„საქართველოს გარემოს დაცვის სამინისტროს დებულების დამტკიცების შესახებ“ საქართველოს მთავრობის 2011 წლის 16 მარტის №132 დადგენილებაში ცვლილებებისა და დამატების შეტანის თაობაზე

  საქართველოს მთავრობის

დადგენილება№176

2011 წლის 12 აპრილი

ქ. თბილისი

„საქართველოს გარემოს დაცვის სამინისტროს დებულების დამტკიცების შესახებ“ საქართველოს მთავრობის 2011 წლის 16 მარტის №132 დადგენილებაში ცვლილებებისა და დამატების შეტანის თაობაზე

მუხლი 1. ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „საქართველოს გარემოს დაცვის სამინისტროს დებულების დამტკიცების შესახებ“ საქართველოს მთავრობის 2011 წლის 16 მარტის №132 დადგენილებით (სსმ, 18.03.2011წ.) დამტკიცებულ დებულებაში შეტანილ იქნეს შემდეგი ცვლილებები და დამატება:

1. მე-4 მუხლის მე-2 პუნქტს დაემატოს შემდეგი შინაარსის ,,თ“ ქვეპუნქტი:

„თ) ამტკიცებს ადმინისტრაციული სამართალდარღვევის ოქმის ფორმას.“.

2. მე-6 მუხლის მე-2 პუნქტი ამოღებულ იქნეს.

3. მე-7 მუხლის მე-4 პუნქტის ,,ე“ ქვეპუნქტი ამოღებულ იქნეს.

4. მე-8 მუხლი ჩამოყალიბდეს შემდეგი რედაქციით:

„მუხლი 8. სამინისტროს სისტემაში შემავალი საჯარო სამართლის იურიდიული პირების კომპეტენცია

სამინისტროს სისტემაში შემავალი საჯარო სამართლის იურიდიული პირების კომპეტენცია განისაზღვრება მათი დებულებებითა და მოქმედი კანონმდებლობით.“.

მუხლი 2

1. საქართველოს გარემოს დაცვის სამინისტრომ 2011 წლის 29 აპრილამდე უზრუნველყოს სამინისტროს ტერიტორიული ორგანოების რეორგანიზაცია და შტატების შემცირება „საქართველოს 2011 წლის სახელმწიფო ბიუჯეტის შესახებ“ საქართველოს კანონით განსაზღვრულ მომუშავეთა რიცხოვნობასთან შესაბამისობაში მოყვანის მიზნით.

2. საქართველოს გარემოს დაცვის სამინისტრო ჩაითვალოს საქართველოს გარემოს დაცვის სამინისტროს რეორგანიზებული ტერიტორიული ორგანოების უფლებამონაცვლედ მათი რეორგანიზაციის პროცედურების დასრულების შემდეგ.

მუხლი 3. დადგენილება,გარდა პირველი მუხლის მე-2 და მე-4 პუნქტებისა, ამოქმედდეს გამოქვეყნებისთანავე, ხოლო პირველი მუხლის მე-2 და მე-4 პუნქტები ამოქმედდეს 2011 წლის 29 აპრილიდან.

  პრემიერ-მინისტრი                                           ნ. გილაური