საქართველოს იუსტიციის მინისტრის ბრძანება №315 სასჯელაღსრულების დეპარტამენტის დებულების დამტკიცების შესახებ

საქართველოს იუსტიციის მინისტრის ბრძანება №315 სასჯელაღსრულების დეპარტამენტის დებულების დამტკიცების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:LitNusx;} @font-face {font-family:SPLiteraturuly;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:12.0pt; font-family:SPLiteraturuly;} p.gazeti, li.gazeti, div.gazeti {mso-style-name:gazeti; margin:0in; margin-bottom:.0001pt; text-align:justify; font-size:14.0pt; font-family:"LitNusx","sans-serif"; layout-grid-mode:line; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:49.65pt 52.05pt 49.65pt 56.7pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 100.020.010.11.106.004.496 საქართველოს იუსტიციის მინისტრის ბრძანება №315 2000 წლის 14 ნოემბერი ქ. თბილისი სასჯელაღსრულების დეპარტამენტის დებულების დამტკიცების შესახებ “პატიმრობის შესახებ” საქართველოს კანონის 97-ე მუხლის “ბ.ა” ქვეპუნქტის შესაბამისად: 1. დამტკიცდეს საქართველოს იუსტიციის სამინისტროს სასჯელაღსრულების დეპარტამენტის თანდართული დებულება. 2. ეს ბრძანება ამოქმედდეს გამოქვეყნებისთანავე. 3. ამ ბრძანების ამოქმედებისთანავე ძალადაკარგულად ჩაითვალოს საქართველოს იუსტიციის მინისტრის 1999 წლის 30 დეკემბრის №-371 ბრძანება “სასჯელაღსრულების დეპარტამენტის დებულების დამტკიცების შესახებ”. მ. სააკაშვილი საქართველოს იუსტიციის სამინისტროს სასჯელაღსრულების დეპარტამენტის დებულება     მუხლი 1🔗. ზოგადი დებულებანი ეს დებულება აწესრიგებს საქართველოს იუსტიციის სამინისტროს სასჯელაღსრულების დეპარტამენტის (შემდგომში – დეპარტამენტი) სამართლებრივ სტატუსს, სტრუქტურას, კომპეტენციას, ანგარიშვალდებულებას და დეპარტამენტის საქმიანობასთან დაკავშირებულ სხვა ურთიერთობებს.     მუხლი 2🔗. დეპარტამენტის სტატუსი 1. დეპარტამენტი წარმოადგენს სასჯელაღსრულების ორგანოს, რომელიც შედის საქართველოს იუსტიციის სამინისტროს (შემდგომში – სამინისტრო) გამგებლობაში როგორც სახელმწიფო საქვეუწყებო დაწესებულება. 2. დეპარტამენტი თავის საქმიანობაში ხელმძღვანელობს საქართველოს კონსტიტუციით, საქართველოს კანონით “პატიმრობის შესახებ”, საქართველოს პრეზიდენტის ბრძანებულებებით, საქართველოს იუსტიციის მინისტრის (შემდგომში – მინისტრი) ბრძანებებითა და სხვა შესაბამისი სამართლებრივი აქტებით. 3. დეპარტამენტის დაფინანსება ხორციელდება საქართველოს სახელმწიფო ბიუჯეტის ხარჯზე. დეპარტამენტის ხარჯთაღრიცხვა წარმოადგენს სამინისტროს ხარჯთაღრიცხვის ნაწილს. 4. დეპარტამენტი თავის საქმიანობაში ხელმძღვანელობს კანონიერების, პიროვნების პატივისა და ღირსების პატივისცემის, სამართლიანობის, ჰუმანიზმის, საჯაროობისა და ადამიანის უფლებათა და თავისუფლებათა დაცვის პრინციპებით. 