საქართველოს შრომის კანონთა კოდექსში ცვლილებისა და დამატების შეტანის თაობაზე

საქართველოს კანონი

საქართველოს შრომის კანონთა კოდექსში ცვლილებისა და დამატების შეტანის თაობაზე

მუხლი 1. საქართველოს შრომის კანონთა კოდექსის (საქართველოს  სსრ უმაღ­ლესი საბჭოს უწყებები, 1973 წ., №6, მუხ.118) 242¹ მუხლის:

ა) მე-2 ნაწილი ჩამოყალიბდეს შემ­დეგი რედაქციით:

„2. ამ კოდექსის მე-80 მუხლის მე-2 ნაწილით გათვალისწინებული:

ა) დანამატი ხელფასზე (2003 წლის 1 სექტემბრისათვის არსებულ ოდენობაზე) გაიცემა:

ა.ა) 2003 წლის 1 სექტემბრიდან – 25 პროცენტი;

ა.ბ) 2004 წლის 1 სექტემბრიდან – 35 პროცენტი;

ა.გ) 2005 წლის 1 სექტემბრიდან – 50 პროცენტი;

ბ) დანამატი პენსიაზე გაიცემა „საქართველოს 2004 წლის სახელმწიფო ბიუჯეტის შესახებ“ საქართველოს კანონის ამოქმედებისთანავე.“;

ბ)  მე-3 ნაწილის შემდეგ დაემატოს შემდეგი შინაარსის მე-4 ნაწილი:

„4.  ამ კოდექსის მე-80 მუხლის მე-3 ნაწილი ძალაში შევიდეს „საქართველოს 2004 წლის სახელმწიფო ბიუჯეტის შესახებ“ საქართველოს კანონის ამოქმედებისთანავე.“.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტის მოვალეობის შემსრულებელი    ნ. ბურჯანაძე

თბილისი,

2003 წლის 31 დეკემბერი.

№3207 – რს