საქართველოს იუსტიციის სამინისტროს დებულების დამტკიცების შესახებ

საქართველოს იუსტიციის სამინისტროს დებულების დამტკიცების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:Geo_Times;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin:0in; margin-bottom:.0001pt; page-break-after:avoid; font-size:14.0pt; font-family:"Geo_Times","serif"; font-weight:normal;} h2 {margin:0in; margin-bottom:.0001pt; text-align:center; line-height:150%; page-break-after:avoid; font-size:14.0pt; font-family:"Geo_Times","serif"; font-weight:normal;} h3 {margin:0in; margin-bottom:.0001pt; page-break-after:avoid; font-size:15.0pt; font-family:"Geo_Times","serif";} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; line-height:150%; font-size:14.0pt; font-family:"Geo_Times","serif";} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin:0in; margin-bottom:.0001pt; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:42.55pt 52.05pt 35.45pt 49.65pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} საქართველოს მთავრობის დადგენილება №70 2004 წლის 30 აგვისტო ქ. თბილისი საქართველოს იუსტიციის სამინისტროს დებულების დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის პირველი პუნქტის შესაბამისად: 1. დამტკიცდეს საქართველოს იუსტიციის სამინისტროს თანდართული დებულება. 2. დადგენილება ამოქმედდეს გამოქვეყნებისთანავე. პრემიერ-მინისტრი ზ. ჟვანია საქართველოს იუსტიციის სამინისტროს დებულება თავი I ზოგადი დებულებანი     მუხლი 1🔗 1. საქართველოს იუსტიციის სამინისტრო (შემდგომში – სამინისტრო) სამთავრობო დაწესებულებაა, რომელიც მინდობილ სფეროში სახელმწიფო მმართველობის უზრუნველსაყოფად ასრულებს კანონით განსაზღვრულ ან მთავრობისა და პრემიერ-მინისტრის მიერ კანონის საფუძველზე დაკისრებულ ამოცანებს. 2. თავისი ამოცანების განხორციელებისას სამინისტრო წარმოადგენს სახელმწიფოს. 3. სამინისტრო ანგარიშვალდებულია საქართველოს მთავრობის წინაშე, რომელიც კოორდინაციასა და კონტროლს უწევს სამინისტროს საქმიანობას საქართველოს კონსტიტუციით დადგენილ ფარგლებში. 4. სამინისტროს იურიდიული მისამართია ქ. თბილისი 0108, რუსთაველის პროსპექტი №30.     მუხლი 2🔗 1. სამინისტროს დაფინანსების წყაროა სახელმწიფო ბიუჯეტი. სამინისტრო საქართველოს კანონმდებლობით დადგენილი წესით ანგარიშვალდებულია საბიუჯეტო სახსრების მიზნობრივი გამოყენებისათვის. 2. სამინისტროს აქვს დასრულებული ბალანსი, ანგარიში ხაზინაში და ხარჯთა ნუსხა.     მუხლი 3🔗 1. სამინისტროს აქვს ბეჭედი სახელმწიფო გერბის გამოსახულებით. 2. სამინისტროს მიერ სახელმწიფო დროშის გამოყენების წესი დადგენილია კანონმდებლობით. 3. სახელმწიფო გერბის გამოსახულება გამოიყენება სამინისტროს ბლანკებსა და სამინისტროს შესასვლელების აბრებზე, აგრეთვე სამინისტროს სისტემაში შემავალ დაწესებულებათა ბლანკებსა და შესასვლელების აბრებზე. 4. სამინისტროს შეიძლება ჰქონდეს ემბლემა. სამინისტროს ემბლემა შეიძლება გამოყენებულ იქნეს სამინისტროს თანამდებობის პირთა და მოხელეთა სავიზიტო ბარათებზე, სამინისტროს სხვა ბეჭდვით გამოცემებსა და სამინისტროს სუვენირებზე. თავი II სამინისტროს მმართველობის სფერო, ძირითადი ამოცანები და კომპეტენცია     მუხლი 4🔗 სამინისტროს მმართველობის სფეროსა და ძირითად ამოცანებს განეკუთვნება: ა) სამართლებრივი რეფორმის კოორდინაცია და იურიდიული ტერმინოლოგიის დადგენა; ბ) სამართალშემოქმედება და ნორმატიული აქტების პროექტების ექსპერტიზა; გ) ნორმატიული აქტების სისტემატიზაცია და სახელმწიფო რეგისტრაცია; დ) სამართლებრივი ინფორმატიზაციისა და იურიდიული განათლების საკითხთა გადაწყვეტის უზრუნველყოფა; ე) საქართველოს კანონთა წიგნისა და ოფიციალური ბეჭდვითი ორგანოს „საქართველოს საკანონმდებლო მაცნეს“ გამოცემის უზრუნველყოფა; ვ) კანონით დადგენილ შემთხვევებში და წესით ნორმატიული აქტების მოქმედების შეჩერების ან გაუქმების მოთხოვნა; ზ) სახელმწიფო ორგანოთა ან იმ საწარმოთა მიერ, რომლებშიც სახელმწიფო ფლობს აქციათა საკონტროლო პაკეტს ან წილის 50 პროცენტზე მეტს, დასადებ ხელშეკრულებათა პროექტების ვიზირება; თ) საერთაშორისო სამართლებრივ ნორმებთან საქართველოს კანონმდებლობის ჰარმონიზაცია; ი) ევროპის ადამიანის უფლებათა სასამართლოსა და სისხლის სამართლის საერთაშორისო სასამართლოში სახელმწიფოს წარმომადგენლის ფუნქციის შესრულება, ამ სფეროში სახელმწიფო დაწესებულებათა საქმიანობის კოორდინაცია; კ) საზღვარგარეთის სახელმწიფოებთან და საერთაშორისო ორგანიზაციებთან სამართლებრივი თანამშრომლობის პოლიტიკის შემუშავება და შესრულების წარმართვა; ლ) კანონით დადგენილ ფარგლებში საერთაშორისო ხელშეკრულებათა და შეთანხმებათა შესრულების უზრუნველყოფა; მ) სასამართლოს გადაწყვეტილებებისა და კანონით აღსრულებას დაქვემდებარებული სხვა აქტების აღსრულების უზრუნველყოფა; ნ) მოქალაქეობის დადგენა, მოქალაქეობისა და იმიგრაციის საკითხთა განხილვა, სამოქალაქო აქტების რეგისტრაცია; ო) კანონმდებლობის შესაბამისად ნოტარიატის საქმიანობის სახელმწიფო რეგულირება; პ) კანონით განსაზღვრულ შემთხვევებში იურიდიულ პირთა სახელმწიფო რეგისტრაცია; ჟ) სასამართლო ექსპერტიზისა და სპეციალურ გამოკვლევათა ორგანიზება; რ) კანონმდებლობით დადგენილ ფარგლებში იარაღის ლეგალური ბრუნვის უზრუნველყოფა; ს) სახელმწიფო საარქივო საქმიანობის განხორციელება; ტ) კანონით განსაზღვრული სახელმწიფო რეესტრების წარმოება; უ) თანამდებობის პირთა ქონებრივი და საფინანსო დეკლარაციების წარდგენისა და მათი საჯაროობის უზრუნველყოფა; ფ) კანონმდებლობით დადგენილი წესით სასჯელის აღსრულების განხორციელების ორგანიზება, სასჯელაღსრულების ორგანოთა მართვა, მათი მატერიალურ-ტექნიკური და სამართლებრივი უზრუნველყოფა; ქ) საერთაშორისო და საქართველოში არსებულ კერძო არბიტრაჟებში შესაბამის სახელმწიფო დაწესებულებათა მიერ სახელმწიფოს წარმომადგენლობის უზრუნველყოფის კოორდინაცია; ღ) თავისი კომპეტენციის ფარგლებში ოპერატიულ-სამძებრო საქმიანობისა და მოკვლევის განხორციელება; ყ) სამინისტროს სისტემის მოსამსახურეთა სწავლებისა და კვალიფიკაციის ამაღლების უზრუნველყოფა; შ) კანონით ან კანონის საფუძველზე დაკისრებული სხვა ამოცანების გადაწყვეტა.     