,,ხაშურის მუნიციპალიტეტის 2011 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ხაშურის მუნიციპალიტეტის საკრებულოს 2011 წლის 25 მარტის #30 დადგენილებაში ცვლილების შეტანის თაობაზე

ხაშურისმუნიციპალიტეტის საკრებულოს

დადგენილება №39

2011 წლის 13 ივნისი

ქ. ხაშური

,,ხაშურის მუნიციპალიტეტის 2011 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ხაშურის მუნიციპალიტეტის საკრებულოს 2011 წლის 25 მარტის  №30 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის შესაბამისად,

1. ,,ხაშურის მუნიციპალიტეტის 2011 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ხაშურის მუნიციპალიტეტის საკრებულოს 2011 წლის 25 მარტის  №30 დადგენილებ ის დანართში შეტანილ იქნ ე ს შემდეგი ცვლილე ბა:

ა) დადგენილების დანართის მე-8 მუხლის პირველი პუნქტი ჩამოყალიბდეს შემდეგი რედაქციით:

,,1. ამ მუხლით გათვალისწინებული დახმარება ვრცელდება მუნიციპალიტეტში მცხოვრებ უმაღლესი სასწავლებლების ხელმოკლე სტუდენტებზე, რომლებიც არიან:

ა) საქართველოს დამოუკიდებლობისა და ტერიტორიული მთლიანობისათვის ბრძოლებში დაღუპულთა შვილები;

ბ) დედ-მამით ობლები ან/და მრავალშვილიანი (ოთხი და მეტი შვილი) ოჯახებიდან, რომელთა სარეიტინგო ქულა სოციალურად დაუცველი ოჯახების მონაცემთა ერთიან ბაზაში 0-70 000 ქულის ფარგლებშია;

გ) სოციალურად დაუცველი ოჯახებიდან, რომელთა სარეიტინგო ქულა 0-70 000 ქულის ფარგლებშია.“.

2. ეს დადგენილება ამოქმედდეს გამოქვეყნებისთანავე.

3. დადგენილება შეიძლება გასაჩივრდეს კანონმდებლობით დადგენილი წესით, ხაშურის რაიონულ სასამართლოში (ქ. ხაშური, კოსტავას ქ. №15).

საკრებულოს თავმჯდომარე დ.ლომიძე