საქართველოს პარლამენტის რეგლამენტში დამატებების შეტანის თაობაზე

საქართველოს პარლამენტის დადგენილება

საქართველოს პარლამენტის რეგლამენტში დამატებების შეტანის თაობაზე

საქართველოს პარლამენტი ადგენს:

1. საქართველოს პარლამენტის რეგლამენტის (პარლამენტის უწყებანი, №13-14, 8.04.1998):

ა) მე-16 მუხლის მე-2 პუნქტს ბოლოში დაემატოს სიტყვები "აგრეთვე მაჟორიტარ დეპუტატთა მუშაობის კოორდინაციის მიზნით პარლამენტის ბიუროსთან შეიძლება შეიქმნას სათათბირო ორგანო – მაჟორიტარი დეპუტატების საკოორდინაციო საბჭო.";

ბ) 22-ე მუხლის "ნ" ქვეპუნქტს ბოლოში დაემატოს სიტყვები "აგრეთვე მაჟორიტარი დეპუტატების საკოორდინაციო საბჭოს თავმჯდომარეს.".

2. ეს დადგენილება ამოქმედდეს გამოქვეყნებისთანავე.

 

საქართველოს პარლამენტის

თავმჯდომარე                              ზ. ჟვანია

 

თბილისი,

2000 წლის 10 ნოემბერი

№607 – Iს