„სანოტარო მოქმედებათა შესრულებისათვის საზღაურის შესახებ" საქართველოს კანონში ცვლილებებისა და დამატებების შეტანის თაობაზე

საქართველოს კანონი

„სანოტარო მოქმედებათა შესრულებისათვის საზღაურის შესახებ“საქართველოს კანონში ცვლილებებისა და დამატებების შეტანის თაობაზე

 მუხლი 1. „სანოტარო მოქმედებათა შესრულებისათვის საზღაურის შესახებ“საქართველოს კანონში (პარლამენტის უწყებანი, №25-26, 15.07.1998, გვ. 5) შეტანილ იქნეს შემდეგი ცვლილებები და დამატებები:

1.მე-7 მუხლის პირველი პუნქტი ჩამოყალიბდეს შემდეგი რედაქციით:

„1. იმ გარიგების დამოწმებისას, რომელშიც ცვლილების შეტანას მოჰყვება მისი საგნის (ნივთის ან უფლების) ღირებულების ზრდა/შემცირება, გარიგების ღირებულებაა ის თანხა, რ ომლ ითაც გაიზარდა/შემცირდა გარიგების საგნის (ნივთის ან უფლების) ღირებულება.“.

2. მე-14 მუხლის პირველი პუნქტი ჩამოყალიბდეს შემდეგი რედაქციით:

„1. მოთხოვნათა დათმობის ან ვალის გადაკისრების გარიგებ ის დამოწმებისას, ან თავდაპირველ გარიგებაში თანხის გაზრდისას/ შემცირებისას გარიგებ ის ღირებულებაა განუხორციელებელი უფლების და შეუსრულებელი ვალდებულების ღირებულება, ან ის თანხა, რ ომლ ითაც გაიზარდა/შემცირდა თავდაპირველი გარიგება.“.

3. მე-17 მუხლს დაემატოს შემდეგი შინაარსის მე-6 პუნქტი:

„6. სამკვიდროს მმართველის დანიშვნის მოწმობის გაცემისათვის, სამკვიდროს მიღების შესახებ განცხადების წარდგენის თაობაზე მოწმობის გაცემისათვის, სამკვიდრო მოწმობაში ცვლილების/სამკვიდრო მოწმობის გაუქმებისათვის საზღაური განისაზღვრება 10 ლარის ოდენობით.“.

4.26-ე მუხლს დაემატოს შემდეგი შინაარსის მე-3 პუნქტი:

 „3. თუ ამ კანონის 29¹ მუხლის თანახმად დადასტურებული განცხადების ან მინდობილობის/რწმუნებულების გაუქმების (მოშლის) დამოწმება ან ცვლილების დადასტურება არ მოხდა პირდაპირი ელექტრონული კომუნიკაციის საშუალებების გამოყენებით, შესრულებული სანოტარო მოქმედებისათვის საზღაურის ოდენობაა ამ კანონის 29¹ მუხლით გათვალისწინებული საზღაურის ნახევარი.“.

5. 27-ე მუხლს დაემატოს შემდეგი შინაარსის მე-3 პუნქტი:

„3. ფულის დეპოზიტზე მიღების შემთხვევაში, ამ მუხლის მე-2 პუნქტის „ა“ქვეპუნქტით დადგენილი საზღაურის გარდა, ნოტარიუსის საზღაურია ასევე დეპოზიტზე დარიცხული საპროცენტო განაკვეთის მთლიანი ოდენობა.“.

6. 29¹ მუხლი ჩამოყალიბდეს შემდეგი რედაქციით:

     „მუხლი 29¹. პირდაპირი ელექტრონული კომუნიკაციის  საშუალებებით მიღებული განცხადების დადასტურებისათვის საზღაურის  ოდენობა

პირდაპირი ელექტრონული კომუნიკაციის საშუალებებით მიღებული განცხადების, მინდობილობის/რწმუნებულების დადასტურებისათვის (ცვლილება/გაუქმება (მოშლა)) საზღაურის ოდენობა 50 ლარია.“.

 მუხლი  2. ეს კანონი ამოქმედდეს გამოქვეყნებისთანავე.

 

საქართველოს პრეზიდენტი                                             მ. სააკაშვილი

თბილისი,

2011 წლის 19 აპრილი.

№4565-Iს