქტორო ორგანიზაციების საქმიანობას. 6. კომისია, თავის ძირითადი დანიშნულებიდან გამომდინარე: - ქვეყნის შესაბამის სამინისტროებთან და უწყებებთან ერთად განსაზღვრავს თავდაცვითი დანიშნულების სამეცნიერო-სამრეწველო საქმიანობის პრიორიტეტულ მიმართულებებს; - ქვეყნის საჭიროებისათვის სამხედრო და თავდაცვითი დანიშნულების პროდუქციის შექმნისა და წარმოების მიზნით კოორდინაციას უწევს შესაბამის სამინისტროთა, უწყებათა, დაწესებულებათა, წარმოებათა, სამეცნიერო-საპროექტო ორგანიზაციათა საქმიანობას, ახორციელებს მათი სამეცნიერო და სამრეწველო პოტენციალის კონცეტრაციასა და მობილიზაციას ამ მიმართებით; - ხელს უწყობს საქართველოში და მის ფარგლებს გარეთ სამეცნიერო-კვლევით, საპროექტო-საკონსტრუქტორო და საწარმოო ორგანიზაციათა ურთიერთდაკავშირებას ქვეყანაში მოწინავე ტექნოლოგიების დამუშავებისათვის, თანამედროვე სამხედრო ტექნიკის, აღჭურვილობის დამზადებისა და წარმოებისათვის; - თავის კომპეტენციის ფარგლებში განიხილავს ან ეროვნული უშიშროების საბჭოს სხდომაზე განსახილველად წარადგენს სამინისტროების, გაერთიანებების, საწარმოების, სამეცნიერო და საპროექტო ორგანიზაციების, ცალკეული იურიდიული პირების წინადადებებს ქვეყნის თავდაცვისუნარიანობის განმტკიცების შესახებ; - შესაბამის სამინიტროებთან და უწყებებთან ერთად კოორდინაციას უწევს ქვეყნის, როგორც თავდაცვითი დანიშნულების სამრეწველო საწარმოებსა და ორგანიზაციებში, ასევე სამხედრო და თავდაცვითი დანიშნულების პროდუქციის შეკვეთებზე მომუშავე სხვა სამრეწველო საწარმოებში, ახალი ტექნიკის შგექმნისა და კონვერსიის საკითხებზე პრიორიტეტულ მიმართულებათა ჩამოყალიბებისა და შესაბამისი გეგმების შემუშავების პროცესებს; - შესაბამის სამინისტროებთან და უწყებებთან ერთად განიხილავს სხვადასხვა სახეობის სამხედრო და თავდაცვითი დანიშნულების პროდუქციის წარმოების ეკონომიკური მიზანშეწონილობისა და ახალი საბრძოლო ტექნიკის, მოწყობილობების, საშუალებების სერიულ წარმოებაში დანერგვის საკითხებს და იღებს სათანადო გადაწყვეტილებას ან საჭიროების შემთხვევაში შეაქვს ისინი განსახილველად ეროვნული უშიშროების საბჭოს სხდომაზე; - განიხილავს სახელმწიფო და არასახელმწიფო სტრუქტურების განაცხადებს სახელმწიფო დაკვეთის ფორმით სამხედრო და თავდაცვითი დანიშნულების პროდუქციის წარმოებაზე და იძლევა სთანადო რეკომენდაციებსა და დასკვნებს; - ქვეყნის შესაბამის სამსახურებთან ერთად მონაწილეობს იმ წინადადებათა შემუშავებაში, რომლებიც ეხება შეიარაღების, სამხედრო ტექნიკისა და აღჭურვილობის შექმნის, წარმოებისა და ექსპლუატაციის დარგში დსთ-ის და უცხოეთის სხვა ქვეყნებთან ორმხრივ ან მრავალმხრივ ეკონომიკურ და სამხედრო-ტექნიკურ თანამშრომლობას. - თავისი კომპეტენციის ფარგლებში მონაწილეობს საქართველოს პრეზიდენტის – სამხედრო ძალების უმაღლესი მთავარსარდლის საკანონმდებლო ინიციატივებისათვის წინადადებათა შემუშავებაში; - საქართველოს პრეზიდენტის, საქართველოს სახელმწიფო მინისტრის, ეროვნული უშიშროების საბჭოს დავალებით ან საკუთარი ინიციატივით ამზადებს საქართველოს მთავრობის ან ეროვნული უშიშროების საბჭოს სხდომებზე განსახილველად სამხედრო ტექნიკის, აღჭურვილობის, თავდაცვითი და სამხედრო დანიშნულების სხვა პროდუქციის, მოწყობილობების, საშუალებების შექმნასა და წარმოებასთან დაკავშირებულ საკითხებს. - იხილავს საზღვარგარეთის ქვეყნების ან ცალკეული იურიდიული პირების თხოვნასა და განცხადებებს სამხედრო