5. დეპარტამენტის დებულებას, საშტატო განრიგსა და ხარჯთაღრიცხვას ამტკიცებს მინისტრი.     მუხლი 3🔗. დეპარტამენტის ამოცანები და ფუნქციები 1. დეპარტამენტის ძირითად ამოცანებს განეკუთვნება: ა) მსჯავრდებულთა მიმართ თავისუფლების აღკვეთისა და ტუსაღობის სახით სასამართლოს მიერ დადგენილი სასჯელის აღსრულება, აგრეთვე დაპატიმრების სახით აღკვეთის ღონისძიების აღსრულება; ბ) სასჯელაღსრულების დაწესებულებების, მსჯავრდებულთა და მოსამსახურეთა დაცვის, მსჯავრდებულთა ბადრაგირების ორგანიზება; გ) სასჯელაღსრულების აწესებულებათა უსაფრთხოების უზრუნველყოფა, კანონმდებლობით დადგენილი წესითა და ფარგლებში ოპერატიულ-სამძებრო ღონისძიებებისა და მოკვლევის წარმოება; დ) მსჯავრდებულთათვის დადგენილი საყოფაცხოვრებო, კომუნალური, სანიტარიულ-ჰიგიენური, სამედიცინო და სხვა პირობების უზრუნველყოფა; ე) კანონმდებლობით დაკისრებული სხვა ამოცანები. 2. დაკისრებული ამოცანების შესრულების მიზნით დეპარტამენტი: ა) ხელმძღვანელობს და წარმართავს სასჯელაღსრულების დაწესებულებათა საქმიანობას, განსაზღვრავს მათი საქმიანობის ძირითად მიმართულებებს, დასმული ამოცანების გადაჭრისათვის შესაბამის მეთოდებსა და ღონისძიებებს, უზრუნველყოფს სამეცნიერო-საკონსულტაციო, მეთოდურ და პრაქტიკულ დახმარებას; ბ) ორგანიზებას და კონტროლს უწევს სასჯელაღსრულების სისტემაში შესაბამისი ნორმატიული აქტების შესრულებას, განაზოგადებს მათი გამოყენების პრაქტიკას, შეიმუშავებს წინადადებებს კანონმდებლობის სრულყოფის თაობაზე, ამზადებს ნორმატიული აქტების პროექტებს; გ) შეიმუშავებს და ახორციელებს ღონისძიებებს სასჯელაღსრულების ორგანოებში სამართალდარღვევების გამოვლენისა და თავიდან აცილების მიზნით; დ) კანონმდებლობით დადგენილი წესით ახორციელებს მოკვლევასა და ოპერატიულ-სამძებრო საქმიანობას; ე) სტიქიური უბედურებებისა და სხვა საგანგებო სიტუაციების დროს ახორციელებს ღონისძიებებს მსჯავრდებულთა უსაფრთხოების უზრუნველსაყოფად, ახორციელებს სასჯელაღსრულების დაწესებულებათა მოსამსახურეების გადაყვანას განსაკუთრებულ რეჟიმზე; ვ) თავისი კომპეტენციის ფარგლებში ახდენს კადრების შერჩევას, დანიშვნას, მომზადებას და კვალიფიკაციის ამაღლებას; ზ) აყალიბებს და განაგებს საინფორმაციო ბანკს, აწარმოებს სტატისტიკას და შესაბამის ანალიზს, ახდენს მსჯავრდებულების რეგისტრაციას. თ) აკონტროლებს სასჯელაღსრულების ორგანოების მოსამსახურეთა მიერ დადგენილი წესებისა და სამსახურებრივი დისციპლინის დაცვას; ი) ამყარებს ურთიერთობებს და უზრუნველყოფს ინფორმაციის გაცვლას სხვა სახელმწიფოთა სასჯელაღსრულების ორგანოებთან; კ) ახორციელებს კანონმდებლობით განსაზღვრულ სხვა ფუნქციებს.     მუხლი 4🔗. დეპარტამენტის ხელმძღვანელობა და მოსამსახურეები 1. დეპარტამენტს ხელმძღვანელობს თავმჯდომარე, რომელსაც თანამდებობაზე ნიშნავს და თანამდებობიდან ათავისუფლებს მინისტრი. 