მუხლი 5🔗 სამინისტროს უფლებამოსილებებს განეკუთვნება: ა) კანონმდებლობით დადგენილი წესით ნორმატიული აქტების პროექტების მომზადება; ბ) სამთავრობო დაწესებულებებისა და სხვა შესაბამისი სახელმწიფო ორგანოების მიერ მომზადებული ნორმატიული აქტების პროექტების, ასევე ადგილობრივი თვითმმართველობისა და მმართველობის ორგანოების (თანამდებობის პირების) მიერ მიღებული (გამოცემული) ნორმატიული აქტების ექსპერტიზა; გ) სამართლებრივი აქტების სისტემატიზაცია, ნორმატიული აქტების საკონტროლო ეგზემპლარების წარმოება ნაბეჭდი და მაგნიტური მატარებლების სახით; დ) სამართლებრივი ინფორმატიზაციის პროგრამის მომზადება, ერთიანი სისტემის ფორმირების უზრუნველყოფა, კანონმდებლობის ერთიანი დარგობრივი კლასიფიკატორისა და სამართლებრივი კოდირების სისტემის განვითარება და სრულყოფა; ე) ნორმატიული აქტების მოქმედების შეჩერების ან გაუქმებისათვის უფლებამოსილი ორგანოებისადმი (თანამდებობის პირებისადმი) მიმართვა ნორმატიული აქტების მოქმედების შეჩერების ან გაუქმების მოთხოვნით; ვ) საქართველოს ოფიციალური ბეჭდვითი ორგანოს „საქართველოს საკანონმდებლო მაცნეს“, საქართველოს კანონთა წიგნის, ნორმატიული აქტების ოფიციალური ტექსტების გამოცემა; ზ) თავისი კომპეტენციის ფარგლებში ქართული სამართლის საერთაშორისო სამართლის სტანდარტებთან, ევროპულ სამართალთან დაახლოებისა და ჰარმონიზაციის სახელმწიფო პოლიტიკის განხორციელება, ამ სფეროში კვალიფიკაციის ამაღლებისა და სწავლების სახელმწიფო პროგრამების შესრულების კოორდინაცია; თ) თავისი კომპეტენციის ფარგლებში საქართველოსათვის გაწეული უცხოური სამართლებრივი დახმარების კოორდინაცია და ორგანიზება; ი) ჰააგის კერძო სამართლის საერთაშორისო კონფერენციის ფარგლებში მოქმედი შეთანხმებებითა და ხელშეკრულებებით ნაკისრ ვალდებულებათა შესრულების უზრუნველყოფა; კ) სამართლებრივი ურთიერთდახმარების შესახებ საერთაშორისო ხელშეკრულებათა მომზადება, დადება და მათი შესრულების ორგანიზება; ლ) ევროპის ადამიანის უფლებათა სასამართლოში სახელმწიფოს წარმომდგენლობის უზრუნველყოფა, ამ მიზნით შექმნილი საუწყებათაშორისო კომისიების ხელმძღვანელობა და საქმიანობის წარმართვა, სამთავრობო და სხვა ორგანოებიდან სათანადო ინფორმაციის, მასალების, საქმეების, დოკუმენტაციის გამოთხოვა, სახელმწიფოს სახელით დასკვნებისა და სხვა დოკუმენტაციის მომზადება და ევროპის ადამიანის უფლებათა სასამართლოში წარდგენა, მის პროცედურებში მონაწილეობა, გამოტანილ გადაწყვეტილებათა შესრულების ორგანიზება და კონტროლი; მ) სისხლის სამართლის საერთაშორისო სასამართლოში სახელმწიფოს წარმომადგენლობის უზრუნველყოფა, ამ მიზნით შექმნილი საუწყებათაშორისო კომისიების ხელმძღვანელობა და საქმიანობის წარმართვა, სამთავრობო და სხვა ორგანოებიდან სათანადო ინფორმაციის, მასალების, საქმეების, დოკუმენტაციის გამოთხოვა, სახელმწიფოს სახელით დასკვნებისა და სხვა დოკუმენტაციის მომზადება და სისხლის სამართლის საერთაშორისო სასამართლოში წარდგენა; ნ) სასამართლოს გადაწყვეტილებებისა და კანონის შესაბამისად აღსრულებას დაქვემდებარებული სხვა აქტების აღსრულების განხორციელება; ო) საზღვარგარეთის ქვეყნების სასამართლოების აქტების აღსრულება, კანონმდებლობით დადგენილი წესით მსჯავრდებულთა გადაცემისა და ექსტრადიციის საკითხთა გადაწყვეტა; პ) მოქალაქეობის, იმიგრაციის, სამოქალაქო მდგომარეობის რეგისტრაციის სფეროში: პ.ა) საქართველოს მოქალაქეობის მიღების, მოქალაქეობის მინიჭების, მოქალაქეობის აღდგენისა და მოქალაქეობის შეწყვეტის მასალების მომზადება; პ.ბ) იმიგრაციის, მოქალაქეობის დადგენისა და კანონით გათვალისწინებულ შემთხვევებში უცხოელთა საქართველოდან გაძევების საკითხზე გადაწყვეტილების მიღება, მოქალაქეობისა და იმიგრაციის სფეროში მიღებულ გადაწყვეტილებათა აღსრულების ზედამხედველობა; პ.გ) სახელმწიფო რეესტრის მწარმოებელი ტერიტორიული ორგანოების მართვა და კონტროლი, სამოქალაქო აქტების რეგისტრაციის კანონმდებლობის შესრულების ზედამხედველობა; ჟ) ნოტარიატის სფეროში: ჟ.ა) თავისი კომპეტენციის ფარგლებში სანოტარო წესით დამოწმებული ან დადასტურებული უცხო სახელმწიფოში გამოსაყენებლად განკუთვნილი დოკუმენტების გაფორმება (ლეგალიზაცია); ჟ.ბ) ნოტარიუსებისა და ნოტარიუსთა პალატის საქმიანობის ზედამხედველობა; რ) მოქალაქეთა პოლიტიკური გაერთიანებებისა და სხვა იურიდიული პირების სახელმწიფო რეგისტრაცია, რეგისტრირებული ორგანიზაციების საქმიანობის კონტროლი კანონით დადგენილი წესით; უცხო ქვეყნის არასამეწარმეო (არაკომერციული) იურიდიული პირის ფილიალის (წარმომადგენლობის) რეგისტრაციასთან დაკავშირებული დოკუმენტაციის მომზადება; „სამეწარმეო საქმიანობის კონტროლის შესახებ“ საქართველოს კანონით სამინისტროსათვის დაკისრებული შესაბამისი ფუნქციების განხორციელების უზრუნველყოფა; ს) იარაღისა და საბრძოლო მასალის დამზადების, შეკეთებისა და ვაჭრობის ლიცენზიის გაცემა საქართველოს ეროვნული უშიშროების საბჭოს მიერ განსაზღვრული კვოტირების ფარგლებში; ტ) სახელმწიფო საარქივო საქმიანობის განხორციელების სფეროში: ტ.ა) ეროვნული საარქივო ფონდის შექმნა და შევსება; ტ.ბ) ეროვნული საარქივო ფონდის დოკუმენტების დაცვა, კონსერვაცია და რესტავრაცია; ტ.გ) ეროვნული საარქივო ფონდის დოკუმენტების ცენტრალიზებული აღრიცხვა, აღწერა, აგრეთვე მათი ხელმისაწვდომობა კანონით დადგენილ ფარგლებში; უ) საჯარო რეესტრის წარმოების სფეროში: უ.ა) უძრავი ნივთების რეესტრის წარმოება; უ.ბ) მოძრავი ნივთების რეესტრის წარმოება; უ.გ) მიწის ერთიანი კადასტრის წარმოება; ფ) თანამდებობის პირთა ქონებრივი და საფინანსო დეკლარაციების წარდგენისა და მათი საჯაროობის უზრუნველყოფის სფეროში: ფ.ა) თანამდებობის პირთა ქონებრივი და საფინანსო დეკლარაციების ჩაბარების პროცესის ორგანიზება კანონის მოთხოვნების შესაბამისად; ფ.ბ) თანამდებობის პირთა ქონებრივი და საფინანსო მდგომარეობის საჯაროობის უზრუნველყოფა; ქ) სასჯელაღსრულების სფეროში: ქ.ა) სასჯელაღსრულების დაწესებულებათა და მსჯავრდებულთა დაცვა, მსჯავრდებულ პირთა მიმართ სასამართლოს მიერ დადგენილი სასჯელის აღსრულება, კანონით გათვალისწინებული წესით მსჯავრდებულთა და პატიმართა უფლებების დაცვის უზრუნველყოფა; ქ.