დანიშნულების პროდუქციის მიწოდებაზე, სამუშაოების შესრულებასა და მომსახურების გაწევაზე; - ამზადებს წინადადებებს, საზღვარგარეთის ქვეყნებთან მოლაპარაკების საფუძველზე, სამხედრო-ტექნიკური თანამშრომლობის სფეროში ორმხრივი და მრავალმხრივი სამთავრობათაშორისო კომისიების შექმნის შესახებ. - ორგანიზაციულად უზრუნველყოფს სამხედრო-ტექნიკურ თანაშრომლობაზე საზღვარგარეთის ქვეყნებთან სამთავრობათაშორისო შეთანხმებების პროექტებზე დასკვნების მომზადებას; - ქვეყნის დარგობრივ სამინისტროებთან და უწყებებთან ერთად განსაზღვრავს საექსპორტო და საიმპორტო სამხედრო დანიშნულების პრდუქციის, სამუშაოების (მომსახურების) ნუსხას და შეიმუშავებს რეკომენდაციებს სამხედრო დანიშნულების პროდუქციისა და სამუშაოების (მათ შორის სტრატეგიულის) ექსპორტისა და იმპორტის, აგრეთვე მათი ქვეყნიდან დროებითი გატანისა და შემოტანის თაობაზე; - განსაზღვრავს სამხედრო დანიშნულების პროდუქციის და სამუშაოების (მათ შორის სტრატეგიულის) საექსპორტო-საიმპორტო ოპერაციათა განხორციელების პირობებს. - იღებს დასკვნას ქვეყნის ტერიტორიაზე და მის ფარგლებს გარეთ სამხედრო ტექნიკის, ტექნოლოგიებისა და საბრძოლო აღჭურვილობის გამოფენების ორგანიზაციისა და გამართვის თაობაზე; - განიხილავს საქართველოს პრეზიდენტის ან სახელმწიფო აღმასრულებელი ხელისუფლების ორგანოების გადაწყვეტილებით სამხედრო დანიშნულების პროდუქციის ექსპორტ-იმპორტის შეწყვეტის გამო სამხედრო-ტექნიკური თანამშრომლობის სუბიექტისათვის მიყენებული ზარალის ანაზღაურებასთან დაკავშირებულ საკითხებს; - თავისი კომპეტენციის ფარგლებში აღმასრულებელი ხელისუფლების შესაბამის ორგანოებთან ურთიერთმოქმედებით ახორციელებს სამხედრო-ტექნიკური თანამშრომლობის სუბიექტებისა და მონაწილეების საქმიანობის უშუალო კოოორდინაციას; - კოორდინაციას უწევს ქვეყნის სამრეწველო საწარმოებსა და ორგანიზაციებში სამხედრო და თავდაცვითი დანიშნულების პროდუქციის შეკვეთების განთავსების საკითხთა გადაწყვეტას; - სამხედრო და თავდაცვითი დანიშნულების პროდუქციის წარმოებისას იღებს გადაწყვეტილებას ქვეყნის საწარმოებს შორის კოოპერაციის საკითხებზე; - წარმართავს მუშაობას ქვეყანაში სამხედრო და თავდაცვითი დანიშნულების პროდუქციის ხარისხის ამაღლებისა და საიმედოობის გაზრდის ერთიანი ნორმატიული ბაზის შესაქმნელად; - თავისი კომპეტენციის ფარგლებში იღებს ზომებს ძალოვან უწყებებსა და სამრეწველო საწარმოებს შორის დადებულ ხელშეკრულებათა შეუსრულებლობით გამოწვეულ უთანხმოებათა მოსაგვარებლად; - შესაბამის სამსახურებთან ერთად მონაწილეობს სახელმწიფო სტრუქტურებისა და წარმოება-დაწესებულებების სამობილიზაციო მზადყოფნის უზრუნველყოფის საკითხებზე წინადადებათა შემუშავებაში; - შეიმუშავებს საკოორდინაციო სფეროში საქართველოს პრეზიდენტის ბრძანებულებათა და განკარგულებათა, საქართველოს მთავრობისა და ეროვნული უშიშროების საბჭოს სხდომებზე განსახილველ საკითხთა პროექტებს; - საკოორდინაციო სფეროს საკითხებზე განიხილავს სპეციალურ ანალიტიკურ ინფორმაციებს და შეიმუშავებს რეკომენდაციებს. 