2. თავმჯდომარე: ა) ახორციელებს სასჯელაღსრულების ორგანოთა საქმიანობის ხელმძღვანელობას, შეიმუშავებს წინადადებებს მისი გაუმჯობესების მიზნით; ბ) ანაწილებს ფუნქციებს დაქვემდებარებულ მოსამსახურეებს შორის, აძლევს მათ მითითებებსა და განკარგულებებს; გ) აკონტროლებს მოსამსახურეების მიერ თავიანთი სამსახურებრივი მოვალეობების შესრულებას, აანალიზებს სამსახურებრივი დისციპლინის მდგომა-რეობას, შეიმუშავებს და ახორციელებს მოსამსახურეთა მიერ სამსახურებრივი მდგომარეობის ბოროტად გამოყენების თავიდან აცილების ღონისძიებებს; დ) ხელს აწერს ან ვიზას ადებს დეპარტამენტში მომზადებულ დოკუმენტებს; ე) წარმოადგენს დეპარტამენტს საკუთარი მოვალეობების შესრულებისას; ვ) წარუდგენს მინისტრს წინადადებებს დეპარტამენტის სტრუქტურის, შტატების, მუშაობის ორგანიზაციის, დაქვემდებარებული მოსამსახურეებისათვის ხელფასისა და პრემიის დანიშვნის, მათი წახალისების ან მათთვის დისციპლინური პასუხისმგებლობის დაკისრების შესახებ; ზ) უფლებამოსილების ფარგლებში ახორციელებს მოსამსახურეთა დანიშვნას, გათავისუფლებას, გადაადგილებას, აღდგენას, მათ წახალისებას და დისციპლინური პასუხისმგებლობის დაკისრებას; თ) უფლებამოსილების ფარგლებში წყვეტს სპეციალურ წოდებებთან დაკავშირებულ საკითხებს; ი) შუამდგომლობს იმ სახსრების გამოყოფის თაობაზე, რომლებიც საჭიროა დეპარტამენტის ამოცანების შესასრულებლად; კ) პერიოდულად ისმენს დეპარტამენტის სტრუქტურული ქვედანაყოფების უფროსების ანგარიშს მათ მიერ შესრულებული სამუშაოს თაობაზე; ლ) ახორციელებს ამ დებულებით, მინისტრის სამართლებრივი აქტებით და სხვა შესაბამისი აქტებით განსაზღვრულ ფუნქციებს. 3. მასზე დაკისრებული ფუნქციების განხორციელებისათვის დეპარტამენტის თავმჯდომარე პასუხს აგებს მინისტრის წინაშე. დეპარტამენტის თავმჯდომარე წელიწადში ორჯერ მაინც მინისტრს წარუდგენს ანგარიშს გაწეული მუშაობის შესახებ.   4. დეპარტამენტის თავმჯდომარეს ჰყავს ხუთი მოადგილე: ა) სასჯელაღსრულების უსაფრთხოების დარგში; ბ) რეჟიმის დარგში; გ) დაცვისა და ბადრაგირების დარგში; დ) ადამიანის უფლებების დაცვის, სოციალურ საკითხთა და საზოგადოებასთან ურთერთობის დარგში; ე) პენიტენციური და უსაფრთხოების სამსახურის რეფორმების, საკადრო და საერთო საკითხთა დარგში. 5. თავმჯდომარის მოადგილეს, დეპარტამენტის თავმჯდომარის წარდგინებით, თანამდებობაზე ნიშნავს და ათავისუფლებს მინისტრი. 6. დეპარტამენტის თავმჯდომარის მოადგილეები დაკისრებული სამსახურებრივი ამოცანების შესრულებისათვის პასუხს აგებენ დეპარტამენტის თავმჯდომარისა და მინისტრის წინაშე. 7. დეპარტამენტის თავმჯდომარის მიერ თავისი უფლებამოსილებების განხორციელების შეუძლებლობის შემთხვევაში, თავმჯდომარის მოვალეობებს ასრუ-ლებს მისი მოადგილე სასჯელაღსრულების უსაფრთხოების დარგში. 