ბ) თავისი კომპეტენციის ფარგლებში სასჯელაღსრულების დაწესებულებებში დანაშაულის, აგრეთვე სასჯელაღსრულების დაწესებულების თანამშრომლის მიერ სამსახურის შესრულების დადგენილი წესის წინააღმდეგ ჩადენილი დანაშაულის მზადების სტადიაში აცილება, მომხდარი დანაშაულის გამოვლენა, გახსნა და მოკვლევა; ურთიერთმოქმედება სხვა უფლებამოსილ ორგანოებთან მათი კომპეტენციის ფარგლებში იმ დანაშაულთა გამოვლენა-გახსნაში, რომლებიც მსჯავრდებულებმა ჩაიდინეს სასჯელაღსრულების დაწესებულებაში მოთავსებამდე; კანონით დადგენილი წესით ოპერატიულ-სამძებრო საქმიანობის განხორციელება; ღ) თავისი კომპეტენციის ფარგლებში სასამართლოს გადაწყვეტილების სასამართლო აღმასრულებლის მიერ აღსრულების წინააღმდეგ მიმრთული დანაშაულის მოკვლევა; ყ) კანონით დადგენილი წესის შესაბამისად უცხოელი ადვოკატების განცხადებათა განხილვა საქართველოს სასამართლოებში დამცველად ან მხარეთა წარმომადგენლად დაშვების შესახებ; შ) გამოყოფილ ასიგნებათა ფარგლებში ადვოკატის შრომის ანაზღაურების უზრუნველყოფა სისხლის სამართლის საქმის მწარმოებელი ორგანოს მიერ მოქალაქის დაცვის საფასურისაგან გათავისუფლების შემთხვევაში; ჩ) კანონმდებლობით დადგენილი წესით სამინისტროს მმართველობის სფეროში შემავალი საქვეუწყებო დაწესებულებებისა და ტერიტორიული ორგანოების საშტატო ნუსხების დამტკიცება და საქმიანობის გეგმების შემუშავება, მათთვის საჭირო ფულადი და სხვა სახსრების გაცემის უზრუნველყოფა; ც) სამინისტროს მმართველობის სფეროში შემავალი საჯარო სამართლის იურიდიული პირების, სახელმწიფო საქვეუწყებო დაწესებულებებისა და ტერიტორიული ორგანოების მოხელეთა სწავლების, მომზადების, გადამზადებისა და კვალიფიკაციის ამაღლების უზრუნველყოფა; ძ) კანონმდებლობით დადგენილი წესით სასამართლო ექსპერტიზისა და სპეციალურ გამოკვლევათა ორგანიზება, ამ სფეროში სამეცნიერო და მეთოდური მუშაობის განხორციელება; წ) კანონით ან/და კანონის საფუძველზე გამოცემული საქართველოს პრეზიდენტის ბრძანებულებითა და მთავრობის დადგენილებით განსაზღვრულ სხვა უფლებამოსილებათა განხორციელება. თავი III სამინისტროს ხელმძღვანელობა და პერსონალი     მუხლი 6🔗 1. სამინისტროს ხელმძღვანელობს მინისტრი. 2. მინისტრს თანამდებობაზე ნიშნავს პრემიერ-მინისტრი საქართველოს პრეზიდენტის თანხმობით. მინისტრს თანამდებობიდან ათავისუფლებს პრემიერ-მინისტრი. 3. მინისტრი: ა) ხელმძღვანელობს სამინისტროს, წარმართავს მის საქმიანობას და წყვეტს სამინისტროს გამგებლობის სფეროს მიკუთვნებულ საკითხებს; ბ) წარმოადგენს სამინისტროს და ანიჭებს სამინისტროს წარმომადგენლობას, თუ კანონმდებლობით სხვა რამ არ არის დადგენილი; გ) პასუხისმგებელია საქართველოს კონსტიტუციის, კანონების, საქართველოს პრეზიდენტის ბრძანებულებებისა და განკარგულებების, მთავრობის დადგენილებებისა და განკარგულებების შესრულებისათვის სამინისტროს გამგებლობას მიკუთვნებულ სფეროში; დ) თვალყურს ადევნებს სამინისტროს სტრუქტურული ქვედანაყოფებისა და სამინისტროს მმართველობის სფეროში შემავალი სახელმწიფო საქვეუწყებო დაწესებულებების, საჯარო სამართლის იურიდიული პირებისა და ტერიტორიული ორგანოების მიერ თავიანთ მოვალეობათა შესრულების მიმდინარეობას და ახორციელებს სამინისტროს მოსამსახურეთა გადაწყვეტილებებისა და საქმიანობის სამსახურებრივ ზედამხედველობას; ე) პრემიერ-მინისტრს წარუდგენს პირველი მოადგილისა და მოადგილეების კანდიდატურებს და განსაზღვრავს მათ უფლებამოსილებას; ვ) კანონმდებლობით დადგენილი წესით, საკუთარი კომპეტენციის ფარგლებში თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ მოსამსახურეებს, ტერიტორიულ ორგანოთა მოსამსახურეებს, მმართველობის სფეროში შემავალი საჯარო სამართლის იურიდიული პირების ხელმძღვანელებს, სასჯელაღსრულების დეპარტამენტის მოსამსახურეებს, სასჯელაღსრულების დაწესებულებების დირექტორებსა და მათ მოადგილეებს, კანონმდებლობით გათვალისწინებულ სხვა მოსამსახურეებს; ზ) შესაბამის საკონკურსო-საატესტაციო კომისიასთან შეთანხმებით ადგენს საკონკურსო და საატესტაციო მოთხოვნებს სამინისტროს მოხელეებისადმი; თ) თანამდებობაზე ნიშნავს და თანამდებობიდან ათავისუფლებს ნოტარიუსებს და კანონის შესაბამისად ახორციელებს მათი საქმიანობის ზედამხედველობას; ი) დადგენილი წესით საქართველოს მთავრობასა და საქართველოს პრეზიდენტს განსახილველად წარუდგენს ნორმატიული აქტების პროექტებს; კ) საქართველოს კონსტიტუციითა და კანონით დადგენილ შემთხვევებში და წესით გამოსცემს ნორმატიულ აქტს – ბრძანებას, პასუხისმგებელია მისი კანონიერებისა და მიზანშეწონილობისათვის; ლ) კანონმდებლობით დადგენილი წესით გამოსცემს ინდივიდუალურ სამართლებრივ აქტებს; მ) იღებს გადაწყვეტილებას უცხოელთა საქართველოდან გაძევების საკითხზე; ნ) იღებს გადაწყვეტილებას სახელის, მამის სახელის, გვარის შეცვლის ნებართვის გაცემის ან უარის თქმის თაობაზე; ო) ხელს აწერს სამინისტროს მიერ კანონმდებლობით დადგენილი წესით გაცემულ ლიცენზიებს; პ) თავისი კომპეტენციის ფარგლებში ანიჭებს მოხელეებს სპეციალურ წოდებებს; ჟ) დადგენილი წესით განსაკუთრებით გამოჩენილ მოხელეებს წარადგენს საპატიო წოდებებისა და სახელმწიფო ჯილდოების მისანიჭებლად; რ) პრემიერ-მინისტრს წარუდგენს წინადადებას სამინისტროს წლიური ბიუჯეტის შემოსავლისა და გასავლის საკითხებზე და აუცილებლობის შემთხვევაში – დამატებითი ბიუჯეტის პროექტზე, იღებს გადაწყვეტილებებს საბიუჯეტო სახსრების მიზნობრივი გამოყენების შესახებ და პასუხისმგებელია ბიუჯეტის ზუსტად და მიზანშეწონილად შესრულებისათვის; ს) სახელმწიფო ბიუჯეტის შესაბამისად ამტკიცებს სამინისტროს მმართველობის სფეროში შემავალი სახელმწიფო საქვეუწყებო დაწესებულებების ხარჯთა ნუსხებს, აკონტროლებს მათ შესრულებას და აუცილებლობის შემთხვევაში იძლევა მითითებებს საბიუჯეტო სახსრების გამოყენების შესახებ; ტ) ამტკიცებს სამინისტროს მმართველობის სფეროში შემავალი საჯარო სამართლის იურიდიული პირებისა და სახელმწიფო საქვეუწყებო დაწესებულებების დებულებებს, ადგენს მათ სტრუქტურასა და საქმისწარმოების წესს, გარდა იმ შემთხვევებისა, როცა ისინი დადგენილია მინისტრის ბრძანების ზემდგომი სამართლებრივი აქტით; უ) ამტკიცებს სამინისტროს სტრუქტურული ქვედანაყოფების დებულებებს; ფ) უფლებამოსილია სამინისტროს კომპეტენციას მიკუთვნებული სხვადასხვა საკითხის მოსამზადებლად შექმნას სათათბირო ორგანოები – კომისიები და საბჭოები, განსაზღვროს მათი ამოცანები, მათ მიერ დასკვნებისა და