7. კომისია თავის კომპეტენციის ფარგლებში უფლებამოსილია: - გამოითხოვოს სამინისტროებისაგან, უწყებებისა და სახელმწიფო დაწესებულებებისაგან, აგრეთვე მმართველობის ადგილობრივი ორგანოებისა და საქართველოს ტერიტორიაზე განლაგებული ნებისმიერი საწარმოსა და ორგანიზაციისაგან საჭირო ინფორმაცია დადგენილი წესით; - კომისიის საქმიანობასთან დაკავშირებულ საკითხთა განხილვისას მოიწვიოს დადგენილი წესით სახელმწიფო მმართველობით ორგანოთა და საწარმოთა ხელმძღვანელები, სხვა პასუხისმგებელი მუშაკები, მეცნიერები და სპეციალისტები; - სპეციალური დავალებების შესასრულებლად შექმნას დროებითი საექსპერტო და მიზნობრივი ჯგუფები და მოიწვიოს ამ ჯგუფებში სამუშაოდ სპეციალისტები დადგენილი წესით. III. კომისიის შემაადგენლობა და მისი საქმიანობის წესი 8. კომისიის შემადგენლობაში შედიან კომისიის თავმჯდომარე – საქართველოს სახელმწიფო მინისტრი, კომისიის თავმჯდომარის მოადგილე, საქართველოს თავდაცვის მინისტრი, კომისიის პასუხისმგებელი მდივანი. ეროვნული უშიშროების საბჭოს აპარატის თავდაცვითი მრეწველობის საკითხთა განყოფილების უფროსი და კომისიის წევრები, ეროვნული უშიშროების საბჭოს მდივანი, შესაბამისი სამინისტროების, უწყებების, ორგანიზაციების, სამსახურების ხელმძღვანელები და წარმომადგენლები. კომისიის შემადგენლობას ამტკიცებს საქართველოს პრეზიდენტი. 9. კომისიის მუშაობას უშუალოდ ხელმძღვანელობს კომისიის თავმჯდომარე – საქართველოს სახელმწიფო მინისტრი, რომელიც ამტკიცებს კომისიის სამუშაო გეგმებს და ხელს აწერს მიღებულ გადაწყვეტილებებს. 10. კომისიის სამუშაო ორგანოა ეროვნული უშიშროების საბჭოს აპარატის თავდაცვითი მრეწველობის საკითხთა განყოფილება; ამ განყოფილების უფროსი არის კომისიის პასუხისმგებელი მდივანი. 11. კომისიის სხდომები იმართება საჭიროებისდამიხედვით, მაგრამ წელიწადში ოთხჯერ მაინც, სამუშაო გეგმის შესაბამისად. კომისიის სხდომის გამართვის ვადას განსაზღვრავს კომისიის თავმჯდომარე. კომისიის სხდომებს ხელმძღვანელობს კომისიის თავმჯდომარე, ხოლო მისი არყოფნის დროს – კომისიის თავმჯდომარის მოადგილე ან მათი დავალებით – გამონაკლის შემთხვევაში კომისიის პასუხისმგებელი მდივანი. კომისია უფლებამოსილია იმუშაოს, თუ მას ესწრება კომისიის წევრთა ნახევარზე მეტი. 12. კომისია განხილულ ოპერატიულ საკითხებზე თავისი კომპეტენციის ფარგლებში იღებს საოქმო გადაწყვეტილებებს. განსაკუთრებით მნიშვნელოვანი საკითხები კომისიას განსახილველად შეაქვს ეროვნული უშიშროების საბჭოს სხდომაზე. კომისიის გადაწყვეტილება მიიღება კომისიის წევრების შეთანხმების საფუძველზე. 13. გაწეული მუშაობის შესახებ კომისიის ყოველწლიურ ანგარიშს იხილავს ეროვნული უშიშროების საბჭო. 14. კომისიას აქვს საკუთარი ბლანკი. IV. კომისიის პასუხისმგებელი მდივნის უფლებამოსილებანი 15. კომისიის პასუხისმგებელი მდივანი: - უზრუნველყოფს კომისიის მუშაობის ორგანიზაციას; - ხელმძღვანელობს კომისიის სამუშაო ორგანოს საქმიანობას; - ეროვნული უშიშროების საბჭოს მდივანს საქართველოს პრეზიდენტის მიერ დასამტკიცებლად წარუდგენს კომისიისა და მისი სამუშაო ორგანოს დებულებებს; - ადგენს კომისიის მუშაობის მიმდინარე და პერსპექტიული გეგმების პროექტებს; - ამზადებს კომისიის სხდომებს; - აკონტროლებს კომისიის საკოოორდინაციო სფეროს საკითხებზე მიღებულ გადაწყვეტილებათა შესრულებას; - თავის კომპეტენციის ფარგლებში ხელს აწერს სამსახურებრივ დოკუმენტებს. V. დასკვნითი ნაწილი 16. კომისიის დებულება ძალაში დამტკიცების დღიდან. დანართი 2 ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის შემადგენლობა ნიკო ლეკიშვილი – საქართველოს სახელმწიფო მინისტრი, კომისიის თავმჯდომარე ვარდიკო ნადიბაიძე – საქართველოს თავდაცვის მინისტრი, კომისიის თავმჯდომარის მოადგილე პანტიკო თორდია – ეროვნული უშიშროების საბჭოს აპარატის