8. დეპარტამენტის სტრუქტურულ ქვედანაყოფს ხელმძღვანელობს უფროსი, რომელსაც დეპარტამენტის თავმჯდომარის წარდგინებით თანამდებობაზე ნიშნავს და ათავისუფლებს მინისტრი. 9. დაკისრებული სამსახურებრივი ამოცანების შესრულებისათვის სტრუქტურული ქვედანაყოფის უფროსი პასუხს აგებს კურატორი დეპარტამენტის თავმჯდომარის მოადგილის, დეპარტამენტის თავმჯდომარისა და მინისტრის წინაშე. 10. დეპარტამენტის მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი დეპარტამენტის თავმჯდომარის წარდგინებით.     მუხლი 5🔗. დეპარტამენტის სტრუქტურა დეპარტამენტის სტრუქტურაში შედის შემდეგი სტრუქტურული ქვედანაყოფები: ა) შტაბი; ბ) სარეჟიმო განყოფილება; გ) უსაფრთხოების სამსახური; დ) სპეციალური დაცვის სამსახური; ე) სპეციალური სამსახური; ვ) სწრაფი რეაგირების სპეციალური ნაწილი; ზ) კადრების განყოფილება; თ) იურიდიული განყოფილება.     მუხლი 6🔗. უფლებამოსილებათა განაწილება დეპარტამენტის თავმჯდომარის მოადგილეებს შორის 1. დეპარტამენტის თავმჯდომარის მოადგილე სასჯელაღსრულების უსაფრთხოების დარგში საერთო ხელმძღვანელობასა და კონტროლს უწევს უსაფრთოების სამსახურისა და სასჯელაღსრულების დაწესებულებათა შესაბამისი სტრუქტურული ერთეულების საქმიანობას, სასჯელაღსრულების დაწესებულებებში უსაფრთხოების დაცვის ღონისძიებათა განხორციელებას. 2. დეპარტამენტის თავმჯდომარის მოადგილე რეჟიმის დარგში საერთო ხელმძღვანელობასა და კონტროლს უწევს სარეჟიმო განყოფილებას და სასჯელაღსრულების დაწესებულებებში რეჟიმის მოთხოვნათა დაცვას. 3. დეპარტამენტის თავმჯდომარის მოადგილე დაცვისა და ბადრაგირების დარგში საერთო ხელმძღვანელობასა და კონტროლს უწევს სპეციალური დაცვის სამსახურისა და სასჯელაღსრულების დაწესებულებათა შესაბამისი სტრუქტურული ერთეულების საქმიანობას, სასჯელაღსრულების დაწესებულებათა და მსჯავრდებულთა დაცვისა და ბადრაგირების პროცესის ორგანიზებას. 4. დეპარტამენტის თავმჯდომარის მოადგილე ადამიანის უფლებათა დაცვის, სოციალურ საკითხთა და საზოგადოებასთან ურთიერთობის დარგში საერთო ხელმძღვანელობასა და კონტროლს უწევს სპეციალური სამსახურის, იურიდიული განყოფილებისა და სასჯელაღსრულების დაწესებულებების შესაბამისი სტრუქტურული ერთეულების საქმიანობას, ახორციელებს სასჯელაღსრულების ორგანოების მოსამსახურეთა, მსჯავრდებულთა და პატიმართა უფლებების, პატივისა და ღირსების დაცვის ღონისძიებებს, უზრუნველყოფს სათანადო რეაგირებას მოქალაქეთა, მსჯავრდებულთა საჩივრებზე, წერილებსა და წინადადებებზე, უზრუნველყოფს მსჯავრდებულთა სოციალური უზრუნველყოფისა და მათი საქმეების აღრიცხვისა და მატერიალურ-ტექნიკური მომარაგების პროცესის ორგანიზებას. 