წინადადებების მომზადების წესი; ქ) წყვეტს სამართლებრივ დავას სამინისტროს სტრუქტურულ ქვედანაყოფებს, ტერიტორიულ ორგანოებს, აგრეთვე სამინისტროს მმართველობის სფეროში შემავალ სახელმწიფო საქვეუწყებო დაწესებულებებსა და საჯარო სამართლის იურიდიულ პირებს შორის; ღ) დადგენილი წესით შეაქვს წინადადებები გადაწყვეტილებათა მისაღებად იმ საკითხებზე, რომლებიც სამინისტროს გამგებლობის სფეროს განეკუთვნება; ყ) პრემიერ-მინისტრს წარუდგენს სამინისტროს საქმიანობის ანგარიშს; შ) პასუხს აგებს შესაბამისი სახელმწიფო ქონების დაცვისა და მიზნობრივი გამოყენებისათვის და ორგანიზებას უწევს ამ საქმიანობას კანონმდებლობით დადგენილი წესით; ჩ) კანონით დადგენილი წესით უწევს სამსახურებრივ ზედამხედველობას (სახელმწიფო კონტროლს) სამინისტროს სტრუქტურული ქვედანაყოფებისა და ტერიტორიული ორგანოების, სამინისტროს მმართველობის სფეროში არსებული საჯარო სამართლის იურიდიული პირებისა და სახელმწიფო საქვეუწყებო დაწესებულებების საქმიანობის კანონიერებასა და მიზანშეწონილობას, სამინისტროს თანამდებობის პირებისა და მოხელეების აქტებსა და მოქმედებებს; ც) ძალადაკარგულად ცნობს პირველი მოადგილის, მოადგილეებისა და სამინისტროს სხვა თანამდებობის პირების აქტებსა და მოქმედებებს, რომლებიც არ შეესაბამება საქართველოს კონსტიტუციას, სხვა კანონებს, საქართველოს პრეზიდენტის ბრძანებულებებსა და განკარგულებებს, საქართველოს მთავრობის დადგენილებებსა და განკარგულებებს, აგრეთვე მინისტრის ბრძანებებს; ძ) კანონით დადგენილი წესით აჩერებს სამინისტროს თანამდებობის პირთა და მოხელეთა მიერ გამოცემული აქტის აღსრულებას ან მოქმედების შესრულებას, გასცემს შესასრულებლად სავალდებულო მითითებებს აქტის შეცვლის, მოქმედებაში ნაკლოვანებათა აღმოფხვრის ან ახალი მოქმედების შესრულების შესახებ; წ) კანონით დადგენილი წესით ძალადაკარგულად ცნობს სამინისტროს თანამდებობის პირთა აქტებსა და მოქმედებებს მათი მიზანშეუწონლობის მოტივით; ჭ) მონაწილეობს მთავრობის სხდომებში; ხ) ასრულებს მისთვის კანონით, საქართველოს პრეზიდენტის ბრძანებულებებითა და განკარგულებებით, მთავრობის დადგენილებებითა და განკარგულებებით დაკისრებულ სხვა ამოცანებს. 4. მინისტრის უფლებამოსილება წყდება საქართველოს კონსტიტუციითა და კანონით დადგენილი წესით.     მუხლი 7🔗 1. მინისტრს ჰყავს პირველი მოადგილე და სამი მოადგილე, რომელთა უფლებამოსილებებიც განისაზღვრება მინისტრის ბრძანებით, თუ კანონითა და მთავრობის აქტებით სხვა რამ არ არის დადგენილი. 2. მინისტრის პირველ მოადგილესა და მოადგილეებს მინისტრის წარდგინებით, საქართველოს პრეზიდენტთან შეთანხმებით თანამდებობაზე ნიშნავს და თანამდებობიდან ათავისუფლებს პრემიერ-მინისტრი. 3. მინისტრის პირველი მოადგილე ხელმძღვანელობს სამინისტროს იმ სტრუქტურული ქვედანაყოფების საქმიანობას, რომლებიც მინისტრის ბრძანებით მის დაქვემდებარებაშია გადაცემული. მინისტრის პირველი მოადგილე ხელმძღვანელობს სამინისტროს საქმიანობას და კოორდინაციას უწევს სამინისტროს მმართველობის სფეროში შემავალი სახელმწიფო საქვეუწყებო დაწესებულებების, ტერიტორიული ორგანოებისა და სტრუქტურული ქვედანაყოფების საქმიანობას მინისტრის არყოფნისას. 4. მინისტრის ერთ-ერთი მოადგილე მინისტრის დავალებით ახორციელებს საპარლამენტო მდივნის ფუნქციას.     მუხლი 8🔗. 1. სამინისტროს თანამდებობის პირები არიან: ა) სამინისტროს სტრუქტურული ქვედანაყოფებისა და მათი შიდა სტრუქტურული ერთეულების ხელმძღვანელები; ბ) სამინისტროს დაქვემდებარებული სახელმწიფო საქვეუწყებო დაწესებულებების ხელმძღვანელები და მათი მოადგილეები; გ) სამინისტროს დაქვემდებარებული საჯარო სამართლის იურიდიული პირების ხელმძღვანელები და მათი მოადგილეები. 2. სამინისტროს სტრუქტურული ქვედანაყოფის ხელმძღვანელი უშუალოდ ემორჩილება მინისტრს, მინისტრის პირველ მოადგილეს ან მინისტრის მოადგილეს. 3. სამინისტროს სტრუქტურული ქვედანაყოფის ხელმძღვანელი: ა) ანაწილებს მოვალეობებს მისდამი დაქვემდებარებული სტრუქტურული ქვედანაყოფის მოსამსახურეებს შორის და აძლევს მათ მითითებებსა და განკარგულებებს; ბ) თვალყურს ადევნებს სამინისტროს სტრუქტურული ქვედანაყოფის მოსამსახურეების მიერ სამსახურებრივ მოვალეობათა შესრულებას; გ) ხელს აწერს ან ვიზას ადებს სამინისტროს სტრუქტურულ ქვედანაყოფში მომზადებულ დოკუმენტებს; დ) ანგარიშვალდებულია სამინისტროს სტრუქტურული ქვედანაყოფის მუშაობისათვის; ე) წარმოადგენს სამინისტროს სტრუქტურულ ქვედანაყოფს საკუთარი მოვალეობების შესრულებისას და სტრუქტურული ქვედანაყოფის სახელით წარუდგენს დასკვნებს მინისტრის მოადგილეს, რომელიც მინისტრის ბრძანების შესაბამისად ხელმძღვანელობს ამ სტრუქტურულ ქვედანაყოფს; ვ) წარუდგენს სამინისტროს ხელმძღვანელობას წინადადებებს სამინისტროს სტრუქტურული ქვედანაყოფის სტრუქტურის, შტატების, მუშაობის ორგანიზების, სტრუქტურული ქვედანაყოფის მოსამსახურეების წახალისების ან მათთვის დისციპლინური პასუხისმგებლობის დაკისრების შესახებ; ზ) შუამდგომლობს იმ სახსრების გამოყოფის თაობაზე, რომლებიც საჭიროა სამინისტროს სტრუქტურული ქვედანაყოფის ამოცანათა შესასრულებლად; თ) შუამდგომლობს სამინისტროს სტრუქტურული ქვედანაყოფის მოსამსახურეთა კვალიფიკაციის ამაღლების შესახებ; ი) ასრულებს ამ დებულებით, სამინისტროს სტრუქტურული ქვედანაყოფის დებულებით, მინისტრის ან/და უშუალო ხელმძღვანელის მიერ განსაზღვრულ ამოცანებს.     მუხლი 9🔗. 1. სამინისტროს საშტატო შემადგენლობაში არიან: ა) მინისტრის მრჩევლები; ბ) მინისტრის (მინისტრის მოადგილეების) თანაშემწეები; გ) სამინისტროს მრჩევლები; დ) სამინისტროს მთავარი სპეციალისტები და სპეციალისტები. 2. მინისტრის მრჩევლები და თანაშემწეები უშუალოდ ემორჩილებიან მინისტრს. მათ თანამდებობაზე ნიშნავს და თანამდებობიდან ათავისუფლებს მინისტრი. მინისტრის მრჩეველი და თანაშემწე თანამდებობაზე ინიშნებიან მინისტრის უფლებამოსილების ვადით. 3. მინისტრის მოადგილის თანაშემწეს მინისტრის მოადგილის წარდგინებით თანამდებობაზე ნიშნავს და თანამდებობიდან ათავისუფლებს მინისტრი. მინისტრის მოადგილის თანაშემწე უშუალოდ ემორჩილება მინისტრის მოადგილეს. 4. სამინისტროს მრჩევლებს, სამინისტროს მთავარ სპეციალისტებსა და სამინისტროს სპეციალისტებს თანამდებობაზე ნიშნავს მინისტრი კანონით დადგენილი წესით. 