თავდაცვის მრეწველობის საკითხთა განყოფილების უფროსი, კომისიის პასუხისმგებელი მდივანი რევაზ ადამია – საქართველოს პარლამენტის თავდაცვისა და უშიშროების კომიტეტის თავმჯდომარე თამაზ აგლაძე – საქართველოს მრეწველობის მინისტრი ჯემალ გახოკიძე – საქართველოს სახელმწიფო უშიშროების მინისტრი კახა თარგამაძე – საქართველოს შინაგან საქმეთა მინისტრი ფრიდონ ინჯია – საქართველოს კავშირგაბმულობისა და ფოსტის მინისტრი კარლო ლეკიშვილი – საბრძოლო იარაღის, მასალებისა და აღჭურვილობის გენერალური კონსტრუქტორი, სამეცნიერო-კვლევითი ინსტიტუტის „დელტას“ დირექტორი  რევაზ სალუქვაძე – საქართველოს მეცნიერებათა აკადემიის გამოყენებით პრობლემების სამეცნიერო საბჭოს თავმჯდომარის პირველი მოადგილე, აკადემიკოსი.  ვალერი ჩხეიძე – საქართველოს სახელმწიფო საზღვრის დაცვის სახელმწიფო დეპარტამენტის თავმჯდომარე მიხეილ ჭკუასელი – საქართველოს ფინანსთა მინისტრი. დანართი 3 დებულება საქართველოს უცხოეთის ქვეყნებთან სამხედრო-ტექნიკური თანამშრომლობის წესის შესახებ I. ზოგადი დებულებანი 1. ეს დებულება განსაზღვრავს სახელმწიფო მმართველობითი ორგანოების უფლებამოსილებას საზღვარგარეთის ქვეყნებთან საქართველოს სამხედრო-ტექნიკური თანამშრომლობის სფეროში და ამ თანამშრომლობის განხორციელებს წესს. 2. სამხედრო-ტექნიკური თანამშრომლობის სფეროში სახელმწიფო რეგულირება მოიცავს ორგანიზაციულ, სამართლებრივ, ტექნიკურ და სხვა ღონისძიებათა კომპლექსს, რომელსაც სახელმწიფო ახორციელებს და რომლის მიზანია საქართველოს ეროვნული ინტერესებისა და სამხედრო-ტექნიკური თანამშრომლობის დადგენილი წესის დაცვა, აგრეთვე სამხედრო-ტექნიკურ თანამშრომლობასთან დაკავშირებული საკითხების გადაწყვეტის კომპეტენციის მქონე აღმასრულებელი ხელისუფლების ორგანოებისა და სამხედრო-ტექნიკურ თანამშრომლობაში მონაწილეობის უფლების მქონე იურიდიულ პირთა საქმიანობის კოორდინაცია. 3. საქართველოს სამხედრო-ტექნიკური თანამშრომლობა უცხოეთის ქვეყნებთან ხორციელდება ამ საკითხებში აღმასრულებელი ხელისუფლების კომპეტენტური სტრუქტურების წარდგინებით მიღებული საქართველოს პრეზიდენტის გადაწყვეტილების საფუძველზე და ფორმდება შესაბამისი ხელშეკრულებით. 4. წინადადებას სამხედრო-ტექნიკურ თანამშრომლობის თაობაზე. საერთაშორისო ხელშეკრულების დადების შესახებ საქართველოს პრეზიდენტს წარუდგენს საგარეო საქმეთა სამინისტრო ეროვნული უშიშროების საბჭოს რეკომენდაციის საფუძველზე. 5. საექსპორტო და საიმპორტო სამხედრო დანიშნულების პროდუქციის, აგრეთვე სამუშაოების (მომსახურების) ნუსხას ქვეყნის დარგობრივ სამინისტროებთან და უწყებებთან ერთად განსაზღვრავს ეროვნული უშიშროების საბჭოს სამხედრო-ტექნიკურ საკითხთა მუდმივი სააუწყებათაშორისო კომისია, რომელიც შეიმუშავებს აგრეთვე რეკომოენდაციებს სამხედრო დანიშნულების პროდუქციისა და სამუშაოების (მათ შორის სტრატეგიულის) ექსპორტისა და იმპორტის, აგრეთვე მათი ქვეყნიდან დროებით გატანისა და შემოტანის თაობაზე. 6. ადრე საზღვარგარეთის ქვეყნებისათვის გადაცემული ან ლიცენზიებით დამზადებული სამხედრო დანიშნულების პროდუქციისათვის განკუთვნილი სამარაგო ნაწილების, მაკომპლექტებელი ნაკეთობების, სასწავლო და დამხმარე ინვენტარის ექსპორტი, მათი ტექნიკური მომსახურება და რემონტი ხორციელდება სამხედრო დანიშნულების პროდუქციის, სამუშაოებისა და მომსახურების ექსპორტისა და იმპორტის ლიცენზირების წესის მიხედვით. 