5. დეპარტამენტის თავმჯდომარის მოადგილე პენიტენციური და უსაფრთხოების სამსახურის რეფორმების, საერთო და საკადრო საკითხთა დარგში საერთო ხელმძღვანელობასა და კონტროლს უწევს კადრების განყოფილებასა და სწრაფი რეაგირების სპეციალურ ნაწილს, სასჯელაღსრულების ორგანოთა სისტემაში ერთიანი საკადრო პოლიტიკის გატარებას, სარეჟიმო საქმიანობაში მოწინავე გამოცდილების მეთოდებისა და ტექნიკის დანერგვას. 5. შტაბი ექვემდებარება უშუალოდ დეპარტამენტის თავმჯდომარეს.     მუხლი 7🔗. შტაბი 1. შტაბის შემადგენლობაში შედის: ა) კანცელარია; ბ) სამორიგეო ნაწილი. 2. შტაბი: ა) აკონტროლებს დეპარტამენტის სისტემაში კანონებისა და კანონქვემდებარე აქტების, მინისტრის სამართლებრივი აქტების შესრულების მიმდინარეობას; ბ) აწარმოებს დეპარტამენტის სტრუქტურული ქვედანაყოფების ინსპექტირებას, აანალიზებს გაწეული საქმიანობის მიმდინარეობას, ამზადებს დეპარტამენტის სამოქმედო გეგმებსა და დეპარტამენტიდან სხვადასხვა სახელმწიფო დაწესებულებებში გასაგზავნ მასალებს; გ) ორგანიზაციას უწევს სამორიგეო ნაწილებისა და კანცელარიების მუშაობას და ახორციელებს კონტროლს მათ საქმიანობაზე; დ) ორგანიზებას უწევს დეპარტამენტის თავმჯდომარესთან ოპერატიული თათბირების მომზადებასა და ჩატარებას, ახორციელებს კონტროლს თათბირზე მიღებული გადაწყვეტილებების შესრულებაზე; ე) უზრუნველყოფს დეპარტამენტში შემოსული კორესპონდენციების აღრიცხვას, დამუშავებას, განაწილებას, საიდუმლო საქმისწარმოებას; თ) ახორციელებს სასჯელაღსრულების დაწესებულებებიდან ინფორმაციის მიღებას, სამინისტროსა და შესაბამის ორგანოებში მის მიწოდებას, დამუშავებასა და მასზე დროულ რეაგირებას მინისტრის ბრძანებით დადგენილი წესით; ი) უფლებამოსილების ფარგლებში ახორციელებს საბუღალტრო-საფინანსო საქმიანობას; კ) წარადგენს წინადადებებს სასჯელაღსრულების ორგანოთა და მსჯავრდებულთა კვების პროდუქტებით, ინვენტარით, სამშენებლო-ტექნიკური, ელექტრო მასალებითა და მოწყობილობებით, ტანსაცმლითა და ფეხსაცმლით, იარაღითა და სპეციალური დანიშნულების ქონებით უზრუნველყოფის თაობაზე; ლ) უზრუნველყოფს დაწესებულებების მოწყობილობების, საინჟინრო ქსელების, სატრანსპორტო საშუალებებისა და მექანიზმების სისტემის ტექნიკურად გამართულ მუშაობას და ახორციელებს კონტროლს მათ სწორ ექსპლუატაციაზე; მ) საქმიანობის პროცესში ასრულებს დეპარტამენტისა და სამინისტროს მითითებებს ფინანსური და მატერიალური რესურსების ეკონომიური ხარჯვის თაობაზე და ატარებს ამ მიმართებით პრაქტიკულ ღონისძიებებს; ნ) მონაწილეობას იღებს სასჯელაღსრულების დაწესებულებებში საინჟინრო ქსელების, ენერგეტიკული ობიექტების სისტემების, ახალი საწარმოო საამქროების ან არსებულის რეკონსტრუქციის ტექნიკური პირობებისა და პროექტების დამუშავებაში; ო) ახორციელებს კანონმდებლობით განსაზღვრულ სხვა ამოცანებს.     