5. სამინისტროს მრჩევლების, სამინისტროს მთავარი სპეციალისტებისა და სამინისტროს სპეციალისტების მოვალეობანი და ქვემდებარეობა განისაზღვრება სამინისტროს სტრუქტურული ქვედანაყოფის დებულებით, რომელსაც ამტკიცებს მინისტრი. თავი IV სამინისტროს სისტემა     მუხლი 10🔗 სამინისტროს სისტემაში შემავალი სახელმწიფო საქვეუწყებო დაწესებულებები არიან: ა) სასჯელაღსრულების დეპარტამენტი; ბ) სახელმწიფო არქივების მართვისა და საქმისწარმოების დეპარტამენტი.     მუხლი 11🔗 სამინისტროს მმართველობის სფეროში მოქმედი საჯარო სამართლის იურიდიული პირები არიან: ა) იუსტიციის სასწავლო ცენტრი; ბ) საქართველოს იუსტიციის სამინისტროს ექსპერტიზისა და სპეციალურ გამოკვლევათა ცენტრი; გ) საქართველოს კანონთა წიგნისა და საქართველოს საკანონმდებლო მაცნეს რედაქცია; დ) საქართველოს ნოტარიუსთა პალატა; ე) საჯარო რეესტრის ეროვნული სააგენტო; ვ) თანამდებობის პირთა ქონებრივი და საფინანსო მდგომარეობის საინფორმაციო ბიურო.     მუხლი 12🔗 სამინისტროს სტრუქტურული ქვედანაყოფები არიან: ბ) გენერალური ინსპექცია; გ) ეკონომიკური დეპარტამენტი; დ) პრესისა და საზოგადოებასთან ურთიერთობის სამსახური; ე) საერთაშორისო სამართლებრივი ურთიერთობის დეპარტამენტი; ვ) ევროპის ადამიანის უფლებათა სასამართლოში სახელმწიფო წარმომადგენლის სამსახური; ზ) ნოტარიატის დეპარტამენტი; თ) ხელშეკრულებათა ექსპერტიზის დეპარტამენტი; ი) სამედიცინო დეპარტამენტი; კ) სააღსრულებო დეპარტამენტი; ლ) არასაპატიმრო სასჯელთა აღსრულებისა და პრობაციის დეპარტამენტი; მ) სასჯელაღსრულების სისტემის რეფორმისა და მონიტორინგის დეპარტამენტი; ნ) მთავარი კანცელარია; ო) მოქალაქეობის, სამოქალაქო მდგომარეობის რეგისტრაციისა და იმიგრაციის საკითხთა დეპარტამენტი; პ) სახელმწიფო რეგისტრაციისა და ლიცენზირების დეპარტამენტი; ჟ) საკადრო საკითხთა დეპარტამენტი; რ) ნორმატიული აქტების სისტემატიზაციისა და ადგილობრივ ორგანოებთან ურთიერთობის დეპარტამენტი; ს) სამართალშემოქმედების დეპარტამენტი; ტ) სამართლებრივი ექსპერტიზის დეპარტამენტი.     მუხლი 13🔗 სამინისტროს ტერიტორიული ორგანოები არიან: ა) აჭარის ავტონომიური რესპუბლიკის იუსტიციის დეპარტამენტი; ბ) სახელმწიფო რეესტრის წარმოების ტერიტორიული ორგანოები – სახელმწიფო რეესტრის წარმოების სამსახურები; გ) სააღსრულებო ბიუროები; დ) სააღსრულებო პოლიციის ადგილობრივი განყოფილებები; ე) არასაპატიმრო სასჯელთა აღსრულებისა და პრობაციის ბიუროები; ვ) სამოქალაქო აქტების რეგისტრაციის არქივები. თავი V სამინისტროს სტრუქტურული ქვედანაყოფი     მუხლი 14🔗 1. სამინისტროს სტრუქტურული ქვედანაყოფის კომპეტენცია და სტრუქტურა განისაზღვრება ამ დებულებით, ასევე სტრუქტურული ქვედანაყოფის დებულებით, რომელსაც ამტკიცებს მინისტრი. 2. სამინისტროს სტრუქტურული ქვედანაყოფი შეიძლება დაიყოს შიდა სტრუქტურულ ერთეულებად, რომელთა სახელწოდება და კომპეტენცია განისაზღვრება სამინისტროს სტრუქტურული ქვედანაყოფის დებულებით.     მუხლი 15🔗 მინისტრის აპარატის ძირითადი ამოცანებია: ა) თავისი კომპეტენციის ფარგლებში სამინისტროს სტრუქტურული ქვედანაყოფების საქმიანობის მინისტრის მიერ კოორდინაციის უზრუნველყოფა; ბ) მინისტრის ცალკეულ დავალებათა შესრულების უზრუნველყოფა; გ) მინისტრის მოხსენებების, საჯარო გამოსვლებისა და ანგარიშების მომზადება; დ) მინისტრის უშუალო ორგანიზაციული, საინფორმაციო-ანალიტიკური და სამართლებრივი მომსახურება, სადღეღამისო მორიგეობის უზრუნველყოფა; ე) მოქალაქეთა მიღების კოორდინაცია და ორგანიზაციული უზრუნველყოფა.     მუხლი 16🔗 გენერალური ინსპექციის ძირითადი ამოცანებია: ა) სამინისტროს სისტემის მოსამსახურეთა (მათ შორის სამინისტროს ცენტრალური აპარატის, სააღსრულებო ბიუროების, სამოქალაქო აქტების რეგისტრაციის არქივების, სახელმწიფო რეესტრის წარმოების სამსახურების, აგრეთვე კანონმდებლობით დადგენილი წესით, სამინისტროს მმართველობის სფეროში მოქმედი საჯარო სამართლის იურიდიული პირებისა და სახელმწიფო საქვეუწყებო დაწესებულებების მოსამსახურეთა) მიერ დისციპლინისა და კანონიერების დაცვის სამსახურებრივი კონტროლი, სამსახურებრივი უპასუხისმგებლობისა და გადაცდომის ფაქტების გამოვლენა, თავიდან აცილება და პროფილაქტიკა; ბ) ამ მუხლის „ა“ ქვეპუნქტში აღნიშნულ მოსამსახურეთა მიერ სამსახურებრივი გადაცდომის ფაქტებზე სამსახურებრივი მოკვლევა; გ) თავისი კომპეტენციის ფარგლებში სამინისტროს სისტემის მოსამსახურეთა მიერ გაწეული მუშაობის ანალიზი და სრულყოფისათვის ხელშეწყობა, მინისტრის დავალებით სამინისტროს სისტემის დაწესებულებათა და ორგანოთა საფინანსო კონტროლის უზრუნველყოფა, მათი სამსახურებრივი შემოწმება; დ) შესაბამისი განცხადებებისა და საჩივრების შემოწმება და მათზე რეაგირება, სამსახურებრივი მოკვლევის შედეგების შესახებ დასკვნების შედგენა და მინისტრისათვის წარდგენა; ე) თავისი კომპეტენციის ფარგლებში, მინისტრის დავალებით, საქართველოს პროკურატურიდან, სასამართლო ორგანოებიდან, აგრეთვე სხვა უფლებამოსილი უწყებებიდან მიღებული წერილებისა და წარდგინებების განხილვა და შესაბამისი დასკვნების მომზადება.     მუხლი 17🔗 ეკონომიკური დეპარტამენტის ძირითადი ამოცანებია: ა) სამინისტროს ერთიანი ბიუჯეტის პროექტის შემუშავება; ბ) საბუღალტრო აღრიცხვის წარმართვა და ხარჯთა ნუსხის შედგენა; გ) სამინისტროს სისტემაში შემავალ დაწესებულებათა ფუნქციონირების ფინანსური და მატერიალურ-ტექნიკური უზრუნველყოფა, სამინისტროს სისტემის ცენტრალიზებული მომარაგება, კაპიტალური მშენებლობისა და კაპიტალური რემონტის დაგეგმვა და განხორციელება.     მუხლი 18🔗 პრესისა და საზოგადოებასთან ურთიერთობის სამსახურის ძირითადი ამოცანებია: ა) მასობრივი ინფორმაციის საშუალებებთან, არასამთავრობო და სხვა საზოგადოებრივ ორგანიზაციებთან მინისტრისა და სამინისტროს ურთიერთობის უზრუნველყოფა და ხელშეწყობა; ბ) საზოგადოების ინფორმირება სამინისტროს კომპეტენციას მიკუთვნებული საქმიანობის განხორციელების თაობაზე.     