7. საზღვარგარეთის ქვეყნების ან ცალკეული იურიდიული პირების თხოვნას და განცხადებებს სამხედრო დანიშნულების პროდუქციის მიწოდებაზე, სამუშაოების შესრულებასა და მომსახურების გაწევაზე იხილავს ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისია. 8. სამხედრო დანიშნულების პროდუქციის დამპროექტებელ და მწარმოებელ ორგანიზაციათა ხელმძღვანელებს შეუძლიათ გასწიონ წინასწარი მუშაობა სამხედრო-ტექნიკური თანამშრომლობის დასამყარებლად. 9. სამხედრო დანიშნულების პროდუქციის დამპროექტებელ და მწარმოებელ ორგანიზაციებს ხელშეკრულების საფუძველზე უფლება აქვთ გამოიყენონ იურიდიულ და ფიზიკურ პირთა საკონსულტაციო-საშუამავლო მომსახურება. 10. სამიანობა სამხედრო-ტექნიკური თანამშრომლობის სფეროში ხორციელდება „სახელმწიფო საიდუმლოების შესახებ” საქართველოს კანონის შესაბამისად. II. სამხედრო-ტექნიკური თანამშრომლობის საკითხეზე გადაწყვეტილების მიღების წესი 11. გადაწყვეტილებას სამხედრო-ტექნიკური თანამშრომლობის საკითხებზე, მისი მნიშვნელობიდან გამომდინარე, იღებენ საქართველოს პრეზიენტი და სახელმწიფო აღმასრულებელი ხელისუფლების სხვა ორგანოები. 12. საქართველოს პრეზიდენტი, ქვეყნის კონსტიტუციიდან გამომდინარე, აღმასრულებელი ხელისუფლების შესაბამისი სტრუქტურების წარდგინებით გადაწყვატილებებს იღებს შემდეგ საკითხებზე: - სამხედრო-ტექნიკური თანამშრომლობის კონცეპტუალური საფუძვლების დამტკიცება; - სამთავრობათაშორისი ხელშეკრულებების დადება სამხედრო-ტექნიკურ თანამშრომლობაზე; - სამხედრო-ტექნიკური თანამშრომლობის შეჩერება, შეწყვეტა და განახლება; - საექსპორტოდ განკუთვნილი სტრატეგიული დანიშნულების სამხედრო პროდუქციის, სამუშაოების (მომსახურების) ნუსხის დამტკიცება; - სამხედრო-ტექნიკური თანამშრომლობის ორგანიზაციისა და წესის მარეგლამენტირებელი ნორმატიული დოკუმენტების დამტკიცება; - საზღვარგარეთის ქვეყნებისათვის სამხედრო-ტექნიკური დანიშნულების პროდუქციის წარმოების ლიცენზირების გადაცემა; - სამხედრო-ტექნიკური ურთიერთდახმარების საკითხთა გადაწყვეტა; - სამხედრო დანიშნულების პროდუქციის შესაქმნელად საზღვარგარეთის ქვეყნებთან თანამშრომლობის საკიხთა გადაწყვეტა. 13. ეროვნული უშიშროების საბჭოს სამხედრო-ტექნიკურ საკითხთაა მუდმივი საუწყებათაშორისო კომისია შეიმუშავებს რეკომენდაციებს შემდეგ საკითხებზე: - საზღვარგარეთის ქვეყნებთან მოლაპარაკების საფუძველზე ორმხრივი და მრავალმხრივი სამთავრობათაშორისი კომისიების შექმნა სამხედრო-ტექნიკური თანამშრომლობის სფეროში; - სამხედრო-ტექნიკურ თანამშრომლობაზე საზღვარგარეთის ქვეყნებთან სამთავრობათაშორისო შეთანხმებების პროექტებზე დასკვნების მომზადება ქვეყნის პრეზიდენტის მიერ მიღებულ გადაწყვეტილებათა შესაბამისად; - სამხედრო დანიშნულების პროდუქციის, სამუშაოების (მათ შორის სტრატეგიულის) საექსპორტო-საიმპორტო ოპერაციათა განხორციელების პირობები. - ქვეყნის ტერიტორიაზე და მის ფარგლებს გარეთ სამხედრო ტექნიკისა და საბრძოლო აღჭურვილობის გამოფენების ორგანიზაცია და გამართვა; - პრეზიდენტის ან სახელმწიფო მმართველობითი ორგანოების გადაწყვეტილებით სამხედრო დანიშნულების პროდუქციის ექსპორტ-იმპორტის შეწყვეტის გამო სამხედრო-ტექნიკური თანამშრომლობის სუბიექტებისათვის მიყენებული ზარალის ანაზღაურებასთან დაკავშირებული საკითხების განხილვა; -14. საქართველოს საგარეო საქმეთა სამინისტრო: - აკონტროლებს ქვეყნის აღმასრულებელი ორგანოების მიერ საერთაშორისო ვალდებულებათა შესრულებას სამხედრო-ტექნიკურ თანამშრომლობის საკითხებში: - მონაწილეობს სამხედრო-ტექნიკური თანამშრომლობის საკითხთა და წინადადებათა მომზადებაში; - სამხედრო-ტექნიკური თანამშრომლობის სფეროში უზრუნველყოფს საქართველოს საგარეო-პოლიტიკური და საგარეო-ეკონომიკური ინტერესების დაცვას. 