მუხლი 8🔗. სარეჟიმო განყოფილება სარეჟიმო განყოფილების ძირითადი ამოცანებია: ა) სასჯელაღსრულების დაწესებულებების სარეჟიმო სამსახურების საქმიანობის ორგანიზება, მათი მუშაობის შედეგების შესწავლა და გაანალიზება; ბ) მსჯავრდებულთა შეხვედრების, მათ მიერ შინაგანაწესისა და დღის წესრიგის დაცვის კონტროლი; გ) მსჯავრდებულთა გადანაწილება მიზანმიმართულად უსაფრთხოების სამსახურთან შეთანხმებით; დ) კანონმდებლობით განსაზღვრული სხვა ამოცანები.     მუხლი 9🔗. უსაფრთხოების სამსახური 1. უსაფრთხოების სამსახურის შემადგენლობაშია შემდეგი განყოფილებები: ა) მოკვლევის; ბ) ოპერატიულ-სამძებრო საქმიანობის; გ) ძებნის. 2. უსაფრთხოების სამსახურის ამოცანები და ფუნქციები განსაზღვრულია მინისტრის ბრძანებით “სასჯელაღსრულების დაწესებულების უსაფრთხოების სამსახურის დებულების დამტკიცების შესახებ”.     მუხლი 10🔗. სპეციალური დაცვის სამსახური 1. სპეციალური დაცვის სამსახურის შემადგენლობაშია შემდეგი განყოფილებები: ა) დაცვის; ბ) ბადრაგირების. 2. სპეციალური დაცვის სამსახურის ამოცანები და ფუნქციები განსაზღვრულია მინისტრის ბრძანებით “სასჯელაღსრულების დაწესებულების უსაფრთხოების სამსახურის დებულების დამტკიცების შესახებ”.     მუხლი 11🔗. კადრების განყოფილება 1. კადრების განყოფილება თავისი უფლებამოსილებების ფარგლებში: ა) ატარებს დეპარტამენტის ერთიან საკადრო პოლიტიკას, განსაზღვრავს მისი რეალიზაციის ეფექტურ ფორმებსა და მეთოდებს; ბ) ნომენკლატურის ფარგლებში განიხილავს, ამზადებს და დეპარტამენტის თავმჯდომარეს წარუდგენს მასალებს თანამდებობაზე დანიშვნის, გათავისუფლების, გადაადგილების, სპეციალური წოდებების მინიჭების, მოსამსახურეთა წახალისებისა და დაჯილდოების შესახებ; გ) აანალიზებს სამსახურებრივი დისციპლინის მდგომარეობას, შეიმუშავებს რეკომენდაციებს და იღებს ზომებს გამოვლენილი დარღვევებისა და ხარვეზების გამოვლენისა და თავიდან აცილებისათვის; დ) აწარმოებს მოსამსახურეთა პირად საქმეებს(ნომენკლატურის ფარგლებში) და საკადრო-სტატისტიკურ აღრიცხვიანობას; ე) წარადგენს მასალებს სამინისტროში მოსამსახურეთათვის სამსახურებრივი მოწმობების გამოსაყოფად; ვ) განიხილავს საკადრო საკითხებთან დაკავშირებულ წერილებსა და განცხადებებს; ზ) ნომენკლატურის ფარგლებში ამზადებს მოსამსახურეთა საპენსიო უზრუნველყოფის მასალებს და წარუდგენს სამინისტროს შესაბამის სამსახურს; თ) ამზადებს საკადრო ანგარიშებს სამინისტროსათვის წარსადგენად; ი) შეისწავლის მსჯავრდებულებთან აღმზრდელობითი მუშაობის ფორმებსა და მეთოდებს, შეიმუშავებს რეკომენდაციებს სხვადასხვა მასიური ღონისძიებების ჩატარების თაობაზე; კ) სისტემატურად ახორციელებს სასჯელაღსრულების დაწესებულებათა ინსპექტირებას, აკონტროლებს მსჯავრდებულთა მიმართ დისციპლინური სასჯელების გამოყენების კანონიერებას; ლ) ასრულებს კანონმდებლობით განსაზღვრულ სხვა ამოცანებს.     მუხლი 12🔗. სპეციალური სამსახური 1. სპეციალური სამსახურის შემადგენლობაში შედის: ა) სპეციალური განყოფილება; ბ) მსჯავრდებულთა უფლებების დაცვისა და სოციალურ საკითხთა განყოფილება. 