„საქართველოს სოფლის მეურნეობისა და სურსათის სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №670 ბრძანებულებით დამტკიცებულ საქართველოს სოფლის მეურნეობისა და სურსათის სამინისტროს დებულებაში ცვლილებების შეტანის თაობაზე

საქართველოს პრეზიდენტის

ბრძანებულება №381

2001 წლის 20 სექტემბერი

ქ. თბილისი

„საქართველოს სოფლის მეურნეობისა და სურსათის სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №670 ბრძანებულებით დამტკიცებულ საქართველოს სოფლის მეურნეობისა და სურსათის სამინისტროს დებულებაში ცვლილებების შეტანის თაობაზე

საქართველოს სოფლის მეურნეობისა და სურსათის სამინისტროს მიერ კანონმდებლობით განსაზღვრული ფუნქციებისა და უფლებამოსილებათა განხორციელების ორგანიზაციულ-სტრუქტურული სრულყოფის მიზნით „საქართველოს სოფლის მეურნეობისა და სურსათის სამინისტროს დებულების შესახებ“ საქართველოს პრეზიდენტის 1997 წლის 17 ნოემბრის №670 ბრძანებულებით დამტკიცებულ საქართველოს სოფლის მეურნეობისა და სურსათის სამინისტროს დებულებაში შეტანილ იქნეს შემდეგი ცვლილებები და დამატებები:

1. დებულების მე-19 პუნქტის „ო“ ქვეპუნქტში სიტყვები „ხარისხის კონტროლის ორგანიზაცია და სერტიფიცირება თავისი კომპეტენციის ფარგლებში“ შეიცვალოს სიტყვებით „ექსპერტიზისა და მონიტორინგის ორგანიზაცია თავისი კომპეტენციის ფარგლებში“.

2. დებულების XI თავში მოცემული სამინისტროს სისტემაში არსებული სახელმწიფო საქვეუწყებო დაწესებულებათა ნუსხაში სიტყვები „კვების პროდუქტების წარმოების ლიცენზირების სამუშაოთა ორგანიზაციის სამსახური“ შეიცვალოს სიტყვებით: „კვების პროდუქტების ექსპერტიზისა და მონიტორინგის სამსახური“.

3. საქართველოს სოფლის მეურნეობისა და სურსათის სამინისტრომ ამ ბრძანებულების 1-ლი და მე-2 პუნქტებით გათვალისწინებული ორგანიზაციულ-სტრუქტურული სრულყოფის ღონისძიებები განახორციელოს უმოკლეს ვადაში სამინისტროსათვის 2001 წლის სახელმწიფო ბიუჯეტით გამოყოფილ ასიგნებათა და მოსამსახურეთა რიცხოვნობის ფარგლებში.

 ე. შევარდნაძე