15. საქართველოს მრეწველობის სამინისტრო: - კოორდინაციას უწევს სამხედრო ტექნიკისა და საბრძოლო აღჭურვილობის საექსპორტოდ წარმოებასა და სამეცნიერო-კვლევით სამუშაოებს; - მონაწილეობს სამხედრო ტექნიკისა და საბრძოლო აღჭურვილობის ექსპორტ-იმპორტის ნომენკლატურის შესახებ წინადადებათა შემუშავებაში; - მონაწილოებს სამხედრო ტექნიკისა და საბძროლო აღჭურვილობის შექმნისა და წარმოების დარგში სახელმწიფოთაშორისი კოოპერაციის განსაზღვრაში და ახორციელებს მის პრაქტიკულ რეალიზაციას. 16. საქართველოს თავდაცვის სამინისტრო: - მონაწილოებს სამხედრო-ტექნიკური თანამშრომლობის შესახებ წინადადებათა შემუშავებაში ახორციელებს საქართველოს საზღვარგარეთის ქვეყნებთან სამხედრო-ტექნიკური თანამშრომლობის საკითხებზე ინფორმაციულ უზრუნველყოფას; - თავისი საწარმოო ძალებით ახორციელებს იმ სამხედრო ტექნიკისა და შეიარაღების რემონტს, რომლებიც ადრე გაეგზავნათ საზღვარგარეთის ქვეყნებს, მიავლენს სამხედრო სპეციალისტებს საზღვარგარეთ, ამზადებს ეროვნულ სამხედრო კადრებს და ტექნიკურ პერსონალს, მართავს სამხედრო ტექნიკისა და საბრძოლო აღჭურვილობის გამოფენებს საქართველოში და მის ფარგლებს გარეთ სახელმწიფოთაშორის შეთანხმებათა ფარგლებში; - სამხედრო-ტექნიკურ ზედამხედველობას უწევს საბრძოლო აღჭურვილობისა და სამხედრო ტექნიკის წარმოებას, მის ყველა ეტაპზე, აგრეთვე სამეცნიერო-ტექნიკურ ზედამხედველობას უწევს საბრძოლო აღჭურვილობისა და სამხედრო ტექნიკის წარმოებას, მის ყველა ეტაპზე, აგრეთვე სამეცნიერო-კვლევით და საცდელ-საკონსტრუქტორო სამუშაოებს, საზღვარგარეთის ქვეყნებთან დაადებულ ხელშეკრულებათა ფარგლებში. - ახორციელებს გენერალური დამკვეთის ფუნქციებს საერთო დანიშნულების საბრძოლო ტექნიკაზე. 17. საქართველოს სახელმწიფო უშიშროების სამინისტრო: - ხელს უწყობს სამხედრო-ტექნიკური თანამშრომლობის განხორციელებას ამ თანამშრომლობის პოლიტიკურ, საერთაშორისო-სამართლებრივ და ეკონომიკურ მიმართულებათა ანალიზის გზით; - ახორციელებს სამხედრო-ტექნიკური თანამშრომლობის საკითხებზე ინფორმაციის შეგროვებასა და დამუშავებას, მონაწილეობს უცხოელ პარტნიორთა საიმედობის შემოწმებაში; - ახორციელებს ღონისძიებათა კომპლექსს ქვეყნის ინტერესების დასაცავად სამხედრო-ტექნიკური თანამშრომლობის სფეროში. 18. საქართველოს სახელმწიფო საზღვრის დაცვის სახელმწიფო დეპარტამენტი: - სახელმწიფოთაშორისო შეთანხმებათა ფარგლებში ამყარებს ურთიერთობებს საზღვარგარეთის სამეცნიერო-სამრეწველო უწყებებთან საზღვრის დაცვისა და კონტროლის საკითხებზე. III. სამხედრო-ტექნიკური თანამშრომლობის სფეროში საქმიანობის კონტროლი 19. სამხედრო-ტექნიკური თანამშრომლობის სუბიექტების საქმიანობის კონტროლი და კოორდინაცია ხორციელდება პოლიტიკური, ეკონომიკური და სამხედრო ზარალის მიყენების შესაძლებლობის თავიდან ასაცილებლად. 20. სამხედრო-ტექნიკური თანამშრომლობის სუბიექტებისა და მონაწილეობის საქმიანობის უშუალო კონტროლსა და კოორდინაციას ახორციელებს ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისია ხელისუფლების სხვა მმართველობით ორგანოებთან ურთიერთმოქმედებით მათი კომპეტენციის ფარგლებში. 