2. სპეციალური სამსახური: ა) აკონტროლებს მსჯავრდებულთა მიმართ კანონმდებლობით გათვალისწინებული შეღავათების გავრცელებაზე მათი წარდგენის კანონიერებას; ბ) ახორციელებს მსჯავრდებულთა შეწყალების შესახებ მასალების დროულად და ხარისხიანად მომზადებასა და გაგზავნას; გ) ორგანიზებას უკეთებს მსჯავრდებულთა გათავისუფლებას, საქართველოს პრეზიდენტის შეწყალების აქტებისა და ამნისტიის შესრულებას; დ) აწარმოებს მსჯავრდებულთა ერთიან რეესტრს და ქმნის მათი მონაცემების ერთიან კომპიუტერიზებულ საინფორმაციო ბანკს; ე) უზრუნველყოფს გათავისუფლებული მსჯავრდებულების პირადი საქმის დამუშავებასა და სათანადო შენახვას; ვ) ხელმძღვანელობს და კონტროლს უწევს სასჯელაღსრულების დაწესებულებათა მუშაკების, სოციალური ადაპტაციის ჯგუფების, სარეაბილიტაციო ცენტრებისა და მსჯავრდებულთა განათლებისა და პროფესიული მომზადების სამსახურების საქმიანობას; ზ) ახორციელებს მსჯავრდებულთა მართლშეგნების ამაღლების, საზოგადოების წარმომადგენლებთან მათი ურთიერთობის ხელშეწყობის ღონისძიებებს; თ) ორგანიზებას უკეთებს მსჯავრდებულთა ზოგადი და პროფესიული განათლების უზრუნველყოფას; ი) ახდენს მსჯავრდებულთა და პატიმართა უფლებებისა და თავისუფლებების დაცვის მდგომარეობის შესწავლას, ანალიზსა და განზოგადებას, ახორციელებს კონკრეტულ ღონისძიებებს მსჯავრდებულთა და პატიმართა უფლებებისა და თავისუფლებების დაცვის უზრუნველსაყოფად; კ) კოორდინაციას უწევს სასჯელაღსრულების ორგანოთა ურთიერთობას შესაბამის საზოგადოებრივ და საერთაშორისო ორგანიზაციებთან, მასობრივი ინფორმაციის საშუალებებთან; ლ) ამოწმებს სასჯელაღსრულების დაწესებულებათა ადმინისტრაციების მიერ მსჯავრდებულთა და მოქალაქეთა წინადადებების, განცხადებებისა და საჩივრების შესწავლის მდგომარეობას და ვადების დაცვას; მ ) შეისწავლის მსჯავრდებულთა კომუნალურ-საყოფაცხოვრებო, განათლების მიღების პირობებს, შეხვედრების განხორციელების, მიმოწერისა და სატელეფონო საუბრების, ამანათებისა და გზავნილების მიღების პრაქტიკას, მის შესაბამისობას დადგენილ ნორმებთან და ახდენს შესაბამის რეაგირებას; ნ) შეიმუშავებს რეკომენდაციებს მსჯავრდებულთა და პატიმართა უფლებებისა და სოციალური მდგომარეობის გაუმჯობესების მიზნით, ამ მიმართებით გაწეული საქმიანობის შესახებ მოახსენებს დეპარტამენტის ხელმძღვანელობას; ო) ასრულებს კანონმდებლობით განსაზღვრულ სხვა ამოცანებს.     მუხლი 13🔗. იურიდიული განყოფილება იურიდიული განყოფილება შეიმუშავებს წინადადებებს სასჯელაღსრულების სფეროში კანონმდებლობის სრულყოფის თაობაზე და ამზადებს შესაბამისი ნორმატიული აქტების პროექტებს, ახორციელებს დეპარტამენტის საქმიანობის სამართლებრივ უზრუნველყოფას.     მუხლი 14🔗. დასკვნითი დებულებანი ამ დებულების გაუქმება, მასში ცვლილებებისა და დამატებების შეტანა ხდება მინისტრის ბრძანებით.