„საქართველოს დედაქალაქის – თბილისის შესახებ“ საქართველოს კანონში ცვლილებებისა და დამატებების შეტანის თაობაზე

საქართველოს კანონი

„საქართველოს დედაქალაქის – თბილისის შესახებ“ საქართველოს კანონში ცვლილებებისა და დამატების შეტანის თაობაზე

    მუხლი 1.

„საქართველოს დედაქალაქის – თბილისის შესახებ“ საქართველოს კანონში (პარლამენტის უწყებანი, №11-12, 14.03.1998, გვ.42) შეტანილ იქნეს შემდეგი ცვლილებები და დამატება:

1. მე-12 მუხლის პირველი პუნქტის „კ“ ქვეპუნქტი ჩამოყალიბდეს შემდეგი რედაქციით:

„კ) ქალაქ თბილისის პრემიერის კანდიდატურაზე თანხმობის მიცემა; ქალაქ თბილისის მთავრობის შემადგენლობის დამტკიცება; პრემიერის წარდგინებით პრემიერის მოადგილეთა, ქალაქ თბილისის მთავრობის წევრ საქალაქო სამსახურების ხელმძღვანელთა და ქალაქ თბილისის მერიის დებულებით გათვალისწინებულ სხვა თანამდებობის პირთა კანდიდატურების დამტკიცება;“.

2. 22-ე მუხლის მე-3 პუნქტის:

ა) „ა“ და „ზ“ ქვეპუნქტები ამოღებულ იქნეს;

ბ) „გ“ ქვეპუნქტი ჩამოყალიბდეს შემდეგი რედაქციით:

„გ) პრემიერის წარდგინებით ნიშნავს საქალაქო სამსახურების იმ ხელმძღვანელებს, რომლებიც არ შედიან ქალაქ თბილისის მთავრობის შემადგენლობაში;“;

გ) „ვ“ ქვეპუნქტი ჩამოყალიბდეს შემდეგი რედაქციით:

„ვ) უფლებამოსილია პრემიერის წარდგინებით, 6 თვის ვადით დანიშნოს პრემიერის მოადგილის, აპარატის უფროსის ან ქალაქ თბილისის მთავრობის წევრი საქალაქო სამსახურის ხელმძღვანელის მოვალეობის შემსრულებელი, თუ საკრებულომ ორჯერ ზედიზედ არ დაამტკიცა პრემიერის მიერ წარდგენილი კანდიდატურა და 2 კვირის ვადაში, საკრებულოს წევრთა სიითი შემადგენლობის ნახევარზე მეტით ვერ აირჩია შესაბამისი თანამდებობის პირი;“;

დ) „თ“ ქვეპუნქტი ჩამოყალიბდეს შემდეგი რედაქციით:

„თ) უფლებამოსილია შეაჩეროს ან გააუქმოს გამგებლების აქტები;“.

3. 23-ე მუხლის მე-3 პუნქტი ჩამოყალიბდეს შემდეგი რედაქციით:

„3. მთავრობის შემადგენლობას ამტკიცებს საკრებულო პრემიერის წარდგინებით. მთავრობის სტრუქტურა, უფლებამოსილება და საქმიანობის წესი განისაზღვრება ამ კანონითა და ქალაქ თბილისის მერიის დებულებით, რომელსაც ბრძანებულებით ამტკიცებს საქართველოს პრეზიდენტი.“.

4. 24-ე მუხლის:

ა) მე-3 პუნქტს დაემატოს შემდეგი შინაარსის „ბ¹“ ქვეპუნქტი:

„ბ¹) საკრებულოს დასამტკიცებლად წარუდგენს პრემიერის მოადგილის, მთავრობის წევრი საქალაქო სამსახურის ხელმძღვანელისა და აპარატის უფროსის კანდიდატურებს;“;

ბ) მე-3 პუნქტის „გ“ და „დ“ ქვეპუნქტები ჩამოყალიბდეს შემდეგი რედაქციით:

„გ) საკრებულოს წარუდგენს დედაქალაქის ბიუჯეტის პროექტს და ბიუჯეტის შესრულების ანგარიშს;

დ) საკრებულოს წარუდგენს დედაქალაქის სოციალურ-ეკონომიკური განვითარების პროგრამებს;“.

5. 25-ე მუხლის პირველი პუნქტი ჩამოყალიბდეს შემდეგი რედაქციით:

„1. პრემიერს ჰყავს პირველი მოადგილე (ვიცე-პრემიერი) და მოადგილეები.“.

6. 27-ე მუხლის პირველი პუნქტი ჩამოყალიბდეს შემდეგი რედაქციით:

„1. საკრებულოსა და მთავრობის საქმიანობას ორგანიზაციულად უზრუნველყოფს აპარატი. აპარატის საქმიანობას უძღვება აპარატის უფროსი, რომელსაც თანამდებობაზე ნიშნავს და თანამდებობიდან ათავისუფლებს პრემიერი საკრებულოსთან შეთანხმებით.“.

    მუხლი 2.

ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტიმიხეილ სააკაშვილი

თბილისი,

2004 წლის 24 თებერვალი.

№3419–რს.