“საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ” საქართველოს იუსტიციის მინისტრის 2003 წლის 4 აგვისტოს №834 ბრძანებაში ცვლილებებისა და დამატებების შეტანის შესახებ

სახელმწიფო სარეგისტრაციო კოდი 010.240.030.11.106.006.151

საქართველოს იუსტიციის მინისტრი

ბრძანება №1169

2003 წლის 24 ოქტომბერი

ქ. თბილისი

“საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ” საქართველოს იუსტიციის მინისტრის 2003 წლის 4 აგვისტოს №834 ბრძანებაში ცვლილებებისა და დამატებების შეტანის შესახებ

“ნორმატიული აქტების შესახებ” საქართველოს კანონის შესაბამისად, ვბრძანებ:

1. “საქართველოს იუსტიციის სამინისტროს სააღსრულებო დეპარტამენტის დებულების დამტკიცების შესახებ” საქართველოს იუსტიციის მინისტრის 2003 წლის 4 აგვისტოს №834 ბრძანებით დამტკიცებული “საქართველოს იუსტიციის სამინისტროს სააღსრულებო დეპარტამენტის დებულებაში” (დანართი №1) (სსმ III, 2003წ., №81, მუხ. 725) შეტანილ იქნეს შემდეგი სახის ცვლილებები და დამატებები:

ა) მე-11 მუხლის პირველი პუნქტის “ბ” ქვეპუნქტი ჩამოყალიბდეს შემდეგი რედაქციით:

“ბ) კოორდინაციას უწევს სააღსრულებო წარმოების თბილისის, აღმოსავლეთ საქართველოსა და დასავლეთ საქართველოს სააღსრულებო წარმოების სამმართველოს საქმიანობას;”.

ბ) მე-12 მუხლის პირველი პუნქტის “ბ” ქვეპუნქტი ჩამოყალიბდეს შემდეგი რედაქციით:

“ბ) კოორდინაციას უწევს სააღსრულებო პოლიციის სამმართველოს, სტატისტიკისა და ანალიზის სამმართველოს და დეპარტამენტის დამხმარე მოსამსახურეების საქმიანობას;”;

გ) დებულებიდან ამოღებულ იქნეს მე-14 მუხლი;

დ) მე-17 მუხლი ჩამოყალიბდეს შემდეგი რედაქციით:

    “მუხლი 17

დეპარტამენტში სტრუქტურული ერთეულების სახით შედის 5 სამმართველო:

ა) თბილისის სააღსრულებო წარმოების სამმართველო;

ბ) აღმოსავლეთ საქართველოს სააღსრულებო წარმოების სამმართველო;

გ) დასავლეთ საქართველოს სააღსრულებო წარმოების სამმართველო;

დ) სააღსრულებო პოლიციის სამმართველო:

ე) სტატისტიკისა და ანალიზის სამმართველო.”.

მე-18 მუხლი ჩამოყალიბდეს შემდეგი რედაქციით:

    “მუხლი 18

თბილისის სააღსრულებო წარმოების სამმართველო:

ა) ახორციელებს იუსტიციის სამინისტროს ტერიტორიული ორგანოს – თბილისის სააღსრულებო ბიუროს მიერ “სააღსრულებო წარმოებათა შესახებ” საქართველოს კანონის, შესაბამისი საკანონმდებლო და კანონქვემდებარე ნორმატიული აქტების მოთხოვნათა შესრულების ორგანიზებას;

ბ) ახორციელებს თბილისის სააღსრულებო ბიუროს, სასამართლო აღმასრულებელთა საქმიანობის რევიზიასა და კონტროლს:

გ) თბილისის სააღსრულებო ბიუროდან გამოითხოვს საჭირო ინფორმაციასა და დოკუმენტებს;

დ) კომპეტენციის ფარგლებში იხილავს აღსრულებასთან დაკავშირებულ სამსახურებრივ დავებს და განსჯადობის საკითხებს;

ე) ახორციელებს კანონმდებლობით გათვალისწინებულ სხვა საქმიანობას.”.

ვ) დებულებას დაემატოს შემდეგი შინაარსის 18¹ მუხლი:

    “მუხლი 18¹

აღმოსავლეთ საქართველოს სააღსრულებო წარმოების სამმართველო:

ა) ახორციელებს იუსტიციის სამინისტროს ტერიტორიული ორგანოების – კახეთის, ქვემო ქართლის, მცხეთა-მთიანეთის, შიდა ქართლის, სამცხე-ჯავახეთის სააღსრულებო ბიუროების მიერ “სააღსრულებო წარმოებათა შესახებ” საქართველოს კანონის, შესაბამისი საკანონმდებლო და კანონქვემდებარე ნორმატიული აქტების მოთხოვნათა შესრულების ორგანიზებას;

ბ) ახორციელებს ამ მუხლის “ა” ქვეპუნქტით განსაზღვრული სააღსრულებო ბიუროების, სასამართლო აღმასრულებელთა საქმიანობის რევიზიასა და კონტროლს:

გ) ამ მუხლის “ა” ქვეპუნქტით განსაზღვრული სააღსრულებო ბიუროებიდან გამოითხოვს საჭირო ინფორმაციასა და დოკუმენტებს;

დ) კომპეტენციის ფარგლებში იხილავს აღსრულებასთან დაკავშირებულ სამსახურებრივ დავებს და განსჯადობის საკითხებს;

ე) ახორციელებს კანონმდებლობით გათვალისწინებულ სხვა საქმიანობას.”.

ზ) დებულებას დაემატოს შემდეგი შინაარსის 18² მუხლი:

    “მუხლი 18²

დასავლეთ საქართველოს სააღსრულებო წარმოების სამმართველო:

ა) ახორციელებს იუსტიციის სამინისტროს ტერიტორიული ორგანოების – იმერეთის, სამეგრელოსა და ზემო სვანეთის, გურიისა და რაჭა-ლეჩხუმისა და ქვემო სვანეთის სააღსრულებო ბიუროების მიერ “სააღსრულებო წარმოებათა შესახებ” საქართველოს კანონის, შესაბამისი საკანონმდებლო და კანონქვემდებარე ნორმატიული აქტების მოთხოვნათა შესრულების ორგანიზებას;

ბ) ახორციელებს ამ მუხლის “ა” ქვეპუნქტით განსაზღვრული სააღსრულებო ბიუროების, სასამართლო აღმასრულებელთა საქმიანობის რევიზიასა და კონტროლს:

გ) ამ მუხლის “ა” ქვეპუნქტით განსაზღვრული სააღსრულებო ბიუროებიდან გამოითხოვს საჭირო ინფორმაციასა და დოკუმენტებს;

დ) კომპეტენციის ფარგლებში იხილავს აღსრულებასთან დაკავშირებულ სამსახურებრივ დავებს და განსჯადობის საკითხებს;

ე) ახორციელებს კანონმდებლობით გათვალისწინებულ სხვა საქმიანობას.”.

თ) მე-20 მუხლი ჩამოყალიბდეს შემდეგი რედაქციით:

    “მუხლი 20

სტატისტიკისა და ანალიზის სამმართველო:

ა) ახორციელებს აღსრულების წარმოების სტატისტიკასა და ანალიზს;

ბ) კომპეტენციის ფარგლებში გამოითხოვს სააღსრულებო ბიუროებიდან საჭირო ინფორმაციასა და დოკუმენტებს;

გ) ახორციელებს კანონმდებლობით გათვალისწინებულ სხვა საქმიანობას.”.

2. ეს ბრძანება ამოქმედდეს გამოქვეყნებისთანავე.

მინისტრის პირველი მოადგილე    გ.წკრიალაშვილი