მუხლი 19🔗 საერთაშორისო სამართლებრივი ურთიერთობის დეპარტამენტის ძირითადი ამოცანებია: ა) სამინისტროს კომპეტენციის ფარგლებში სამართლებრივი ურთიერთდახმარების შესახებ საერთაშორისო შეთანხმებების მომზადება, დადება და შესრულების ორგანიზება; ბ) ევროპის სამართალთან, საერთაშორისო სამართლებრივ ნორმებთან და სტანდარტებთან საქართველოს სამართლებრივი აქტების ჰარმონიზაციის ხელშეწყობა, ამ მიზნით შესაბამისი წინადადებების შემუშავება და თანამშრომლობა ამ სფეროში მოქმედ საერთაშორისო ორგანიზაციებთან და სხვა სახელმწიფოთა შესაბამის უწყებებთან; გ) ხელშეწყობა საზღვარგარეთის სახელმწიფოებთან და საერთაშორისო ორგანიზაციებთან სამართლებრივი თანამშრომლობის პოლიტიკის შემუშავებასა და წარმართვაში; დ) საქართველოს საერთაშორისო ხელშეკრულებათა პროექტებსა და მრავალმხრივ საერთაშორისო შეთანხმებებში საქართველოს მონაწილეობის შესახებ სამინისტროში შემოსულ წინადადებებზე სამართლებრივი დასკვნის მომზადება საქართველოს კანონმდებლობასთან შესაბამისობისა და შესაძლო სამართლებრივი შედეგების თაობაზე; ე) ჰააგის კერძო სამართლის საერთაშორისო კონვენციის ფარგლებში მოქმედი შეთანხმებებითა და ხელშეკრულებებით გათვალისწინებულ ვალდებულებათა შესრულების კოორდინაცია; ვ) ჰააგის სისხლის სამართლის საერთაშორისო სასამართლოს სტატუსთან საქართველოს კანონმდებლობის ჰარმონიზაციის შესახებ წინადადებათა შემუშავება; ამ სასამართლოში წარმომადგენლობის განხორციელება; ზ) სამინისტროს ურთიერთობის უზრუნველყოფა საზღვარგარეთის სახელმწიფოთა დაწესებულებებთან და საერთაშორისო ორგანიზაციებთან; სამინისტროში საპროტოკოლო ღონისძიებათა ორგანიზება; თ) საერთაშორისო შეთანხმებებთან, კონვენციებთან შეერთებისა და რატიფიკაციის თაობაზე წინადადებათა შემუშავება; ი) ევროპული ინტეგრაციის საკითხებზე სამინისტროს კომპეტენციის ფარგლებში წინადადებათა შემუშავება და წარდგენა; კ) მსჯავრდებულთა გადაცემისა და მიღების, აგრეთვე დადგენილი წესით ექსტრადიციის საკითხებზე მინისტრის გადაწყვეტილებათა მომზადება.     მუხლი 20🔗 ევროპის ადამიანის უფლებათა სასამართლოში სახელმწიფო წარმომადგენლის სამსახურის ძირითადი ამოცანებია: ა) ევროპის ადამიანის უფლებათა სასამართლოში სახელმწიფო წარმომადგენლობის უზრუნველყოფა და მასთან დაკავშირებულ საკითხთა გადაწყვეტის ორგანიზება; ბ) ამ მუხლის „ა” ქვეპუნქტში მითითებული მიზნით შექმნილი საუწყებათაშორისო კომისიების საქმიანობის წარმართვა, სამთავრობო და სხვა ორგანოებიდან სათანადო ინფორმაციის, მასალების, საქმეების, დასკვნებისა და სხვა დოკუმენტაციის დაუყოვნებლივ მიღების ორგანიზება და დამუშავება, სახელმწიფოს სახელით წარსადგენი შესაბამისი დოკუმენტების (დასკვნების) პროექტების მომზადება; გ) ევროპის ადამიანის უფლებათა სასამართლოს მიერ გამოტანილ გადაწყვეტილებათა ევროპის საბჭოს მინისტრთა კომიტეტის მოთხოვნათა შესაბამისად აღსრულებისათვის აუცილებელ ღონისძიებათა შემუშავება და მათი განხორციელების კოორდინაცია; დ) ევროპის ადამიანის უფლებათა სასამართლოს გადაწყვეტილებებთან და სამართალგამოყენებით პრაქტიკასთან საქართველოს კანონმდებლობის შესაბამისობის უზრუნველყოფის მიზნით წინადადებათა შემუშავება და წარდგენა; ე) ევროპის ადამიანის უფლებათა სასამართლოს პრაქტიკის პოპულარიზაცია.     მუხლი 21🔗 ნოტარიატის დეპარტამენტის ძირითადი ამოცანებია: ა) ნოტარიატის სფეროში მინისტრის (სამინისტროს) კანონით დადგენილ უფლებამოსილებათა განხორციელების ორგანიზაციული უზრუნველყოფა, ნოტარიატთან დაკავშირებული საქმიანობის კოორდინაცია და მეთოდური ხელმძღვანელობა; ბ) ნოტარიატის საერთაშორისო ორგანიზაციებში საქართველოს ინტეგრაციის პროცესისათვის ხელშეწყობა; გ) სამინისტროს კანონმდებლობით განსაზღვრული კომპეტენციის ფარგლებში და მინისტრის შესაბამისი დავალების საფუძველზე ნოტარიუსის სამსახურებრივი საქმიანობის ზედამხედველობის განხორციელების უზრუნველყოფა და მისი გაუმჯობესებისათვის მითითებების მიცემა; დ) თავისი კომპეტენციის ფარგლებში სანოტარო წესით დამოწმებული ან დადასტურებული საზღვარგარეთ წარსადგენი დოკუმენტების ლეგალიზაციის უზრუნველყოფა.     მუხლი 22🔗 ხელშეკრულებათა ექსპერტიზის დეპარტამენტის ძირითადი ამოცანებია: ა) სახელმწიფო ორგანოთა ან იმ საწარმოთა მიერ, რომლებშიც სახელმწიფო ფლობს აქაციათა საკონტროლო პაკეტს ან წილის 50 პროცენტზე მეტს, დასადებ ხელშეკრულებათა პროექტების ვიზირებასთან დაკავშირებული მასალების დამუშავება; ბ) საერთაშორისო და საქართველოში არსებულ კერძო არბიტრაჟებში შესაბამისი სახელმწიფო დაწესებულებების მიერ სახელმწიფოს წარმომადგენლობის უზრუნველყოფის კოორდინაციის ორგანიზება; გ) სახელმწიფო ვალის აღებასთან და კრედიტებზე სახელმწიფო გარანტიების გაცემასთან დაკავშირებით დასადები ხელშეკრულებების (შეთანხმებების) პროექტების იურიდიული დასაბუთება (ექსპერტიზა); დ) სასამართლოში სამინისტროს წარმომადგენლობის უზრუნველყოფა; ე) კერძო სამართლის რეფორმის პროცესში წინადადებათა შემუშავება და სამინისტროს მონაწილეობის უზრუნველყოფა.     მუხლი 23🔗 სამედიცინო დეპარტამენტის ძირითადი ამოცანებია: ა) კანონმდებლობით დადგენილ ფარგლებში სასჯელაღსრულების დაწესებულებათა სამედიცინო სამსახურების ხელმძღვანელობა და კონტროლი; ბ) სასჯელაღსრულების დაწესებულებათა სამედიცინო სამსახურების სანიტარიული ზედამხედველობის, ეპიდემიასაწინააღმდეგო და პროფილაქტიკური ღონისძიებების ორგანიზება; გ) სასჯელაღსრულების ორგანოთა და სამინისტროს სისტემის მოსამსახურეთა სამედიცინო მომსახურების უზრუნველყოფა; დ) სასჯელაღსრულების დაწესებულებებში ტუბერკულოზისა და შიდსის წინააღმდეგ ბრძოლის სახელმწიფო პროგრამის განხორციელების ხელმძღვანელობა და კონტროლი; ე) ნარკოლოგიური და ფსიქოლოგიური კომისიების მუშაობის ხელმძღვანელობა და კონტროლი; ვ) სასჯელაღსრულების დაწესებულებებში ობიექტების სანიტარიულ-ჰიგიენური და ეპიდემიოლოგიური მდგომარეობის შემოწმება; ზ) სამედიცინო აღრიცხვიანობის, სტატისტიკური, საანგარიშო და სხვა სამუშაო ფორმების შემუშავება და მათი შესრულების კონტროლი; თ) სასჯელაღსრულების დაწესებულებებში მიყვანისას პირთა წინასწარი სამედიცინო შემოწმების ორგანიზება და კონტროლი; ი) ავადმყოფთა დროული ჰოსპიტალიზაციის, აგრავაციის პროფილაქტიკის, გამოჯანმრთელებულთა საავადმყოფოდან დროული გაწერის ორგანიზება; კ) მსჯავრდებულთა საერთო, გაძლიერებულდიეტური და სამკურნალო კვების რაციონის დაცვის ორგანიზება და სისტემატური კონტროლი; ლ) სასჯელაღსრულების დეპარტამენტსა და სხვა სამედიცინო დაწესებულებებში სპეციალური კონტინგენტის გაგზავნის, მკურნალობისა და გაწერის ორგანიზება და კონტროლი; მ) მსჯავრდებულთა სასჯელის მოხდისაგან ავადმყოფობის გამო გათავისუფლების საკითხთა წინასწარი მომზადება.     