21. კონტროლისა და კოორდინაციას ექვემდებარება სამხედრო-ტექნიკური თანამშრომლობის სუბიექტთა საგარეო-ეკონომიკური საქმიანობის შემდეგი ეტაპები: - სახელშეკრულებლო დოკუმენტიების ხელმოწერა; - სახელშეკრულებო დოკუმენტებით განსაზღვრულ ვალდებულებათა შესრულება. 22. სამხედრო-ტექნიკური თანამშრომლობის ყველა სუბიექტს შეუძლია განახორციელოს საგარეო-ეკონომიკური საქმიანობა ზემოთ აღნიშნულ ნებისმიერ ეტაპზე მხოლოდ ამ დებულებისა და სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტისა და იმპორტის ლიცენზირების წესის შესახებ დებულების შესაბამისად. 23. სამხერო-ტექნიკური თანამშრომლობის ყველა სუბიექტი წარუდგენს ანგარიშს ეროვნული უშიშროების საბჭოსთან არსებულ სამხედრო-ტექნიკურ საკითხთა მუდმივი საუწყებათაშორისო კომისიას შესრულებული სამუშაოს შედეგების შესახებ. 24. ამ დებულებით დადგენილი სამხედრო-ტექნიკური თანამშრომლობის წესების დარღვევა იწვევს სამხედრო-ტექნიკური თანამშრომლობის სუბიექტთა ხელმძღვანელობის კანონით გათვალისწინებულ პასუხისმგებლობას და წარმოადგენს სამხედრო დანიშნულების პროდუქციის, სამუშაოების (მომსახურების) ექსპორტისა და იმპორტის განხორციელების ნებართვისა და ლიცენზიის ჩამორთმევის საფუძველს. დანართი 4 დებულება სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტისა და იმპორტის ლიცენზირების წესის შესახებ 1. ეს დებულება განსაზღვრავს სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტისა და იმპორტის, აგრეთვე რეექსპორტის ლიცენზირების წესს და ვრცელდება საქართველოს ყველა იურიდიულ და ფიზიკურ პირზე. 2. სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტი და იმპორტი ხორციელდება საქართველოს უცხოეთის ქვეყნებთან სამხედრო-ტექნიკური თანამშრომლობის დებულების შესაბამისად. 3. სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტ-იმპორტის ლიცენზირების გაცემას ახორციელებს საქართველოს იუსტიციის სამინისტრო ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის რეკომენდაციის საფუძველზე. 4. სამხედრო დანიშნულების პროდუქციის ტრანზიტი ქვეყანაში ხორციელდება არსებული კანონმდებლობის შეოსაბამისად. 5. სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტ-იმპორტის ლიცენზიები გაიცემა ყოველ ცალკეულ საგარეო-ეკონომიკურ გარიგებაზე. 6. ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის რეკომენდაციის გარეშე საქართველოს იუსტიციის სამინისტროს მიერ სამხედრო დანიშნულების პროდუქციის, ტექნიკური დოკუმენტაციის, სამუშაოებისა და მომსახურების ექსპორტ-იმპორტის ლიცენზიები გაიცემა შემდეგ შემთხვევებში: - სამხედრო დანიშნულების პროდუქციის მაკომპლექტებელი ნაკეთობების ექსპორტი და იმპორტი, რომელიც განკუთვნილია საქართველოს საწარმოთა მიერ სამხედრო დანიშნულების პროდუქციის წარმოებისა და რემონტის უზრუნველსაყოფად; - იმ ნაკეთობების ექსპორტი, რომლებიც საჭიროა საქართველოს ლიცენზიებით საზღვარგარეთის ქვეყნებში სამხედრო დანიშნულების პროდუქციის წარმოებისათვის; - საზღვარგარეთის ქვეყნებისათვის ადრე გადაცემული სამხედრო ტექნიკის, სასწავლო და დამხმარე აღჭურვილობის, მარაგნაწილების ექსპორტი, აგრეთვე მათი ტექნიკური მომსახურება და რემონტი; - საქართველოს სამხედრო ძალების აღჭურვილობაში არსებული შეიარაღების, სამხედრო ტექნიკის, სამხედრო დანიშნულების სასწავლო და დამხმარე მოწყობილობების, ექსპლუატაციისა და რემონტის უზრუნველსაყოფად სამარაგო ნაწილების იმპორტი. 