მუხლი 24🔗 სააღსრულებო დეპარტამენტის ძირითადი ამოცანებია: ა) სასამართლო აღმასრულებლებისა და სააღსრულებო პოლიციის საქმიანობის ორგანიზაციული და მეთოდური ხელმძღვანელობა, კოორდინაცია და კონტროლი; ბ) თავისი კომპეტენციის ფარგლებში, სააღსრულებო პოლიციის მეშვეობით, სასამართლო გადაწყვეტილების სასამართლო აღმასრულებლის მიერ აღსრულების წინააღმდეგ მიმართული დანაშაულის სისხლისსამართლებრივი მოკვლევა.     მუხლი 25🔗 არასაპატიმრო სასჯელთა აღსრულებისა და პრობაციის დეპარტამენტის ძირითადი ამოცანებია: ა) არასაპატიმრო სასჯელების აღსრულებისა და პრობაციის ორგანიზება და უზრუნველყოფა; ბ) არასაპატიმრო სასჯელთა აღსრულებისა და პრობაციის ბიუროების საქმიანობის კოორდინაცია და „არასაპატიმრო სასჯელთა აღსრულების წესისა და პრობაციის შესახებ“ საქართველოს კანონით განსაზღვრული სამართლებრივი აქტების აღსრულების უზრუნველყოფა.     მუხლი 26🔗 სასჯელაღსრულების სისტემის რეფორმისა და მონიტორინგის დეპარტამენტის ძირითადი ამოცანებია: ა) სასჯელაღსრულების სისტემის სამართლებრივი, ინსტიტუციონალური და ორგანიზაციული რეფორმის პრიორიტეტების, მიმართულებებისა და კონკრეტული ღონისძიებების თაობაზე რეკომენდაციების, წინადადებების, დასკვნებისა და შესაბამისი ნორმატიული აქტების პროექტების მომზადება; ბ) სასჯელაღსრულების სისტემის რეფორმის საინფორმაციო და ანალიტიკური უზრუნველყოფა; გ) სასჯელაღსრულების სისტემაში რეფორმის მიმდინარეობისა და საკანონმდებლო ცვლილებების იმპლემენტაციის მონიტორინგი, ანალიზი, პროგნოზი, აგრეთვე ამ მიმართულებით განხორციელებული საქმიანობის შედეგად შესაბამისი დასკვნების მომზადება; დ) მსჯავრდებულთა, პატიმართა და სასჯელაღსრულების ორგანოების მოსამსახურეთა უფლებების დაცვის კონტროლის განხორციელება, მოქალაქეთა კონსტიტუციური უფლებების, პიროვნების თავისუფლებისა და კანონიერი ინტერესების შელახვის ფაქტებზე ოპერატიული რეაგირება.     მუხლი 27🔗 მთავარი კანცელარიის ძირითადი ამოცანებია: ა) სამინისტროში ოფიციალურად შემოსული და გასული კორესპონდენციის რეგისტრაცია, სისტემატიზაცია და მისი ოპერატიული მიწოდება სამინისტროს ხელმძღვანელობისა და შემსრულებლებისათვის; ბ) სამინისტროს სტრუქტურული ქვედანაყოფების მიერ საქართველოს პრეზიდენტის, საქართველოს მთავრობისა და სამინისტროს ხელმძღვანელობის აქტებითა და მითითებებით განსაზღვრულ კონტროლზე აყვანილ დავალებათა დადგენილ ვადებში შესრულების კონტროლი; გ) მინისტრის სათათბირო ორგანოების სხდომების მომზადება და ოქმების გაფორმება; დ) საჯარო ინფორმაციის ხელმისაწვდომობის უზუნველყოფა; ე) საიდუმლო საქმისწარმოების განხორციელება, მოქმედი კანონმდებლობით გათვალისწინებულ შესაბამის ინფორმაციასთან და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა; ვ) საქმისწარმოების დასრულებული დოკუმენტაციის აღრიცხვა, დამუშავება და გადაცემა არქივისათვის არსებული წესის თანახმად.     მუხლი 28🔗 მოქალაქეობის, სამოქალაქო მდგომარეობის რეგისტრაციისა და იმიგრაციის საკითხთა დეპარტამენტის ძირითადი ამოცანებია: ა) დაინტერესებულ პირთა მიმართ საქართველოს მოქალაქეობის ან საქართველოში მუდმივად მცხოვრები პირის სტატუსის დადგენა; ბ) უცხოელ მოქალაქეთა და მოქალაქეობის არმქონე პირთა საქართველოს მოქალაქედ მიღების, უცხოელი მოქალაქისათვის საქართველოს მოქალაქეობის მინიჭების, მოქალაქეობის აღდგენის, საქართველოს მოქალაქეების მიერ მოქალაქეობის შეწყვეტის, აგრეთვე საქართველოში იმიგრანტის სტატუსის მინიჭების, გაუქმების და უცხოელთა საქართველოდან გაძევების მასალების წინასწარ განსახილველად მომზადება; გ) მოქალაქეობისა და იმიგრაციის საინფორმაციო ბანკის ფორმირების უზრუნველყოფა; დ) კანონმდებლობით გათვალისწინებული წესით სამოქალაქო მდგომარეობის აქტების რეგისტრაციასთან დაკავშირებული საქმიანობის ორგანიზება, კოორდინაცია და მეთოდური ხელმძღვანელობა, სამოქალაქო მდგომარეობის ცალკეული აქტების რეგისტრაციასთან დაკავშირებული საკითხების გადაწყვეტა; ე) სამოქალაქო მდგომარეობის რეგისტრირებული აქტების საინფორმაციაო ბანკის ფორმირების უზრუნველყოფა; ვ) სამოქალაქო აქტების რეგისტრაციის არქივების საქმიანობის კონტროლი; ზ) თავისი კომპეტენციის ნაწილში სახელმწიფო რეესტრის მართვის სამსახურების საქმიანობის კონტროლი.     მუხლი 29🔗 სახელმწიფო რეგისტრაციისა და ლიცენზირების დეპარტამენტის ძირითადი ამოცანებია: ა) პოლიტიკური გაერთიანებების, შემოქმედებითი კავშირების, ფონდებისა და კანონით განსაზღვრული სხვა იურიდიული პირების რეგისტრაცია; ბ) უცხო ქვეყნის არასამეწარმეო (არაკომერციული) იურიდიული პირის ფილიალის (წარმომადგენლობის) რეგისტრაციასთან დაკავშირებული დოკუმენტაციის მომზადება; გ) თავისი კომპეტენციის ფარგლებში რეგისტრირებული იურიდიული პირების საქმიანობის თავიანთ წესდებებთან შესაბამისობის დადგენილი წესით კონტროლი; დ) კერძო სამართლის არასამეწარმეო (არაკომერციული) იურიდიული პირების, მოქალაქეთა პოლიტიკური გაერთიანებების (პარტიების), შემოქმედებითი კავშირების ლიცენზიებისა და ნებართვების, მაკონტროლებელ ორგანოთა რეესტრების წარმოების უზრუნველყოფა; ე) კანონმდებლობით სამინისტროსათვის მიკუთვნებული კომპეტენციის ფარგლებში ლიცენზიების გაცემის მომზადება და გაცემული ლიცენზიების აღრიცხვა; ვ) „სამეწარმეო საქმიანობის კონტროლის შესახებ“ საქართველოს კანონით სამინისტროსათვის დაკისრებული შესაბამისი ფუნქციების განხორციელების უზრუნველყოფა; ზ) თავისი კომპეტენციის ნაწილში სახელმწიფო რეესტრის მართვის სამსახურების საქმიანობის კონტროლი.     