7. ლიცენზიები მიეცემა მხოლოდ იმ იურიდიულ პირებს, რომლებსაც ქვეყანაში არსებული კანონმდებლობის შესაბამისად მიღებული აქვთ სათანადო ნებართვა სამხედრო დანიშნულების პროდუქციის სამუშაოების და მომსახურების ექსპორტ-იმპორტის ოპერაციების საწარმოებლად. 8. სამხედრო დანიშნულების პროდუქციის, სამუშაოების, მომსახურების ექსპორტის ლიცენზიის რგაცემის საფუძველს წარმოადგენს. - ეროვნული უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის რეკომენდაცია (ამ დებულების მე-6 პუნქტების გათვალისწინებით; - იურიდიული ან ფიზიკური პირის განცხადება; - ხელმოწერილი კონტრაქტი ან გაფორმებული განზრახულობათა ოქმი; - სამხედრო დანიშნულების პროდუქციის, სამუშაოებისა და მომსახურების ექსპორტის ოპერაციების განხორციელების ნებართვა, რომელიც გაცემულია იმ ქვეყნის უფლებამოსილი სახელმწიფო ორგანოების მიერ, რომლის ტერიტორიაზეც არის რეგისტრირებული კონტრაქტის მონაწილე ფირმა (მყიდველი). - საჭიროების შემთხვევაში საბოლოო მომხმარებლის სერტიფიკატი. 9. სამხედრო პროდუქციის, სამუშაოებისა და მომსახურების იმპორტის ლიცენზიის გაცემის საფუძელს წარმოადგენს: - უშიშროების საბჭოს სამხედრო-ტექნიკურ საკითხთა მუდმივი საუწყებათაშორისო კომისიის რეკომენდაცია (ამ დებულების მე-6 პუნქტის გათვალისწინებით); - იურიდიული ან ფიზიკური პირის განცხადება; - ხელმოწერილი კონტრაქტი ან გაფორმებული განზრახულობათა ოქმი; - საბოლოო მომხმარებლის სერტიფიკატის ორიგინალი, რომელიც გაცემულია იმპორტით დაინტერესებული სამინისტროს ან უწყების მიერ; - სამხედრო დანიშნულების პროდუქციის, სამუშაოებისა და მომსახურების იმპორტის ოპერაციათა განხორციელების ნებართვა, რომელიც გაცემულია იმ ქვეყნის უფლებამოსილი სახელმწიფო ორგანოების მიერ, რომლის ტერიტორიაზეც არის რეგისტრირებული კონტრაქტის მონაწილე ფირმა (გამყიდველი). 10. ლიცენზიის მისაღებად წარდგენილი საბუთების (მასალების) უტყუარობისათვის პასუხისმგებელი იურიდიული ან ფიზიკური პირი, რომელმაც წარადგინა განცხადება ლიცენზიის მიღებაზე. 11. ლიცენზიის მიღებაზე განცხადებების განხილვა და ლიცენზიის გაფორმება, გაცემა ფასიანია. ანაზღაურების მოცულობასა და შემოსული თანხების განაწლების წესს განსაზღვრავს საქართველოს იუსტიციის სამინისტრო საქართველოს ფინანსთა და ეკონომიკის სამინისტროებთან შეთანხმებით. 12. სამხედრო დანიშნულების პროდუქციის, სამუშაოებისა და მომსახურების ექსპორტ-იმპორტის ლიცენზიები ფორმდება სპეციალური ქაღალდისაგან დამზადებულ ბლანკზე, რომელიც ექვემდებარება მკაცრ აღრიცხვას. 13. ლიცენზია არ შეიძლება გადაეცეს სხვა იურიდიულ ან ფიზიკურ პირს. 14. სამხედრო დანიშნულების პროდუქციის, სამუშაოს და მომსახურების ლიცენზიის ხანგრძლივობა განისაზღვრება კონკრეტულ საგარეო-ეკონომიკურ გარიგებაზე გაფორმებული კონტრაქტის ვადით. 15. სამხედრო დანიშნულების პროდუქციის ექსპორტ-იმპორტის ლიცენზია გაიცემა, ან მოტივირებული უარი ეცნობება განმცხადებელს განცხადების შემოსვლის თარიღიდან არა უგვიანეს 10 დღისა. 16. ლიცენზიის გამცემი ორგანიზაცია უფლებამოსილია გააუქმოს ან შეაჩეროს ლიცენზიის მოქმედება განმცხადებლის მიერ კანონმდებლობით დადგენილი წესის დარღვევის შემთხვევაში. 17. ეროვნული უშიშროების საბჭოსთან შეთანხმებით შეიძლება სამხედრო დანიშნულების პროდუქციის დამპროექტებელმა და მწარმოებელმა ორგანიზაციებმა აწარმოონ პირდაპირი მოლაპარაკება და გააფორმონ კონტრაქტები სამხედრო ტექნიკის, სამუშაოებისა და მომსახურების ექსპორტზე.