მუხლი 30🔗 საკადრო საკითხთა დეპარტამენტის ძირითადი ამოცანებია: ა) სამინისტროს სისტემის საკადრო რესურსების მართვის ოპტიმიზაციის მიზნით რეკომენდაციების შემუშავება; ბ) თავისი კომპეტენციის ფარგლებში სამინისტროს სისტემის მოხელეთა და მოსამსახურეთა დანიშვნა-გათავისუფლების შესახებ აქტის პროექტის მომზადება; გ) თავისი კომპეტენციის ფარგლებში სამინისტროს სისტემის მოხელეთა და მოსამსახურეთა პირადი საქმეების შედგენა, შრომის წიგნაკების, ჩანართი ფურცლების აღრიცხვა-წარმოება, სოციალური საკითხების გადაწყვეტა და საპენსიო საბუთების გაფორმება; დ) სამინისტროს სისტემის კადრების სამსახურების მუშაობის მეთოდური ხელმძღვანელობა და კოორდინაცია; ე) სპეციალურ წოდებათა მინიჭების საკითხების მომზადება; ვ) მოხელთა პროფესიული მომზადების, გადამზადებისა და ვაკანტური თანამდებობის დასაკავებლად კონკურსის ორგანიზება, მოხელეთა რეზერვის მიზნობრივი გამოყენება, სტაჟირებისა და შრომის დისციპლინის კონტროლი; ზ) სამოქალაქო თავდაცვისა და სამობილიზაციო საქმიანობის განხორციელება; თ) სამინისტროს სისტემაში სტაჟიორად დანიშვნისათვის გასაუბრების ორგანიზება და სტაჟირების გავლის კონტროლი; ი) სამინისტროს წარმომადგენლობა სასამართლოში შრომით დავებზე; კ) სამინისტროს სისტემის მოსამსახურეთათვის სამსახურებრივი მოწმობების გაცემა და აღრიცხვა; ლ) შიდასაუწყებო წესის შესაბამისად სამინისტროს უფლებამოსილ მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის გაცემა; მ) მოსამსახურეთა შრომითი ინსტრუქციების მომზადება, მოსამსახურეთა სამსახურებრივი მოვალეობებისა და სამუშაოს შესრულების შეფასების კრიტერიუმების დადგენა.     მუხლი 31🔗 ნორმატიული აქტების სისტემატიზაციისა და ადგილობრივ ორგანოებთან ურთიერთობის დეპარტამენტის ძირითადი ამოცანებია: ა) კანონმდებლობით დადგენილი წესით ნორმატიული აქტების სახელმწიფო რეესტრის წარმოება; ბ) საქართველოს კანონმდებლობის სისტემატიზაცია და საკონტროლო მდგომარეობის უზრუნველყოფა; გ) სამართალშემოქმედებითი პროცესისა და სამართლებრივი ექსპერტიზის ინფორმაციული უზრუნველყოფა, სამართლებრივი ინფორმატიზაციის სისტემის შექმნა, კოორდინაცია და კონტროლი; დ) ქ. თბილისის ადგილობრივი თვითმმართველობისა და მმართველობის ორგანოების (თანამდებობის პირების) მიერ მიღებული (გამოცემულ) ნორმატიული აქტების სახელმწიფო რეესტრში შეტანა და მათი საქართველოს კანონმდებლობასთან შესაბამისობის თაობაზე სამართლებრივი დასკვნის გაცემა; ე) სამინისტროს წარმომადგენლობის უზრუნველყოფა სასამართლოში ქ. თბილისის ადგილობრივი თვითმმართველობისა და მმართველობის ორგანოების (თანამდებობის პირების) მიერ მიღებული (გამოცემული) ნორმატიულ აქტებთან დაკავშირებულ დავებზე; ვ) სახელმწიფო რეესტრის წარმოების სამსახურების ხელმძღვანელობა და კონტროლი მათი საქმიანობის იმ ნაწილში, რომელიც შეეხება ადგილობრივი თვითმმართველობისა და მმართველობის ორგანოების (თანამდებობის პირების) მიერ მიღებული (გამოცემული) ნორმატიული აქტების სახელმწიფო რეესტრში შეტანას, მათი საქართველოს კანონმდებლობასთან შესაბამისობის თაობაზე სამართლებრივი დასკვნის გაცემას და წარმომადგენლობას სასამართლოში ამ აქტებთან დაკავშირებულ დავებზე; ზ) ადგილობრივი თვითმმართველობისა და მმართველობის ორგანოების (თანამდებობის პირების) მიერ „ნორმატიული აქტების შესახებ“ საქართველოს კანონის დარღვევით მიღებული (გამოცემული) ნორმატიული აქტების გამოვლენა და თავისი კომპეტენციის ფარგლებში სათანადო რეაგირება.     მუხლი 32🔗 სამართალშემოქმედების დეპარტამენტის ძირითადი ამოცანებია: ა) კანონშემოქმედების სფეროში პარლამენტისა და სამინისტროს ურთიერთობის კოორდინაცია და საპარლამენტო მდივნისათვის „საპარლამენტო მდივნის შესახებ“ საქართველოს კანონით მინიჭებულ უფლებამოსილებათა განხორციელებაში ხელშეწყობა; ბ) სამართალშემოქმედებითი საქმიანობა, შესაბამისი ნორმატიული აქტების პროექტების მომზადება; გ) სამართლის ცალკეული დარგების განვითარების აუცილებლობისა და პერსპექტივების შესწავლა, საზღვარგარეთის სახელმწიფოთა კანონმდებლობის შესწავლა და ანალიზი, სხვა სამინისტროებისა და დარგობრივი უწყებების პრობლემატიკის შესწავლა სამართალშემოქმედებითი საქმიანობის განხორციელების მიზნით; დ) ნორმატიული აქტების საქართველოს კონსტიტუციასთან შესაბამისობის შესწავლა და საჭიროების შემთხვევაში სათანადო წინადადდებათა წარდგენა; ე) მოქმედი ნორმატიული აქტების უპირატესი იურიდიული ძალის მქონე ნორმატიულ აქტებთან შესაბამისობის უზრუნველყოფისა და სამართლებრივი კოლიზიების აღმოფხვრის თაობაზე კონკრეტული წინადადებების, დასკვნებისა და პროექტების მომზადება; ვ) საკანონმდებლო აქტების პროექტების სამართლებრივი ექსპერტიზა.     მუხლი 33🔗 სამართლებრივი ექსპერტიზის დეპარტამენტის ძირითადი ამოცანებია: ა) კანონქვემდებარე ნორმატიული აქტების სამართლებრივი ექსპერტიზა, უპირატესი იურიდიული ძალის მქონე ნორმატიულ აქტებთან მათი შესაბამისობის დადგენა; ბ) წინადადებებისა და შესაბამისი მასალების მომზადება „ნორმატიული აქტების შესახებ“ საქართველოს კანონის 51-ე მუხლის მე-4 პუნქტით გათვალისწინებული სამინისტროს ვალდებულების შესრულებისათვის. თავი VI სათათბირო ორგანოები     მუხლი 34🔗 1. მინისტრს სამინისტროს კომპეტენციას მიკუთვნებულ ცალკეულ საკითხთა შესწავლისა და მომზადების მიზნით შეუძლია შექმნას კომისიები და საბჭოები სათათბირო უფლებებით (შემდგომში – სათათბირო ორგანოები). 2. სათათბირო ორგანო იქმნება მინისტრის ბრძანებით, რომლითაც განისაზღვრება მისი ამოცანები, თავმჯდომარე (საჭიროების შემთხვევაში – თავმჯდომარის მოადგილე, მდივანი) და წევრები, ამოცანის შესრულების ვადა, დასკვნებისა და წინადადებების მომზადების წესი და სათათბირო ორგანოს საქმიანობის უზრუნველმყოფი სტრუქტურული ქვედანაყოფები. 3. სათათბირო ორგანოს უფლება აქვს მიიღოს თავისი მუშაობისათვის საჭირო დოკუმენტები, ცნობები და სხვა მონაცემები. 4. სათათბირო ორგანოს მიერ მომზადებული დასკვნები და წინადადებები განსაზღვრულ ვადაში უნდა წარედგინოს მინისტრს. 5. მოხელე ან პირი, რომელიც მოხელე არ არის, სათათბირო ორგანოს წევრად შეიძლება დაინიშნოს მხოლოდ მისი თანხმობით. 6. თუ სათათბირო ორგანოს თავმჯდომარე არ არის მოხელე, რომელიც შედის სამინისტროს ხელმძღვანელობაში ან არ არის სამინისტროს სტრუქტურული ქვედანაყოფის ხელმძღვანელი, მინისტრი სამინისტროს ხელმძღვანელობიდან ან სამინისტროს სტრუქტურული ქვედანაყოფების ხელმძღვანელებიდან ნიშნავს ამ ორგანოს მუშაობისათვის პასუხისმგებელ პირს. 7. სათათბირო ორგანოს საქმიანობასა და სხდომაზე საოქმო წარმოებას უზრუნველყოფს მისი მომსახურე სამინისტროს სტრუქტურული ქვედანაყოფი. 8. სათათბირო ორგანოს თავმჯდომარე ანგარიშვალდებულია მინისტრის წინაშე, თუ სათათბირო ორგანოს შექმნის დროს სხვა რამ არ იყო გათვალისწინებული. 9. სათათბირო ორგანოს მუშაობისას დამატებითი სამსახურებრივი მოვალეობის შესრულება შეიძლება ანაზღაურდეს მოქმედი კანონმდებლობით დადგენილი წესით.